الجمعة، أغسطس 08، 2008

.. اشتقت اليك فعلمني الا اشتاق

.
كم قابلت من بشر
وكم حادثتهم وحادثوني

وكم ادركت دواخل انفسهم وربما ادركوني

لكني لم اقابل مثله ..
لم اقابل قلبا مثل قلبه ..
لم اقابل عقلا مثل عقله ..

قلبا ينبض.. ينبض بحق ..
قلبا يشعر بالام الاخرين ..
ياسي علي ماسي الاخرين ..

يجزع لفواجع الاخرين ..
يهرع لتضميد جراح الاخرين..

قلبا اخفي جراحه مرار .. وابتسم في وجه الاخرين
شفقة بهم ..
وحبا لهم ..
وحرصا عليهم من التألم له .. او عليه

وعقــــــــلا ..

وزن به الكثير من امور الدنيا .. واصاب
عقلا نجح به في ان يسعي لحب الجميع .. ونال


لم اقابل خوفا من الله .. كما خاف ..
ولا توبا من الذنب .. كما تاب ..
ولا رجاءا في العفو .. كما رجي ..
ولا املا في الله .. كما امل ..
حديثه يقطر عذوبة .. واحترام .. وتعقل .. وطرافة
يجلب البسمة .. والفكرة .. والدمعة .. والضحكة

لم يخلف عهدا قط ..
ولم يتجاوز لفظا فط ..
ولم يخدش حياءا قط ..

رغم قوته .. وقدرته .. احب العفو .. وعفي
ورغم قوته .. وقدرته احب الحلم .. وصبر

من انت ايها النبيل ؟؟؟

كيف خلقت في هذا الزمان

كيف خلقت في زمان الالاعيب

كيف خلقت في زمن اللارجال

كيف كنت تحيا بين هؤلاء

هؤلاء الانصاف

اجـــــــــــل

لقد كنت تحيا بينهم

لقد كنت تسمع .. وتضحك .. وتجيب ..
وتربت علي ظهورهم في رفق

لقد سامحت منهم من سامحت ..
واحببت منهم من احببت
و ساعدت منهم من ساعدت ..

ايها الكريم المتواضع المتسامح
اين انت ؟

ام انك لم تخلق قط ..
هل كنت حلما ؟

هل كنت حلما .. صحوت منه علي واقع

هل كنت نجما كالنجوم التي نراها في السماء ..
نتمناها .. ولا نلمسها

هل كنت احلم فعلا .. واستيقظت من حلمي

لقد اوحشتني كثيرا

انمـــــــــــــــــــــا

تلك الارض لا تناسبك

لا تناسبك اخلاقهم ..
لا تناسبك افكارهم ..
لا تناسبك حياتهم ..

لا يناسبك لهوهم وجدهم

انما انت تستحق خيرا من ذلك

خيرا من الدنيا وما فيها

اللهم اسكنه فسيح جناتك

اميـــــــــــــــــــــــــــــــــــــــن
================
-------------------------------------------------------------------

هناك 29 تعليقًا:

semsem يقول...

لا مش ممكن
ايه الاحساس العالى ده يابنتى
ده انا حبيته من كلامك
حاجه كده مش ممكنه
اللهم ادخله فسيح جناتك
بس بجد عجبتنى الحته بتاعة
زمن الارجال
تسلمى يا كوشيا
بس هو اسمك ايه؟
سلام
اختك ف الله سمسم
فرحانه بجد انى التعليق الاول

مواطن مصرى نايم يقول...

الله عليكى بجد
و اسم البوست رائع جداااااااااا
بجد وفقتى فى اختار العنوان
بس لو ننظر لنص الكوباية المليان
حتلاقى ان فيه فى الدنيا رجال ليسوا بالانصاف ابدا
و لكن انتشار الانصاف طغى و احجب ظهورهم
تحياتى
اسلام

الرسائل الرومانسية يقول...

اللهم امين

اعتقد اللى تركها هو اللى المفروض يبكى على اللى لسة فيها

بسبب العصر اللى احنا فيه فعلا صعب فى كل حاجة

وفعلا فى كتير اوى انصاف رجال والكويسين هما اللى بيرحلو

كتير اوى انا بحس باشتياق لوالدى الله يرحمه

فقد ام او اب او زوجة او زوج او اخ او اخت او اى حد عزيز علينا

بيبقى صعب جدا فى الفراق وبنحس دايما باشتياق ليهم
فمبنقدرش نعمل حاجة غير اننا ندعيلهم
ونقول انهم فعلا جم فى زمن غير زمانهم

تحياتى وتقديرى

يا مراكبي يقول...

