السبت، أغسطس 16، 2008

انوثتي في الميزان

.
لا يعتقد من يقرأ هذا العنوان
انهم سوف يضعونني علي ميزان ما
ثم يقيسون ما بدا لهم ليحكموا

لا

ليس هذا هو ما أقصد

ولكن

تصرفات المراة أحيانا تؤثر علي نظرات الاخرين لها..
وما نظرات الاخرين تجاه المراة الا لتقييم انوثتها ..

اليس كذلك؟؟

كم نظرة هذه التي تقيم عقلها
وكم نظرة التي قد تحترم هذا العقل

اذا تم وضعه علي الميزان

" اسمع من يعترض ويقول الميزان مرة اخري "

نعـــــــم

ميزان مرة اخري

لقد انشأ لي المجتمع ميزانا ذا كفتين

وضع في الكفة الاولي أنوثتي ..
ووضع في الكفة الثانية عقلي

وقرر المجتمع

الا يقبل تساويا بين الكفتين

لزما وحتما ولابد ان تعلو كفة علي كفة
ان تطب كفة وتطيش اخري

قلت ..
ارجوكم ..
دعوني اثبت انه يجوز ان يكون هناك تساوي بين الكفتين

لا مش ممكن
لن نسمح لكي

وقضي الامر

واصبحت ادافع عن قضيتي بلسان صامت
وصرخة تتحرك بها شفاهي ولا يسمعها غيري

لقد قرروا وحكموا
ان يضعوا عقلي امام انوثتي علي هذا الميزان الظالم
الذي لا يقبل تساويا ابدا

استسلمت للامر اخيرا
وقلت في نفسي
ربما عندما يرجح عقلي لا تطيش كفة انوثتي
واستطيع اثباتها فيما بعد

ولكن كلما كان الميزان يثقل بالعقل ويطب
كلما شعرت بنظراتهم تتحجر نحو شفتي العليا

نحو مكان الشارب لدي

يضحكون ويهنئون انفسهم علي الفراسة

فقد راوا لدي شاربا
شارب العقل

فهل يعقل ان يطب لدي العقل ولا يكون لدي شارب

لا

صرخت

انني امراة

لا اريد ذلك الشارب

انه لا يخصني

وتعاملت بانوثتي

وبدأ الميزان يهبط ويطب من الجانب الاخر
نظروا الي نظرة حيرة

انهم لا يرون لي ملامح
مجرد جسد بلا رأس

جسد ممتلئ مكتنز بالمنحنيات والاستدارات الانثوية المثيرة
واصبح موضع الراس في عيونهم فارغا

لا

صرخت

انني انسان عاقل

استطيع التفكير
دعوني افكر
ناقشوني
جادلوني
اسمعوني

دعوني افكر

ايها المجتمع

عاملوا عقلي واقبلوا معها انوثتي
او اقبلوا انوثتي واعلموا انني ذات عقل

وسمعت الاعتراضات تغرقني كالسيل من كل جانب
حتي اكاد اغرق

اغرق واستسلم

يريدون اغراقي لاستسلم

عما اتنازل ؟؟؟؟؟

اتنازل عن عقلي ؟؟
ام اتنازل عن انوثتي ؟؟

لا

لن استسلم

انني انثي بلا شارب

انني عقل وجسد وروح
.
ايها العالم
.
انني انســـــــــــــــــــــان
.
.

هناك 82 تعليقًا:

Cold air يقول...

السلام عليكم

أولا و قبل أي شيئ انا سعيد بزيارتي الأولي لقصاقيص كوشيا
و ثانيا سعيد بالبوست و الموضوع الجامد ده و بالرغم من ان العديد تناولوه لكنك تناولتيه و أبرزتيه بإسلوب ناضج و بالفعل جعلتيني ( الرجل ) أتعاطف معك ( الأنثي )
و أشاركك همك و بالفعل لا أستطيع أن أنكر تلك النظرة التي نوجهها إليكم و بالأخص و انا بكلية الهندسة و أري كل يوم زميلات لا يليق بهم الوقوف في الشمس او التعامل مع أدني طبقات البشر خلقا ( العمال و البني ) و أراهم قاصدين الشهادة كي يجدوا لهم فرصة أفضل لبناء المستقبل الأسري

لكن موضوعك بجد شائك و به الكثير من الخبايا و لابد من طرحها كي نقتنع نحن ( الرجال ) بأن المرأة قادرة بالفعل إقتحام باقي المجالات
و لكن انتن بالفعل إقتحمتن و بشده مجالات عديدة بل و أصبحتن منافسين للرجل

يمكن واحد يرد علي كلامي و يقولي ده كان زمان دلوقتي البنت زي الولد
لكن أرد عليه و أقول ليس تماما و لهن الحق فيما يقولون

مع تحياتي و تقبلي مروري

مدحت محمد يقول...

