السبت، يوليو 19، 2008

.. الخلاف .. والاختلاف

-

يخلط كثير من الناس بين الخلاف والاختلاف
ويضع هذا محل ذاك ولا يدري اي رد فعل ياخذ
ولنعرف الفرق ...


الخلاف هو ان يكون كل منا في طريق غير طريق الاخر
ولا توجد فرصة للاتفاق مرة اخري فهو خلاف علي طول الخط

اما الاختلاف فيمكن ان يكون في قضية ..
او موضوع او راي او اتجاه

بان بكون لكل فرد من الفردين وجهة نظر مختلفة عن الاخر ..
وهذا لا يجب ان يؤدي الي الخلاف

وكما قال المثل العربي
الاختلاف في الراي لا يفسد للود قضية ..

ولكن نحن العرب وربما المصريون
نعشق ان يكون الاختلاف في الراي هو خلاف ايضا
ويفسد للود الف قضية

وحين نختلف مع شخص ما في الراي

يتمسك كل منا برأيه المقتننع به في الحياة
ونعتقد ان كل ما سواه خطأ

وربما لا يحاول رؤية الصورة الحقيقة
التي ربما ان يكون مخطئا فيها او مصيبا

وقد يراها
وعندما يدرك انه اخطأ
يدفعه التكبر الي عدم الاعتراف بصحة راي الطرف الاخر

وهكذا الاختلاف صار خلافا
وربما صراعا وكرها ونزالا
واعتبرنا افكارنا اسلحة نحارب بها بعضنا في ساحة قتال

يتحول الي صراع القوة ..

من فيهما الاقوي القادر علي فرض رايه علي الاخر

القوة ليست بسيادة راي علي الاخر
القوة في ان تستوعب الراي الاخر وتناقشه
القوة ان تحاول ان تصل الي حل وسط ان لم تستطيع الوصول الي نتيجة

اذن ما الحــــــــل ؟؟؟


  • علي كل منا ان يدرك ان ليس كل ما تراه صحيحا هو – بالضرورة – صحيح...
  • اقبل النقاش و أعد النظر في أفكار من يختلفون معك
  • لابد ان تكون لدينا ثقافة الاعتراف بالخطا
  • لابد ان تكون لدينا احترام الراي الاخر حتي لو كان مختلفا عنا او حتي مخطئا
  • لا تفترض دائما أن كل ما تراه صوابا و بديهة هو – بالضرورة – صوابا و بديهة
  • حاول أن تتفهم وجهة نظر الآخرين و لا تتمسك برأيك دائما لمجرد أنه رأيك
  • لماذا لا تتقبل فكرة أنهم ربما يكونون على شيء من الصواب
  • وتقبل الاعتراف ان كنت انت المخطئ واقبل علي الطرف الاخر بالحب

واخـــــــيرا ..


سامح وتجاوز ان كنت انت المصيب

ولا تفقد حبيبا او صديقا او رفيقا في الحياة لمجرد اختلاف

في وجهة نظر!!!!!


===========================

هناك 30 تعليقًا:

صاحب المضيفة يقول...

ربنا يبارك فيكي فعلا


محتاجين المزيد من التوضيح لكثير من المصطلحات المتشابهه في حياتنا


حتى نعرف التمايز وكيفية التعامل معها في كل حال

نعكشة يقول...

تبادر إلي ذهني سؤال


هوه انتي بتدرسي إيه؟؟؟؟
أو بتقري إيه؟؟؟

مخك ماشاء الله رائع

ليكي اسلوب في التوضيح

صراحة انا مكنتش اعرف إية الفرق بين الخلاف و الاتختلاف

ومكنتش حاطة في دماغي

بس عجبتني كلمة

ثقافة الاعتتراف بالخطأ

أنا عقبال ما بقاوم نفسي و بقرفها و بخنق عليها عشان اعترف إني اخطأت بيكون اللي جري كان و الناس زعلت و نسيت الموضوع أصلا

لووووووووووووووووول

متعرفيش الواحد ينمي موضوع انه يخلي نفسه سهل في الاعتراف بالخطأ دة ازاي

يعني أنا اهوه عارفة اني غلط
بفضل مثلا يوم كامل
او يومين
عقبال ما اروض نفسي
عشان اروح اعتذر
او اعترف إني غلطانة
مع اني عارفة اني غلطانة
اعمل اية بقة؟؟؟

دمتي مفكرة

اتمني لكي دوام الصحة و التفكير

سلامون عليكي

دعوة للأمل يقول...

