الأربعاء، أغسطس 20، 2008

البحث عن الدفء العاطفي ... "خيانة المرأة "

--------

يعتقد البعض ان الاكل والشرب هم اساس الحياة

اجل هم اساس الحياة للكائن الحي عامة.. ولكن الاكل والشرب لا يكفي الانسان كي يعيش

الانسان ككائن حي له خصوصية عن جميع مخلوقات الله وهو انه

كائن

يحب ويكره

يتمني

يرجو

يجتهد

يحلم يقظا ونائما

يضحك ويبكي

يقفز فرحا

يدرس ويتعلم

يشقي ليحسن حاله

يتلعثم عندما يحب

ويحمر خجلا عندما يحرج

-------------

الخلاصة هي الانسان كائن عاطفي

العاطفة لديه مهمة كالاكل والشرب

وان جاءت تالية لهما بحكم انه كائن حي اولا واخيرا

-------

والمراة او الرجل ككائن حي لديهما تلك الحاجة الي العاطفة التي تشبع لديهما رغبة ما

يشتاقان اليها

يحلمان بها

يتمنيانها

----

وان لم يجدا ايا منها تلك العاطفة الدافئة التي يبحث عنها قد يبحث عنها

لا

بل لابد ان يبحث عنها

والا تحول الي كائن حي الي

ياكل ويشرب

فقط

يفقد انسانيته

----------

تلك المقدمة الطويلة هي مقدمة للدافع الثاني لخيانة المراة

وهو ما تحدثنا عنه سابقا في

----

الجزء الاول ...الخيانة

الجزء الثاني... مفهوم الخيانة

الجزء الثالث ... الانتقام الدافع الاول

====

والبحث عن الدفء العاطفي هو ثاني سبب من حيث الانتشار

من وجهة نظري من اسباب لجوء المراة للخيانة وهو سبب متكررالحدوث

وهذا السبب قد يدفع الرجل والمرأة علي حد سواء الي البحث عطشا عما يشبع تلك الحاجة


ولكن المراة بحكم ان العاطفة لديها تحتل حجما اكبر داخل عقلها وكيانها تشعر بتلك الحاجة بشكل اكثف من الرجل .. فالمراة مخلوق حساس تبحث في علاقتها بالزوج عن حبيب وصديق واخ ومعلم وقائد ومرشد وابن

وقد تعوق مشاغل الحياة ومشاكلها ودوامة البحث عن الرزق كثيرا كان ام قليلا – قد تعوق او تشغل الرجل عن الانتباه الي تلك النقطة .. ومع الوقت تصبح زوجته عنده هي مربية الاولاد ورفيقة الفراش فقط


وهذا ما لا يرضيها اطلاقا

لانها تبحث عن ربتة علي الكتف .. او يدا تمسح الدموع ..

او علي الاقل نظرة قلق وتعاطف عند المرض والتعب

او وردة اوهدية بدون مناسبة .. ناهيك عن انها لا تاتي في المناسبة

تحتاج الي اتصال او رسالة موبايل بها كلمة " وحشتيني "

-------

مجرد اشياء صغيرة تعلو بها الي عنان السماء وتثبت مدي عاطفيتها وحاجتها الي تلك العاطفة والدفء

ولكن الرجل يري ان

عمله ( انا تعبان ومخي فيه 100 حاجة )

ودوره الذي يقوم به ( هي ناقصها حاجة .. مهي كل طلباتها عندها )

يري ان عمله ودوره المسؤول تجاه الاسرة يغنيانها عنه كروح وكقلب وكعقل

---

وهنــــــــا

تستجيب المرأة لاي دفقة دفء تاتيها من غريب

عندما لا يلاحظ الزوج اصفرار وجه زوجته ليوم او اثنين

نتيجة مرض ما لم تخبره به ويسألها عنه جار او زميل في العمل !!

--

عندما يتذكر الجميع يوم عيد ميلاها .. الا هو !! وربما تاتيها بعض الهدايا

عندما يتذكر قريب او صديق ما تحبه من طعام او ما تفضله من عطر .. وهو لا

وربما تاتيها بعض الهدايا بمناسبة ترقي في العمل او خروج من ازمة صحية او او او

---

وهو مازال مهتم فقط بما هو مهتم به

عمله فقط .. او موعد مباريات فريقه المفضل في دوري كرة القدم

-----

كل هذا هو طعنات وضربات تضعف درع المرأة تجاه الغزو الخارجي ..

وخاصة الغزو المقصود والمنظم والمحترف

وقد تأتي لحظة الضعف علي اهون سبب


فتميل برأسها فقط علي كتف رجل ليربت عليها فتنزلق بدون ان تدري

اكيد انا اري انها مخطئة لانها لم تحتمي بدرع الايمان

ولكـــــــن

اين انت ايها الزوج من حاجات زوجتك العاطفية .. اين انت من اشباع عينيها وروحها قبل اشبع فمها وبطنها

اين ابتسامتك لها الا عندما تحتاجها رفيقة فراش .. وقد لا تبتسم ..

---

تشعر انها مجرد وسيلة .. تدور بها عجلة الروتين .. تصل بها الي البرود والتبلد

----

تريد ان تشعر بحرارة الحب والعاطفة من جديد

تميل الي اي نافذة ولو صغيرة تدخل بعض الدفء الي قلبها البارد

---

وقد تحدثت في هذا الجزء عن خيانة الزوجة فقط وليس خيانة الحبيبة بصفة عامة

لان هذا البرود العاطفي انما يصيب فقط غالبا الازواج

----

وليتذكر كل زوج كم من الاهتمام والهدايا التي كان يغرق بهما تلك المرأة عندما كانت حبيبة او خطيبة ..

وحتي في بداية الزواج مدفوعا بما كان من دفء

----

وهناك جزء اخر قد يسبب الخيانة لابد ان يلحق بهذا الجزء لبعض الارتباط وللامانة العلمية وهو الخيانة من اجل

" الجنس "

---

فهناك العديد من الزوجات لا تشعر بالاشباع الجنسي مع زوجها ..

وهي غريزة خلقها الله في الرجل والمرأة سواء

-----

والمجتمع العربي .. او المصري .. او كلاهما .. لا يسمح للزوجة ان تشتكي من هذا الجانب رغم انه يسمح للزوج بالشكوي بل ويتعاطف معه ويشجعه المجتمع بكل فئاته رجال ونساء " هو مجتمه ذكوري حتي بنسائه " يشجعه المجتمع ككل بالشكوي وحتي بالزواج الثاني وتطليق الاولي .. تلك التي لا تستطيع اعفاف زوجها

------

ولكن المرأة في مجتمعنا لا يحق لها الشكوي .. لاالي امها .. لا الي اختها ..

لا الي ابيها طبعا .. ولا الي اي شخص

---

وحتي لا يحق له طلب الطلاق لهذا السبب

فهو عيبا ان تتحدث في مثل هذه الامور

وجعلوا العيب دينيا واجتماعيا واخلاقيا

ونظروا لها نظرة مرتكب الخطيئة

وكانها لا يحق لها ان تتمتع بحياتها مع زوجها

---

وكثيرا ما نسمع ..


" وانتي عايزة منه ايه .. عيشي لاولادك .. مش خلاص خلفتي " !!!

" ميصحش تتكلمي في الحاجات دي .. الست الكويسة المحترمة مش كدة "!!!


ايها المجتمع الظالم !!!!!!!

انها تعوزه .. وتحتاجه .. زوجا وحبيبا .. كما يعوزها هو ويحتاجها زوجة وحبيبة تماما

---

وان كان هناك فرق في شدة الاحتياج يحكمه العديد من الظروف والمتغيرات بينهما ولكنها في النهاية .. تحتاجه

والا لماذا خلق الله لها غرائزها كما خلقها لك ايها الرجل !!

---

عندما يتجاهل المجتمع رغباتها تلك ..

او يكون زوجها من الضعف او من االاهمال ان تضغط عليه تلك الرغبات

قد تميل المراة الي اشباعها خارج المنزل

----

كمايفعل الرجل تماما

ويقول بكل شجاعة وصلافة

---

" هي اللي خليتني ابص برة "

" انا مش واخد حقي في بيتي "

" ده دورها .. ولو هي فشلت محدش يلومني انا "

" هي المفروض تعفني .... "

---

اذن اين دورك انت ايها الرجل في ان تعف عقل وقلب وجسد امرأتك عن النظر الي الحرام

---

واذا كان الزوج غير قادر علي اعفافها اذن فليكن طلب الطلاق مباحا ان ارادت ذلك

--

وليرفق بها المجتمع وليسمح لها بالزواج من اخر كما احل الله

وكما احل المجتمع لرجاله وحرم علي نسائه مالم يحرم الله

---

اكرر .. لا تخون زوجها الا من ضلت طريقها الي الله

ومن تفتقد الدفء العاطفي عليها ان تلجأ لدفء الايمان والا زلت

---

ودرع الله والايمان يصل بكي سيدتي الي بر الامان ..

