الجمعة، أبريل 03، 2009

(10) الصداقة ... من مذكرات نتاوي

-

_

كنت قاعدة في يوم علي جهازي العزيز ..

مش عارفة كنت بكلم مين وقتها

وكان العديد من صحابي موجود اون لاين

منهم واحدة صاحبتي..

-

وانا وهي مش متعودين نتكلم كتير اون لاين

الا لما يكون فيه حاجة مهمة ..

لانها صديقة من الواقع

-

لقيتها بعتت لي...

-


ــ كوشيا .. ؟

ــ ها

ــ بصي .. خدي ايميل الواد ده كلميه .. اعرفي اسمه لحسن نسيت اسمه ..

وانا مكلمتوش من زمان .. بصراحة عاجبني وتقريبا هو كمان معجب بيا ..

ومش قادرة اقوله نسيت اسمك .

-

صاحبتي دي رومانسية حبتين وبتثق في الناس بسرعة ..

يبدو انه وقتها فكرت ان الموضوع ممكن يتطور تطور ايجابي

-

( انا طبعا صديقة حقيقية ومخلاش بصحابي ابدا )

-

قلتلها :


ــ نسيتي اسم الراجل ياختي .. طيب اديني الايميل هعرف لك اسمه

ــ بس بقول لك ايه .. اوعي عينك تزوغ عليه لحسن اموتك

ــ اخص .. عيب عليكي .. هو انا وش كدة برده .. لو مش واثقة فيا بلاش

-

( وانا فعلا مش وش كدة ..بجد )

-

===================


( المهم اديتني الايميل .. واضفته .. قبلني فورا .. )


ــ هاي

ــ هاي .. مين معايا ..؟؟

ــ انا كوشيا

ــ جبتي ايميلي منين لو سمحتي ؟؟

ــ جبتك من السيرش !!!!


( الكذب بتاع النت ده يا تري حرام ولا حلال )

( انا معرفش ايه السيرش ده لحد دلوقتي )

(بس اهي كلمة كنت بسمعها من الناس المجهولين اللي بيضيفوني )



ــ ازاي ؟؟

ــ ازاي يعني ايه ؟؟

انت متعرفش السيرش ولا ايه ؟


( وطبعا وجد اني مخضوضة انه ميعرفش السيرش ..

وحسسته انه جاهل انه ميعرفش ايه هو السيرش )



ــ لا

ــ لازم ابقي اعلمهولك بقي .. دانت بتنقي منه الايميل اللي يعجبك ..

وانت ايميلك لفت نظري عشان كدة نقيتك وضفتك ..

انت وخمس ايميلات كمان


( عشان الحبكة يعني )


(وايميله كان عادي جدا .. اسمه بس ..

مش عارفة صاحبتي ازاي ماخدتش بالها من كدة ..)

( المهم الراجل المسكين صدقني )


ــ طيب اتفقنا ابقي علميني ..

-

===================

-

(وفي اثناء محاولة استخراج المعلومات المطلوبة من العميل ..

( طبعا صاحبتي كانت شغالة ارسال رسايل ليا )

-

ــ يللا .. كل ده عشان تعرفي اسمه

ــ مش عشان يصدقني ولا انتي عاوزاه يشك

ــ يابنتي مانا بكلمه .. خلصيني

ــ طيب

===================

-

ورجعت للاخ


ــ طيب مش هتقوللي اسمك بقي عشان نتعرف

ــ طبعا .. انا حسام

===================
-

رجعت لصاحبتي بقي ..