فعلا الخلاف لايفسد للود قضيه
ولكن هذا مااعتدناه فى مصرنا الغاليه من يختلف معى فهو ضدى
تحياتى لكى
دعوة للامل

Ahmed Kamal يقول...

عزيزتي كوشيا

أحييك على الموضوع الرائع ، أتفق معك ولا أختلف ، بل أعتقد أن موضوعي كيف تعترف بأخطائك ؟ يتكامل مع موضوعك .

تحياتي

kochia يقول...

-
صاحب المضيفة
=============
الاخ العزيز صاحب المضيفة ..
اشكرك شكرا جزيلا
وفعلا في حياتنا حاجات كتير مختلطة ومتشابكة .. لدرجة انها تشابكت داخلنا واحنا نفسنا مش عارفين نحلها او نفكها
المطلحات لها معانيها المحددة .. لكن شعورنا احنا واخذنا ما يناسبنا فقط دون الحق هو ما يعمل اللبس في ذلك
سيدي الفاضل .. التشابك والتداخل والتشابه داخلنا نحن .. كبشر

تحياتي الخالصة

kochia يقول...

-
نعكشــــــة
==============
عزيزتي نعكشة
اشكرك بجد علي رايك فيا
ولو عاوزة تعرفي انا بدرس ايه او بقرا ايه بجد اقولك
لكن الحكاية .. انا حاسة بايه
الميزة بس ان احيانا بعرف اقول اللي حاسة بيه .. وكتير اوي مش بعرف اقول رغم اني بكون حاسة بكتير اوي

.. وانا مبسوطة ان الفكرة كانت سلسة وقدرت اوصلها ليكي طبعا ويارب تكوني استفدتي منها فعلا .. لان الحكاية دي من طبع الانسان وممكن لو مش فاهمها كويس تخليه يخسر غيره

وثقافة الاعتراف بالخطأ دي ثقافة شعب .. والثقافة هي معتقد بيكون في دماغنا متوارث او متعلم وبياثر علي سلوكنا .. طيب لو كان نوع الثقافة ده هدام ومش بيفيد .. يبقي لازم اغيره
استدل بعقلي واسعي للامام

وصدقيني لو انت عارفة انك غلط ومش بترضي تصالحي او تعتذري للي انتي مزعلاه او علي الاقل تسترضيه .. ده يبقي كبر ..او حرج .. لانك فعلا عارفة انك غلطانة .. لكن لو انت اصلا مش مقتنعة انك غلطانة ده شئ تاني وفي الحالة دي يبقي تقبلي الطرف الاخر حتي لو كان غلطان ده في حالة انك مش عاوزة تخسريه او تشرخي علاقتك بيه

وبرده عندنا حاجة اسمها عيب تعتذر حتي لو كنت غلطان .. لان ده تنازل .. وطبعا ده غلط لان الاعتذار لو انا غلطان هو عودة للحق والرجوع للحق فضيلة
اليس كذلك

انا طولت عليكي هنا اوي اكتر من الموضوع نفسه
لكن كلامك خلاني استرسل

تحياتي لك

kochia يقول...

-
دعوة للأمل
=============
فعلا حكاية من يختلف معي فهو ضدي منشرة اوي عندنا مش عارفة ليه
وتلاقي الناس شالت من بعض اكن كل واحد قتل للتاني قتيل
ويبقي اكنه ثأر
وكل طرف مستني زلة للطرف الاخر عشان يتفوق عليه تاني
وبتبقي حرب او نزال
ربنا يهدينا جميعا للصواب ان شاء الله
اشكر مرورك

تحياتي

kochia يقول...

