الاثنين، نوفمبر 24، 2008

(8) انتي لابسة ايه ؟؟ من مذكرات نتاوي


-
انتــــي لابســـــــة ايــــــــــه ؟






سؤال غريب ..

و سمعتيه .. او سمعته من حد بيكلمك في الشات ...
-

طيب هو ماله ..
انا لابسة ايه ولا مش لابسة ايه


-

المهم بعد فترة كدة .. فهمت ان السؤال ده مقدمة لسؤال تاني



انتي شكلك ايه ؟؟
--
ثم
سؤال اخر

انتي جسمك شكله ايه ؟؟


واول ما اسمع السؤال ده اعرف
-


مممممممم
""" هو انت منهم """"


-
عرفت نوعية الاشخاص اللي بتسال السؤال ده
ووبعرفهم اول ما بكلمم


-
المهم كنت بريحهم طبعا
واقولهم
-
" لابسة شراب اخضر وباستك من فوق "





واخلص معاهم الحوار
-
وبصراحة زهقت اوي لانهم كتتتتير
-
قلت مش نافع الموضوع -
انا هكلم بنات
-
نفسي اكلم بنت
بس
ليه الستات مش بترضي تكلمني؟؟

-

اليوم ده بحثت بنفسي عن female .. ولقيت كتير طبعا
بس المهم واحدة فيهم ترضي تكلمني

-

كلمت واحدة .. وعرفت اني بنت .. والحمد لله وافقت تتكلم معايا
كانت مصممة ازياء لبنانية .. تصمم اللانجيري

-

امها مصرية .. ابوها لبناني
وعايشة بين مصر ولبنان

-

دمها خفيف .. ولذيذة جدا
اعتقد ممكن نبقي صحاب

-

بعتت لي شوية تصميمات تحفة
وقلتلها اني تختوخة شوية ..
فبعتت ليا كمان تصميمات تناسب القوام المصري
(البط البلدي )

-

حبيتها
وحسيت اني الحمد لله هيكون ليا اصدقاء شات من الجنس اللطيف
-
وحكت لي عن حبيبها
وقصة الفراق
-

وحكت لي قصة حب ابوها اللبناني وامها المصرية

وفجاة هدأ الكلام
ولقيتها بتسالني

-
-
" انتي لابسة ايه " ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

-

-

اتصدمت

؟
؟
؟
-


بس قلت لا ..
دي بنت 100%
-
مش ممكن تكون راجل
وبتضحك عليا

اسلوبها

وكلامها

وهزارها

-

صعب يكون راجل

-

المهم اخدت الموضوع ببساطة
ورديت برده الرد المعتاد
-

"شراب اخضر وباستك من فوق"
-

ضحكت وعجبها الرد
قلت الحمد لله بتهزر
-
وبعد شوية قالت لي تاني
قوليلي

-

انتي لابسة ايه ؟؟؟؟؟؟؟؟؟؟؟؟؟؟؟؟؟؟؟

-

تاني ؟؟؟!!!!!

-
قلتلها ... عادي
هدوم بيت طبيعية
-

ليه بتسالي ؟

-

قالت لي

-
انا ليــــس ........
-

""يعني ايه ليس ""
-

قلتلها لستِ ايه ... ؟ ( مانا بقرأ الكلام مش بسمعه )

-
كملي الجملة
قالت لي
-

ليـــــــــــــــــــــــــــــــــــــــــس ......
-
ومعجبة بيكي اوي
وعاوزة اشوفك !!!!!!!!!!

--
لحد اللحظة دي مكنتش عارفة "ليس" دي يعني ايه
كنت عارفة المعني بالعربي بس مكنتش اعرف الكلمة دي تحديدا
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وليس يا جماعة دي للي ميعرفش كلمة اختصار كلمة
lesbian
-,ومعناها الحرفي ( سحاقية )
او المثليين (كما يسمون انفسهم)
وليس دي قراءة لاول ثلاث حروف منها اختصارا لها
والظاهر ان الكلمة معروفة كدة بالعربي
(لِيس)
-ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
-
المهم ..
وفهمتني !!!!!!!!!
-
فهمتني ببساطة ..

واستغربت اوي ان واحدة في سني متعرفش
واستغربت اكتر ان واحدة في سني اتصدمت

-
مش عارفة ليه ..
مع اني مثقفة .. وبقرأ ..
-

وعارفة ان الشواذ موجودين في المجتمع
وكمان درست عنهم شوية
-


لكن برده اتصدمت اوي
حسيت ان جردل مية ساقعة اتكب علي راسي


حسيت اني زي ما اكون قدامها دلوقتي وهي بتقولي كدة
-
مكسوفة ليه ..
ومصدومة ليه ..


هو انا اللي غلطانة ؟؟؟


الظاهر ماما قرصت عليا في التربية شوية
-


رديت عليها ...-
-
فرصة سعيدة جدا يا مريام

بـــــــــاي



-
بلـــــوك

ديليـــــت



-

‏هناك 118 تعليقًا:

مولان يقول...

يانهار الوان

انتي بتجيبي الناس دي منين

ايه الناس دي

استغفر الله العظيم بجد

A.SAMIR يقول...

ههههههههههههههههه
دة ذنب الشباب اللي انتي ظلمتيهم وافتكرتي ان كل الشباب من عينة
انتي لابسة ايه؟
شوفتي بقى اديكي وقعتي في شر اعمالك
معلش تعيشي وتاخدي غيرها
تحياتي

كراكيب عادل يقول...

هههههههههههههه

لا دانتي محظوظة

انا اول مرة اعرف ليس دي كمان

هو انتي لابسة اية ؟

OverFOrty يقول...

ههههههههههه
حلوه ملعوبه فى الحون مش قادر امسك نفسى من الضحك عموما تعيشى و تاخدى غيرها و اكيد السبب فى المشكله دى الشراب الاخضر ابو استك
طب جربى كده شراب ازرق يمكن يجيب نتيجه

هانى زينهم يقول...

هو الظاهر العيب فى وصلة النت بتاعتك !! من ايام طلبة الثانوى البوست القديم اوى شوية ده . واضح انك محظوظة فعلا !!
معلش انت فيه وفيه بس انتى زى ما يكون بتنقى وبعدين اطمنى لسة فى جهلة زيك كدة كتير فى المواضيع دى وانا منهم والحمد لله على نعمة الجهل دى !!

mony يقول...

تصدقي اول مرة اسمع مصطلح (ليس) ده


منكم نستفيد و الله

صدى الصمت يقول...

غريبة قوى الحكاية دى أنا برضة أول مرة أعرف أو أسمع عن كلمة ليس دى وكنت فاكرة فى الآخر إن ال بتكلمك هتطلع ولد وبيكذب وبيقول انه بنت عشان تطمئنى وتتكلمى معاة
لاحول ولا قوة الا بالله

Dr Ibrahim samaha يقول...

بالهنا والشفا :)

على فكرة ممكن تكلمى حد على الشات على أساس انه بنت ويطلع ولد

وممكن يكلمك على اساس انه ولد وهو بنت

مثلا يعنى كان واحد جارى بيعمل انه بنت ويحط كاميرا وهمية علشان إيه انتى عارفة؟

انه يوقع شباب ويجيب منهم رصيد للموبايل

قمة التفاهة

وممكن تكون بنت وبتكلمك على اساس انها ولد بس خايفة لحد يكشف هويتها

والشواذ كتير جدا

د إبراهيم

MAKSOFA يقول...

بصي بقي ياستي

أنا مشكلتي زي حضرتك كده مافيش ستات بتحب تتكلم معايا،موش عارفه ليه يمكن لإني صريحه ومابيعجبنيش الحال المايل، يمكن لإني موش بأعرف أنافق، يمكن كلامهم سخيف ومابعرفش أتجاوب مع التفاهات بصراحه موش عارفه، أما الرجاله بقى واللي حتى المفروض انهم مثقفين وبيخاطبوا عقل المرأة أول ما الكلام معاهم يسخن يبتدي يسألك أنت لابسه ايه، أه والله كلهم بيسألوا نفس السؤال متتخضيش، أما بقي الست ليس دي أنا برضه مفهمتش المعني إلا من بنتي لما كنا عند الكوافير فشاروت لي عل بتاعة الباديكير وقالت لي أصلها ليس قلت لها يعني أيه قالت يعني ليزبيان

دكتور حر يقول...

بصي بقى

انتي عاوزه رأيي

انا صراحة اللي يدخل شات ويدور على ناس ده انا اساسا ياعتبره فاضي وبيهرب من المجتمع الحقيقي المباشر اللي حواليه

خلينا في الي حوالينا
ممكن يكونوا أصعب لكن لأكيد هم أضمن

ممكن نتأثر بيهم ويتأثروا بينا

لكن للأسف معظم اللي بيدخلوا عالغرف دي هي دي أغراضهم


ربنا يحفظك من كل سوء

انا حره يقول...