-

ــ اسمه حسام .. وممل .. الله يعينك

ــ طيب اخلعي بقي

ــ طيب .. عاوزة معلومة تانية مش فاكراها ؟؟

انا في الخدمة

ــ لا متشكرين

===================
-

ورجعت انا للاخ حسام

-

ــ طيب يا اخ حسام

انا لازم اقوم دلوقتي لاني لازم اروح البيت لاني في سيبر

ومقدرش اتاخر اكتر من كدة

-

( انا كنت في البيت طبعا .. مانا كنت اشتريت الجهاز خلاص )

-

ــ لسة بدري

ــ بدري من عمرك

طيب مش هتعلميني السيرش

( هو لسة فاكر )

ــ ان شاء الله المرة الجاية

ــ باي

بلوك

-

===================
-

ورجعت لصاحبتي


ــ خلاص يا توتة عملت بلوك عليه

ــ طيب متحرمش منك

ــ انا هقوم بقي انام القيلولة لحسن مفيش حد من الظرفاء اصحابي

ــ اوك


===================
-

ده الجزء الاول ...

انتظروا حسام في الجزء التاني


هناك 85 تعليقًا:

ملكة بحجابى يقول...

هههههههههههههه
والله سكرايه
ينفعه كدة يعنى اتشوق القصة تكمل الاقينى بقرا استنو الجزء التانى
اوك
هتابع بشغف
اسعدنى مرورى هنا للغاية

ملكة بحجابى

Shimaa Gamal يقول...

أهو كله كوم و جبتك من السيرش دى كوم :) والله بتفكرينى بالأيام الخوالى يا كوشيا :) زمان أيام ما كان الواحد عامل كشكول يكتب فيه أسامى الناس علشان اللخبطة و أهم حاجة البيانات اللى ألفناها علشان الكذب مايتقفش :)

المفروض مذكرات نتاوى تتنشر فى كتاب ، للتذكرة و العبرة :)

norahaty يقول...

كده برضه ياكوشششششششششيا !
دى حتة تقطعى فيها الحكاية:)
على العموم ماتطوليش علينا :)
منتظرينك على .....
.
.
.
.
.
.
.
.
.
النت طبعاً:)

نهر الحب يقول...

لقاء تدوينى يوم الجمعه 10/4
ببورسعيد اللقاء عبارة عن تجمع للتبرع للايتام المعاقين
ولقاء وتجمع تدوينى بعدها
ان شاء الله
التفاصيل عندى وعند ماما امولة

سمو الامير يقول...

ههههههههههههه حلوه جبتك من السيرش دي

بوست جميل يا كوشيـا كان نفسي يبقي اطول من كده عشان اعرف اللى حصل

في انتظار الجزء التاني

حسن حنفى يقول...

يعني بعد كل ده انتظروا الجزء القادم
:-w

علي العموم ان شاء الله في انتظاره

مـجـنـووون يقول...

ايه الصداقة الي ميه ميه دي

بس تعرفي ان الموضوع ده اوقات بيزعل

هتقولي علي مجنون بس صدقيني لو كان حد طلب من الموضوع ده وخصوصا لو كان من حد عزيز علي مكنتش عملته

اولاً : لأن كل واحد بيبقي عنده فضول يعرف الي ضافه وجاب ايميله ازاي

ثانيا : مش بمكالمة علي النت ولشخص مش شيفنا نقدر نحكم عليه ونقول عليه كويس والا وحش


وهبقي اكمل كلامي مع الحلقة الي جايه

تقبلي مروري
مجنووون

إبن مصر يقول...

السلام عليكم

اه يا بنات الجيل ههههههههههه
بس لذيذه اللعبه صح
بس بصراحه صعبان عليا حسام بس مش منك من صحبتك او يمكن تكون معجبه بيه فعلا
عموما انا تشرفت بيكى جدا والمره الجايه بلاش تكدبى على حد :)


تحياتى كوشيا
ناجح

77Math. يقول...

دا بجد ؟

أتمنى عموما إنه ما يدخلش ع البلوج بتاعك من "السيرش" ويعرف اللي اتعمل فيه !


:D

ahmed_k يقول...

لا بجد حرام عليكي التعليقه دي
أنا منتظر بقا بقية الحكايه قبل ما انسى الجزء الأول منها فبسرعه
هي لحد دلوقتي عادي مفيش أكشن
بس حكاية السيرش دي بتحصل كتير ههههه
وانا كمان مش عارف أيه هو السيرش ده

بس مش حتعجل الموضوع حنتظر بقية الحكايه

تحياتي

صاحب المضيفة يقول...