-
أحمد كمال
===========
اشكرك جدا يا احمد
وفعلا موضوعك لما قريته فتح لي باب للتفكير في هذا الامر
وهو فعلا يتكامل معه جدا
وخطواتك التي وضعتها في الموضوع خطوات عملية ومفيدة .. عشان محدش يقول ده كلام نظري لكن ساعة الجد هنعمل ايه
اعمل اللي عليك .. وحاول
والنتيجة علي الله

اشكرك
واحييك علي موضوعاتك الجميلة دائما

تحياتي

مدحت محمد يقول...

كان دايما الامام الشافعى رحمه الله يقول

رأيى صواب يحتمل الخطأ ورأى غيرى خطأ

يحتمل الصواب

قمة التواضع وذلك لان اللى بيبقى له رأى معين بيبقى هدفه فقط الوصول للحقيقة

لكن الاختلافات اللى بشوفها دلوقتى
كله بيتعصب لرأيه على اساس انها عملية كرامة ولو عرف انه غلط
ميبقاش عنده شجاعة الاعتراف بالخطأ
تحياتى لحضرتك

arsenalwy يقول...

الله ينور عليكى

بوست هايل بس دة واحد من الأمراض المنتشرة فى الشعب المصرى بس ياريت نحاول تقضى على المرض دة

No Fear يقول...

السلام عليكم
للأسف كل النقط اللي أنت قلتيها للحل جميلة قوي بس للأسف لازم تتزرع في الإنسان من صغره و ده مش بيحصل و لا هيحصل
لذلك شكلنا هنفضل نبهدل في بعض علي طول
يارب الحال ده ميستمرش علي طول

يا مراكبي يقول...

أن يضع كل منا نفسه مكان الطرف الآخر ليرى الأمر الخلافي من وجهة النظر المقابلة: هو شيء لا نعرفه في عالمنا الشرقي أبدا

ألا نخلط بين الخلافات في الرأي والعمل وبين الأمور والعلاقات الشخصية: هو شيء لا نستطيع أبدا أن نمارسه في عالمنا العربي

نحنلا نعرف كيف نختلف برقي ووعي وإدراك .. نحن فقط نطبق شريعة الغاب حتى على الفكر

غير معرف يقول...

عندك حق بس احيانا الخلاف بيبقي جوهري ولا ايه؟


onyx

سنووايت يقول...

لو المفاهيم اللي انتي كتبتيها دي كل الناس اتبعتها في حواراتها وتعاملتها مش هيبقي فيه لا مشاكل ولا ضغائن
واجمل جملة كتبتيها في النهاية
سامح وتجاوز
الدنيا مش مستاهلة اللي الناس بتعمله في بعضها
تحياتي لقلمك

kochia يقول...

-
مدحت محمد
============
رأيى صواب يحتمل الخطأ ورأى غيرى خطأ
رحم الله الامام الشافعي
وكلامك صح
بس مش عارفة ليه بناخدها كدة علي اعصابنا كانه هجوم شخصي
فعلا مش عارفة

تحياتي

kochia يقول...

-
arsenalwy
=============
اشكرك
وهو فعلا منتشر عن ناس كتير
بس عشان نقضي عليه لازم نقتنع انه غلط
وكل واحد يبدأ بنفسه

تحياتي

kochia يقول...

-
No Fear
===========
ليه لازم تتزرع في الانسام من صغره ؟
الواحد لما يكبر ويلاقي نفسه غلط يحاول يصلح
ولا لازم يفقد حد عزيز بجد ويتالم عشان يحاول يتغير
ابدأ بنفسك
وليبدأ كلنا بنفسه
ولنري النتيجة

تحياتي

kochia يقول...

-
يا مراكبي
============
للاسف كل كلامك صحيح
بس ليه
مش عارفة

تحياتي

kochia يقول...