ياحبيبتى اذا كان اللى تعرفيهم وبتثقى فيهم احيانا بعد شويه تلاقيهم ياخدو عليكى ويروحو خابطينك السؤال الرخم دا وطبعا تندمى بعد كدا انك عرفتيهم

معرفش ليه السؤال دا لازم كل الرجاله تساله حاجه غريبه جدا

بس اعتقد انه بيكون مقدمه للاسئله تانيه اكبر ولازم بلوك ودليت

مابالك بقى بالناس بتوع الشات اللى لاتعرفيهم ولايعرفوك

الست ليس بقى انتشرت اوى الايامدى معرفش ليه يمكن الكبت اللى جوا الشباب مش يمكن دا اكيد هوا السبب بيخليهم يعملو كدا بس للاسف الناس دى انتشرت جدا ومبقوش بيتكسفو

لدرجه انى بقيت بشك لو اتكلمت مع واحده زميلتى ولقيت كلامها مايع كدا وليه ياحبى وازيك ياعمرى والكلام دا

Ahmed Al-Sabbagh يقول...

هههههههه
:)))

سمـــــــــــا يقول...

ماهو طول ما انتى بتقولى " لابسة شراب أخضر وبأستك من فوق" الناس هيفضلوا يتغرغروا بيكى ، تقريبا فاكرينك مش لابسة غيره :))


بجد موتينى من الضحك فى حتة " ليـــس " .. لستِ ايه ؟؟ هههههههه

كنتى قلوليلها " لا يا ماما لااااا ليــس انا هذه المرأة "

:))

بس انا بجد عايزة أعرف انتى اتصدمتى من انها قالت لك لابسة ايه والحوار الرخيص دا ؟؟ واللا انها طلعت ليزبيان ؟؟

هو مش طبيعى ابدا ان لما بنت ليزبيان تكلم بنت انها لازم تتحرش بيها

أكيد الفكرة دى مش صح تماما

بدليل انى مثلية ومعظم صاحباتى من البنات العادين وعمر ما حصل الكلام الغريب دا لا منى ولا منهم لان الصداقة صداقة والارتباط والحب حاجة تانية

انا شايفة ان حظك هو اللى وحش فى الشات وبصراحة انا شخصيا مبحبش اعمل شات او اتعرف على حد لا ولد ولا بنت من مواقع شات يعنى اللى بتعرف عليهم غالبا بيكونو بروجرز او ناس مصدر ثقة لان حتة الثقة دى اهم حاجة فى التعارف والصداقات

.........................

قوليلى بقى انتى لابسة ايه ؟؟ ههههههههه

طبعا انا بهرج دا لزوم القافية مش اكتر

تحياتى يا فندم

وميض ابتسامة يقول...

عارفة انا لا احب الشات عموما ..
ويمكن محاولاتى المتواضعة نالت من الصدمات الكثير .. وشعرت ان المجال ده مش مجالى .. لان المعانى المحترمة بتوه وسط المفاجآت المخجلة التى يتعرض لها البعض اثناء رحلات الشات ...
فقلت فى نفسى بلا وجع دماغ والباب اللى يجئ لك منه الريح....

بس بصراحة انا زعلان عشانك ..!!
وبالمناسبة الشراب الاخضر بأستك منه فيه ولا استك عادى ... سؤال برىء جدا

تحياتى

نهر الحب يقول...

سبحان الله
شباب اخر زمن

maha zein يقول...

لا بجد
يعني بمنتهي الصراحة
الشات ده حاجة سيئة مع ناس مش تعرفيهم
يعني مشاكل الدنيا والاخرة بتحصل
طبيعي ان اي ولد مش محترم هيقولك لابسة ايه ويبدا يتخيل ويعيش مع نفسه
وحتي لو لقيتي بنت
انتي ايه ادراكي انها بنت

بجد
وبعدين لانجري ايه
خلاص
مفيش غير اللانجري اللى بتتخصص فيه
ده تخصصها لوحده يخض
ومتعمدة تبعتلك صور
وهي نيتها زباله
ويمكن تكن هو
بجد
بجد
ابعدي عن الشات مع الغرب لو انتي لسة بتشيتي

Angel يقول...


مساء الخير

بجد موضوعك ده في الصميم

أنا والله كنت حاسه بكل كلمة بتقوليها وكأني أنا اللي بقولها
نفس التجربة

أنا أول واحد في حياتي رديت ليه سألني نفس السؤال الشهير
أنتي لابسه إيه؟

عملت بلوك لكل الشات
وقلت اكلم بنت
والله نفس الموقف كلام حلو وبنات وأدب
وفجأة نفس السؤال
وبعدها التوضيح أنا كذا هو أنتي مش ..؟
ونفس موقفك تنحت قدام الشاشة
وباي وحرمت أكلم حد غريب تاني خصوصا البنات
هههههههههههه

طيب ممكن سؤال بقى بخصوص الموضوع ده

أنتي لابسه إيه دلوقتي؟؟؟
ههههههههههه

تقبلي مروري

Angel Love


صبرني يارب يقول...

على فكره
مت من الضحك عليكى

عارفه ليه

عشان انا مره عملت زيك كده يا وهوييييييييي

بس انا بقى كنت مش عارفه اضحك ولا اعيط

كنت لسه حديثة العهد بالنت خاااااااالص
انا وجوزي

وقاعدين نفتكس انا وهو فى الانترنت والكمبيوتر

وبعدين اكتشفنا الشات ده كان الاول شات الام اس ان له ايقونه على صفحة الماسنجر
ام هند

دخلنا نا دي الى هي انا وجوزي هههههههههههههههههههه

اي والله

الشات العادي لقينا شتيمه وقلة ادب من الى قلبك يحبه

وطبعا رضا كان كل ما يجى يكلم واحد يلاقيه راجل يخلع ومافيش مانع يديله كلمتين

بعد كده قلنا طب نتجول فى الرومز

وبعدين مره من ذات المراير كنت انا الى قدام الجهاز اخترت روم اسمها وووومنز

اها ما انا ووومن سليم احنا يا باشا

فى الاخر بررررررضه بعد ما قابلت واحده لبنانيه شكلها نفس الواحده يا بت
وكانت بتشتغل فى الازياء برضه ايه الحكايه والله ممكن ما هى الدنيا ضيقه يا اختي

المهم يعنى كان جوزي جنبي واديتها كلمتين فى جنابها على نصيحتين على وعظتين انتى عارفه ما حدش يعدي من تحت ايدى

بالشفا يا كوكي

بس على فكره ليس دي اول مره اسمعها منك يظهر انها كلمى لبناني اوسنغاافوري او يمكن انا الى من سنغافوره
هههههههههههههههههههه

صبرني يارب يقول...

اه صحيح هو انتى لابسه ايه ؟؟؟

صبرني يارب يقول...

ايه ده مش انا بس الى قلتلك كده

باقولك ايه بالنوسبه لحكاية مافيش ستات عايزين يكلموكي انتى ومكسوفه

انا على فكره بادخل شات
وليا هنا اصحاب بنات وستات كتييييييييير وبيرضوا عادي ومحترمين عادي برضه

وعلى فكره انا ومجموعه من اصحاب المدونات الحريمى هنا بنتجمع على الاميل ونقعد نلك مع بعض رغي حريمى ميه الميه

ممكن نعزمك يا بطه انتى وكل الى عايزه تيجى

تشرفونا كلوا دماغنا رغي ولا يهمكم

romansy يقول...

دا حظك عامل كده ليه
مع ان فيه ناس
مش بيتكلموا خالص
بيشاوروا بس

Khaled يقول...

هههههههههههههه

على فكرة بقة أنا بحذرك لإن معظم المدعيات بكدة بيكونوا فى الأصل رجالة متنكرين علشان يستدرجوا الضحية فى الكلام و خلافة ...

تعيشى و تاخدى غيرها
أنا مش حاسألك إنتى لابسة أية علشان انا عارف
شراب أخضر و بأستك من فوق

هههههههههههه

صاحب المضيفة يقول...

يانهار ابيض عليكي وعلى تجابك النتية

كل مرة تطلعي بحاجه جديدة تثبت ان النت ده عجائبه لا تنقضي بالفعل


ربنا يحفظك يارب ويعزك


تحياتي

لماضة يقول...

ولا انا يابنتي والله عارفه معناها الا دلوقتى منك
انا فكرتها هتقولك انا ليس مؤنث ولا حاجه
وبتتكلم بالبناني
فمدخله ليس وكلا وحاشا
ربنا يهديهم بجد

حاولي مش تدخلي شات ولا تدوري عليهم
هما هيجوا لوحدهم
:)))

موناليزا يقول...