في انتظار نشوف عمايلك في حسام

بصراحة


ربنا يكون في عونه

:):):):):)

Gemy يقول...

ههههههههههههههههه
جامده جدا جدا يا كوشيا
واسلوبك فى سرد الاحداث جميل جدا
بس اه لو حسام دخل على البلوج
وشاف الكلام ده
هتتظبطى
يلا ربنا يستر عليكى يا بنتى
سلاااااااااااااحف
جيمى

رؤية يقول...

هههههه
ها بسرعة
ايه اللى حصل..؟

صدى الصمت يقول...

جميلة قوى القصة ومشوقة
فى إنتظار الجزء التانى
بس أحلى كلمة عجبتنى كلمة صديقة من الواقع
تحسى إنها بتعبر عن أغلب الصداقات حالياً
تحياتى

عاشقة الورد

الطائر الحزين يقول...

منتظرين - هى صاحبتك لسه صاحبتك ولا كانت؟؟؟!!!

ابو المفاصل الواصل يقول...

اغنية للبيبى
البيبى عبد الرحمن جانا بالفرحة والامـــل
وبيــه الدنيا فرحــــــت وفرحــنا اكـــــتمل
وفى لفته قــــــــط مقطقط بهيـــــبة جمـــــل
ومهما اتدلع وبكى بالحب والرضا هنحتمل
لان حبه فى قلوبنا اتكلــــــــبش واعتمـــــل

غير معرف يقول...

هههههههه حلوه حكايه السيرش دى ابقي اجربها يا.........كوشيا


onyx

mohamed ghalia يقول...

ههههههههههههههه
ماشى بس خدى يالك بقى لسرش يجى على دماغك فى الأخر ههههههههههههه

الربان يقول...

تحياتي

افادك الله....الان نورتي المحكمة و مسكين حسام ...عملتوا له كمين ...هههههه.

في انتظار الحلقة الثانيه...و صدقيني الموضوع ينفع فكرة لمسلسل لاشرف عبد الباقي ... :)


تحياتي و تقديري

الطالبة عفو الله يقول...

أولا دي اول زيارة لي لمدونتك احب اقلك المدونة جميلة و دمها خفيف

و ان شاء الله حكون من متابعين ليها

نجي للبوست

الا صحيح فعلا يعني ايه سيرتش نفسي موووا اعرف و اعر الناس الي بتقول جابت الاميل مين السيرتش بتكون فعلا حابته منه و ازاااي

متشوقة اوي لمعرفة تتمت الحكاية

يلا بسرعة نزلي البوست التاني

عمرو يقول...

:))
رهيب مكر البنات :)
ماتغيبيش علينا بقى بالجزء التانى لأن الموضوع شدنى بجد :)

maha zein يقول...

يا الهي
ده ايه التشويق ده
مش حلو كده علي فكرة
كنتي كملتي القصة كلها بقه
بلاش بالله عليكي المرة الجاية متكمليش القصة

اد ايه عوزة اعرف ايه حصل

يلا بقه

تسنيم حسين يقول...