على فكرة

فى بنات كتير تعرف مصلحتها عن مليون راجل وتفكيرها اعلى كتير من مليون راجل


بس لو وضعنا ميزان بين عقل المرأة وقلب المرأة

يرجح القلب

لان اعتقد ده طبع اى امرأة انها دايما بتغلب العاطفة على العقل

فميزان الانوثه اعتقد هيغلب القلب عن العقل


تصرفات المراة أحيانا تؤثر علي نظرات الاخرين لها..
وما نظرات الاخرين تجاه المراة الا لتقييم انوثتها

فى حاجات او فى اعمال

متليقش يالمرأة انها تعملها
وان كان يجوز ذلك للرجل

مبنلاقيش مثلا ست نازلة تزق عربية


بصى هو بجد

اللى بيغل عند المرأة العاطفة مش العقل

بس برضه فى نساء كتير جدا عقلهم افضل من مليون راجل

Nostor Azzuro يقول...

كلام جميل
وحاسس انه رد على كلامى
المهم ياريت متزعلش
انا كان قصدى وجهة نظر معينة
بس محدش فهمها صح

rovy يقول...

برافو عليكى بجد .. احيكى اختى الكريمه

استطعتى التعبير عن القضيه بمهاره و اسلوب جرىء و ايضا احساس انثوى عالى
و ذكاء حاد يتحدى من يحاول التقليل من ذكاء المرأه ..

احيكى مره اخرى و دمتى بخير و سلام

تقديرى و تحياتى

snohe يقول...

عزيزتى

اجمل مافى المرأه عقلها
ومن يتخيل غير ذلك فلن يستطيع ان
يفهم المرأه

المرأه عقل مغلف بمشاعر وعواطف
لكى تستطيع ان تصل الى عقل المراة يجب ان تمر من خلال قلبها
ولكى تحتفظ بقلبها يجب ان تفهم طريقة تفكيرها


ما يميز مرأة عن اخرى هو عقلها وليس اى شىء اخر


اعتقد ذلك

غير معرف يقول...

رايى الشخصي باعتباري راجل شرقي ولاعتبارات اخري ان تتنازلي عن عقلك وارضي بانوثتك وخللي كفه ميزان الانوثه تطب بس انوثه عاقله مش عقل انثوي وحاتلاحظى الفرق ......ارضي بالانوثه احسن واخفي عقلك والمثل بيقول اتمسكن لحد ما تتمكن ..............

onyx

semsem يقول...

الله البوست ده حلو اوى يا كوشيا
فهمتك عاوزه تقولى ايه
بس للاسف فى مجتمعنا لن يرضوا بالانوثة بديل
فهمانى
بس الصح اللى قولتيه فى الاخر انك انسان
بجد بوست 100/100

Mahmoud البطراوى يقول...

كوشيا عرضك للموضوع ده رائع بجد
بكل معنى الكلمه

بس انا كواحد من الناس زى كل الناس هقولك خلى كفه انوثتك تبقى اعلى واعلى بالكتير مقارنه بكفه عقلك
( وده مش معناه ان عقلك اقل انما معناه انوثتك اعلى)

kochia يقول...

Cold air
==========
اهلا بيك في الزيارة الاولي وان شاء الله لا تكون الاخيرة

علي فكرة انا لا اقصد ان اقول ان المراة لازم تقتحم مجالات جديدة وغيره
انا اقصد احترام العقل حتي لمجرد النقاش

حرية ابداء الراي
واحترامه بعيدا عن مميزات الانوثة

حاجات ومظاهر في مجتمعنا
هي اللي اقصدها

تحياتي

kochia يقول...

مدحت محمد
==========
اهلا مدحت
علي فكرة انا مقلتش العقل انام القلب او العاطفة
انا قلت العقل اما الانوثة
والفرق كبير
الانوثة دي شئ مادي
ومقصدش العقل يعني تروح تشتغل في الفاعل
لا
وممكن ست تزق العربية وتبقي بكل الانوثة
عقل المراة مش في القوة برده
يمكن الموضوع كان عاوز مني توضيح اكتر
مش عارفة

تحياتي

kochia يقول...

Nostor Azzuro
==============
اهلا بيك

بس مفهمتش حاجة من تعليقك
ممكن اعرف تقصد ايه ؟؟

تحياتي

kochia يقول...

rovy
========
اشكرك علي رايك جدا
وارجو ان اكون فعلا كما قلتي

تحياتي

kochia يقول...

snohe
=======
فعلا هذا ما اره
وما اراه ايضا ان العقل السديد ينعكس علي انوثة حقيقية متوازنة
لان هكذا المراة
ان خلت من الانوثة فيه ليست امراة

اشكرك علي رايك الذي عبرت عنه وما ارت ان اقوله فعلا هو ما قلت انت

تحياتي

kochia يقول...

غير معرف onyx
=============
عزيزي
اذا تنازلت عن عقلي تنازلت عن انوثتي
ان انوثتي نابعة من عقلي
هنا المعضلة التي احاول ان اوضحها

ان تناولت عن عقلي اصبحت جسد امراة بعقل طفلة
اين الانوثة اذن

بس عجبني تعبير انوثة عاقلة مش عقل انثوي
بس محتاجة شرح

كمان عجبتني لما قلت اخفي عقلك
ساعات بيفرض نفسه غصب عني

كمان المثل ...
كل تعليقك النهاردة نصائح

اعمل بيها وعليك النتيجة ؟؟؟؟

نورت

kochia يقول...

semsem
=========
فعلا لن يرضوا بالانوثة بديل
يبقي لازم نعمل زي ما قال onyx

في التعليق السابق لكي
نخفي العقل .. ونتمسكن .. ونتعامل بانوثة عاقلة
ونشوف النتيجة

جربي كدة يمكن تنفع
انا هجرب

تحياتي

kochia يقول...