بصى ياجميلة وبدون زعل انتى اللى غلطانه
انتى بتدخلى شات ليه اصلا؟؟؟
النت مليان مواقع مفيدة فليه تدخلى حاجة مش موثوق فيها

الفارس الملثم يقول...

بصراحه عمري ما سالت بنت انتي لابسه ايد دي , ولا كمان حكاية ليس دي والله اول مره اصلا اسمعها ,ده الواحد جاهل ومش عايش في الدنيا باين عليه ههههههه

علي فكره ان شايف اي صداقه من خلال مواقع الشات خطأ كبير لاني سمعت كتير عن الكذب فيه

علي فكره عجباني اوي مذكراتك دي لانها بتمثل تجربه يمكن للبعض الاستفاده منها

تحياتي

صباح الصباح يقول...

ههههههههههه

قليا لببخت يا بنتى

يلاقى ليسسسسسسسسسسسسس

فى النت

راجى يقول...

جربى الجايكو

Jana يقول...

كوشيا يا عزيزتى
دخلت اكتبلك تعليق طويل عريض
بس غلطت وفضولى خلانى اقرا الكومنتس الاول. .مكملتهاش بصراحة حصللى اذبهلال زيك كده
ده انتى موعودة بقى
هههههههه
ساعتها بس حسيت بيكى وبالصدمة وبجردل المية السقعة
الناس دى تسمعهى عنها اه
انما تلاقيهم كده لايف ...صعبة اوى...
اتفق مع الجميع فى ان المشكلة شكلها فى الشراب
:))

... amr يقول...

طب الحمد لله ... انا مش لوحدي اللي بتكعبل في الليس دول :))

ربنا يبعدك و يبعدنا عنهم :)

و مش هسألك انتي لابسة اية :P

~*§¦§ Appy §¦§*~ يقول...

ما هي دي من ضمن اللاوي اللى بعدتنى عن الشات

غير معرف يقول...

بصراحة انا حابعت النهاردة كغير معرف منعا للاحراج لىّ اولا ويمكن للناس كمان
الشات ده ممكن تلاقى فيه كل صنف ولون الحلو والماسخ والحادق والمر كمان اللى على كيفك خديه واللى مالكيش مزاج تفيه ايوة من تفة المهم وبصراحة انا بنت وعمرى ما كلمت ستات على الشات دمهم تقيييييييييييل اوى اما الشباب بقى ياوعدى دمهم خفيف على قلبى على الاقل ومش كلهم والله قليلى الادب فيه كده وكده وانتى اختارى قليل الدب سكى الخط فى وشه على طول ولا يهمك المهم النت تفريغ لطاقات كتير منا محروم من افراغها فى الواقع لسبب ما وربنا يهدى الجميع يارب

funckydoctor يقول...

ههه
بجد حظك لوووز
للأسف فيه كتير كده فى مصر كمان
بلاش من الشات العام قلنا قبل كده

habiba يقول...

:))
يالهوى
ايه البخت ده؟
دى البنت اللى وقعتى فيها؟
بس حكايه ليس دى اول مره اسمع عنها انا اعرف لازبيان اه ومن التليفزيون ومن وقت قصير انما ليس دى لا
يبدو ان كلنا جهلاء
وبضم صوتى لصوت والدى الجميل وميض ابتسامه
هو الشراب استك منه فيه ولاا عادى ؟
سؤال برئ جدا على فكره وانتى عارفه انى بنت :))

الربان يقول...

تحياتي

للاسف لن تجدي الكثير من البنات يرغبن
في مصادقة او محادثة بنت مثلها....يمكن
الشباب افضل حالا من الشابات...

و اول مرة اسمع كلمة ليس...و لا ادري معناها الا انني طبعا ادركته من كلام
حضرتك ...

تحياتي و تقديري

حسن حنفى يقول...

هههههههههههههه

حسبي الله ونعم الوكيل
نفسي اعرف هو اللي بيقول علي نفسه صفه زي دي مش بيتكسف
بس والله انا مش فهمت الكلمه برضه حسبتها ليس امراه اي حاجه
:d

دمتي بخير

حواديت بنوته يقول...

سورى انا يمكن مش فاهمه حاجه
بس يعنى ايه ليس ديه

حزينه يقول...

يا بنتى الشات دة اصلا مصيبه

يا سيتى انا بنت

لو عايزة نبقى اصحاب

ومش حسالك لابسه ايه

هههههه

ياريت تكونى اتعلمتى


حزينه

afew good men يقول...

ليس هذا زمن الخجل

وليس هذا زمن المبادئ

كوشي متخيلة ايه من شات روم اسمو مثلا جنسي او موحي
ان مين الموجود فيه

عموما
اعتقد ان في حاجات كتير ممكن تتغير

لكن افكار الشات بحس انها ادمان يعني اللي اتعود يشيت
حيشيت مهما كانت العاقبة

وعموما خدي بنصيحتي بدام انتي ليكي في الشات
عندك كاميرا نتكلم
مش عندك
بلوك ودليت
وشكرا

تحياتي

رئـــــيسـة حزب الأحلام يقول...

يالله
بجد استرها يارب

بس بجد حاجة مملة جدا

لية السات دة الواحد مايعرفش يتعرف غلى ناس محترمه من خلاله
بس سيبك مغامرات جامدة اوى

Beram ElMasry يقول...

( وقلتلها اني تختوخة شوية )
بدون زعل التختوخة منين لفين ، الدبة تختوخة والفيل تختوخ
ولكن احسنت بعرض هذا المقال بارك الله فيك

ahmed_k يقول...

تؤ تؤ تؤ تؤ تؤ تؤ
إنتي فهمتيها غلط
دي قصدقه ليث مش ليس ههههههههههه
يعني أسسسسسسسد شوفتي ظلمتيها إزاي هههه
دي والله بلاوي آخر الزمان
نسأل الله العفو والعافيه
أنا بقه لما بصادف حد من العينات دي
مش بقوله فرصه سعيده لأ وألف لآ
بخبط في الحلل على طوووول بقوله آآه شاذ يعني ههههههه وهما مبيحبوش الوصف ده فبكون حريص على أني أكرره كتير في وصفي إياه لأشعره بمدى حقارته وحقارة فكره وميوله لأنها بالفعل شذوذ وما يطلق عليها من ألقاب أخرى ما هو إلا وسيله لتجميل القبيح ولكن
أيش تفيد الباروكه للي بلا شعر

تقبلي تحياتي

الطائر الحزين يقول...

نحن من نحدد طريقة الحوار ولغته

حرص ولا تخون

فارس عبدالفتاح يقول...

اهاههههههههه


انا اسف دخل على الخط من غير احم ولا دستور

لكن بجد


حاجة في منتها الوقاحة الناس دي سواء اكانوا رجال ام نساء فهم فعلا عندهم امراض وجدانية ونفسية لم يكتشفها الطب ومن المفروض ان الناس دي فعلا تفصل وتحجب عن مجتمع الناس ويضعوهم في منازل منعزله عن المجتمع زي سرايا المجنين كده .

مياسي يقول...

جد حلوه:) من الآخر

فكرتيني بمغامراتي أنا كمان؛ جد الشات هاد بيطلع عليه ناس عجبه:) مرات بستغرب من الأشياء اللي بتطلع من الناس؛ أنا رايحه أكمل باقي القصص هون

وردة يقول...

بصراحة انتي حظك ايه
حتي البنت طلعت كده؟؟؟؟؟؟؟؟؟
اللهم احفظنا يارب
علي الاقل لما تيجي من ولد معروف قصده ايه لكن البنت حاجة تقرف والله
ربنا يكون في عونك
وخلي بالك المرة الجاية
واحسن حاجة عملتيها انك عرضتي الموضوع ده علشان محدش يوقع فيه بعد كده
شكرا

kochia يقول...

ـــــــــــــــــــــــــــــــــــــ
مولان
ـــــــــــــــــــــــــــــــــــــ
مش بجيبهم والله .. هم اللي بيجيوا
بس النت ده عالم كامل وزيادة
يعني اللي قليل برة كتير فيه بحكم انه مركززز
تحياتي
ـــــــــــــــــــــــــــــــــــــ

kochia يقول...

ـــــــــــــــــــــــــــــــــــــ
A.SAMIR
ـــــــــــــــــــــــــــــــــــــ
لا انا مفكرتش كل الشباب من النوعية دي ابدا
بالعكس انا عندي اصدقاء اتعرفت عليهم من خلال الشات .. ولو كان كل اللي كلمتهم من عينة (انتي لابسة ايه) مكنتش كلمت حد منهم ولا استمريت في هذا النوع من المعرفة او استخدام النت ..
وبالمسبة لشر اعمالي .. اكيد وقعت في شر اعمالي في يوم ما بس متهيالي اليوم اللي حكيت عنه ده مش هو شر اعمالي ..
تحياتي
ــــــــــــــــــــــــــــــــــ

kochia يقول...