وبر الامان هذا ان تقابلي الله بجسد طاهر شريف وروح نقية لا تشوبها شائبة

مهما ظلمك المجتمع واقرب من لكي فيه

ولكن رحمة الله وقربه .. تغنيكي عن الجميع .. وتعينك علي الابتلاء

--------

هناك 99 تعليقًا:

maha zein يقول...

كل كلمة قلتيها تمام
طبعا هي فى الاول فقدت طريق الايمان
وميصحش انها تخون لاي سبب من الاسباب
لانها بتخاف ربنا ذي ما قلتي
بس فعلا
الراجل ممكن ينسي كل الحب بينهم بعد مرور الوقت
ديما بشعر ان الرجل بيزهق ويمل
والست بتفضل توفي
الرجاله دول غدارين
كتهم دهية
وده اللى مخليني مش عوزة اتجوز
عشان محدش يرجع يزهق ولا يتعبلي نفسيتي
خلينا كده احسن
بحالنا
صح ولا ايه
بس طبعا ده لا يمنع وجود رجاله كويسين ذي بابا مثلا

صباح الصباح يقول...

عرض شيق وما ذكرتية من امثلة ومسببات حقيقى بالفعل.. ولكن لى ملحوظة صغيرة.. كيف يمكن فى هذة الحياة الصاخبة المادية للرجل ان يغدق على من يحب بهذة المشاعر..
ان هذة الحياة تضفى نوعا من الجمود بالتدريج.. حتى لا تعد المشاعر ةالاحاسيس كما كانت..

أنا حر يقول...

بوست ممتاز ورائع جدا احييكي عليه ومتفق مع كلامك جدا والمشكلة الكبيرة اللي بتخلق الخيانة فعلا النظرة الذكورية اللي في مجتمعنا اللي بتخلي للراجل كل الحقوق والست مجردة منها
تحياتي

المنسى يقول...

كلام فى الصميم
ولكن
أولا فكرتينى براوية شيكاغو لعلاء الأسوانى
كنت مروة بتقول لأمها عن المشاكل الجنسية مع زوجها أحمد دنانة قامت ردت عليها الأم
إحنا الستات بنعمل الموضوع ده تقضية واجب
لغاية دلوقتى مش قادر اتصور
بس بالنسبة لموضوع إن هى كمان تتجوز بحلال ربنا عشان تستمتع بحقها الشرعى
ده جميل
بس فى حاجة
إفرض كان فى أولاد
ولد
أتنين
تلاتة
هنا لو العيب من الأب هيبقى الأم بتهد أسرة لو أطلقت وأتجوزت أخر من أجل إشباع رغباتها
أما لو المشكلة من الأم
فاممكن الأب يتزوج بأخرى مع الحفاظ على البيت والأسرة ولم يخالف شرع الله فى نفس الوقت
معادلة صعبة جدا
أعتقد أن حلها فط الأيمان بالله
والمعاملة بين الزوجين بما يرضى الله

والرضا بقضاء الله وقدره من كلا الزوجين
والنظر إلى الحياة على أنها دار عبور فقط وليس دار أشباع شهوات
ده رأيى من الناحية الجنسية
اما ناحية العاطفة والحب والدفء قبل وبعد الزواج
على فكرة
مش بتبقى مشكلة الزوج لوحد وإن كانت الجانب الأكبر من ناحيته
فقبل الزواج اليوم إللى جاى فىه خطيبها أو حبيبها
بتفضل نتتزرن وتروق وتنضف وتعمل طقوس كتيرة أوى
بتختفى شيئا فشيئا بعد الزواج
زى الهدايا والحب إلل كان بيعملهم هو قبل الزواج
الخطأ من كلا الطرفين
وأعتقد إن لو تعاملنا بما رضى الله فى كل جوانب الحياة مش هنحتاج ثقافة جنسية
ولا دكاترة نفسيين ولا موضوع زى ده نتكلم فيه
بس بجد
عاجبنى أساوبك فى عرض الموضوع جدا
وصياغته تنم على أن اللى بيكتب مش مجرد كاتب ده أديب محترف
أخر حاجة هقولهالك
تركت فيكم ما ان تمسكتم به
لن تضلوا بعدى أبدا
كتاب الله وسنتى

ليكوريكا يقول...

جميل بل رائع ان صح التعبير

بجد متفق معاكي في كل كلمه

موضوع متكامل ...

تستحقي عليه كل الاحترام والتقدير

ويارب اهدينا الي سواء السبيل

ليكوريكا

ahmed_k يقول...

أولا يأكل الإنسان ليعيش ولا يعيش ليأكل
فالطعام وسيله وليس غايه
وهذا عند الإنسان السوي
اما بخصوص باقي موضوعك فأنا أؤيدكي فيما قلتي تماما
وقد شاهدت بنفسي نماذج من تلك الحالات التي لا يدرك الرجل حاجة زوجته الي العاطفه والحب من جانبه حتي إنزلقت لحب رجل آخر
بمعني ان الرجل تصبح المرأة له مجرد أم لأبنائه ورفيقة فراش حتى بدون مقدمات
كالبهيمه تماما بدون أن يراعي أنها إنسانه وفي حاجه للعطفه تماما كالحاجه للأكل والعلاقه الزوجيه
وتعجبين انه ينتقدها لعدم إعطائه تلك العاطفه
ولكن أمثال هؤلاء لا يعلمون أن فاقد الشيئ لا يعطيه
أصلح الله أحوالنا وهدانا لما فيه سعادتنا وصلاح أمورنا

دمتي بكل خير

afew good men يقول...

كوشيا

اكره تلك الكلمات التي تجعل امرأة مسلمة

تعلم جيدا قسوة الحياة

ولا تستطيع ان تفهم بعد المساحة والعلاقة

وفنيا الدفء العاطفي

قد يقوم الرجل بكل هذا ححقا بابتسامة وفقط

وتكون تلك الابتسامة الدنيا وما عليها

سيدتي قناعة المرأة برجلها ايمان يربطها به ميثاق من السماء

من تخون

تبحث عن شماعة لتداري بها نقصها وجهلها وخطيئتها

سيدتي

التشبع الجنسي ادمان لا يمكن ان ينتهي طبيعة

ولكن الاخلاص والوفاء والحب والمودة

تستحق مني كرجل انا اعيش مع حواء بكل عيوبها ومشاكلها

واجعلها ملاكي

ولكن ردي الوحيد علي الخيانة

هو القتل العمد مع سبق الصرار

هي فعلا مش ناقصها حاجة

لانها تحولت من امرأة الي ام

تحولت من مراهقة الي مربية

تحولت من تافهة الي ناضجة

ثم خانت

اسمحيللي

اكتب لكي نهايتها

ستظل تخون طول عمرها

سيبدأ الموضوع بالبحث عن العاطفة

ثم الحرمان

ثم التكيف مع اكثر من حالة

فهي اصبحت عاهرة دون ان تدري ولكن



أريد من اي أنثي ان تجيب علي سؤالي هذا ؟؟؟؟؟

ما هو الآمان في الخطيئة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

صفر

لانها حقا لن تشعر بالامان الي في الحلال

اما الحرام فمتعته الوحيدة

يزينها الشيكان وهي الحرام

عزيزتي

آدم انسان يستحق العناية خاصة هذا الزمان

فلابد ان تنضج حواء والا ستفقده

علي فكرة ان سبتلك تعليق علي البوست اللي فات

وعايز اقولك حاجة

في رجالة زي اللوز

بس انتو بقي يبقي ليكو في الحلو

برضو الستات غاوية رمرمة

والرجالة الدنيا لهياها

كوشيا

تفتكري اي هي عاقبة الزنا ؟؟؟؟؟؟؟؟؟؟؟



لو تعلمها المرأة


لن تفكر بتاتا في الخيانة

العاشق يقول...

السلام عليكم
دى اول زياره
مدونتك حلوه قوى

تحياتى

فاتيما يقول...

كوشيا
ازيك يا حبيبتى
الله يفتح عليكى
إنتى تناولتى الموضوع بمنتهى الدقة و الشمول
و القصة دى شوفتها حواليا كتير من متزوجات و حتى مخطوبات يتركن الخطيب لأنه بارد عاطفياً و يلجأن لشخص آخر يعطى الحنان و الإهتمام و لو كان زائف او محرم ...
معاكى إن الدين يعصم
و الاخلاق كمان بتعصم
يعنى الوازع الأخلاقى مهم حتى لو لم يكن الواحد متدين
يكفيه نظرته لنفسه و إحساسه بالتدنى لو لجأ للخيانة كبديل للحرمان ..
تانى هقولك
الله يفتح عليكى

الطائر الحزين يقول...