مامن رجل تجدين صفاته حسنة للغاية يصعب معها أن تجدي فيها نقيصة إلا وتجديه قد رحل .. فهذا الزمان لم يعد مكانا ملائما للرجال .. وما أقلهم

أسكنه الله فسيح جناته

egyboy يقول...

من انت ايها النبيل ؟؟؟
اسنكنه الله فسيح جناته فى زمن طغت فيه الشواغل على الأخلاق

مصطفى

بطوط حبوب يقول...

راجل زى ده فى 2008 ؟؟

صعب اوى؟؟
مبقاش فى من ده دلوقتى خالص


بوست رائع

غير معرف يقول...

الله يرحمه ........


onyx

فارس بلا جواد يقول...

ازيك ياkochia
بجد احساسك عالى قوى
مشاعر رقيقه وكلام عذب

سبحتى فى بحر الابداع
وربنا يرزقك بواحد عنده الصفات دى

تحياتى

afew good men يقول...

كوشيا

حاسس بيكي جدا

اسمحيلي احكيى معاك كام كلمة

عندما تجتمع المثالية في انسان لا يبقي هكذا

يتغير لسببين
1- اننا علي الارض
2- اننا بشر نخطيء وننسي ونسامح

يغيرنا الآخرون

ينتقدون براءتنا

ينتقدون طيبتنا وعفويتنا

يريدوننا باسنان وانياب

يريدوننا شياطين وبشر

لن اكذب صدقيني

هذا الملاك الذي تحدثتي عنه

هو يجمع نفس صفات ملكتي باختلاف الجنس
ونفس الصفات
اين هي
اين ذهبت
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
رحلت الملائكة

تحولت الملائكة الي بشر

ولكن اقول لكي سيدتي

بإيمان واقتناع تام

الملائكة لاتحي علي الارض

الملائكة لاتحي علي الأرض

ليس موطنها


الملائكة هناك في السماء
ارواح عذبة
وانفس مطمئنة

أما نحن

يرحمنا الله

نريد ان نكون ملائكة

وقد قتلنا الملائكة بأيدينا
وزرفنا دموعنا عليهم

نريد ان نكون ملائكة ونحن لم نصل الي مرحلة البشر

تحياتي ليكي كوشيا قلبتي المواجع ليه

ربنا يرحم الجميع

أحمد كمال يقول...

جميل يا كوشيا ، و لا أقول سوى رحم الله الجميع

مع اصرارى يقول...

يا ترى
يا واحشنى بتفكر فى مين؟
عامل ايه الشوق معاك؟
عامل ايه فيك الحنين؟

ربنا يهنيك وأكيد لسة بيننا لقاء

روعة يا كوشيا

مع احر تحياتى
السلام عليكم ورحمة الله

dady يقول...

لم اقرأ خواطر بمثل هذا الاحساس من قبل.
وقول ان ما كتبتيه خواطر هو ظلم , لنه يرقي لمستوي ادب المحترفين..
((حرام عليك , خلتيني ادمع)).
استمري..
وبالتوفيق.

عبده الرايق يقول...

معلشى بقى يا كوشيا
مش هنتفق على طول
انا المره دى باعترض
التدوينه جميله جدا وفيها مزيج من الرثاء والمدح
وحتى الذم فى الموجودين حاليا من انصاف الرجال
الا ان اعتراضى ليس على التدوينه
وانما على العنوان
فتدوينه بهذا الاحساس
وتدوينه تصنف تحت ... رثاء
لايمكن ان يكون عنوانها
كوبيليه لاغنيه
مع احترامى الشديد لعبد الحليم حافظ
وانا من اشد المعجبين به
ولكن
لاتقترن الاغانى مع الرثاء

الفارس الملثم يقول...

رائع ان يترك انسان فينا كل تلك المشاعر والاحاسيس النبيله ومؤلم جدا افتقاده في عالمنا

تذكرك له بكل هذا التدفق والقوه في الاحاسيس يدل علي نبله الشديد وعلي وفائك ورقة احساسك

تحياتي

احمد يقول...

حقك فعلا ان لا تستطيع اجاد احد مثله فى هذا الزمان دائما مثل هؤلاء تكون نهايتهم سريعه بيكون اسمه ابن موت
كل حياته عطاء ومحبه للاخرين
رحمه الله رحمه واسعه

حنين.. يقول...

بجد جميله اوىىىىىىىى, غايه فى الجمال, تسلم ايديكى بجد, تقبل مرورى, مع تحياتى, حنين, فى انتظار المزيد

صاحب المضيفة يقول...

اللهم اغفر له وارحمه وعافه واعف عنه وأسكنه فسيح جناتك يارب


تحياتي

maha zein يقول...