ـــــــــــــــــــــــــــــــــــــ
كراكيب عادل
ـــــــــــــــــــــــــــــــــــــ
هو من حيث محظوظة .. فانا محظوظة الحمد لله في حاجات كتير
اما بالنسبة انا لابسة ايه .. فده سؤال قديم واجابته قديمة .. اكيد انت عارف
تحياتي
ـــــــــــــــــــــــــــــــــــــ

kochia يقول...

ـــــــــــــــــــــــــــــــــــــ
OverFOrty
ـــــــــــــــــــــــــــــــــــــ
مش عارفة ليه مجربتش اغير اللون خالص بتاع الشراب
علي العموم انا غيرت السياسة كلها دلوقتي
تحياتي
ـــــــــــــــــــــــــــــــــــــ

kochia يقول...

ـــــــــــــــــــــــــــــــــــــ
هانى زينهم
ـــــــــــــــــــــــــــــــــــــ
هههههه.. تفتكر في وصلة النت فعلا ؟؟
هو النت ده عشوائي 100% ودي حاجة ممكن برده نقابلها برة وده رايي.. المهم هنتصرف ازاي في الموقف اللي بيقابلنا
والحمد لله علي نعمة الجهل .. احيانا فقط
تحياتي
ـــــــــــــــــــــــــــــــــــــ

kochia يقول...

ـــــــــــــــــــــــــــــــــــــ
mony
ـــــــــــــــــــــــــــــــــــــ
طيب اديكي عرفتي
تحياتي
ـــــــــــــــــــــــــــــــــــــ

kochia يقول...

ـــــــــــــــــــــــــــــــــــــ
صدى الصمت
ـــــــــــــــــــــــــــــــــــــ
انا برده ساعتها كنت اول مرة اسمع المصطلح
بس يبدو ان البعض يعرفه
تحياتي
ـــــــــــــــــــــــــــــــــــــ

kochia يقول...

ـــــــــــــــــــــــــــــــــــــ
Dr Ibrahim samaha
ـــــــــــــــــــــــــــــــــــــ
عندك حق
اللي اكتشفته ان كل حاجة واردة في الشات
مش ممكن تجزم بهوية حد 100% ابدا
تحياتي
ـــــــــــــــــــــــــــــــــــــ

kochia يقول...

ـــــــــــــــــــــــــــــــــــــ
MAKSOFA
ـــــــــــــــــــــــــــــــــــــ
موضوع ان مفيش بنات بيرضوا يكلموا بنات كتير فعلا منتشر.. ويمكن لان كلام البنات متاح اصلا خارج النت فكل واحد بيدور علي حاجة مختلفة في النت يعملها
او ساعات البنات بتتحب تتكلم بوش تاني خالص غير وشها اللي هي بتتكلم بيه مع الناس اللي تعرفهم
الله اعلم السبب الحقيقي ايه
اما الرجال .. فالحقيقة مش كلهم بيخاطبوا عقل المراة
قليل جداااااا
تحياتي
ـــــــــــــــــــــــــــــــــــــ

kochia يقول...

ـــــــــــــــــــــــــــــــــــــ
دكتور حر
ـــــــــــــــــــــــــــــــــــــ
انا كنت زمان بدخل شات وبدور علي ناس اكلمهم .. ومكنتش فاضية .. ومش كل الناس مجتمعها بيكفيها.. انا كان عندي تشوق لمعرفة الاخر
الاخر عندي ناس مختلفين لم ارهم في المجتمع ممن حولي
وفعلا اتعلمت كتير
وعلي فكرة الطعنة او المفاجاة ممكن تيجي من حد قريب منك برده ولو بصيت حواليك كويس هتتاكد من كدة
واشكرك علي النصيحة
تحياتي
ـــــــــــــــــــــــــــــــــــــ

kochia يقول...

ـــــــــــــــــــــــــــــــــــــ
انا حره
ـــــــــــــــــــــــــــــــــــــ
فعلا ساعات بتحصل من اللي عارفاهام ويمكن قربتي تثقي فيهم كمان
فعلا سؤال رخم جدا وهدفه مش كويس
وعفلا غالبا بيكون لازم بلوك وديليت
واعتقد ان الليس منتشروش .. هم بس اصبحوا يعبرون عن انفسهم بدون خجل اكتر من ذي قبل فاصبح يبدوا انهم اكثر عددا
وهذا غير صحيح
وبصراحة الاحتياط واجب مع كل الناس حتي اللي تعرفيهم
تحياتي
ـــــــــــــــــــــــــــــــــــــ

kochia يقول...

ـــــــــــــــــــــــــــــــــــــ
Ahmed Al-Sabbagh
ـــــــــــــــــــــــــــــــــــــ
مراحب
ـــــــــــــــــــــــــــــــــــــ

الراجية عفو الله يقول...

السلام عليكم ورحمة الله وبركاته
لدي مشكلة عرضتها في مدونتي
http://la7zat200.blogspot.com/
ارجو اعاطئ رأيك

شكرا

kochia يقول...

ـــــــــــــــــــــــــــــــــــــ
سمـــــــــــا
ـــــــــــــــــــــــــــــــــــــ
تفتكري فعلا فاكرين اني مش لابسة غيره ؟؟؟؟
تبقي هنا المشكلة وانا مش عارفة ؟
بس هم اللي سألوا الاول ..
وبما انك مثلية زي ما بتقولي .. فسؤالك سؤال عجبني .. اللي صدمني اكتر ايه ؟؟
اللي صدمني اكتر اني اديتها الامان .. والمفاجاة بعد ما تامني بتكون اكثر المفاجات صدمة وعدم تصديق
واكيد التحرش من بنت لبنت حاجة صادمة جدا .. حتي لو فيه ناس كدة في المجتمع شواذ جنسيا .. او مثليين كما يطلق عليهم وشواذ لانهم مختلفين عن القاعدة طبعا
يمكن لو كانت الاول قالت لي انا سحاقية .. كنت هتفاجئ لاني كنت اول مرة اكلم حد كدة بس مش هتصدم
اللي صدمني اكتر تحرشها بيا بدون معرفتها انا هتقبل كدة ولا لا
ومكنتش اتصور برده ان السحاقيات بيتحرشوا او بيعرضوا انفسهم علي اي حد بدون معرفة الشخص ده من نفس طبيعتهم ولا لا
بصراحة الصدمة كانت مجمعة
اول مرة وبنت وتحرش و و و يعني الموقف كله جديد
وفعلا الصداقة صداقة والحب حاجة تانية.. انا معاكي في كدة
وانا ليا رأي برده .. الحب او الميل الي نفس الجنس كشعور لا ارادي
غير ممارسة العلاقات الغير مشروعة ..
في رايي ده شئ وده شئ
تحياتي
ـــــــــــــــــــــــــــــــــــــ

kochia يقول...

ـــــــــــــــــــــــــــــــــــــ
وميض ابتسامة
ـــــــــــــــــــــــــــــــــــــ
يعني شفت صدمات نتية ؟؟ ده طبيعي علي فكرة ..
وان شاء مفيش حاجة تزعلك .. سيبك انت
المهم الشراب يا سيدي استك منه فيه
بس متقولش لحد
تحياتي
ـــــــــــــــــــــــــــــــــــــ

kochia يقول...

ـــــــــــــــــــــــــــــــــــــ
نهر الحب
ـــــــــــــــــــــــــــــــــــــ
ربنا يستر ان شاء الله
تحياتي
ـــــــــــــــــــــــــــــــــــــ

kochia يقول...

ـــــــــــــــــــــــــــــــــــــ
maha zein
ـــــــــــــــــــــــــــــــــــــ
الشات يا عزيزتي مثل اي شئ في الحياة .. له ما له وعليه ما عليه
وبالنسبة للموضوع ده .. انا مش متاكدة طبعا انها بنت ولا ولد بس حسيت انها بنت وانا يعني حدسي عالي الحمد لله
ويمكن تكون ولد الله اعلم برده
واشكرك علي النصيحة
تحياتي
ـــــــــــــــــــــــــــــــــــــ

kochia يقول...

ـــــــــــــــــــــــــــــــــــــ
Angel
ـــــــــــــــــــــــــــــــــــــ
بعد الوقت عرفت فعلا انه سؤال شهير .. رغم اني استغربت في الاول اوي .. بس بعد كدة بقيت منتظراه ومتوقعاه عشان ارد عليه الرد المناسب ...
هو غريبة انك تكوني مريتي بنفس الموقف تمام كدة .. بس انا مش مستغربة لاني عارفة ان الحكاية دي سوقها اذا جاز التعبير في النت
ربنا يكفينا شر الخطأ والحرام ان شاء الله
وانا لابسة بقي اللي انتي عارفاه
تحياتي
ـــــــــــــــــــــــــــــــــــــ

kochia يقول...