بطوط حبوب
===========
اهلا دكتور

اشكرك علي رايك
والظاهر انه هو الصح
هحاول اعمل بالتصيحة

اشكرك
تحياتي

الفارس الملثم يقول...

جميل اوي البوست ده يا كيوشا انتي شايفه ان دي نظرة المجتمع للانثي ,اما تكون انثي بلا عقل او عقل بلا انثي ..

بصراحه اري انثي بلا عقل امر لا يمكن التعامل معه لانها ستكون انسانه تافهة في تفكيرها وفي تصرفاتها..

وفي المقابل اري ان كون المراه تحمل عقل ناضج لا يفقدها انثوتها لكن يجب ان تتمتع بالذكاء التي يجعلها توازن بين الامرين وتختار الوقت المناسب لكلا الامرين , فيشعر الاخر بمشاعرها وعواطفها الجياشه حين يكون في امس الاحتياج اليها ويجد تفكيرها وعقلها الراجح في الاوقات الاخري ..

تحياتي دائما

blue-wave يقول...

مش عارف
بس النظرة دى للأنثى انتهت من زمان
مابقاش دلوقت زمن سى السيد والجوارى
متهيألى ان الوضع اختلف
وعقل المرأة هو فى كيفيه استخدام انوثتها
مش كدا ولا ايه؟

Ahmed Kamal يقول...

عزيزتي كوشيا

موضوعك ده من أفضل الموضوعات اللي أذكرها في قصاقيص ، و متهيألي السبب حاجتين : أولا تناولك للموضوع و المقارنة ما بين العقل و الأنوثة ، و الحقيقة ممكن نقول ما بين الإنسان و الأنثى داخل كل امرأة ، و الحاجة التانية إنك كتبتي بصدق و انفعال حقيقي ، و ليس مفتعل .

و أظن الإشكالية ناتجة عن حاجتين هم:
1 - نظرة المرأة لنفسها
2 - نظرة الرجل للمرأة

و أنا ماقدرش أنكر إن تعاملي و أسلوبي مع النساء يختلف عن تعاملي مع الرجال ، و لازم يختلف بطبيعة الحال ، لكن حتى تحليلي للأمور ، و تقبلي للأحداث ، و رد فعلي على المواقف بيختلف ، و ده نتيجة صورة جمعية للمرأة بنشترك كلنا فيها ، و الصورة دي أجزاء منها صح و أجزاء منها غلط .

و المرأة كمان بترى نفسها بشكل مختلف ، صعب قوي التعبير ده ، أقصد إن حتى المرأة بتنظر للمجتمع و "الإنسان" الرجل ، و إن هي نوع مختلف ، يعني حتى الست بتشوف روحها بشكل تميزي .

و التمييز اللي في الصورة اللي احنا كلنا بنبني عليها ، فيها تعظيم و تضخيم كبير جدا للجانب الأنثوي على حساب الجانب الإنساني ، و اللي يدعي إنه مش بيفكر في الجانب ده عند التعامل مع امرأة مش صادق ، و نتيجة تكوين الصورة بالشكل ده اتبنت العلاقات المحترمة و غير المحترمة على هذا الأساس ، يعني مثلا الأنثى أضعف ، إذا لابد من حمايتها ، لأنه من الممكن الاعتداء عليها ، و هذا سبب كاف لمحاولة كسر هذه الحماية ، و مثلا الأنثى جميلة ، إذا لابد من ستر جمالها ، لأنه يسبب الفتنة ، و هذا في نفس الوقت مبرر لأي تفاعل مع هذا الجمال ، و هكذا .

طيب إزاي نتحرر من الصورة دي ؟ مبدئيا مش كل الصورة غلط ، و هي مبنية على حقائق ، لكن السؤال الأهم إزاي نقدر نعلي من قيمة الإنسان بغض النظر عن جنسه ، هي دي القيمة الغايبة في بلدنا : الإنسان ، سواء كان رجل أو امرأة ، فنحن لا نقدر هذه القيمة ، و لكن لو قدرنا نكون صورة جديدة لقيمة غايبة اسمها الإنسان ، فالقيمة دي حاتغطي على فروق الجنس ، و حاتفضل المرأة مميزة لأنوثتها ، و متاخده في الاعتبار بالسلب و الإيجاب ، لكن قيمة الإنسان ساعتها حاتكون عدلت الميزان اللي اتكلمتي عنه .

صدقيني حتى الراجل في مجتمعنا النظرة ليه مش صحيحة ، لأنها تفتقد مكون "الإنسان" .

تحياتي الصادقة لك ، و آسف على الإطالة .

فاتيما يقول...