السلام عليكم ورحمة الله وبركاته

أولا مدونتك جميله ادعوا الله لكى بالتوفيق..
ثانيابالنسبه للموضوع ارجوا منك انك ماتزعليش وماتضيقيش من كلامى فمهما يكون انتى اختى الكبيره...بالنسبه لموضوع المراسله بين الشباب والبنات على النت عموما والكذب والكلام خصوصا هل هذا يرضى الله عزوجل هل يرضى رسوله صلى الله عليه وسلم..وماذا لو اماتكى الله على هذا اتكون خاتمة حسنه ام واعوذ بالله منها..وماذا لو دخل رسول الله عليكى هلى يفرح بذلك ام لا...وصدقا اقول باذن الله ان هذه المراسلات لا ياتى من ورائها إلا كل شر ومصيبه..نعم لامانع فى ان تراسل الفتاه الفتاه والشاب يراسل الشاب..ولكن ليس العكس...ولا يقول لى احد مثلا انه يدعوها لكى تهتدى نحن بذلك نضحك على انفسنا بل ويضحك الشيطان علينا ثم ماالفائده من وراء هذه المراسلات...وكان يجب عليكى ان تنصحى صديقتكى بدل ان تساعدينهاارجو من الله تعالى ان يهدينا جميعا الى مايحب ويرضى..
واعتذر ان كان فى كلامى بعضا من القسوة ولكن الله يعلم ان هذه محبتة منى..واعتذر عن الإطاله..

والسلام عليكم ورحمة الله وبركاته

يا مراكبي يقول...

ههههه

طيب والإيميل بتاعه كان فيه كلمة حسام وألا لأ؟

واضح إن فيه تطورات بعد كده رغم (لبلوك) .. هنشوف الجزء التاني فيه ايه

Miss. Sosa يقول...

والله يا كوشيا مذكرات نتاوي ديه تنفع مسلسل وانتي بتقعي في عالم عجيبة
ربنا يعينك ويصبرك

قلب ينبض لله يقول...

منتظرة الجزء التاني
بس ما تتأخريش علينا بئي

سلام ياقمر

نعكشة يقول...

يخربيت المسخرة

انتي سكر بجد والله

انا مش قادرة امسك نفسي من الضحك

طيب تعليقاً يعني بما اني بحب ارغم

فية شيء فعلاً اسمة السيرش

دة حاجة انا كنت بتسخدمها عشان ادعبس بيها على الناس

مش فاكرة هيا بتتجاب ازاي دلوقتي
بس هيا خدمة تبع الام اس ان find friends
اعتقد دة كان زرار موجود لما بتفتحي صفحة msn chat

هوه شات الام اس ان دلوقتي بفلوس
وبقالوا على كدة من كام سنة فمش عارفة الخاصية لسة موجودة ولا لأ بقالي كتير انا بعيدة عن لاموضوع

........

بس مسخرة
انت متعرفش السرش ولا اية
هههههه
.

اعتقد ان الكدب حرام في اي مكان نت ولا مش نت
............

بس انتي سكر والله

يلا خير

سلام عليكم

allb ostora يقول...

ههههههههههههههه

والله جميلة اوي ياكوشيا بس انا لو

مكان صحبتك هقوله انا نسيت اسمك:)

يلااا بأة قولي الباقي بسرعة بس اوعي

تجيبيه من السيرش

MǿиY El-Shreef يقول...

هههههههههه

انا عايزه اعرف الباقي ماليش دعوه

عاااااا

بجد البلوج عجبتني اوووي

ومستنيه الباقي ياقمره

(=

ميرام يقول...

ههههههه
ياااه
لسه في ناس كده (:
مستنيه الجزء التاني (:

وعلى فكره ليكي تاج عندي

سبهللة يقول...

أقولك الحق
ما عجبنيش البوست
صحيح دمك شربات
بس انا شايفة انك ضيعتى وقتك فى موضوع الشات بما لا يفيدك لا دنيا ولا اخره
اعذرينى وما تزعليش منى

ومازلتُ أتعلم يقول...

ههههههههه
حلوة اللعبة ديه
كملى كملى
مدونتك رائعة..أول زيارة ليا فيها

Mohamed Nagah يقول...

مدونه رائعه

بالتوفيق دائما

_ دعوه خاصه الى زيارة منتدى البيت العربى للتصميم

منتدى اكثر من رائع
http://mohamed-nagah.com/vb/

micheal يقول...

هههههههههههههههههه..حستني موضوع الأخ حسام بس عموما مش بميل لحوار الحب ع النت
ممكن صداقة في حدود
تحياتي وفي انتظار الباقي

micheal يقول...