ـــــــــــــــــــــــــــــــــــــ
صبرني يارب
ـــــــــــــــــــــــــــــــــــــ
اه والله فكرتيني .. كنت بحب الشات بتاع msn بتاع زمان ده
وغريبة حكاية الروز دي
انا مش بحب الغرف دي خالص .. فيها بلاوي بجد وبطلتها بسرعة مطولتش فيها
المهم انا وقتها من الصدمة مقدرتش انصح بصراحة .. هربت بجلدي قلت حتي مش عاوزة اوجهها .. بس دلوقتي اتغيرت كتير
وانا سعيدة بعرضك اني انضك ليكي انتِ واصدقاءك وده شئ يشرفني طبعا
وبالنسبة لما ارتديه .. انتي عارفة طبعا ( اخضر وباستك )
تحياتي
ـــــــــــــــــــــــــــــــــــــ

kochia يقول...

ـــــــــــــــــــــــــــــــــــــ
romansy
ـــــــــــــــــــــــــــــــــــــ
ههههههههههه
بيشاوروا ؟؟
يمكن المشاورة اسوأ .. الله اعلم
تحياتي
ـــــــــــــــــــــــــــــــــــــ

kochia يقول...

ـــــــــــــــــــــــــــــــــــــ
Khaled
ـــــــــــــــــــــــــــــــــــــ
ليه لازم يكونوا رجالة ومدعين الانوثة عشان يفتحوا الحوار ؟؟
هل من المستحيل ان تكون هذه القصة حقيقية كدة زي ما جاءت ؟؟
بس الحقيقة مش هكدب .. انا مش متاكدة
وكويس انك مسالتش السؤال اياه
الناس كلها فوق سالت اهي
انت شاطر
تحياتي
ـــــــــــــــــــــــــــــــــــــ

kochia يقول...

ـــــــــــــــــــــــــــــــــــــ
صاحب المضيفة
ـــــــــــــــــــــــــــــــــــــ
والله صح
عجائبه لا تنتهي
يارب يحفظ الجميع
تحياتي
ـــــــــــــــــــــــــــــــــــــ

kochia يقول...

ـــــــــــــــــــــــــــــــــــــ
لماضة
ـــــــــــــــــــــــــــــــــــــ
هههههه .. حلوة نظرية انهم هيجوا لوحدهم
انا بطلت علي العموم .. ونظرية هيجيوا لوحدهم دي شغالة علي فكرة
تحياتي
ـــــــــــــــــــــــــــــــــــــ

kochia يقول...

ـــــــــــــــــــــــــــــــــــــ
موناليزا
ـــــــــــــــــــــــــــــــــــــ
حاضر
تحياتي
ـــــــــــــــــــــــــــــــــــــ

kochia يقول...

ـــــــــــــــــــــــــــــــــــــ
الفارس الملثم
ـــــــــــــــــــــــــــــــــــــ
هههههه .. لا عايش اكيد .. بس الواحد بيقابل في طريقه اللي بيقابله .. مش بيقابل كل الناس
واللي بيقابل العادي بيكون اكثر حظا الا اذا اتفاجئ في يوم من غير ما يكون يعرف يتصرف
وارجو ان اي حد بيقرا المذكرات دي يستفيد فعلا
تحياتي
ـــــــــــــــــــــــــــــــــــــ

kochia يقول...

ـــــــــــــــــــــــــــــــــــــ
صباح الصباح
ـــــــــــــــــــــــــــــــــــــ
قليل البخت
باين كدة
ربنا يسعدنا ويكتر حظنا الحلو ان شاء الله
تحياتي
ـــــــــــــــــــــــــــــــــــــ

kochia يقول...

ـــــــــــــــــــــــــــــــــــــ
راجى
ـــــــــــــــــــــــــــــــــــــ
اللي هو ايه ده ؟؟؟؟
---------------------
تحياتي
ـــــــــــــــــــــــــــــــــــــ

kochia يقول...

ـــــــــــــــــــــــــــــــــــــ
Jana
ـــــــــــــــــــــــــــــــــــــ
فعلا .. كنت بسمع عنهم بس يعني انا مين عشان اقابل الواحد في المليون
صعبة برده
واوعد الجميع اني هغير الشراب
بس علي الصيف بقي لان الشتا دخل ومش هخلعه دلوقتي خالص
تحياتي
ـــــــــــــــــــــــــــــــــــــ

kochia يقول...

ـــــــــــــــــــــــــــــــــــــ
... amr
ـــــــــــــــــــــــــــــــــــــ
كويس انك مسالتش
الاجابة كانت هتبقي كوبي وبيست
تحياتي
ـــــــــــــــــــــــــــــــــــــ

kochia يقول...

ـــــــــــــــــــــــــــــــــــــ
~*§¦§ Appy §¦§*~
ـــــــــــــــــــــــــــــــــــــ
ربنا يحفظك ويحفظنا جميعا
فعلا الشات فيه بلاوي كتير
تحياتي
ـــــــــــــــــــــــــــــــــــــ

kochia يقول...

ـــــــــــــــــــــــــــــــــــــ
غير معرف
ـــــــــــــــــــــــــــــــــــــ
بصي
انا معاكي ان كلام البنات مع الولاد هو الاظرف والاكثر جاذبية ده طبيعة البشر وخاصة في السن الصغير وانا اعتقد ان سنك صغير لسة .. وعارفة القاعدة بتاعة الاقطاب المتشابهة متنانفرة والمختلفة متجاذبة .. ده هو اللي بيحصل بين البنات والولاد في الفترة دي لحد ما يحصل استقرار نفسي عاطفي وتقدري تفرقي بين الكويس والوحش من الجنسين وتعرفي عاوزة تكلمي مين من الجنسين وبتحكمي عليهم بالعقل مش بالنوع
والنت في رايي مش مسالة تفريغ طاقات .. هو شعور بالحرية والتخلص من القيود بس مش كل الناس بتتخلص من قيود الدين واالخلاق لكن الاكثر كما اعتقد هي قيود المجتمع .. وممكن بعد فترة تلاقي نفسك انتي اللي بتحافظي علي القيود دي بس باختيارك .. مش كفرض عليكي مالكيش فيه راي
وربنا يهدي الجميع ان شاء الله ويشفيهم
ــــــــــــــــــــــــــــــــــــ

kochia يقول...

ـــــــــــــــــــــــــــــــــــــ
funckydoctor
ـــــــــــــــــــــــــــــــــــــ
حاضر
انا تعبت بصراحة من قول ان دي مذكرات من زمن فات .. ومازال البعض ينصحني بالكف عن الشات ..
حاضر
تحياتي
ـــــــــــــــــــــــــــــــــــــ

kochia يقول...

ـــــــــــــــــــــــــــــــــــــ
habiba
ـــــــــــــــــــــــــــــــــــــ
ايوة يا ستي دي البنت اللي وقعت فيها
وهي بعد ما قالت لي كدة طبعا انا اعتبرتها مثل من كلمتهم من الرجال
لان نظرتها فيا مكنتش نظرة بنت لبنت
المهم الشراب انا رديت علي وميض وقلتله ان الشراب استك منه فيه
ابعت لك فرده تجربيه ؟؟؟
تحياتي
ـــــــــــــــــــــــــــــــــــــ

kochia يقول...

ـــــــــــــــــــــــــــــــــــــ
الربان
ـــــــــــــــــــــــــــــــــــــ
اه فعلا .. مش عارفة ليه بنات كتير بتعمل كدة .. وليس دي اختصار ليزبيان كما عرفت انا
تحياتي
ـــــــــــــــــــــــــــــــــــــ

kochia يقول...

ـــــــــــــــــــــــــــــــــــــ
حسن حنفى
ـــــــــــــــــــــــــــــــــــــ
ههههههههه.. ولسة مش فاهم ..
امال بتقول مش بيتكسف علي ايه ؟
دي اختصار زي ما وضحت وانا حطيت تحديث في الموضوع لشرحها عشان اللي مش عارفها
تحياتي
ـــــــــــــــــــــــــــــــــــــ

kochia يقول...

ـــــــــــــــــــــــــــــــــــــ
حواديت بنوته
ـــــــــــــــــــــــــــــــــــــ
ارجو انك تقري الموضوع تاني وانا شرحت معني الكلمة
تحياتي
ـــــــــــــــــــــــــــــــــــــ

kochia يقول...

ـــــــــــــــــــــــــــــــــــــ
حزينه
ـــــــــــــــــــــــــــــــــــــ
اكيد اتعلمت من كل كلمة سمعتها وكل حاجة مرت بيا في حياتي
او هكذا ارجو
تحياتي
ـــــــــــــــــــــــــــــــــــــ

kochia يقول...