هذا نتاج الموروث الثقافى وما اسميه ثقافة المسلسلات وهو ما من الدين بشىء

وخوف المرأة نفسها ان تحمل لقب مطلقة

===========

الحق أحق ان يتبع

Habiba يقول...

كوشيا
السلام عليكى
ازيك عامله ايه ؟
شوفى انا عايزة اولا اشكرك على انك لميتى الموضوع كله بالمشكله و العيوب والاسباب والنتايج
بس عايزة اقولك فعلا المجتمع ظالم الست فى حاجات كتير بسبب ثقافات غلط ليست من الدين فى شئ لكن كمان لا مبرر للخطيئه بمعنى انى اتفق مع الاخ afew good men فى ان الخيانه لا تغتفر مهما كان سببها اون الست مش مكن تلاقى التعويض فى الخيانه لسبب بسيط هو انها سرقه وحرام ومفيش امان فى الحرام الحكايه كلها تزيين من الشيطان
وبما ان الست بتكون فعلا مظلومه من اللى بيحصلها وهاكبره عدم تقدير مشاعرها الجميله او عدم الاهتمام بيها وهو ما يقتلها وبما ان النفس البشريه اصلا ضعيفة فبالتالى بتفكر لازم فى انها تعوض لكن الخيانه ؟؟!!
بئس التعويض
ربنا يحفظنا واياكم
دمت بخير

blue-wave يقول...

بجد تسلم ايدك
متفق معكى تمام غى كل كلمه
بل فى كل حرف
بالفعل
ناقشتى القضيه من جميع الزوايا
ولم تتركى فيها ثغرة واحدة
استمتعت بالمتابعه
ف اقبلى تحياتى

غير معرف يقول...

ههههههههههههههههههههه اخيرا اقتنعتى ان المراءه او الراجل بيخون لانه في حاجه الي دفء جنسي مش بيجده في الطرف الاخلر المرتبط بيه علشان كده بيخون وانا شخصيا متعاطف وانتى تعلمى هذا مع بنات حوا لو واحده دورت علي الدفء من شخص اخر حتى لو مره واحده وصدقينى الحكايلات كتيرررررر في مجتمعنا وزى ماقال احد قارئي مدونتك ان الظروف الاجتماعيه لا تسمح بكلمه حب للزوجه لكن برضه من حق كل ست انها تسمع كلمه حلوه ولمسه دفء ونظره حنينه مش شخص حتى لو ماكنش جوزها.......


onyx

dady يقول...

كلامك في الجون اكتر من اللازم
حسسني ان كل المبررات مطروحة
وان الفيصل دلوقتي مش احساسي بكل ده لكن عقلي وسيطرته علي تصرفي..
اعتقد لو اللي بيخون قرا الكلام ده احتمال كبير يبطل..
واحتمال اللي ما بيخنش تلفتي نظره للي ناقصه..
وفي النهاية تقوي الله هي اللي بتحمي الانسان من المعصية ,, حتي المعصية الذهنية

مدحت محمد يقول...

اه فعلا ده سبب لخيانة المرأة

سواء كان احتياج عاطفى او احتياج جنسى

عشان كدة اكترية الخيانات بتبقى بسبب بعد الزوج عن زوجته

بس برضه دى اسباب

مش مبررات للخيانة

موضوه متتالى ناجح جدا ياكوشيا بحييك عليه اوى

يوميات نائمة في الأرياف يقول...

بصي يا كوشيا
انتي بتتكلمي بمنطق صح اوي
بس خليني اقولك ان نظرة المجتمع الغير مبررة دي للأسف هي اللي بتنتصر
وساعات كتير ممكن ناس تضيع حياتها عشان كلمة واحدة
تحياتي

سارة علي يقول...

ازيك يا كوشيا
فعلا موضوعك حيوى اوى بس دة سبب مش مبرر لخيانة المراة لزوجها لية متحاولش توسع لغة الحوار مع جوزها تحاول توصل لمفاتح للكاراكتر بتاعة كل شخص لية مدخل انما متياسش علطول ...... تحاول تقرب من ربنا لو حسيت مشاعرها وعواطفها هيجرفوها لتيار تانى فية اساءة للشرع وللدين ولكرامة اسرتها
تحياتى

kochia يقول...

اصدقائي الاعزاء
===============
اولا
----
اشكركم علي تفاعلكم مع الموضوع جدا
واعتذر عن تاخري في متابعتكم الاسبوع الماضي

ثانيا
-----
اكرر قبل ان ارد علي التعليقات الواردة ان الخيانة لا مبرر لها
وان كل ذلك هي اسباب قد تدفع فقط من لديها النية للاستمالة وفقط تجد نور اخضر هنا او هناك لتركض نحوه

ولكن هناك من يتم دفعها دفعا لارتكاب الخطيئة ومع ذلك تظل محتفظة بعفتها وطهارتها الي اخر رمق

نرد بقي علي التعليقات

kochia يقول...

maha zein
=========

اولا اهلا بيكي ومنوراني دايما
هو فعلا انا معاكي ان نسبة ملل الرجل ومتطلباته اكتر من الست
صحيح فيه ستات مش كويسين
بس كلمة الحق انهم اكثر وقاءا
بس ليه مش عارفة

بس اسمحيلي زي ما فيه وحشين فيه حلوين
زي تمام فيه ستات كويسة وستات مش كويسة
لذلك العقل وحسن الاختيار قضية كبيرة اوي

عشان كدة بقولك لا تضربي عن الزواج
ولكن
اقبلي العيب الاشمل والاعم بينهم
وانتقي ما بعد ذلك

وتوكلي علي الله
وتذكري
اذا جاءكم من ترضون خلقه ودينه
زوجوه
دوري علي الدين الحقيقي مش المنظر
هتلاقي معاه حاجات كتير حلوة
ومش هقوللك كل حاجة عشان محدش بياخد كل حاجة
لكن لحد ما تحسي بالرضا
وفقك الله

تحياتي

kochia يقول...

صباح الصباح
===========
اهلا بك

والسؤال ... كيف يمكن فى هذة الحياة الصاخبة المادية للرجل ان يغدق على من يحب بهذة المشاعر.

يغدق الرجل لانه ايضا انسان
يحتاج الي الحب
والحب نبته
اذا لم تروي لن تشب ولن تقوي
ووقتها لا يلومن الا نفسه

ومن فرط المادية في الحياة يجب ان نجد ركنا دافئا ننسند عليه
والا اغرقتنا المادية واصبحنا اليين
واغلقنا قسم الاحساس في اجسادنا
وتعاملنا فقط بالقرش
اصبح ثمنا لنا وهدفا ومبدءا

الحب والود والتعاطف هو الشمعة التي تنير هذا الدرب
وتجعلنا نخشع ونبكي ونشعر
المادية الصاخبة في المجتمع هي الاجدي لدفعناى الي المحافظة علي الحب وعلي حرارة القلوب
بالكلمة والنظرة والضحكة وكل ما هو مباح لذلك
اليس كذلك ؟؟

تحياتي

kochia يقول...

أنا حــــــر
============
اهلا بيك دائما
وفرصة اسالك
ايه عيوب ومميزات النظرة الذكورية في المجتمع

فعلا انا ملاحظاها
وبما انك رجل
فكر وابقي قولي

تحياتي

kochia يقول...