كوشيا
ازيك
الموضوع دا وجعلى دماغى سنين يا بنتى لحد ما خدت فيه قرار
بصى بقى مل الآخر
نظرتك لنفسك
لا جدال فيها
كل واحدة فينا بتحب تتعامل على إنها إنسانة ليها عقل و مشاعر مرهفة
لكن المشكلة فى الطرف الآخر
اى راجل فى حياتها سواء أب و لا أخ و لا حبيب و لا زميل و لا زوج و لا إبن و لا صديق و لا عدو حتى ...
كل واحد فى دول بيعاملها بشكل حسب موقعه منها
الحبيب هيخاطب إنوثتها أولاً
الإبن هيطلب مشاعرها
الصديق هيتعامل مع عقلها
و هكذا
إذا كنتى متصورة يا كوشيا إن هييجى اليوم و تقابلى حد مذكر يعاملك بكل دووووووول !!!!
تبقى يا بنتى حالمة جدا
جدا
جدا
و الحل ؟؟
تلعبى كل الأدوار كلما تحينت الفرصة
لو مع جوزك مثلاً
كونى اوقات ست العاقلين
عشان تلمى الدور
و كونى إنثى بتشر إغراء
و هدفها تملى عين رجلها
و كونى إنسانة و فقط
تحتوى بمشاعرها كل شىء البيت و الجيران و العايلة و الأولاد
و الزمن بكل ما فيه
أنا كدا صعبتها مش كدا ؟؟
للأسف دا الواقع الأليم
و علينا التكيف
بس متفقة جدا مع احمد كمال العزيز عليا
إن حتى الراجل مش مفهوم صح
دمتى بكل خير

سمر الشافعى يقول...

مظنش ان فى راجل بيحب الست الغبيه ولا الست اللى مشغله عقلها علطول يعنى زى مافاتيما سبقتنى وقالت بالظبط كل حاجه وليها وقتها ومعلش هيا طباع مجتمعنا كدا ولازم نمشى عليها

مدحت محمد يقول...

لا معلش ده ممكن عدم تركيز منى انا

على العموم

فى مدونة جديدة عاملينها لله

نتمنى انك تشاركينا فيها لو مفيش مانع

غير معرف يقول...

طلبتى منى اشرح الفرق بين الانوثه العاقله والعقل الانثوي ....ببساطه لو انوثتك عاقله يعنى تعرفي بعقلك امتى تستغلي انوثتك ولاي غرض ولاي حدود حسب الحدود اللي انتى رسماها لنفسك لان كل بنت عاقله بتبقي حاطه لنفسها حد ممكن تتنازل لغايه عنده حتى لو كان الحد ده ميه في الميه او صثفر في الميه وبالتالي عقلك بيحدد مدى استغلالك لانوثتك واظهارها للاخرين وباي شكل حاتظهر .. اما الالعقل الانثوي فهو عقل بنت اساس تفكيرها اغراء الاخريين باتنوثتها والضغط عليهم بما حباها الله من هذه الانوثه وفيها ومنها تقدر تحقق غاياتها وغالبا لو وقعت مع شخص مجرب وفاهم بتضيع لان اللي بيتحكم في عقلها مواصفاتها الانثويه الصارخه والتى قد تصل الي التساهل في المعاملات يعنى النثي اللي بتتحكم مش العقل .ز ارجو انى اكون وضحت الفرق بين الاتنين ...ولو انى افضل الانوثه في كل صورها وده رايي انا ......

onyx

ابو صهيب ( الجمعاوي الاصيل)سابقاً يقول...

على فكرة موضوع موفق

وكي اوضح لكي شئ ليس المقصود من لفظ الرجل هو المتداول بيننا ولما قال الله تعالى من المؤمنين رجال صدقوا ماعاهدوا الله عليه

فالمقصود بالمؤمنين ليس الذكور فحسب ولنا في الخنساء عبرة امراءه بمليون رجل

وريم الرياشي وغيرهم من النساء الذين يعرفون ان يحددوا مصائرهم وطرقهم خير من الف رجل

وفقك الله

الدفاع يقول...

السلام عليكم
موضوعك ده خير دليل على تفكيرك وطبعا الانسان عموما عنده عقل بيفكر بيه والتفكير ده شئ متفاوت من انسان لانسان وممكن نلاقى حد افضل من حد فى تفكيره والاناث عموما بيفضلوا الرجال فى التفكير فى مجالات معينه والرجال بيتفوقوا عليهم فى مجالات تانيه
وكل شئ فى الدنيا له حدود مانقدرش نتخطاها وتفكيرنا مهما كان عبقرى الا انه فى النهايه محدود
والنساء عموما عندهم مؤثر كبير بياثر على تفكيرهم واولوياتهم عند التفكير والتدبر والمؤثر ده هو العواطف ودى حدودهن اللى مايقدروش يتخطوها والا الانوثه هاتقع من الميزان نهائيا
يبقى انا بفكر وعندى قدرتى على التفكير بس فى حدودى كرجل
وانتى كمان بتفكرى وقدرتك موجوده لكن فى حدودك كانثى
احنا اى نعم كلنا انسان ولكن ماتنسيش ان الانسان مقسم الى نوعين
والنوعين مش شى بعض تماما كل نوع له وظيفه ودور ربنا مؤهله له
وكل ميسر لما خلق له

عالم ماريونت يقول...

مساء الخير
بجد حاسة انك عبرتي عن حاجات كتير جوايا
نظرة المجتمع ساعات كتير بتكون قاسية على المرأة وده بيكون حتى من غير منطق
تناولك للموضوع كان ناضج جدا وبزاوية مختلفة
ربنا يوفقك

سمر الشافعى يقول...

