الاثنين، يوليو 07، 2008

..الـخـيـــانـــــة

الخـــيــــانــــــــــــــــــــــة ..


كلمة كبيرة اوي
ومعناها واسع
ويؤثر علي تعامل كثير من الاشخاص رجالا ونساء مع الاخرين ومع بعضهم البعض
كثير من الرجال يخون .. وربما كثير من النساء خائنات ايضا

ولكن ...
ماهو مفهوم الخيانة ؟
هل الخيانة خيانة للجسد..
هل هي خيانة الروح..

خيانة للزوجة..
خيانة الزوج ..
خيانة للكلمة ..
خيانة للعهد ..
خيانة للامانة ..

او معنى الخيانة شامل كل هذة المعانى

وما هو اسوء انواع الخيانة ؟
وما هو احساس الخائن ؟
هل هناك اعذار للخيانة ؟

هل يؤثر نوع الخيانة علي درجة الاحساس بالذنب ؟

اسئلة كثيرة تدور حول هذا الموضوع
وربما الكثير منا تعرض للخيانة

خيانة الكلمة
او خيانة العهد
او خيانة الروح

وربما القليل من تعرض لخيانة الجسد ...

العديد والعديد من الافكار التي تدور حول هذا الموضوع
ورغم انني جديدة في التدوين
لكن احد الاصدقاء طلب مني هذا الطلب

وقــــال..


اكتبي عن خيانة المرأة .. لماذا تخون الذي تحبه ؟
" الست ليه تخون جوزها والخطيبه ليه تعرف حد على خطيبها

والحبيبة برده ليه تحب اكتر من حد علشان كل واحد فى ميزه مختلفه "
" اسباب الخيانه وامتى بتاخد القرار وازاى تتجرا وتخون "
" واحساسها ايه بعد اول خيانة "


دي كلها كانت تساؤلات شخص ربما شاف نماذج كدة في حياته

واذا كنا واقعين هنعترف ان فعلا النماذج دي موجودة

لـكـــن

كذلك الرجل يخون
اليس كذلك؟

الراجل ليه بيخون مراته وهو بيحبها ؟
وليه ساعات بيعدد من يعرفهم عليها
وايه احساسه بعدها


من اجل الحيادية والموضوعية
لازم نناقش الموضوع من كافة جوانبه
لكن هنتكلم عن خيانة الرجل وخيانة المراة كل منهما تجاه الاخر
سواء كانت خيانة روحية
او جسدية
من كافة الجوانب

يعني ايه هو مفهوم الخيانة ؟
وايه انواع الخيانة
وليه الست بتخون ..
وليه الراجل بيخون

وحتي لا اكون متحيزة سوف ابدأ بخيانة المرأة

واعتقد انه هيكون طويل عشان كدة هياخد اكتر من بوست
وبالتاكيد اتمني المشاركة بالرأي
ــــــــــــــــــــــــــــــــــــــــــ

هناك 28 تعليقًا:

arsenalwy يقول...

موضوع فعلا شائك

وكتر اوى موضوع الخيانة اليومين وصعب الواحد يحدد مين بيخون اكتر الراجل ولا الست علشان لكل قصة ظروفها بس أعتقد فى مجتمعنا العربى الراجل بيخون أكتر


اول زيارة ليا ومدونة جميلة فعلا

جمعاوى روش طحن يقول...

جاوبت الإستطلاع

kochia يقول...

arsenalwy
اهلا بيك
واتمني انها لا تكون الزيارة الاخيرة
وموضوع الخيانة فعلا شائك وتقريبا كل واحد بيرمي التهمة علي التاني
عشان كدة بحاول ابقي صريحة مع نفسي ومع القارئ يمكن نعرف السبب ونوصل لمعادلة ومعاهدة صلح

تحياتي

kochia يقول...

جمعاوى روش طحن
اهلا بيك دائما
واشكرك علي اجابتك للاستطلاع رغم اني شيلته دلوقتي عشان فعلا العالم العربي الخيانة فيه تكثر من الرجال اكثر من النساء لاسباب عديدة
وانا هجهز استطلاع تاني عن الاسباب
اتمني انك تجاوب علي برده

تحياتي

الجمعاوي الاصيل يقول...