المنســــى
=========
اهلا بيك واشكر رايك الجميل علي الموضوع
وانا معاك ان كره الست لجوزها وللعيشة وطلبها الطلاق اكثر ضررا من جواز الرجل باخري

لكن ده في حالة احتفاظة بزوجته الاولي وده نادر
لانها ممكن هي تطلب الطلاق لو اتجوز عليها
او هو ميقدرش يفتح بيتين في ظل العولمة والاسعار النارية يطلقها
او الزوجة الجديدة يكون من شروطها طلاق الاولي
وكل دي حالات متكررة

ولكن
رغم ذلك
الست اكثر تحملا لكل انواع المشاكل التي ممكن تحدث في البيت
سواء مشاكل عاطفية بتستحمل ومفيش ست غالبا بتطلب الطلاق لانه مهمل مشاعرها او لانه مجبش ليها هدية عيد ميلاد

وبرده الجانب الجنسي زي مانت قلت
ناس كتير بيعتبروه واجد
او تدين
او احتياج الست ليه غير احتياج الراجل
وستات كتير جدا عايشين

عارف
فيه ستات كتير عايشين مع رجال عاجزين جنسيا بشكل كامل لمدة سنوات لانها بتحبه لو لانها مكسوفة تسيبه او او او
كام راجل ممكن يعيش مع ست عاجزة جنسيا بالكامل ؟؟؟؟؟؟

صفر

ودي حقيقة
مع احترامي لاحقية الجميع في الحصول علي حقه في الحياة ومنها حياة زوجية كاملة طبعا

لكن هنا انا عاوزة اقوللك ان اللي بتهد الاسرة دي بيكون اماها الخطا او الطلاق
طبعا انا افضل الطلاق الف الف مرة عن ارتكاب الكبائر
وانا اعتقد انك من نفس رايي

النقطة الاخري في تعليقك ان الدنيا دار عبور نعم
ولكن الله احل اشباع الشهوات بالحلال
يعني انا مش هلوم واحد او واحدة مش قادرة تعيش او مش قادر يعيش مع رفيقه لهذا السبب

ده حقه الكامل في الحياة واختياره
وهو مسؤول عن هذه الاختيارات

كمان انا مش معاك اننا مش محتاجين ثقافة جنسية ولا اطباء نفسين
لا محتاجين لاننا بشر
بشر

ولكن اخيرا انا معاك ان ستات كتير بتقصر في حق جوزها بعد الزواج
واخطر من ذلك الاهمال التام اللي بيصيب الزوجات بعد الانجاب
ده حقيقي
وشئ بيعكر صفو الحياة جدا جدا

وان شاء الله يمكن اكتب موضوع عن الحكاية دي بعد ما اخلص سلسة الخيانة

تحياتي

kochia يقول...

ليكوريكا
=========
اشكرك جدا

واتمني اعجابك بالمدونة دائما


تحياتي

kochia يقول...

ahmed_k
========
اشكرك علي رايك الذي اتفق تماما معك فيه فعلا

وفعلا التجاهل لهذا الامر انما هو وضع للارس في الرمال

ويجب الانتباه قبل القاء التهم وتحمل التبعات


تحياتي

kochia يقول...

afew good men
============

دايما بتخليني ارد عليك في التعليق بموضوع كامل

قد يقوم الرجل بكل هذا حقا بابتسامة فقط
فعلا
وتكون تلك الابتسامة هي الدنيا وما عليها .. ولكن ذلك فقط ان كانت تلك الابتسامة من القلب وليست من العينين

ولكنها احيانا تكون مجرد ابتسامة من العين لا تساوي شيئا

من تخون

تبحث عن شماعة لتداري بها نقصها وجهلها وخطيئتها
حقا ما قلت

واري انك رجلا من القلئل الذين ينظرون هذه النظرة الي المراة

ولا امان في الخطيئة طبعا اتفق معك
آدم انسان يستحق العناية خاصة هذا الزمان
فلابد ان تنضج حواء والا ستفقده
سوف اصدقك

بس قولي
فين الرجالة اللي زي اللوز دوول ؟؟؟؟؟


طبعا بهزر
انا عارفة ان زي ما فيه هنا حلو ووحش فيه هناك برده حلو ووحش

بس الانسان معندوش معيار صح للتقييم والاختيار

علي فكرة انا رديت علي تعليقك في البوست اللي فات

تحياتي

kochia يقول...

العاشق
======

اهلا بيك دايما
واشكرك علي رايك

تحياتي

kochia يقول...

فاتيما
======
اهلا فطووووم
فعلا انا اتكلمت عن الموضوع ده من الحياة
ومن اراء سمعتها
ناس غريبة من وجهة نظري انها ترتكب الخطيئة لاب سبب مهما كان

بس للاسف بيحصل

نورتيني
تحياتي

kochia يقول...

الطائر الحزين
============
فعلا ثقافة المسلسلات
الناس اقتنعت بيها اكتر من اللازم وبقت حياتنا

وحقا ما قلت
" الحق احق ان يتبع "

تحياتي

kochia يقول...

Habiba
======

صحيح احنا وارثين معتقدات جاهلية والدين لحد دلوقتي مقدرش يمحيها كلها من نفوسنا

فعلا بئس التعويض
والانسان قبل ما بيغلط في اي حد بيغلط في نفسه

اللهم بصرنا بعيوبنا لنصلحها

تحياتي

kochia يقول...

blue-wave
==========
اهلا بيك دائما
واشكر متابعتك

تحياتي

kochia يقول...

غير معرف onyx
============
سيدي الفاضل
انا لم انكر يوما ان الدفء العاطفي او الجنسي سببا في الخيانة
ولكني ذكرت الامر بترتيب الاكثر شيوعا
ومازلت اعتقد ان السبب الاكثر شيوعا للخيانة هو الانتقام
ولا اتحدث عن الخيانة المستمرة ولكن ربما ارتكاب الخطيئة بزلة او اثنين
او ربما الانزلاق

ولكني لن اضع راسي في الرمال وانكر حقيقة
انت بس استعجلت هذا السبب
ومن حق الست تسمع طبعا كل كلمة حلوة .. ومن حق زوجها انه يسمع كلمة حلوة
لكن لو فتحنا باب الكلام الحلو من اي حد حتي لو مش جوزها زي مانت بتقول يبقي فتحنا باب الفتنة
انا ضد المجاملات المبالغ فيها لغير المحارم
مينفعش
حرام

تحياتي

kochia يقول...

dady .....
=======
عارفة
كلامك بجد بجد جميل
اوجز اوي
فعلا كل حاجة مباحة في هذا العالم وفي ظل العولمة
وفي ظل الانترنت والشات وعمل المراة وظروف عمل الرجل و والسفر و و و
كل حاجة مباحة
المقياس الوحيد والمعيار الوحيد هو انا
انا هعمل ايه
وهسمح لنفسي بايه
وهخاف من ربنا قد ايه
وهتقي ربنا قد ايه

وفي النهاية تقوي الله هي اللي بتحمي الانسان من المعصية ,, حتي المعصية الذهنية

بوركتي
تحياتي

kochia يقول...

مدحت محمد
=======

اشكرك يا مدحت
وفعلا دي مش سبب
دي مجرد مبررات
لان اللي عاوز يخون بيتصيد الاسباب
واللي مش عايز يخون مهما كان السبب مش هيخون

تحياتي

kochia يقول...

يوميات نائمة في الأرياف
======================
عندك حق
بس تعرفي

انا بحب التمرد لو الدنيا قفلت اوي ولو المجتمع قفل اوي
بس المهم نتحمل العواقب

ومش بقصد التمرد يعني حاجة غلط
لا
التمرد يعني قيد المجتمع الوهمي اللي مكتف عقلي وارادتي
اتخلص منه لو خنقني اكتر من اللازم

انا انسان
ولازم اثبت اني استحق انسانيتي
مش حيوان مربوط من رقبته


تحياتي

kochia يقول...

سارة علي
========
الست طبعا يا سارة عندها 100 طريقة تكسب بيها جوزها لو حست ببرود عاطفي منه او ناحيته

فيه شواذ بتثبت القاعدة
المهم علي رايك
الكاركتر
سواء للست او للراجل

كلامك حلو
تحياتي

غير معرف يقول...

رايك وانتى حره فيه ........ بس انا برضوا مصر علي راي من خلال تجاربي في الحياه .......


onyx

rara يقول...

الله عليكى ياكوشيا
موضوعك جاااااااااااااامد بجد
واكيد فى الاول فقدت طريقها للايمان
وابتعدت عن ربنا
عشان كانت خانت
وده كتير فى مجتمعتنا دلوقتى

وربنا يهدى كل ضال ان شاء الله

سومه...مجنونه فى بلد عاقل يقول...

بصى كوشيه
الحياه الزوجيه اكبر من مجرد غريزه اتخلقت فينا
وبالذات لما يكون فى ابناء
ولا يوجد اى مبرر على الاطلاق لخايه المراه
ربنا سبحانه وتعالى كفل لها حقها فى الاسلام انها تطلق وقت ما تبقى فى استحاله للحياه مع زوجها
انما نظريه تبرير الخطا دى لا دين يتقبلها ولا مجتمع ولو الست انسانه متدينه مؤمنه حتعرف حقوقها وواجباتها
بستغرب اما الاقى ست تفكيرها كله منصب فى ناحيه واحده وهى ارضاء نفسها وانانيتها
حتى لو مسمعتش كلمه حلوه من جوزها برضوا بقى دا نصيبها مش يبقى شغلها الشاغل دا مضايقنى دا ارفنى
انتى عارفه ان غريزه رقم واحد عند المراه هى الامومه دا عكس الراجل
امال السيدات اللى فى فلسطين اللى من يوم ما بينجبوا عارفين ان ولادهم حتموت دول يعملوا ايه
اللى بتقعد تربى ابنائها منغير زوج خالص سواء ميت او عايش دى تعمل ايه الدنيا مش مجرد خيانه عشان مفيش كلمه حلوه ولا مفيش.......
الدنيا اوسع واكبر من كدا بكتيييير
موضوعك مهم جداا على فكره بس فى فى الحياه اهداف اعلى واسمى من كلمه حلوه بتتقال ونسمعها ....او غريزه جوانا
تحياتى ليكى سومه_87

سومه...مجنونه فى بلد عاقل يقول...