ـــــــــــــــــــــــــــــــــــــ
afew good men
ـــــــــــــــــــــــــــــــــــــ
ولا كام ولا غيره
الموضوع مش مستاهل
ولاني مش ممكن افتح كاميرا انا كمان لحد مش بطلب كدة .. وبعدين الكام ممكن توريني مالا اريد رؤيته
ولا ايه ؟؟؟
تحياتي
ـــــــــــــــــــــــــــــــــــــ

kochia يقول...

ـــــــــــــــــــــــــــــــــــــ
رئـــــيسـة حزب الأحلام
ـــــــــــــــــــــــــــــــــــــ
ايوة هي مغامرة جامدة
اضيفت لخبراتي في الحياة
تحياتي
ـــــــــــــــــــــــــــــــــــــ

kochia يقول...

ـــــــــــــــــــــــــــــــــــــ
Beram ElMasry
ـــــــــــــــــــــــــــــــــــــ
سؤال وجيه
ومن غير زعل طبعا
انا مش برد علي الاسئلة الوجيهة
اشكرك علي رايك في الموضوع
تحياتي
ـــــــــــــــــــــــــــــــــــــ

kochia يقول...

ـــــــــــــــــــــــــــــــــــــ
ahmed_k
ـــــــــــــــــــــــــــــــــــــ
اها
ليث
طيب مش كان حد يقولي ..
نسأل الله العفو والعافيه
وهو شذوذ فعلا .. بس مش عارفة ليه عاوزة افكر في الامر طبيا هذه الايام
وبفرق في تفكيري بين حد عنده الميل ده وبيحاول يتعالج .. يمكن عيب هرموني ولا نفسي .. مش عارفة
وبين شخص زي البنت اللي كلمتها دي بتعرض علاقة غير مشروعة وبتعملها طبعا دول الاسوأ وبرده اري انهم لابد من سعيهم للعلاج
اللي يرفض العلاج بقي ويرضي بنفسه هكذا فليتحمل ما يتحمل وهو مقبح طبعا مجتمعيا ودينيا
تحياتي
ـــــــــــــــــــــــــــــــــــــ

kochia يقول...

ـــــــــــــــــــــــــــــــــــــ
الطائر الحزين
ـــــــــــــــــــــــــــــــــــــ
حرص ولا تخون
قاعدة غالية .. اعمل علي تطبيقها
تحياتي
ـــــــــــــــــــــــــــــــــــــ

kochia يقول...

ـــــــــــــــــــــــــــــــــــــ
فارس عبدالفتاح
ـــــــــــــــــــــــــــــــــــــ
طبعا وقاحة ان حد يكون عنده رغبات شاذة ويفرضها او يعرضها علي الاخرين
.. وعلي فكرة التحرش العادي رغم انه رغبة طبيعية الا انها ايضا وقاحة ان يفرضها او يعرضها علي الاخرين ..
وانا اتفق معك ان الامر مرض لانه غير عادي ولابد من العلاج الطبي او النفسي او كلاهما
تحياتي
ـــــــــــــــــــــــــــــــــــــ

kochia يقول...

ـــــــــــــــــــــــــــــــــــــ
مياسي
ـــــــــــــــــــــــــــــــــــــ
طيب كملي باقي القصص وابقي وقليلي رايك
تحياتي
ـــــــــــــــــــــــــــــــــــــ

kochia يقول...

ـــــــــــــــــــــــــــــــــــــ
وردة
ـــــــــــــــــــــــــــــــــــــ
اه اخدت بالي بعد كدة
وفعلا هي مفاجاة كبيرة بالنسبة ليا
تحياتي
ـــــــــــــــــــــــــــــــــــــ

kochia يقول...

ـــــــــــــــــــــــــــــــــــــ
الراجية عفو الله
ـــــــــــــــــــــــــــــــــــــ
ان شاء الله
تحياتي
ـــــــــــــــــــــــــــــــــــــ

enjy يقول...

دة انتى حظك وحش وحش يعنى...ايه دة؟؟ ليه كدة حظك عامل كدة؟
يللا مش مهم المهم الواحد مش بيتعلم ببلاش لازم يتعلم كاش بس بردو انا لو مكانك هتصدم مع انى عارفة ان فى ناس كتير كدة وموجودين عادى لكن انى انا بالذات اصادفهم كانت هتصدمنى بردو

blue-wave يقول...

والله ياريت كل الناس تقرى وتعرف بلاوى النت دا
بس بجد انتى اتحملتى بلاوى:)))))))))

سمـــــــــــا يقول...

الانعزيزتى كوشيا

المفاجئة الاكبر اللى اكيد متعرفيهاش انتى وناس كتير اوى ان الشذوذ الجنسى أقرت منظمة الصحة العالمية انه مش مرض نفسى ولكنه طبيعة بشرية حرة


وأثبت العلم كمان ان الشذوذ الجنسى موجود بين الحيوانات واللى من الصعب الاثبات عنها انها مريضة نفسيا ولازم تتعالج علشان ربنا يهديها زي البنى ادمين مثلا :))


ودا لينك ابقى شوفيه على مهلك ممكن يفيدك لو عايزة تستفيدى

http://www.alzakera.eu/music/vetenskap/Biologia/bio-0097.htm


وكان فى كتاب تحليل نفسى للدكتور احمد عكاشة وعادل صادق ذكروا برضه عن الموضوع دا ان بعد اجراء العديد من الاختبارات النفسية على العديد من المثلين او الشواذ فاثبت ان كتير منهم شاذ بالفطرة بدون اى تدخل نفسى نتيجة المجتمع او الاسرة ولا يعد انحراف سلوكى يحتاج العلاج لانهم اشخاص طبيعين ولكن لهم ميول جنسية لنفس جنسهم


وبرغم من دا ففيه كتير من المثلين او المثليات طبيعتهم دى كانت بسبب ظروف اسرية واجتماعية ادت لانعاكسات نفسية عكست جواهم نفور من الجنس الاخر وميل لنفس الجنس وفى الحالة دى بيكون العلاج ضرورى وطبيعى

لكن فى الحالات اللى بيكون الشذوذ فيها ملوش علاقة بعلاقات سيئة مع الجنس الاخر بيكون التصنيف للشاذ بانه شاذ زى ما بيكون التصنيف للعادى بانه عادى


والغريب اللى انا شخصيا لاحظته ورصدته واكيد اى حد متابع الفن والادب بشكل عام فى العالم هيلاحظه هتلاقى ان كتير من اللى سابو بصمة وخصوصا فى الفن والادب كانو مثلين ؟؟

زي الرسام الايطالى المبدع بيكاسو والموسيقار الروسى تشايكوفسكى وغيرهم كتير على مستوى العالم

مش عارفة ليه ؟؟ تفتكرى عنهم احساس اكتر مثلا ؟؟ بس حيث انى مثلية فدى حاجة تسعدنى بصراحة :))


......................

بالنسبة لصحابتك بقى فهى فى نظرى زي الراجل اللى اول ما يقعد مع بنت لوحدهم يتحرش بيها ودا ملوش علاقة بانها مثلية زي ما انا قلت لك قبل كده

دى انسانة شاذة انسانيا مش جنسيا

بس الموضوع انا بحييكى عليه لان رغم بساطته الا انه عكس نوعيات تفكير ظريفة اوى انا شخصيا اتفرجت عليها فى التعليقات

تحياتى يا جميل

EmY يقول...

واضح يا كوشيا ان العيب فيكي انتي

فيكي حاجه بتشد الاخوه حاملي راية انتي لابسه ايه دلوقتي

بس ليه الكل استغرب اوي من سؤال البنت

انتي عرضتي اكتر من حاله لولد و حاله واحده لبنت

الموضوع مالوش اي علاقه بانها مثليه او لاء

ده هوس جنسي بيكون عند ولد او بنت مش فارقه

مجرد شخص مريض اي حد بيكلمه بيشوف فيه وسيلة لاشباع رغباته

و هو ده المرض الحقيقي ان يكون شخص عايش و كل تفكيره في رغباته سواء ولد او بنت

بوست جميل دمه خفيف و عجبني اوي

غير معرف يقول...

لعلمك السحاقيات كتير فوق ماتتخيلي وفي منهم متزوجات وبقيت سمه للمجتماعات الحريمى وانا اؤكد لك هذا .
وفي الحقيقه انتشر نتيجه للكبت العاطفي والجنسي في المجتمعات العربيه ...وربنا يرحم


onyx

الازهرى يقول...

العزيزة كوشيا

قلنا كتير
يا جماعة بلاش الشات والفيس بوك وخلافه
بلاويه كتير
لكن المشكلة الاكبر ان بالفعل هناك الكثير من هؤلاء عبر الشبكة كما ان المثلين نظام اقرته لجان الحريات بالامم المتحده
وقالوا بانه ليس مرضا
مما ادى الى انتشاره على طاق واسع وخاصة انه لا يكشف بسهوله

تحياتى دوما

الازهرى يقول...

يااااااااااه
كنت هانسى

انتى لابسة ايه

kochia يقول...