علي فكرة ايه حكاية جبتك من السيرش دي
أصلي عملتها قبل كده وكنت فاكر نفسي بورم
:)

kochia يقول...

________________________________
ملكة بحجابى
________________________________
اهلا بيكي
اشكرك علي مرورك واتمني اسمتاعك الدائم
________________________________
تحياتي
________________________________

kochia يقول...

________________________________
Shimaa Gamal
________________________________
ايوة . تمام هو ده
تعرفي ان اللي لم يمر بالمرحلة دي مش مستوعب اوي قد ايه ساعتها كانت مهمة وحلوة
منورة دايما
________________________________
تحياتي
________________________________

kochia يقول...

________________________________
norahaty
________________________________
الجزء القادم قريبا
مش هطول عليكم
منورة
________________________________
تحياتي
________________________________

kochia يقول...

________________________________
نهر الحب
________________________________
اتمني لكم التوفيق ان شاء الله
________________________________
تحياتي
________________________________

kochia يقول...

________________________________
سمو الامير
________________________________
الجزء القادم قريبا ان شاء الله
اشكرك عي رايك
________________________________
تحياتي
________________________________

kochia يقول...

________________________________
حسن حنفى
________________________________
مش هتاخر ان شاء الله
________________________________
تحياتي
________________________________

kochia يقول...

________________________________
مـجـنـووون
________________________________
النت مش وسيلة للحكم علي الاشخاص طبعا وانا بقولك ده بناءا علي تجربة زيمانت شايف كدة عندي تجارب حياتية نتية
لكن مش كل الناس بتزعل من نفس الحاجات لانها ممكن تزعلك برده بحاجات مختلفة
ونكمل المرة الجاية
________________________________
تحياتي
________________________________

kochia يقول...

________________________________
إبن مصر
________________________________
حاضر
هحرم اكدب
وميصعبش عليك غالي
وارجوك تكمل حكاية حسام
________________________________
تحياتي
________________________________

kochia يقول...

________________________________
77Math.
________________________________
ايوة بجد
وعلي العموم او دخل ينورنا
________________________________
تحياتي
________________________________

kochia يقول...

________________________________
ahmed_k
________________________________
علي العموم الاكشن جاي
متقلقش
________________________________
تحياتي
________________________________

kochia يقول...

________________________________
صاحب المضيفة
________________________________
ربنا يكون في عون الكل
منور
________________________________
تحياتي
________________________________

kochia يقول...

________________________________
Gemy
________________________________
ربنا يستر
________________________________
تحياتي
________________________________

kochia يقول...

________________________________
رؤية
________________________________
حالا ...
________________________________
تحياتي
________________________________

kochia يقول...

________________________________
صدى الصمت
________________________________
اهلا بيكي .. وفعلا الواقع واقع
________________________________
تحياتي
________________________________

kochia يقول...

________________________________
الطائر الحزين
________________________________
اممممممممم
سؤال دقيق اوي
اللي انا اقولهولك اننا لسة صحاب
لكن صديقتي الامس اختفيا...
________________________________
تحياتي
________________________________

kochia يقول...

________________________________
ابو المفاصل الواصل
________________________________
انت اللي مؤلف هذا النشيد ؟؟
مرحب يا سيدي ب عبد الرحمن
________________________________
تحياتي
________________________________

kochia يقول...

________________________________
غير معرف onyx
________________________________
انت لسة مجربتهاش ....
________________________________
تحياتي
________________________________

kochia يقول...

________________________________
mohamed ghalia
________________________________
ربنا يستر
________________________________
تحياتي
________________________________

kochia يقول...

________________________________
الربان
________________________________
اشكرك ..
ولو ينفع مسلسل ياتري ينفع امثل فيه انا بالمرة بقي ؟؟؟
________________________________
تحياتي
________________________________

kochia يقول...

________________________________
الطالبة عفو الله
________________________________
اهلا بيكي
وان شاء الله قريبا
________________________________
تحياتي
________________________________

kochia يقول...