نسيت اقولك فعلا عليها ان تلجا الى الله سبحانه وتعالى اذا ما احست بالضعف
زى ما قولتى

المهاجر الى الله يقول...

ادعوك لزيارة مدونتى المتواضعة
www.eyuon.blogspot.com
وشكرا

جـيـداء يقول...

نقول ايه بس..
نفسى اعرف هما ليه مش بيفكروا فى كل الكلام ده
كل همهم ان يبقى فى اكل و شرب و نوم و خلاص
بعد كدة مع نفسك بقى
و ليه دايما الحمل مرمى على المرأة فى اى علاقة؟؟
هى اللى تحدد حدود علاقتها مع الرجالة
وهى اللى تفضل تغير فى نفسها عشان البيه ما يزهقش
و هى اللى فى نفس الوقت تضحى بنفسها عشان عيالها و بيتها

مين قال ان الجواز كدة؟؟؟!!

kochia يقول...

غير معرف onyx ...
===========
الموضوع كله اننا نبقي موضوعيين
ونناقش الموضوع من كل جوانبه
ومش عشان فيه سبب منتشر نتجاهل الاسباب الاخري

وانا مازلت مقتنعة ان الانتقام هو السبب الاكثر انتشارا

ولو انت لك راي تاني
يبقي الاختلاف لا يفسد للود قضية يا سيدي
مع احترامي لتجاربك في الحياة

kochia يقول...

rara
====

الابتعاد عن ربنا هو اساس كل حاجة وحشة
وانا في الاول خالص اتكلمت عن انواع الخيانة ومنها خيانة العهد والنفس والدين والمبدأ

يعني كل ده سببه هو البعد عن ربنا

تحياتي ليكي دايما

kochia يقول...

سومه...مجنونه فى بلد عاقل
====================
الحياه الزوجيه اكبر من مجرد غريزه اتخلقت فينا

اكيد انا معاكي في كدة

لكن من الاكيد ان الغريزة جزء من الحياة الزوجية سواء فيه ابناء او مفيش ابناء

وان الغريزة سبب في كتير من مشاكل في الحياة الزوجية

وان عدم استقرار واتزان الحياة الجنسية للازواج يؤدي الي عدم استقرار الحياة الزوجية بشكل عام

واذا لم نعترف بذلك يبقي احنا بنضع راسنا في الرمال

وفي السنة النبوية كثير من الادلة واالاحاديث التي تدل علي التساؤل عن الصواب والخطأ في الحياة الجنسية
والرسول عليه الصلاة والسلام كان بيرد بل وبيقول كمان من غير سؤال

لكن طبعا
الحياة الزوجية مش مجرد غريزة
وربنا يمكن خلق الغريزة الجنسية عشان تقرب بين الزوجين في حجات تانية كتير
الود والكن والتعاطف والتراحم

واذا كان ربنا خلق الطلاق وحلله للست لما تستحيل العشرة
تقولي ايه في المجتمع اللي بيقف ضد ده
تقولي ايه للاب اللي بيقول لبنته لو جت عاوز تتطلق احنا معندناش طلاق انتي عاوزة الناس تاكل وشنا ؟؟؟؟؟؟؟

او اب اخر يقول لو سبتي بيت جوزك مالكيش بيت تاني تروحيه ؟؟؟؟

اعرفي انك من بيت جوزك هتروحي للقبر ؟؟؟؟

عزيزيتي .. صدقيني كله ده بيحصل
مش ربنا اللي خنقنا
احنا اللي بنخنق لنفسنا
واحنا اللي مش بطبق شرع الله

الدنيا فعلا اوسمع من كدة بكتير
لكن الدنيا بتبتدي الصبح لما اصحي من النوم والاقي وجه بشوش بيبتسم ليا ويشجعني علي محاربة الكون

الانسان يا عزيزتي كائن اجتماعي
وكائن عاطفي
مينفعش اقوله الدنيا واسعة واسيبه من غير الاساسيات

فيه عالم اجتماع اسمه ماسلو
بعد ما درس عمل هرم سماه هرم ماسلو
فيه حاجات الانسان الاساسية في الحياة

وبعد الدراسة ثبت ان الانسان عنده ترتيب واولويات لحياته

وقليل اللي بيقدر يقفز علي حاجة من الحاجات من غير ما يمر علي الحاجة التالية في الترتيب

كمان ستات فلسطين او الستات اللي بيربوا ولادهم من غير اب مثل جيد يحتذي به كقدوة

وانا معاكي في كدة طبعا
لكن ده ايه علاقته بان الكلمة الحلوة من مفاتيح الحياة السعيدة ؟؟؟؟

ولما يكون الهدف من الكلمة الحلوة والغريزة المشبعة هو منع كارثة قد تحدث كالخيانة اللي ممكن تهد الاسرة اللي بتربي النشء اللي ممكن يحارب في فلسطين او ممكن يخرج للعالم الواسع

انا شايفة انها مهمة جداا
وادعوكي للتفكير مرة اخري

وتحياتي لك

kochia يقول...

المهاجر الى الله
===========
اهلا بيك
وان شاء الله ازورك مدونتك

تحياتي

الحياه يقول...

السلام عليكم
يشرفنى انى اكون من ال وضعوا تعليقاتهم بمدونه حضرتك

بوست مميز
تحياتى

kochia يقول...

جـيـداء
======

عاوزة الحق .. الست عليها دور كبير
لان دورها اجظاء صغيرة ومتعددة
لكن الراجل دوره بيبقي كبير وواضح واللي مش بيقوم بيه بيظهر

بس احنا كشعب متعلقين بافكار جاهلية
مش دينية
ولنا في رسول الله اسوة حسنة
كان بيعامل زوجاته ازاي

وامهات المؤمنين كانوا بيتعاملوا ازاي وبيفكروا ازاي

احنا فعلا محتاجين اعادة تفكير
رجال ونساء

تحياتي

kochia يقول...

الحياه
====

اهلا بيك واشكرك علي رايك

تحياتي

عاقلة علي ارض الجنون يقول...

كو شيااااااا وحشتيني اوي .. علي فكره ليكي واجب عندي ..

و لسه هقرا و أرجع أعلق :)

ياسمين
نوته و قلم

kochia يقول...

عاقلة علي ارض الجنون
===============
اهلا يا قمر
ماشي اقري وتعالي
ومتشكرين علي الواجبات ربنا يخليكي


تحياتي

كاتب مصري يقول...

موضوع يستحق النقاش طويلا
كثيرا من الرجال لا يلقون انتباها للمرأة بعد الزواج إلا كما ذكرت في الفراش والمأكل والمشرب..
غير كده ناسي ان عندو أنثى محتاجة حنان
ربنا يكون في عون الحريم بس مهما كان الي معندهاش قوة ايمانية يبقى ربنا يسترها عليها وزنبها في رقبتها ورقبة جوزها الي نساها ده
ربنا يعافينا
كل ودي

حـــــدوتـــــة يقول...

السلام عليكم

انا فعلا بحييكى على الموضوع ده
موضوع فى غاية الاهمية والخطورة
وانتى قولتيه بشكل جذاب وراقى
وبرغم حساسية الموضوع إلا انك قدرتى توصلى افكارك بمنتهى الرقة والسلاسة
فعلا بوست رائع

سلالالالالالالالالالالالالالالالالالالالالالالالالالام

مواطن مصرى نايم يقول...

بجد بوست جميل جدا
مفيش كله مكتوبة الا بجد متوظفه صح فى مكانها
الله ينور
و زى ما بتقول مها زين فى اول تعليق
الراجلة غدارين
كتهم داهيه
بس طبعا لا يمنع وجود رجالة كويسين ذى والد مها طبعا
هههههههههههههههههه
يعنى
انا غدار
و كتنى داهية
ههههههههههههههه
لا و الله الرجالة مش غدارين
بس صوابعك مش زى بعضها
الحمد لله انى مش كده

بوست رائع يا كوشيا
تحياتى
اسلام

قوس قزح يقول...