الف مبروك ياقمر عالنيولوك بتاع المدونه ماشاء الله طالع تحفه بجد

Unknown يقول...

أسلوب أدبى جميل واستايل جديد إيه الإبداع ده ياكوشيا والقضية اللى انتى تناولتيها فأنا أخبرك أن الميزان المستخدم حاليا ليس له إلا كفة واحده فلم يعد للموازين أى معنى الآن فقط إنها لغة الأنوثة

تحياتى

kochia يقول...

الفارس الملثم
=============
دي وجهة نظر يا محمد ساعات بحس بكدة فعلا

ومن خلال التعليقات ناس كتير اكدت علي موضوع الوقت المناسب
يعني امتي اتصرف كانثي وامتي اتصرف كعاقل
لابد من التوازن بين الامرين فعلا

اشكرك علي رايك
وفعلا عندك حق
لكن ارجو ان يقبل المجتمع ذلك

تحياتي

kochia يقول...

blue-wave
=========
الموضوع مش موضوع سي السيد خالص
بالعكس
ايام سي السيد كان كل واحد عارف دوره من غير لبس
وكانت الست تخفي عقلها عشان تعيش
لان المجتمع كان ضاغط عليها اكتر من الان مع الفارق طبعا

لكن اري ان الان المجتمع ينظر للمراة نظرة مزدوجة

لو شدت حيلها في حاجة صعبة وعملتها يبقي خلاص تتعامل بقي معاملة الرجال بلا كلمة حلوة ولا اعتناء بمشاعرها

وكان هذا التصرف وتحمل المسؤولية قضي علي مشاعرها المرهفة ودمعتها القريبة

ده رايي
بص حواليك
اكيد هتلاقي ست بتخاف تعيط قدام حد
عشان محدش يقول عليها ضعيفة وتخسر شئ ما بادعاء الضعف هذا

هذا ما قصدته

تحياتي

kochia يقول...

أحمد كمال
==========
سيدي الفاضل احمد كمال
انت طبعا تطول في تعليقك كما تحب وهذا يسعدني لاني بتعلم منك دايما
ورايك وكلامك دائما يلمس لب الحقيقة

اشكرك اولا علي رايك في الموضوع
وانا اتفق معك في ان الاشكالية في نظرة الرجل للمراة ونظرة المراة لنفسها

ويمكن المراة كمان اكتر من الرجل
واتفق تماما معك
ان حتي الرجل يظلمه المجتمع كانسان في الكثير من الاحيان

اشكرك علي تفاعلك مع الموضوع
ووجودك في مدونتي دائما يسعدني

تحياتي

Bosssssy يقول...

بجد الموضوع تحفه تحفه تحفه......

عجبنى جدا لانه جه على الجرح مظبوووظ , فعلا هى دى مشكلتنا أيهما نطور جمال الجسد اما جمال العقل ؟

ومستحيل هصدق اللى يقولى الاتنين لان الرجل الذى يهمه جمال الجسد لايهمه العقل والرجل الذى يهمه جمال العقل أيضا يهمه جمال الجسد!!!!!!!

اذا فالنتيجة الحتمية هى رجوح جمال الجسد وخسران جمال العقل.......

موضوع رائع جدا.......

اتمنالك المزيد من الابداع

pusssssy

kochia يقول...

فاتيما
=======
فعلا
نظرتي لنفسي لا جدال فيها
وانا كنت اري ان الانوثة لا تعني انها بلا عقل
يمكن ان اكون انثي وعاقلة
لما لا

لكن كلامك كله صح
تحياتي لكي

kochia يقول...

سمر الشافعى
==========
اشكرك علي رايك
فعلا كل حاجة لها وقتها

المهم ساعة وقتها الناس تعرف اني ست برده

اشكرك علي مرورك
تحياتي

kochia يقول...

مدحت محمد
==========
ولا يهمك

المهم المدونة حلوة واحب اشترك فيها طبعا بس انا معرفتش اقرا بسهولة خالص

الكلام مش واضح خالص
ظبطوا وقولولي

واحب اشترك طبعا

تحياتي

kochia يقول...

غير معرف onyx
============

عجبني التفسير
مش 100% بس الي حد كبير
وانا بحب برده الانوثة العاقلة

اشكرك
وتخياتي

kochia يقول...

الجمعاوي الاصيل
=============
اشكرك علي رايك

واشكرك علي معلومة الرجل

وهكذا قال الله تعالي
لكن المجتمع احيانا يقول غير ما يقول الله

وانا قصدت المجتمع رجالة ونسائه

تحياتي

kochia يقول...

مدونة الدفاع
=============
اشكرك علي رايك
وقد قلت عبارة هي الافضل
وكل ميسر لما خلق له

فعلا

تحياتي

kochia يقول...

يوميات نائمة في الأرياف
======================
اشكرك علي رايك
وفعلا هو ده المجتمع

للاسف
ادينا عايشبن
ونعمل بقي بالنصائح

تحياتي

kochia يقول...