________________________________
عمرو
________________________________
اه هو رهيب فعلا .. خلقة ربنا بقي
وان شاء الله مش هتاخر
________________________________
تحياتي
________________________________

kochia يقول...

________________________________
maha zein
________________________________
مش هتاخر بس بظبطها
عشان مننضربش
________________________________
تحياتي
________________________________

kochia يقول...

________________________________
تسنيم حسين
________________________________
اهلا بكي .. واشكرك علي نصيحتك
وبالتاكيد مزعلتش لاني شايفة كلامك فيه اتجاه للافضل وليس العكس
ولولاحظتي ان هذه مذكرات وقد اشرت الي هذا الامر عدة مرات ولو تابعتي مذكرات نتاوي السابقة وردي علي تعليقات الاصدقاء لعلمتي ذلك
هي مذكرات ..وانما اكتبها للتسلية ..وللعظة ولارضاء شئ ما في نفسي لاني احب الكتابة ...
منورة
________________________________
تحياتي
________________________________

kochia يقول...

________________________________
يا مراكبي
________________________________
ردا علي السؤال اسمحلي امتنع عن الاجابة
وطبعا فيه تطورات قريبا
منور
________________________________
تحياتي
________________________________

kochia يقول...

________________________________
Miss. Sosa
________________________________
عجب والله صح
انتظري الجديد
________________________________
تحياتي
________________________________

kochia يقول...

________________________________
قلب ينبض لله
________________________________
مش هتاخر
منورة
________________________________
تحياتي
________________________________

kochia يقول...

________________________________
نعكشة
________________________________
اهلا نعكشة
هو فعلا السيرش انا اسمع عنه من زمان لكن عمري ما جربته .. وعمري مابثق في حد يقولي جبتك من السيرش
وطبعا عارفةان الكدب كدب .. بس متعرفيش ساعتها كنت مستمتعة جدا بالتجربة رغم عيوبها اللي بشوفها دلوقتي ..

المهم قوليلي .. هوانتي قفلتي التعليقات ولا انا اللي مش لقياهاعندك ؟؟؟
________________________________
تحياتي
________________________________

kochia يقول...

________________________________
allb ostora
________________________________
والله البنت اتحرجت تقوله ..
عشان هو كان فاكر كل حاجة
________________________________
تحياتي
________________________________

kochia يقول...

________________________________
MǿиY El-Shreef
________________________________
طيب سد سد
حالا
________________________________
تحياتي
________________________________

kochia يقول...

________________________________
micheal
________________________________
هكمل الحكاية ..واحكم علي الحدث مش علي الشات بالخصوص
اما موضوع السيرش فعلمي علمك
________________________________
تحياتي
________________________________

بنت الغربة يقول...

خير اللهم اجعله خير..
ايه الشغل الجامد ده؟؟؟
مامكن حسااام ده يطلع على او مدحت او حتى منى او مرفت..؟؟؟؟
انتى ايه اللى ضمنك انه حسااام وانه راجل اساسا..؟؟؟؟
انا ياما عملت فى اصحابى مقالب زى كده واكلمهم على اساس انى راجل واشتغل بيهم شويه...
ده انا مرة عملتها فى جوزى وقعد يكلمنى على اساس انى اسمى اشرف من الاردن وعايش فى الرياض....
يابنتى النت ده عالم تانى ماحدش بيبان فيه على حقيقته..واستحاله يتعمل فيه علاقه حقيقيه..
تحياتى

نـــــــــــــور يقول...

ازيك
انا عارفه انى مقصره فيكى بس مش عارفه مالى مابقتش احب اصيع فى المدونات ولا اقرا ولو قريت غالبا مش بعلق

عامله ايه؟
واخبار سى حسام ايه؟
مستنيين الجديد
على فكره انا من يومى فليسوفه مش بقيت فليسوفه ولا حاجه :)

من أجل التمكين يقول...