بوست جامد
و فعلا محتاجين مندفنش راسنا فى الرمل و نعترف ان خيانة الزوجة اصبحت منتشرة جدا فى عالمنا العربى
احييكى على تحليلك

======================

عايز فعلا تبقى مشاركتك مش بس كلام
و تساعد نفسك و غيرك و بلدك
تعالى شارك معنا
التفاصيل هنا

http://kouskoza7.blogspot.com/2008/08/blog-post_12.html

او هنا

http://bekyaforsale.blogspot.com/2008/08/blog-post.html

StEEl BeaUtY يقول...

thx 3ll blog
good blog
good post
thx 3ll post

صاحب المضيفة يقول...

على الرغم من اني باكره الكلام في الخيانة

لكن بجد انتي اتكلمتي عن مشاعر المرأة والرجل بطريقة جميلة جدا

ربنا يكرمك ويعزك

Son of Egypt يقول...

السلام عليكم
اولا انتى انسانه طيبه اوى رومانسيه اوى اوى
وثانيا كلامك حلو وتحليل للمواقف جميل
انما انا وانا بقرأ البويت دار فى خاطرى انى اقولك كلمات ولكن انتى قولتى كل الكلمات فى الأخر فتحياتى ولا تنسى ماقولتيه ودرع الله والايمان يصل بكي سيدتي الي بر الامان
وأخيرا اختى العزيزه اقول ان الخيانه ليس لها مبرر انما الشكوى ممكنه فى مجتمع لا يقبل الشكوى

تحياتى وموضوع جرئ وتحفه
nageh

وميض ابتسامة يقول...

كلامك قد يكون اقرب الى علم النفس منه الى الواقع والتقاليد التى تربينا عليها!!!

ففى بداية تحليلك لواقع الحياه . تغافلت عن ان كل حياة زوجية جمعت بين اثنين هى قصة مقفلة على اسرار وقصص لا يعلمها الا هما الاثنين .. تختلط فيها الاوراق فلا يمكن ان تميلى لاحدهما بدون ان تميلى للثانى .. وزى ما قالوا زمان البيوت اسرار..

وان كان فى جزء من تحليلك للموضوع بعض من الصحة ..فهذا ليس مبررا بأى شكل من الاشكال لاقدام المرأة على الخيانة .. لانه بداية النهاية لها ولمن حولها .. ولن تقوم لها قائمة بعد هذا اليوم الاسود الذى دمرت فيه حياتها... واذا كان الجنس هو احد المبررات .. فحتما هى لا تحب ان تحيا كعاهرة موصومة بالخزى والعار.. وان فعلت فهذا شأنها ولتمضى قدما الى طريق الفسق ..

قد تحدث مثل هذه الامور فى بعض المجتمات الغربية ..وقد ينول تحليلك النفسى رضاء بعضهم ..ولكنه لايمكن قبوله شكلا وموضوعا فى مجتمعنا الشرقى .. حتى وان كان الحق هو ماقلتيه فى تبريرك لخيانة المرأة.

فالمرأة المسلمة حقا هى من تستعين بالله وتتحصن بألايمان والصلاة والتقوى ..لعل الله يجعل لها مخرجا من كل ضيق ..آمين

afew good men يقول...

انا علي فكرة جاوبت علي التاج

اخبارك ايه انت اختفيتي ليه

غير معرف يقول...

ردا علي.. وميض ابنسامة
فقرة من نص كوشبا
اكرر .. لا تخون زوجها الا من ضلت طريقها الي الله

ومن تفتقد الدفء العاطفي عليها ان تلجأ لدفء الايمان والا زلت

---

ودرع الله والايمان يصل بكي سيدتي الي بر الامان ..

وبر الامان هذا ان تقابلي الله بجسد طاهر شريف وروح نقية لا تشوبها شائبة

مهما ظلمك المجتمع واقرب من لكي فيه

ولكن رحمة الله وقربه .. تغنيكي عن الجميع .. وتعينك علي الابتلاء

--------

Zanooba (Zeinab sab9n) يقول...

الله جميل أوي أوي ماشاء الله البوست بجد تحفة تحفة تحفة يعني أنا أول مرة من غير مبالغة أقره بوست يشدني لآخر سطر

رمضان كريم و السلام عليكي

سومه...مجنونه فى بلد عاقل يقول...

كوشيه
يا بنتى انا اكتر واحده عارفه المجتمع ازاى بيظلم المراه المطلقه
وزقت من مراره الكثير
لكن زى ما قولتلك رقم واحد عند كل ست اسمه الامومه مادون ذلك يبقى مش طبيعى
بعدين انا عاوزه اسالك ليه معزرتيش الراجل وهو طول النهار داير زى الحمار مربوط فى ساقيه عشان يجيب طعام لعياله
وطلبات مراته وغيرها وغيرها وهات يا بابا وعاوزين كيت وكيت
وطالبين منه كلمه حلوه
اكتر دليل على حب الراجل لبيته انه كائن مهلوك من الشغل للبيت
الحياه صعبه كوشيه وانتى اكيد عارفه لو انتى اكيد فى مصر حتعرفى ازاى الناس مش لاقيه اكل وازاى المسؤليات زادت وزى ما الراجل بيتعب على المراه تحمله احيانا كثيره
وانها تعذره وتقف جنبه
ومصره لسه ان الست تقدر تعيش متخليه عن غريزتها وخصوصا فى الظروف الصعبه
لو مش حاسه بتعب جوزها وهلكته فى الحياه يبقى تروح تطلق لانها انسانه لا تقدر اعباء الدنيا وتفكر فى نفسها وانانيتها
انا مبقولكيش مفيش غريزه لكن المفروض متكونش اولويه
وتبقى سبب هدم الاسر
وتبقى سبب خيانه الست لزوجها اللى طول النهار بيشقى عليها وعلى عيالها
الدين ديما صح بس احنا لا نطبقه فى حياتنا كتير
ولو حنطبقه بقى يبقى الست تعيش بمرتب جوزها الصغير ومرتبها وتحاول تكفى بيه او تجوع هى والعيال ويتفضلوا يشبعوا غريزيتهم براحتهم ويتحرق الاولاد
اما عن فلسطين اعتقد ان المراه هناك والراجل هدف واحد عندهم ارضهم واستردادها
مش غريزه حتهد نشأ فلسطين دول ناس حطوا حياتهم على كفهم يعنى ضحوا بالحياه الاغلى من الغريزه من اجل الوطن والعرض
واحنا هنا من نزول لنزول نجح الغرب انهم يبثولنا اشياء خليت كل الشباب والشابات شغلهم الشاغل هى غريزتهم
مفيش عمل مفيش عباده وكل ما يتكلموا يقولوا تعدد زوجات ...البسوا ...اقلعوا ...الست فتنه
لو خرجوا الست والغريزه من روسهم شويه وينظروا للعلم والاخلاق والنجاح واعمار الكون والدين ككل
كل شىء حيمشى صح
وحتى الان غريزه المراه لا تبرر خيانتها لزوجها وزى ما قولتلك من قبل تروح تطلق ....وياريت بلاش كلمه مجتمع ظالم لان لو خانت يبقى ربنا احق بان نخشاه
ولا تنسى عقوبه الزنا فى الاسلام يا كوشيه ...وان المتزوج عقابه اشد من الغير متزوج
ولا يوجد مبررات للخيانه فى الاسلام
الخيانه لا تجزا ولا تبرر انما هى خيانه
تحياتى ليكى سومه_87

ميرام يقول...

قالوا ..
لون الخيانة أسود ..
لأنها لا تعيش ولا تنمو الا في الظلام

بالرغم من أنه ثمة دراسات أثبتت ان الخيانة طبيعة في بني آدم ..
الا أنني لا اميل لتصديق ذلك ..


الخيانة ..
كلما بحثت عن مرادف لها ..
أجد الألم والندم والتنكيس ..


كوشيا ,,,
مدونتك رائعه .. وكلماتك راقية ..
تقبلي مروري...
حتى العودة ..
كل الحب..
تحيـــــــــــــاتي

Mohaly يقول...

In any balanced relations, there is a mutual action and reaction, and men don't just treat their wivwa this way without a reason or else they will be just SICK people who need treatment.

The society plays a big role in the wrong perception of marriage for men and women, and one example of that is the sexual relation as you said, where the society and tradition are so unfair to women and totally pro men, and they dont understand that most of the problems in marraige their REAL hidden reason is because of un-satisfied women in bed, and that is not 3eeb or 7aram, that is women's right.

I have written something about that last year, check it out
http://mohaly.blogspot.com/2007/03/sex-education-how-and-when.html

كلبوزة لكن سمباتيك يقول...

هايلة

في الاول حسيت انك بتدافعي عن الست اللي بتحب تاني غير جوزها لكن في النهاية فهمت انتي تقصدي اية

ربنا يثبتنا جميعا على الحق و يهدينا
ازواج و زوجات

تحياتي

kochia يقول...