سمر الشافعى
==========
شكرا يا سمسم علي رايك بالمدونة

مع اني مفتقدة جدا الشكل القديم

حاسة اني عاوزة ارجعله

تحياتي

kochia يقول...

egyboy
======
الميزان كمان بكفة واحدة
يبقي مش ميزان خالص

يللا بقي
اشكرك علي رايك الجميل ومرورك طبعا

تحياتي

kochia يقول...

pusssssy
========
أيهما نطور جمال الجسد اما جمال العقل ؟؟؟

سؤال وجيه جدا
ينفع موضوع بحد ذاته

وليس الرجل وحده عزيزتي بل المجتمع ككل
رجاله ونساؤه

اشكرك علي رايك

تحياتي

ahmed_k يقول...

كلام جميل
وكلام معقول
مقدرش أقول حاجه عنه

مين قال ان المرأه لا يمكن تقيمها بوجه واحد
لا أنا من رأيي ان المراه الجميله إن كانت بلا عقل مميز فذلك بينتقص من جمالها كثيرا
وكذلك العكس صحيح

لا بد من التكامل في جميع الخصال

WhItE HeArT يقول...

رااااااااائع

بجد بوست رائع احتوى لمحه حياتيه رائعه


بحييكي على الوصف الجميل للموضوع ده

تحياتي

المنسى يقول...

كوشيا
أزيك
يارب تكونى بخير
موضوع جميل جدا بس ياترى
دى خاطرة
ولا دى حقيقة
حصل معاكى كده فعلا
ولا دى مجرة تدوينة أدبية فقط
أنا رغم أنى أعترض كثيار على مظهر إمرأة أو على مظهر بنت أو على حركاتها وثكانتها لكنى ائما إذا دخات معها فى حالة حوار لما أحاسبها على أى من مظهرها أو شىء ما لما يعجبنى قد فعلته بالفعل ولكن أقيماه على فكرها وعلى عقليتها

ولمن تجاهلو عقلك وعاملوكى على انوثتك أو العكس
لاتلقى لهم بالا
فما أكثر الحمقى
فى زماننا هذا
تحياتى ليكى

بث تجريبي يقول...

السلام عليكم
بصراحة كلامك عجبنى اوى ومس حتة بتعانى منها ستات كتير
نظرة النوع الاخر لهم وايهم يفضلونه هل انوثة المرأة أم علقها
شطارتها فى شغل البيت أم ثقافتها
.......................
عجبنى اوى الحوار وطريقة صياغته
وعجبنى كمان الميزان

ياريت الناس تتعامل مع بعضها على اساس انسانيتهم وليس جنسهم او نوعهم


سلاموز.

غير معرف يقول...

صديقتي ..
العقل لا يتنافي مع الانوثة" علي الاقل ليس لهذه الدرجة".
لكن كل ما عليكي ان تبدين انثي كاملة الانوثة وتخفي عقل ماكر خلف الانحنائات التي تقولين عنها, فتحصلي علي مرادك, وتظهريه بعد ذلك.
المهم ان تبدو انوثتك اولا لان الانطباعات الاولي تدوم,لكن لو بدي الشارب اولا فسيدوم هو الاخر.
ومن العقل ان تعملي عقلك بذكاء فلا تمرين بهذه المعضلة.
ونصيحتي الثانية: ان تطلبي المساعدة في اي شيء من ان لاخر حتي وان كنت غير محتاجة , فهذا يرضي الغرور الذكوري.

البوست رائع ويعبر عن حساسية عالية وشخصية مرهفة.
في انتظار المزيد...

maha zein يقول...

ايه الجمال ده
بجد كلمات رائعة
كلمات حقيقية
صغتيها بطريقة جديدة حلوة
فعلا
فى النهاية انتي انسان
عقل وروح وجسد وكل حاجة
تحياتي
بوست رائع بجد

Unknown يقول...

فعلا الناس بتبص للانثى على انها جسد بلا عقل ويمكن كمان روح
بيقول ان ليل الانوثة انها تكون فارغة العقل
برغم ان دا طبعا خطأ شديد والدليل على كدة امهات المؤمنين رضوان الله عليهم كانت لهن عقول راجحة
وكثير من السيدات التى حكمن العالم
ولم يتعارض جمالهن مع حكمتهن
كيلوباترا
شجر الدر
وغيرهن
تسلم ايدك على الموضوع الرائع

قررت أكون عانس يقول...

لا

لن استسلم

انني انثي بلا شارب

انني عقل وجسد وروح
.
ايها العالم
.
انني انســـــــــــــــــــــان
.
.

ايو انا انسان عقل و انوثة لو ما اقتنعوش هما احرار المهم انى عارفة نفسى

الطائر الحزين يقول...

لا يوجد علاقة بين الانوثة والذكورة من جانب و معرفة المصلحة من جانب أخر

=====
ان اختيار الانسان لشىء بارادته وقناعته يجعله يتحمل تبعاته والتى قد تنتج عن سوء اختيارة أكثر من فرض عليه شىء صالح وسليم يتصيد له الاخطاء ليثبت سوء تخطيط من فرضة عليه

kochia يقول...

ahmed_k
=======
"ان المراه الجميله إن كانت بلا عقل مميز فذلك بينتقص من جمالها كثيرا
وكذلك العكس صحيح"

كلامك صحيح
وده رايي ايضا
لكن من خلال بعض التجارب والملاحظات ده مش راي كل الناس

اشكرك علي رايك
تحياتي

kochia يقول...