ـــــــــــــــــــــــــــــــــــــ
enjy
ـــــــــــــــــــــــــــــــــــــ
اعتقد ان معظم الناس كانت هتتصدم فعلا
وفعلا محدش بيتعلم ببلاش
تحياتي
ـــــــــــــــــــــــــــــــــــــ

kochia يقول...

ـــــــــــــــــــــــــــــــــــــ
blue-wave
ـــــــــــــــــــــــــــــــــــــ
ارجو ان الناس تستفيد فعلا
تحياتي
ـــــــــــــــــــــــــــــــــــــ

kochia يقول...

ـــــــــــــــــــــــــــــــــــــ
سمـــــــــــا
ـــــــــــــــــــــــــــــــــــــ
طبعا تفاجات زي مانتي توقعتي ان المثلية الجنسية مش شذوذ او مرض نفسي .. لكن مش هخبي عليكي الامر احزنني

لاني كنت اتمني انه يكون مرض ويبرأ منه المثليون حتي يعيشون حياة طبيعية مثل الاخرين

وذلك لانني كما قلت افرق بين الميل الجنسي الفطري وممارسة الشذوذ بمعني ممارسة الجنس المثلي
الاول وهو الميل امر لا ارادي غالبا
والاخر هو سلوك اي ارادي اي يحاسبنا الله عليه ..
وما احزنني ان الطبيعين .. او الغيريين كما تسمونهم يستطيع اطفاء ميله الي الجنس الاخر بالزواج .. اما المثلي فلا يستطيع اطفاء ميله الا عن طريق وسائل محرمة .. لانه لازواج في الاسلام بين اثنين من نفس الجنس
وهذا هو المعيار لديَ

واذا كان هناك مجموعة من المثليين دفعهم لهذا الشعور ظروف اسرية او اجتماعية كما تقولين فعلا يجب ان يتم علاجهم وان يسعون هم بانفسهم الي العلاج

وانا يا سيدتي احترم الانسان مادام عاقلا مفكرا .. ولكن موضوع المثلية الجنسية الفطري ( بمعني الميل فقط) هو قيد الدراسة والتفكير عندي والمثلية في نظري خروج عن الطبيعة البشرية .. ولن اقول خروج عن المالوف ..
وكل ما يعنيني هو شيئان
حياة هذا المثلي الاجتماعية وعلاقته مع الرجال والنساء
يعني انا مثلا لو عرفت فتاة مثلية معرفة حقيقية .. الا يجب ان اكون متحفظة معها في الحوار كما اتحفظ مع الرجل .. او هل يجب ان ارتيد الحجاب اماهل كما ارتديه اما الرجال
فهي قد تريدني مثلهم ؟؟؟؟
موضوع شائك اليس كذلك ؟

وحيات المثليَ الدينية وصلته مع الله سبحانه وتعالي كيف هي ؟؟؟

اما كونهم حساسين ومبدعين .. اعتقد هناك الكثير من المبدعين الطبيعين ايضا .. هذا ليس مقياسا
وان كان فرصة ابداعهم واردة لاختلافهم الفكري عن المعظم اذن فافكارهم سوف تكون مختلفة عن المعظم (منطق)

وموضوع البنت اللي انا حكيت عنها .. انا متفقة معاكي انها مثل الرجل بالنسبة لي .. لانه ايضا ليس من الطبيعي ان تعرض علاقة محرمة شاذة علي اصدقاءك
علي الاقل شاذة بالنسبة لهم
-----------------------------------
تحياتي
-----------------------------------
ـــــــــــــــــــــــــــــــــــــ

kochia يقول...

ـــــــــــــــــــــــــــــــــــــ
EmY
ـــــــــــــــــــــــــــــــــــــ
العيب فيا ؟؟؟ تفتكري
-------------------------------------
ده هوس جنسي بيكون عند ولد او بنت مش فارقه
مجرد شخص مريض اي حد بيكلمه بيشوف فيه وسيلة لاشباع رغباته
-------------------------------------
اتفقك معكِ تماما في هذا
واشكرك علي تعليقك الجميل المتوازن
تحياتي
ـــــــــــــــــــــــــــــــــــــ

kochia يقول...

ـــــــــــــــــــــــــــــــــــــ
غير معرف onyx
ـــــــــــــــــــــــــــــــــــــ
الحقيقه انتشر نتيجه للكبت العاطفي والجنسي في المجتمعات العربيه
-------------------------------------
اذا كان كذلك فهو ليس شذوذ فطري او ميل فطري الي الجنس المماثل
اذا كان كذلك فهو امر يحتاج للعلاج
تحياتي
ـــــــــــــــــــــــــــــــــــــ

kochia يقول...

ـــــــــــــــــــــــــــــــــــــ
الازهرى
ـــــــــــــــــــــــــــــــــــــ
اذا كان هناك مجموعة منهم الامر لديها فطري فاعتقد ان عددهم قليل جدا
لانه كما قلت هو ممارسة جنسية لا تكتشف ويفعلها البعض لاشبع رغباتهم بشكل محرم .. وامن في نفس الوقت
اما سؤالك
فبما ان الشتا وصل احب اقولك
لابسة شراب صوف اخضر .. وباستك من فوق برده
تحياتي
ـــــــــــــــــــــــــــــــــــــ

سمكه وحده يقول...

اه والله فعلا كان في الشات السوال ده لبسه ايه بس الواحد كان بيقول كلام يموت من الضحك لو حد دمه خفيف يفهمه لو حد رخم يتنرفز
ولعلمك كان نفسي ديما اكلم بنات بس مكنش حد بيرضي يتكلم وكنت مفكره ان البنات دمهم تقيل جدا وكنت برخم عليهم بس بجد لما عرفت عالم التدوين لقيت بنات كتير جدا زي العسل وسكر ومحترمه جدا ويمكن اللي بيعلقوا عندي دلوقت اكترهم بنات سبحان الله حلمي اتحقق هههههههه
ومن سعتها الواحد بطل شات لانه بيجيب فقر واكتئاب وقرف الحمد الله ربنا خلصنا منه المدونه ارقي وفكر وقرايه وحجات تانيه مفيده بلا شات بلا قرف وتضيع للوقت

انما والله رغم اني اد الشحط غير اني لسه عارفه موضوع الشواذ والحجات دي من فتره قريبه ومكنتش مصدقه ولسه اول مره اعرف منك الاسم ده دلوقت
ربنا يرحمنا ويهديهم
تحياتي
تقبلي مروري بقي بدل ما اقولك لبسه ايه احسلك
سمكه

سمـــــــــــا يقول...

العزيزة كوشيا

قبل اى شىء انا احترم سعة افقك وتفكيرك وقدرتك على الحوار مع الاخر حتى لو مختلفة معاه فى الرأى او الطبيعة

.............................................

بالنسبة للعلاقة بين المثليين او المثليات ومدى تحريمها وشرعيتها فى الدين ففى النهاية كلنا عباد الله ونحبه ونخافه ونحاول طاعته ولكن عندنا يكون الامر ليس بيدك حله عن طريق الطب نفسى اذا كنتى غير مريضة فعليا فهو شىء خارج عن ارادتك ، ووقتها من خلقنا هو اكيد ادرى و ارحم من الناس والتقاليد والشريعة لان الله اعلم بما فى صدر كل انسان .

وربما نجد انسان شاذ جنسيا ولكن علاقته بربه اقوى كثيرا من انسان عادى يزنى ويسرق ويقتل ويشرب الخمر الخ الخ

فانا ارى انه ليست ميزة ان يكون الانسان مغاير وليس عيب ان يكون شاذ فأكيد انا افضل ان اكون شاذة ولدى الكثير من المبادىء والاحترام لذاتى والاخرين عن انى اكون عادية واسير وسط القطيع من مخالفة الضمير والله

............................................

اما عن الزواج بين المثليين والمثليات فهو ليس مشرع فى الاسلام لكن فى الكثير من الدول حاليا مشرع قانونا ويتم اعلانهم أزواجا مثل اى زوجين طبيعين كما فى اوروبا وامريكا ولبنان واعتقد كان فيه دراسة لتشريعة فى ايران لكن لا اعرف تم تشريعة وتطبيقه فعليا ام ما زال قيد الدراسة


.............................................