كاتب مصري
=======
اشكرك علي مرورك ورايك
وهو فعلا موضوع يستحق النقاش
ويستحق ان نواجه انفسنا باخطائنا
ويستحق ان نقبل النصيحة نعترف بالمرض ونطلب العلاج
وهو جزء من ذلك يقع علي الزوج طبعا لكن
هي فين من نفسها ومن ربنا ؟؟؟؟
هي كمان عندها عقل تفكر بيه وتحمي نفسها من الوقوع في براثن الشيطان
تحياتي

kochia يقول...

حـــــدوتـــــة
============
اشكرك علي رايك شكرا جزيلا
وفعلا ارجو اني اكون وصلت فكرتي بشكل جيد وحقيقي وواقعي
تحياتي

kochia يقول...

مواطن مصرى نايم
===========
اهلا بيك
واشكرك علي رايك
بس الحقيقة انا مختلفة مه مها في ان الرجالة كلهم غدارين
هم بشر والنساء بشر
والصح والغلط وارد مع كل البشر
وفعلا صوابعك مش زي بعضها

تحياتي

kochia يقول...

قوس قزح
======
اشكرك علي مرورك ورايك
وفعلا لازم نعترف ان الشئ ده موجود
ومش هنعمل مش بنشوف عشان اللي شايفينه بشع
لا
احنا نشوف ونعالج احسن
والحقيقة في النهاية حقيقة

اشكرك وتحياتي

kochia يقول...

StEEl BeaUtY
==========
اشكرك علي مرورك
ورايك

تحياتي

kochia يقول...

صاحب المضيفة
========
اشكرك علي رايك
واعتز برايك جدا

تحياتي

kochia يقول...

Son of Egypt
=========
اهلا بيك
واشكرك علي رايك فيا

وفعلا
الخيانة ليس لها مبرر والشكوي ممكنة في مجتمع لا يقبل الشكوي
وعنده فقط ودن من طين والتانية من عجين

تحياتي

kochia يقول...

وميض ابتسامة
==========
اهلا بيك

اولا سيدي الفاضل انا قلت طبعا ومازلت اقول انه لا مبرر للخيانة

ولكن السؤال
----------
هل هناك خيانة ؟؟؟؟
هل يوجدفي مجتمعنا نساء تخون بالكلمة وبالنظرة وبالروح وبالجسد ؟؟؟؟
نعم موجود
وان لم تكن تعلم فقط اقرا صفحة الحوادث

اذن المناقشة هنا لها داعي
وداعي حقيقي .. بل وملح

الا اذا كنا سنتغافل عن اخطاء (( عيب نعترف بيها ، وعيب نتكلم فيها ))

الاولي اننا نناقشها ونحاول نحلها

اتفق معك في قولك :
" مبررا بأى شكل من الاشكال لاقدام المرأة على الخيانة .. لانه بداية النهاية لها ولمن حولها .. ولن تقوم لها قائمة بعد هذا اليوم الاسود الذى دمرت فيه حياتها "

ولكن لم يعجبني قولك :
" قد تحدث مثل هذه الامور فى بعض المجتمات الغربية ..وقد ينول تحليلك النفسى رضاء بعضهم ..ولكنه لايمكن قبوله شكلا وموضوعا فى مجتمعنا الشرقى "

لان الخيانة واقع في مجتمعنا
مش في المجتمع الغربي بس
ولو انكرت كدة يبقي المناقشة هنا غير مجدية وانصحك باعادة التفكير في الامر

وانا لا ابرر الخيانة مطلقا
انا اسرد اسبابها في مجتمع
يخون في الطرقات المظلمة
وفي الحجرات المظلمة
وتحت السلم
وعلي الانترنت
وفي التليفون
ويدعي من يخون فيه التقوي والايمان
وللاسف هذا واقع

اما المراة المسلمة التي تحدثت عنها انت
وانا ايضا
هي من تعرف احيانا ان زوجها يخونها كل يوم
ليس مع امراة ولا اثنتين بل اكثر ولكنها تنظر لله ثم تنظر لاولادها
ولا تبالي

لكن سيدي
هل هذه هي الحياة التي يجب ان نحياها

علي العموم
ارجو ان تقرا مقالاتي عن الخيانة مرة اخري من البداية
لتعلم جيدا انني لا ابررها لا انقدها ليتجنبها من وقع في شركها
اشكرك علي تفاعلك مع الموضوع جدااا

تحياتي

kochia يقول...

afew good men
===========
كويس انك جاوبته
وانا مبسوطة بجد

وانا مختفية عشان مسافرة بحاول اجرب مياة البحر الابيض المتوسط حلوة زي بحر الخليج الهادية الجميلة ولا لا
وللاسف البحر الابيض وموجه بيضرب جامد وموجته تقيلة
وعمل لي شد عضلي

ان شاء الله هرجع قريبا
تحياتي

kochia يقول...

غير معرف
======
اشكرك علي ردك جدا
تحياتي

kochia يقول...

Zanooba (Zeinab sab9n)
=================

الله اكرم
واهلا بيكي دايما
واشكرك علي رايك وردك علي الموضوع

تحياتي

kochia يقول...

سومه...مجنونه فى بلد عاقل
===================
اهلا بيكي

طبعا انا بعزر الرجل
مين قال غير كدة ؟؟

انا عشان بتكلم عن دور الرجل في ان تخون زوجته ابقي مش عذراه

لا بالعكس اعذره وارثي لحاله جدا ان يكون له مثل هذه الزوجة التي لا تقدر تعب زوجها بل وتخونه فتخون دينها وتخون نفسها

لكن
يبدو انك مقدرتيش توصلي للنقطة اللي انا بتكلم فيها بالتحديد

انا مش بقول كل فقد عاطفي او جنسي يؤدي للخيانة

لكن انا بقول ان الخائنات الموجودين بالفعل وخانوا بالفعل

هذا السبب هو جزء من دافعهم للخيانة

والمناقشة تنطلق من جزئية .. هل هذا واقع ان نظرية ؟؟؟

ولانه واقع
يبقي مناقشة الاسباب واردة

الجزء الاخر بقي

اني انا قلت مرارا انه لا يوجد مبرر للخيانة
ليه حسستيني ان بعذر تلك الخائنة ؟؟؟؟
وانا مش ناسية عقوبة الزنا في الاسلام

ومعني وجود عقوبة زني في الاسلام يبقي هناك من يزنون وهم مسلمون

وربنا بيحاسبهم في الدنيا قبل ان يعاقبهم في الاخرة
اليس كذلك ؟؟

بس انا عاوزة اسال حاجة

ايه دخل فلسطين بالموضوع ؟؟؟؟
انا مدركة تماما تضحيتهم بالروح وبالدم ولكن ما علاقتهم في مناقشة اسباب خيانة المراة في المجتمع ؟؟

انا شايفة انك بتردي علي الموضوع من نظرية انه الست الكويسة المسلمة متخونش عيب وحرام وربنا يعاقبها

طيب واللي مش كويسة اللي خانت
هل اعتبرها مش موجودة ؟؟

هل اعبر جوزها مش من المجتمع ؟
هل اعتبر اولادها المتاثرين مش من المجتمع ؟

عزيزيتي انا بواجه في الموضوع لانه واقع
بيحصل
رغم اللي بيحصل في فلسطين بيحصل
ورغم الجوع وجري الراجل طول النهار يدور علي لقمة العيش بيحصل
ومن غير عيال او بعشر عيال في الاسرة بيحصل

وكمان الموضوع مش عندنا بس
عاوزة تقولي ان في فلسطين مفيش خيانة ؟؟؟
طبعاانا معنديش احصائيات لكن مش مقتنعة

لانهم بشر
والبشر بيغلط
وبيتوب

خرجي فلسطين من الموضوع لانه مش مجاله ربط ظروفهم بالموضوع

وانا معاكي في مقولة ان الخيانه لا تجزا ولا تبرر انما هى خيانه

وعلي فكرة الموضوع معاكي يحتمل مناقشة اكتر من كدة

لكن انا شايفة اني وضحت وجهة نظري بشكل كاف

تحياتي لك

kochia يقول...

ميرام
====
عجبني تعليقك جدا
حسيت ان فهمك للامر عميق

واشكرك جدا علي رايك ومرورك

تحياتي

kochia يقول...

Mohaly
=====
اشكرك علي رايك
وفعلا المجتمع يمثل السبب الاكبر في الخلل الموجود بتلك العلاقة بمنحه الحقوق ومنعه للحقوق لاطراف دون اخري

رغم ان كل واحد فيهم ممكن يكون بيعاني من نفس الامر

لكن مش عارفة ليه
رغم انه مش عيب
ومش حرام
زي ما قلت فعلا

تحياتي

kochia يقول...