WhItE HeArT
===========
اشكرك علي رايك الجميل والمشجع

تحياتي

مدرسة سوادة الاعدادية المشتركة يقول...

السلام عليكم و رحمة الله
بجد موضوعاتك عن المرأة جامده جداً و اسلوبك ممتاز

kochia يقول...

المنسى
======
مرحب بيك دايما

والحكاية دي مش خاطرة 100% ولا حقيقة 100%
لكن انا عايشة ووشايفة كتير واكيد مريت بمواقف حسيت فيها بكدة
وشفت مواقف حسيت فيها بكدة

ولو فاكر موضوع الحلقة المضيئة حول القمر كان فيه صراع بين العقل والانوثة لكن صراع مختفي ولو قريت الموضوع تاني هتلاقي العيب مش في البنت الاولي ولا البنت التانية
لكن العيب كان في المنظومة
وده اللي انا اقصده

تحياتي

kochia يقول...

Do not Press F1
===============
اشكرك علي رايك
وفعلا انا قصدي من كل ده نبقي عقلانيين
والانوثة جزء من المراة طبعا
ولا توجد امراة بلا انوثة

لكن
الانوثة المبالغة مش مفروض تبقي جواز مرور لحد مالوش حق في الحاجة اللي طاليها دي
والصح اني كانسان اقدر عقل الانسان اللي قدامي مش انوثته
لانها لا تخصني في ذاتها ولكن هي بتنعكس فقط علي الشخصية

وتحياتي لك

kochia يقول...

dady
====
العقل لا يتنافي مع الانوثة
رايك صحيح
وقد يكونا خير الاصدقاء
عجبتني كلمة ان ظهر الشارب لن يختفي
والانطباعات الاولي تدوم

كلامك كله حكم
والنصيحة الاخيرة بقدر ما فاجئتني بقدر ما دلت علي عقلك
اطلب المساعدة وادعي من ان لاخر
يعني لازم اتحايل علي المجتمع وادعي انني احتاج للاخرين حتي انال معاونتهم

هي وجهة نظر طبعا
اقدرها واحترمها
واوعدك هفكر فيها

تحياتي

kochia يقول...

maha zein
==========
شكرا يا قمر علي رايك
وهو بوست كان عبارة عن شخطة في الدنيا
كاني عاوزة امسكها من اكتافها واهزها هزا شديدا لتراني علي حقيقتي

ما علينا
نورتيني

تحياتي

kochia يقول...

نهر الحب
=======
عندك حق والله
امهات المؤمنين خير مثل

وكذلك جميلات العالم الذين حكموه

واعتقد ان الوقت المعاصر وما به من تغيرات غريبة وكثيرة له دور في هذا الامر

تحياتي

kochia يقول...

قررت أكون عانس
================
انا فعلا عارفة نفسي

بس عارفة

ساعات بتصعب عليا نفسي ان مش كل اللي حواليا مقدرينها

تفتكري التقدير رغبة فعلا من اساسيات الحاجات عند الانسان زي ما قال العالم " ماسلو "؟؟؟؟

اكيد

تحياتي

kochia يقول...

الطائر الحزين
============
لا يوجد علاقة بين الانوثة والذكورة من جانب و معرفة المصلحة من جانب أخر
اتفق معك في هذا الامر

واتفق معك في ان الاختيارات تخص اصحابها مهما كانت النتائج

تحياتي

kochia يقول...

مستر محمد سلامه
============

اشكرك علي مرورك
واشكرك علي رايك جداا

تحياتي

رحـــــال يقول...

ماشاء الله اختنا الكريمة ..

نعم العقل فعلاً ..

اؤيدك ، فمالمانع ان يكن النساء كالصاحبيات في كل شئ في العقل والحين ..

ودعي من يقول يقول ..

صباح الصباح يقول...

واضح جدا ان انتى فى حالة ثورة مشاعر.. ولكن المراة بدون عقل مجرد تابلوة جميل يزين المكان.. ولكن العقل الجميل يزينها جمالا فوق جمال حتى تصل الى مرحلة انة لا يلتفت الى جمالها الشكلى بالمرة.
اؤيدك جدا وبشدة..

شفـقــة و إحســــان يقول...

برافو عليكى البوست حلو اوى ايوة كده قدرتى تعبرى عنا وعن قضايانا بمهارة

Nada يقول...

كلامك جامد اوى يا كوشيا
وفى بنات كتييير دماغهم نوزن ستين بلد
بس طبعا البنت بطبيعتها لازم القب اللى يغلب
تسلمى ياجميل على البوست الروعة دة والاسلوب الاروع

Zanooba (Zeinab sab9n) يقول...

أنا سعيدة أوي بأني لاقيت مدونتك ..و البوست جميل أوي اوي و كل بنات حواء محتاجين يصرخوا و يقولوا أنا أنثى عاقلة بلا شارب
تقبلي مروري
السلام عليكي

أية الشقية الشعنونة يقول...

البنات بطبيعتها يا كوشيا
رقيقة ورومانسية بتميل للحب اكتر
بس ده ميمنعش انها تتعامل بذوق وادب واحترام
تعيش وتتعايش
بحييكى على موضوعك بجد
تحياتى

غير معرف يقول...