-
غير معرف onyx باشا
====================
والله منورني
وسعيدة بوجودك دايما

لما الخلاف يبقي جوهري والاطراف عاقلة راشدة بتقدر تتعايش حتي لو لم تحترم راي الطرف الاخر لكنها تحترم الطرف الاخر نفسه
لكن الخلاف الجوهري الذي يؤثر علي رايي في صاحب الراي اكيد هيبوظ العلاقة والدنيا تولع ويبقي شيل ده من ده يرتاح ده عن ده
مش كدة ولا ايه

تحياتي

kochia يقول...

-
سنووايت
===========
عندك حق .. احنا بنفسنا ممكن نوفر علي نفسنا كتير من المشاكل

والجملة دي .. انا بنصح بيها نفسي قبل ما بنصح بيها حد
عشان فعلا مش عاوزة اخسر حد عشان خلاف عبيط .. عشان كدة بحاول اسامح واتناسي الموقف اللي زعلني
هي الدنيا ايه غير كلمة حلوة وصحبة حلوة ورضا بالمقسوم وتواصل مع الله

بس صحيح ساعات باخد وقت .. غصب عني .. بس الحمد لله شغال يعني

تحياتي

Dr.m يقول...

السلام عليكم
الخلاف والختلاف..أحييك على اختيار هذا الموضوع ..فما أرى أو أشارك بنقاش هذه الأيام إلا كان به اختلاف في وجهات النظر يتحول إلى خلاف بسبب تمسك كل طرف برأيه وعدم اقتناعه بأن الخطأ قد يكون عنده..
وقد قال ابن تيميه كلمه هي ملخص حل الموضوع..((لو سكت من لا يعلم لقل الخلاف))
تحياتي
سلام

funckydoctor يقول...

طب أعلق أقول ايه
تسلم ايديكى

RaRa يقول...

مساء الخير
بجد موضوع جميل
وكتير مننا ممكن يغلط فى المصطلحات دين

بحييكى جدا على موضوعك

تحياتى

kochia يقول...

.
Dr.m
=========

(( لو سكت من لا يعلم لقل الخلاف ))
كلمة حكمة
رايك صحيح تمام
اشكرك

تحياتي

kochia يقول...

funckydoctor
===============
اشكرك شكرا جزيلا
واتمني مرورك دائما

تحياتي

kochia يقول...

rara
==========
اشكرك.. وارجو ان يستفيد الجميع بداية بنفسي

تحياتي

غير معرف يقول...

انتي عارفه المشكله , ان كل طرف بيبقي مقرر حتي قبل المناقشه انه مش ايقتنع براي التاني حتي لو بدا مقتنع
بكلامه , عشان بيبقي شايف انه لو اعترف بخطأه ايبدو في موقف اضعف..

كمان لو افترضنا ان مفيش حد منهم اقتنع بمنطق الاخر ,فلا يجب ان يتطور الامر لخضومه وربما عداء

كان في مفكر فرنسي بيقول انا علي استعداد اضحي بحياتي من اجل حريه الآخر المخالف لي في الرأي

موضوع متميز جدا كوشيا

تحياتي

kochia يقول...

الفارس الملثم
===============
اشكرك علي رايك
وفعلا كل كلامك صح للاسف

تحياتي

Miss. Sosa يقول...

السلام عليكم

موضوع مميز وجميل ونجحتى جدا فى ابراز الفرق بين الخلاف والاختلاف
بس هو انتى حذفتي موضوع الخيانه ولا راح فين

الامام الشافعي رحمه الله قال: رأي صواب يحتمل الخطأ ورأي غيري خطأ يحتمل الصواب

لو طبقنا المقولة ديه اعتقد هنكون اكثر مرونة فى سماع وتقبل الاخر

لكن المشكلة فى العند والتشبث بالرأي زي ما ذكرتي

تقبلي تحياتي وتقدبري

kochia يقول...

Miss. Sosa
=============
مس سوسة كيفك
موضوع الخيانة لسة شغال بس انا حبيت ارطب شوية علي القعدة

وعندك حق طبعا في كلامك علي الموضوع ده
تحياتي