السلام عليكم

أنا مش هأعلق على الموضوع من كذا ناحية لأن كلامي هيكون كتير شوية

و بالمناسبة ادعوك لقراءة هذا الموضوع و مشاركتنا الحملة

http://fortamkeen.blogspot.com/2009/04/blog-post_09.html

و هو موضوع ضمن سلسلة كاملة

أنا اخترت بعض المدونين و دعوتهم و أرجو منك أن تدعو من تراه يستطيع المشاركة بشئ في هذه الحملة

جزاكم الله خيرا

-

أنا حر يقول...

الجزء الثاني طول مستنينه من بدري
:)
تحياتي

الازهرى يقول...

لا تعليق
والا اقول لك نعلق
حرام عليكم الراجل الغلبان
طيب ما ترمى صاحبتك وتسيبيها تدبس وخلاص

المهم فى انتظار الباقى يمكن الاكور تتضح اكتر

Dr.A.S. black armor يقول...

ههههههههه
ياااااااه فاكرتينى بالذى مضى يعنى ايام الشقاوة النتية
بس بجد شوقتينا نعرف الجزء التانى
مستنينك

غروب يقول...

ههههههههه

د انتوا المفروض تتسجلوا خطر

ههههههه

بس ايه فعلا السريش ده؟

لسه معرفتيش

نعكشة يقول...

لا قافلاها

kochia يقول...

________________________________
بنت الغربة
________________________________
كل شئ ممكن اه
لكن
مش استحالة ابدا انك تعملي علاقة حقيقية من خلال النت لانه مجتمع حقيقي بس ناقص
وانا بحكي هنا ااحاجات الغريبة .. لكن الحاجات الطبيعية محكيتهاش
________________________________
تحياتي
________________________________

kochia يقول...

________________________________
نـــــــــــــور
________________________________
اهلا بيكي وباسمك الجميل
وانا عارفة انمن يومك فيلسوفة
العظماء بيتولدوا عظماء يا بنتي
المهم منورة .. وكفاية مرورك
________________________________
تحياتي
________________________________

kochia يقول...

________________________________
من أجل التمكين
________________________________
مرحبا ...
________________________________
تحياتي
________________________________

kochia يقول...

________________________________
أنا حر
________________________________
وصل يا فندم
________________________________
تحياتي
________________________________

kochia يقول...

________________________________
الازهرى
________________________________
اقرا الجديد وشوف مين اللي غلبان
وابقي قوللي
________________________________
تحياتي
________________________________

kochia يقول...

________________________________
Dr.A.S. black armor
________________________________
ارجو استمتاعك بالجزء التاني
________________________________
تحياتي
________________________________

kochia يقول...

________________________________
غروب
________________________________
والله لحد دلوقتي السيرش ده معرفش شكله
________________________________
تحياتي
________________________________

kochia يقول...

________________________________
نعكشة
________________________________
ليه ؟
افتحيها ولومش عايزة تردي مترديش
________________________________
تحياتي
________________________________

kochia يقول...

________________________________
ميرام
________________________________
اه لسة فيه
متستغربيش
ومتشكرة جدا علي التاج وهحله قريبا ان شاء الله
________________________________
تحياتي
________________________________

kochia يقول...

________________________________
سبهللة
________________________________
اكيد مش هزعل منك .. وانا اقبل اي راي مادام قيل بشكل كويس وهذا طبعا موجود فيكي جدا
لكن زي ما قلت قبل كدة دي مذكرات
يعني حصلت بالفعل .. وانا بس بحكيها ومفيش منها حاجدة بتحصل دلوقتي
وانا بس اسرد تلك الحكايات
________________________________
تحياتي
________________________________

kochia يقول...

________________________________
ومازلتُ أتعلم
________________________________
اهلا بيك دائما .. واتمني استمتاعك الدائم
________________________________
تحياتي
________________________________

kochia يقول...

________________________________
Mohamed Nagah
________________________________
اشكرك جدا
ومرحبا بك في المدونة
________________________________
تحياتي
________________________________