كوشيا

دايما شايلة هم الدنيا

بس انا حاحكي معاكي زي ما بنحكي دايما

لماذا عاملوكي كأنثي ؟
لانهم رأو علامات الأنوثة بارزة

سيدتي

الجمال أنوثة
والروح
أنوثة
والعقل أنوثة
والجسد أنوثة

لانك قدر لك ان تكوني انثي
أنوثتك هي عاطفتك وعقلك

وهي خجلك واتزانك كامرأة
انت لست سلعة

ولست مطالبة لاثبات انوثتك لانها مكفولة لكي كأمرأة
أما اذا وضعت الشارب

فانت بارادتك احببت الشارب
فكوني رجلا

ليس الرجل عقلا فقط وليست الرجولة عقل فقط

عزيزتي ابسط درجات الأنوثة خجل علي وجه امرأة
يفجر من عينيها ملايين لعلامات الانوثة لست مجبرة ان تأتي بميزان

ولا تفكري فيها

انت
امرأة

اذا انتي انثي

ارجوكي ثقفي بنفسك ان انوثتك لا تتعارض تماما مع عقلك ولكن عقلك سيتعارض كثيرا مع كآدم

تحياتي

انت فين وحشاني

وبلاش التقرفة العنطرية

خايف اكتب بوست رجولتي..
ههههههههههههههه




انا
afew good men
جيت متأخر مغلش مكسوف منك

kochia يقول...

رحـــــال
=======
اشكرك علي مرورك
وردك
فعلا

عندك حق
لعلنا نتعلم

تحياتي

kochia يقول...

صباح الصباح
===========
اهلا بك
حقا ان العقل هو ما يميز المراة حتي وهي في قمة الانوثة
ولكن اعتراضي علي تقدير الانوثة اكثر من العقل
رغم اهميتها في نظري
لكني اري انها بدون عقل تساوي صفر
او اقل

تحياتي

kochia يقول...

شفقة هانم واحسان بك
==============

اشكرك واتمني استمتاعك بالمدونة دائما

تحياتي

kochia يقول...

Nada
====

اشكرك علي رايك
وفعلا العيب في في الدماغ
العيب في القرار

تحياتي

kochia يقول...

Zanooba (Zeinab sab9n)
================
اهلا بيكي دايما
واشكرك علي رايك جدا

تحياتي

kochia يقول...

أية الشقية الشعنونة
================

اهلا يا ايه
انا معاكي طبعا في اللي قلتيه
لكن انا ركزت علي نظرة الاخرين ليها مش نظرتها هي ولا تصرفاتها

تحياتي

kochia يقول...

afew good men
============
كلامك كبير
انا شايلة هم نفسي
وهم اللي حواليا
وهم اللي بحبهم

لجمال أنوثة
والروح
أنوثة
والعقل أنوثة
والجسد أنوثة

احييك بجد علي هذه العبارات
انت وصلت للحقيقة

كلامك بجد اكبر من سنك بكتير
مخك متكلف
انت اقنعتني
بجد
وانا صعب اقتنع

المهم انا كنت مشغولة في القالب الجديد بتاع المدونة
عملته
وراح مني كل اللينكات اللي كنت حاطاها
ولسة بدور علي الناس صحابي المدونين
لحد دلوقتي
معرفتش اجيبهم كلهم

المهم ايه رايك في القالب الجديد؟؟؟
وعلي فكرة
اكتب موضوع رجالي ولو صادق انا هحس بيه
كلنا بني ادمين

تحياتي

غير معرف يقول...

اعتقد ان انوثتك تقع خلف اصوار العقل اى ان دائما تلجاين لعقلك حتى تخفين انوثتك وراءه فاستعملى عقلك حيننما تحتاجينه واستخدمى انوثتك حينما ترغبين

جسر الى الحياة يقول...

سعيدة جدا بالبوست ده لانه لسان حال المرءاة حاليا وسعدت اكثر بصرختك فى نهاية البوست لانها تحمل جرس انذار للمجتمع الذكورى والذى لن يتغير ان يرى المرءاة بشكل مختلف عن كونها مجرد جسد واذا كانت ذات راى وعقل واتجاهات فكرية قالوا عنها مسترجلة لابد وان يعطى المجتمع فرصة للمرءاة ان تكون امرءاة ذات قلب وعقل معا

احييكى مرة اخرى على هذا البوست الرائع

يا مراكبي يقول...

ده عيب مجتمعاتنا الشرقية .. هي اللي بتنصب الميزان الظالم ده للمرأة .. للأسف

kochia يقول...

غير معرف
=====
فاستعملى عقلك حينما تحتاجينه واستخدمى انوثتك حينما ترغبين

اشكرك علي هذه النصيحة وهي فعلا ما يجب عمله

اشكرك
تحياتي

kochia يقول...

جسر الي الحياة
==========

اشكرك علي رايك جدا
وفعلا كلامك مظبوط

تخياتي

kochia يقول...

يا مراكبي
======
فعلا صورة المراة دي هي صورة جمعية من المجتمع ككل
نساؤه ورجاله

اشكرك
تحياتي