البقاء لله وربنا يرحمه ويدخله فسيح جناته
دعوة عن ظهر قلب
بس هو مين الى توفى
هل شخص قريب ليكي
ولا معرفة ولا مين
شكلك متاثرة بيه اوي
ربنا يغفرله
***********************
طبعا شفت تعليقك وانشكحت
وقال ايه اصلا انا بقراه وانا في صباحية اختي
يعني مفيش وقت
واموت وانام
بس اموت بردو واحل التاج
ده اول تاج يوصلني يا جدعان
ومش تاج واحد ده تاج وحلة
لا ووخداه بغتاتة كمان
يعني شوفى التلامة لما حد يدخل يقول لحد ابعتلي يا عم التاج ده
ميرسي بجد
واشكر ليكي اهتمامك
ميرسي
وربنا يرحم موتي المسلمين

نهر الحب يقول...

ما شاء الله
من بهذا الجمال؟
من بهذا الصدق مع الله
انه صاحب قلب امان بالله فمن من شرور
الدنيا وموبيقاتها
اللهم ارحمه وادخله فسيح جناتك
عارف جميلة جدا خاطرتك
كلماتك عذبة ورقراقة
ودافئة دفء الايمان بالله عزوجل
الاشتياق له

جزاك الله خيراا عليهاا
وسلمت اناملك
وغفر الله لموتى المسلمين

appy يقول...

ربنا يرحمه يا رب
واللى قريب منه يتعلم اخلاقه دى

WhItE HeArT يقول...

احم احم

يعني بصراحه بوست رائع بجد انتي بتتكلمي على انسان مش موجود حقيقي
انا وانا بقرى عشت جوه الكلام بجد كتابه رائعه


بس يعني كان لازم تسمينا انصاف الرجال مكنش ينفع نتجاهل الجزأ ده

ايه الاهانه دي طيب

هههههههههههههههههه

ولا يهمك لو هوه كده فعلا يبأه احنا زي ماوصفتينا وانا مش هقول حاجة

بس سؤال هل ده كان خيال زي ماتوقعت وله حقيقه علشان الدعوة اللي في الا خر

ولو حقيقه
يبأه اللهم امييين

تحياتي

زى الهوا يقول...

الله يرحمه

آخر العنقود يقول...

الله علي الوصف والاحساس والكلمات
جميلة بجد
ربنا يبارك فيكى
رحمه الله رحمة واسعة
وهكذا هي دائما تفرقنا عن أحب الناس الينا وأسماهم فى حياتنا

بوركتى وبورك قلمك
تقبلى مرورى

وميض ابتسامة يقول...

بصراحة انا بكتب لك وانا مذهول من كل هذه المشاعر النبيلة والعبارات القوية المعبرة التى انهالت علينا برقة واحساس وتمنيت الا تنتهى ..

منتهى الروعةوالكمال ان تتجمع كل هذه الصفات فى انسان واحد فى قلب واحد
فى عقل واحد

اشاركك الدعاء له بجنه عرضها السموات والارض أعدت للمتقين ..آمين

S@G! يقول...

براعه الكاتب إنو يخلقلك جو سحري تتمني تعيش فيه
--
بجد والله بوستك دخلني ف طرق من نور
تعرفي
ف وسط البوست حسيتك بتوصفي الحبيب محمد صلى الله عليه وسلم
--
وبعدين طفت على كذا حد بحبهم بنفس المواصفات
--
البقاء لله .. ربنا يسكنه الفردوس
ويجمعك بيه وبكل من تحبي
تحياتي لإحساسك أوي
مودتي

Mohamed Dawod يقول...

انسان بالمواصفات دى كان حيتعب قوى فى زماننا ده. زمن الرقص على الحبال. زمن الوشين. زمن الطيب فيه بيقولوا عليه عبيط. مش عارف هل احنا دخلنا فى زمن علامات الساعه اللى منها علامة ان ربنا يبعت ريح خفيفه تقبض أرواح الناس الطيبين وتسيب أشرار الخلق يتصارعوا فيها؟؟. الله يرحمه ويلحقه بالصالحين ويتقبل توبته....خالص تحياتى وشكرا

أية الشقية الشعنونة يقول...

بنت السويس
مكنتش اعرف ان فى بنات فى السويس جامدين كده
ما شاء الله
عالية عالية يعنى
تحياتى

blue-wave يقول...

جامدة جدا
كلمات واحساس فوق الوصف والله
تحياتى بجد

kochia يقول...

كل الشكر لمن عليق علي هذه التدوينة

تحياتي لجميع الاصدقاء