كلبوزة لكن سمباتيك
==============
الحمد لله
واشكرك علي رايك
وفعلا انا شايفة اراء كتير من اللي مش عاجبها الموضوع فاهمة غلط ان ببر للست انها تخون اذا انتقص شئ من حقها

لكن لو بصينا هنلاقي 90% من الستات عندها شئ من النقص في حقها

لكن نسبة الخيانة اقل من كدة بكتير

واسمحيلي في ردي عليكي اكرر شئ للي يحب يقرا الموضوع تاني
ان الست اللي بتخون هتخون من غير اي دافع لكن دي مجرد شقوق في الحياة بتنفذ منها
لكن هناك من تكون حياتة مهشمة ولا يخرج عن اطار ما فرضه الله

اشكرك
وتحياتي

شفقة هانم واحسان بك يقول...

انا موافقة على كل كلمة قلتيها بوست مميز وهادف

funckydoctor يقول...

معكى قلبا وقالبا
اذا لم يكن لها حبيبا قبل أن يكون بنكا فلا بد فى أنه سيكون يوم من الأيام هو أكبر خاسر بل خسر حتى أقرب وأحت الناس له وهى زوجته
وتالغريب ات الراجل يقعد يفضفض ويتكلم مع الناس كلها الا مراته مع اتها أكتر واحدة هتحس بيه
الحياة عموما جاى ورايح يعنى عمرك ما هتكون مستريح عاطفيا الا اذا كان الطرف الأخر كذلك
بوست روعة
و تكلمتى بأدب شديد عن موضوع الناس بتعتبر الكلام فيه عيب مع انه فعلا مهم
دمت مميزة
سلام

kochia يقول...

شفقة هانم واحسان بك
================
اشكرك علي رايك كل الشكر

ومرحبا بك دائما

تحياتي

kochia يقول...

funckydoctor
==========
اشكرك كل الشكر
وفعلا كلامك كله صح
وهو ده اللي انا قصدت اقوله فعلا

لك كل التحية

يا مراكبي يقول...

تصفيق حاد .. أحسنتي

نعكشة يقول...

هوه انا معنديش اضافة
بس بجد اصبتي
و خصوصا في حتة ان المجتمع ذكوري بنسائه
و انه بيمنعها من متطلباتها

و ربنا يعافينا

دمتي سالمة

سلم عليكي

kochia يقول...

يا مراكبي
=======

اشكرك كل الشكر

تحياتي

kochia يقول...

نعكشة
=======
اشكرك علي مرورك وارائك الضائبة
تحياتي

seven يقول...

احنا اصلا عندنا شوية مفاهيم مش بايظة بس...لا... ديه مضروبة بالنار
وفى نقطة كمان اللى هيه لما الراجل بيخون مراته ممكن تفوتله
انما هيه لو خانته يبقة التار ولا العار
مع ان المفروض زى بعض
يعنى مفروض هيه كمان متسامحهوش
وبلاش الكلام بتاع بيتك وعيالك والكلام ده
ياما هوه يسمحها برده لو غلطت
مكلنا بنضعف يعنى
بس لما الراجل يبقة عارف ان مراته مش هتسكت لو خانها
مش هيضعف بسهوله
بجد احنا محتاجين نغير حجات كتير اوى فى تفكيرنا

غير معرف يقول...

في خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

H AYA يقول...

(ومازلت اعتقد ان السبب الاكثر شيوعا للخيانة هو الانتقام)
لأ مش بس ده السبب
لكن التحلل الخلقى
وكثرة المغريات
تدعوكى فى كل مكان
وتسهل لك الامور
المقاومة صعبة للغاية
لسنا بملائكة ولا شياطين
ولكننا بشر بشر بشر

kochia يقول...

seven
====
فعلا
حاجات كتير محتاجة تتغير
بس امتي ؟
وازاي ؟

تحياتي

kochia يقول...

H AYA
====
التحلل الخلقي هو القاسم المشترك الاعظم
وبعد كدة الاسباب الاخري اللي بنفكر فيها
المقاومة صعبة
لكن مش مستحيلة
لازم نقاوم والا خسرنا انفسنا

احنا بشر
وهنحاسب
فلننظر الي غد

تخياتي

ملكة بحجابى يقول...

بوست روعة يا كوشيا
وانا معاكى
أولا : نضرب بيد من حديد على إن الخيانة غير مقبولة لا دينيا ولا إجتماعيا ومالهاش مبررات
ثانيا بئى : المجتمع بتاعنا هو الوحيد اللى فيه ان الراجل له الحق يبص بره ويطلعله مجلد مبررات فى نفس التوقست اللى الكائن الاضعف منه والاكثر احتياج للدفء منه تتدبح لو بس فكرت انها تشبع عاطفتها دى
طبعا كمجتمع .. عندهم حق ..فى حتة الحفاظ على الاصول .. بس الراجل ايه النظام يعنى ؟؟ كله مباح .. ومبررات وحكايات .. هو الراجل خارج بره لوحة الشرف والاصول واللا ايه؟؟
ربنا بيقيم الحد على الزانى والزانية .. ماقالش سبحانه وتعالى الزانية بس .. وقال 100 جلدة .. يعنى عز وجل مفرقش حتى فى شكل العقاب وخففه عالراجل..
هو الموضوع حيوى جدا . بس انا حبيت اقول ان من كان منكم بلا خطيئة فليلقها بحجر.. ماحدش يعنى يذبح امرأة ويبيح لرجل نفس الشىء اللى اتحرم على المرأة ده .. الاتنين بشر .. بل انها المخلوق الاوهن والارق ..وهو الاقوى والاقدر على الاحتمال .. والاتنين مساوى بينهم فى جزء الثواب والعقاب الربانى
وأخيرا.. اللهم أهدينا إلى مافيه طاعتك .. وقنا شرور أنفسنا وسيئات أعمالنا.. اللهم أميييين

تقبلى مرورى
ملكة بحجابى

kochia يقول...

ملكة بحجابى

اشكرك علي مرورك وتعليقك بعد هذه المدة
وانا مبسوطة ان البوست عجبك

تحياتي

شركة المثالي جروب للتنظيف يقول...


شركة المثالية للتنظيف
شركة المثالية للتنظيف بالدمام
شركة المثالية للتنظيف بالخبر
شركة المثالية للتنظيف بالقطيف
شركة المثالية للتنظيف بالجبيل
شركة المثالية للتنظيف بالاحساء

المثالية للتنظيف سيهات
المثالية للتنظيف الاحساء
شركة المثالية للتنظيف الاحساء

شركة المثالي جروب للتنظيف يقول...


شركة تنظيف منازل بالخبر تعد افضل شركة تنظيف بالخبر حيث تقدم جميع خدمات تنظيف المنازل والشقق والفلل والمجالس والكنب والسجاد والموكيت بافضل جودة وارخص الاسعار بالاعتماد علي كافة الادوات والامكانيات الجديثة والمتطورة فتعد افضل شركة تنظيف مجالس بالخبر بالاضافة الي تقديم العديد من خدمات التنظيف الاخري التي يحتاجها اهالي محافظة الجبر والدمام من تنظيف وصيانة مسابح وتنظيف مطابخ وتنظيف وصيانة المكيفات اي ان شركة المثالي جروب تعد افضل شركة تنظيف بالخبر
فلدينا

شركة تنظيف منازل بالقطيف
شركة تنظيف بالقطيف

شركة تنظيف مسابح بالخبر
شركة صيانة مسابح بالخبر
شركة تنظيف كنب بالخبر
شركة تنظيف مطابخ بالخبر
شركة تنظيف مكيفات بالخبر

شركة تنظيف مسابح بالدمام
شركة تنظيف مسابح بالقطيف
شركة صيانة مسابح بالقطيف

شركة المثالي جروب للتنظيف يقول...


شركة تنظيف منازل بالجبيل
شركة تنظيف بالجبيل

شركة تنظيف مسابح بالجبيل
شركة صيانة مسابح بالجبيل
شركة كشف تسربات المياه بالجبيل
شركة تسليك مجاري بالجبيل
شركة شفط بيارات بالجبيل

شركة مكافحة حشرات بالجبيل
شركة رش مبيدات بالجبيل
شركة نقل عفش بالجبيل
شركة نقل اثاث بالجبيل

شركة المثالي جروب للتنظيف يقول...


شركة تنظيف منازل بالاحساء
شركة تنظيف شقق بالاحساء
شركة المثالية للتنظيف بالاحساء
شركة تنظيف خزانات بالاحساء
شركة تنظيف مسابح بالاحساء
شركة صيانة مسابح بالاحساء

شركة كشف تسربات المياه بالاحساء
شركة تسليك مجاري بالاحساء
شركة شفط بيارات بالاحساء

شركة نقل عفش بالاحساء
شركة نقل اثاث بالاحساء