بخصوص ارتداء الحجاب امام مثلية من عدمه :

انا مقتنعة تماما اننى لا انفرد باحد ولا ادخل بيت احد ولا يدخل بيتى الا من كان اهل للثقة

فعندما تثقى فيمن تنفردى به اعتقد لن تكونى فى حاجة الى حجاب ليمنع الفتنة لان وقتها الثقة ستحل محل الحدود التى تضعينها بينكما

وانا اقتنع ايضا بمبدأ " لا احد يأخذ شىء من احد رغما عنه " فأكيد اذا حاول احدهم التحرش بك بموقف او كلمة ستستطيعين ايقاف ذلك جيدا اذا كنتى تريدين ايقافه


وانا احترم رأيك رغم انى اختلف معك فى هذه النقطة لان كلامك يعنى انه عندما تجتمع مثليتين على انفراد ربما يحدث بينهما شىء او ترغب احداهما فى الاخرى او تتحرش بها

وهذا لا يحدث بين المحترمات من المثليات او خلافه سيدتى " الاحترام هو الفيصل فى اى علاقة حتى الرجل بالمرأة فانا ارى ان المرأة دائما قادرة على فرض احترام الاخرين لها عندما تحترم هى نفسها أولا "

تحياتى لسعة صدرك يا جميل وكده موضوعك اتضرب واتقلب حوارات الاجيال عن المثلية والمغايرة بعد ما كان أخضر وبأستك من فوق :))

نعكشة يقول...

اية النحس دة :D

خير خير

سلام عليكِ

kochia يقول...

ــــــــــــــــــــــــــــــــــــــ
سمكه وحده
ــــــــــــــــــــــــــــــــــــــ
يمكن المشكلة فعلا ان بنات كتير مش بيحبوا يكلموا بنات
بس مش الكل طبعا
هي بتبقي حظ
وربنا يهدي الجميع ان شاء الله
تحياتي
ــــــــــــــــــــــــــــــــــــــ

kochia يقول...

ــــــــــــــــــــــــــــــــــــــ
سمـــــــــــا
ــــــــــــــــــــــــــــــــــــــ
اشكرك علي رايك فيا .. وانا اري ان النقاش شئ محمود مادام كل واحد بيحترم الطرف الاخر ومش شرط الاحترام اني اوافق علي الراي الاخر لكن انا بحترم الشخص الذي يناقشني
واشكر ليكي انتي كمان تعبيرك عن رايك ياسلوب راق ومهذب
--------------------------------------
والحقيقة فعلا بعدنا خالص عن موضوع الشراب الاخضر
واناعارفة العيب في اللون
انا هغير لونه اكيد
------------------------------------
وانا متفقة معاكي ان الاحترام من عندمة ليس له علاقة بالمثلية من عدمها
وانا الامر ده راجع للتربية السليمة
------------------------------------
وموضوع التدين .. طبعا انا مش عارفة عقوبة السحاقية في الاسلام بالظبط ومش هتكلم في حاجة معرفهاش
لكن انا قلت لك اني بفرق بين اللي بيشعر شعور ما ليس له ارادة فيه ظزوز واللي بيسلك السلوك نفسه يعني بيمارس الشذوذ الجنسي نفسه .. بس اكيد له عقوبة .. لان الجنس غير متاح في الاسلام الا تحت علاقة الزواج
والدول التي احلته .. احلته مدنيا ولكن انا معياري في التفكير هو الدين
------------------------------------
اشكرك تقبلك للحوار انتي الاخري
واتمني فعلا منك ومن اي مثلي ان يسعي للعلاج ويتاكد اولا من جدواه قبل ان يقر انه ليس له تغيير .. ربما كان هناك ارضا افضل من هذه لنسعد في الدنيا وفي الاخرة
لكِ كل التحية
ــــــــــــــــــــــــــــــــــــ

kochia يقول...

ــــــــــــــــــــــــــــــــــــــ
نعكشة
ــــــــــــــــــــــــــــــــــــــ
هو من حيث نحس .. فهو نحس بصراحة
بس بكرة يتغير
تحياتي
ــــــــــــــــــــــــــــــــــــــ

kochia يقول...

ــــــــــــــــــــــــــــــــــــــ
soska
ــــــــــــــــــــــــــــــــــــــ
ههههههههههه بتحصل بس مش معنى ان بنت عملت كده تتعقدي فيهه بنات محترمين مش كتير لكن فيه وحتى الليس دول برضه مش كلهم بالسفاله دي اكيد فيه منهم اللي احساسه كده بس محترم اما الرجاله فأنا هقولك على حاجه دماغ الراجل الشرقي اللي كوبي و بيست يعني مادام حضرتك قبلتي تكلميه يبقى الامر مايمنعش اجرب و هي يعني كانت بنت خالتي ولا تعرفني و حتى احتمال كبيييييييييير اوي ان البنت اللي قالتلك انا ليس دي تبقى راجل بس بيجبهالك واحده واحده ههههههه
على العموم انتي قدامك حلين
لو عايزة تتكلمي مع حد و تبقوا اصدقاء من غير ما يفهمك غلط
الحل الاول انك تغيري الشراب قصدي انك تكلمي راجل مش شرقي يعني شوفيلك واحد ايطالي مثلا سكره كده واحد من الحاضارات اللي مافيهاش اوض نوم و بيجامات او تتعرفي على ولد مثلي يكون صديق اليف هههههههه يمكن متتقبليش فكره ان يكون عندك صديق مثلي وممكن الاوروبي ولا الاجنبي برضه يكون سافل فالحاله دي يبقى توفري مصاريف النت و بلوجك في جيبك معلقينك حواليكي اللي يقولك شرابك لونه ايه تقطعيه فالمدونه اكيد مش كل اللي بيعلقه هنا ملايكه يا كوتشيا لكن مادام فيه ناس كتير بتدخل و هيتقري التعليق من كل الناس هتلاقيهم بيحترموا نفسهم عشان البرستيج والسمعه فخليكي مع جروبات و متحاوليش كمان تتصاحبي على حد اوي من النت لأن اغلبها بتكون اي كلام لأن مش كل واحد بيكتب كلام حلو بيططلع شخصيه محترمه والله يابنتي ممكن تقولي على مجنونه بس فعلا دي الحقيقه
طولت في اول مره اعلق بس الموضوع خلاني اندمجت بصراحه
------------------------------------

وردا علي تعليق " soska "
ــــــــــــــــــــــــــــــــــــ
اكيد انا مش متعقدة ولا حاجة .. ده مجرد موقف
وانا عارفة ان اكيد فيه منهم جواه كويس ومحترم ومقدرة الضغط العاطفي اللي عليهم .. وعلي من يحاول المقاومة منهم .. وليس الكل طبعا
وانا اعلم ان لدي الرجل الشرقي فكرة عن البنت انها اذا كانت متفتحة ومتكلمة وممكن تحادثه بسهوله يبقي عندها حاجات تانية اسهل برده وده مش صحيح طبعا
وكل واحد ممكن يكون كويس او وحش بس الموقف والشخص الذي تعاملينة هو المقياس
المهم اشكرك جدا علي تعليقك واتمني متكونش المرة الاخيرة
تحياتي
ــــــــــــــــــــــــــــــــــــ

البت المشمشية حلوة بس شقية يقول...

والله يبنتى انا اول مرة اعرف الكلمة دى منك انتى دلوقتى
وبعدين مالوش لزوم الشات
الناس الكويسة فيه قليلة اوى اوى
بس برافو عليكى انك دلتيها
بس كان من راى تكلمى معاها وتفهميها وتنصحيها
يمكن تتغير
بس بردو برافو عليكى
ياريت تنورى مدونتى

أحمد سعيد بسيوني يقول...

غريبة وصادمة

ربنا يهدي

غير معرف يقول...

اول شي الكلمة مو ( ليس )
الكلمة ( ليــــز )
شوفي هي الغلطة يلي عملتها معك إنها كانت عايزاكي تفتحيلها الكام ,, وحسك عينك تفتحي الكام لأي مخلوق ما بتثقي فيه . لو مهما كان ...

انا ليزبيان صحيح .. بس ما بعملش كدا لكن في نوع من الليزبيان بحبوا الكاميرا .. ونصيحة بنت عالكام ما تعطيها شي ابدا .

ولازم تتعلمي كيف طريقة الليز.. وتميزيهم عن باقي الناس بصفاتهم وتحركاتهم .. ومش كل بنت بتعمل مع بنت تبقى ليزبيان .. البنت لليزبيان بتقرف من الراجل وما بتقدرش تنام معاه .. متلي يعني .. اوك :)

kochia يقول...

البت المشمشية حلوة بس شقية
_____________________________
الشات فيه كله
الكويس والوحش
لانه زي الدنيا تمام
فيها كل حاجة
الكويس والوحش

تحياتي

kochia يقول...

أحمد سعيد بسيوني
_________________
ربنا يهدي

تحياتي

أبو أسامة يقول...

بس هو فيه سؤال برئ :

هل توجد علاقة بين اللِيس والتيس ؟

على أي حال

أنا آخر مرة قابلت فيها ناس بالمنظر ده ( رغم إن أنا ولد أصلا ) كانت من أربع سنين وساعتها كنت بجاوب :

لابس جزمة سفتي ببوز حديد .

ومن ساعتها مبقتش أعمل بلوك ودليت والكلام ده

بطلت أعمل شات من أصله .