موضوع مهم

وارى ان اصعب شئ قد يواجه الانسان هي الخيانة وخاصة لو كانت من اقرب الناس اليك

رحـــــال يقول...

كثرت أشكال الخيانه ..

والابتعاد عن الدين أوحدُ ..

لاعذر للخيانة من هنا او من هناك ..

لاعذر ولاسبب مقنع ..

تحياتي ..

kochia يقول...

الجمعاوي الاصيل
--------------
طبعا اصعب شئ هو الخيانة
ولو كانت الخيانة من شخص مش قريب مكنتش هتبقي خيانة بالمعني المعروف

تحياتي

kochia يقول...

رحـــــال
كلامك حق
لا عذر للخيانة .. ولكنها تحدث

تحياتي

حنين.. يقول...

البعد عن الدين ........ والاعلام والمسلسلات ولافلام اللى بتصور للناس انى الخيانه بقت عادى, للدرجه انن الناس ممكن تتعاطف مع اصحابها بردوا عادى, كمان الاختلاط الفظيع, ومن وجهة نظرى مفيش اسباب للخيانه, لانى الخيانه ليس لها معنى غير الخيانه مهما قعدنا نقول اسباب دافعه, وربنا يعافينا يارب, وعلى فكره انا والله بشوف بنات كتير الايام دى بقوا بيخنوا, يعنى رجاله ونساء........ تقبلى مررورى, واحييك على البوست والمدونه

مدحت محمد يقول...

اممممممممممممممممممممم

تعرفى اصعب حاجةفى الدنيا الخيانة

وللاسف انتشرت بطريقة صعبة اوى بجد

وشفتها كتير اوى

وتعبتنى بطريقة متتصوريهاش

للاسف احنا تقريبا بقينا نعانى من ازمة الضمير
وزى ماارسنالاوى قال انه موضوع شائك لا وكمان مؤلم

منتظرين

حمادة زيدان يقول...

موضوع الخيانة

يالهوى الخيانة لو من الحبيب بتكون قاتلة بالذات لو قبل الزواج طبعاً هتسأليني ليه هبلغك يا ستي ... قبل الزواج بيكون الحب لسه صافي بدون عوائق الخلفة والعيال وشيل هم العيال ... والمصاريف و , و , و بعد كل ده لازم الست تخون جوزها لو مش مريحها في الفلوس أو في الجنس أو في الحب ... طبيعي لازم تخون ... واللي مش بتخون بتفكر تخون لكن الست الجدعة هى اللي بتقدر تحافظ على نفسها .... ملخص ما قولت انه الخيانة السبب الأول ليها الظرووووووووف والتربية
وسلام علشان ايدي وجعتني من الكتابة
نسيت اعرفك بنفسي
حمادة زيدان
سلاموز

Miss. Sosa يقول...

فى سؤال مهم فى الموضوع ده
ياتري نسبة الخيانه والطلاق والانفصال وجرائم قتل الازواج والزوجات فى جيلنا اكتر ولا فى الاجيال اللي قبلنا؟

فكرى كدا هتلقى فى جيلنا النسبة اكتر .. يبقى اكيد الجيل ده فيه حاجة غلط بتدفعه للخيانه .. الموضوع فعلا طويل جدا

بس انا شايفة كام سبب
البعد عن الدين
الملل وحب التجديد
هو زهق من زوجته وعايز وجه جديد وعلاقة جديدة
هو انشغل في عمله وانصرف عنها وهي عايزة تعيش قصة حب فتدور عليها مع اي واحد
بصراحة ااحنا جيل مش مسئول وفكرتنا عن الجواز انه حب وفسح هو اللي بيخلينا مش مهيئيين لاعباء الحياة ومشاكلها فبنهرب وبندور على الحياة السهلة فى اي مكان حتى لو كانت حرام
وبنزهق ونمل من بعضنا بسرعه لاننا جيل التيك اواى

رئـــــيسـة حزب الأحلام يقول...

بشع احساس الخيانه
والخيانه ليست خيانة الزوج لزوجته او العكس
هناك خيانه الانسان لنفسه وهذا افظع وعندما يخون نفسه يسهل عليه خيانه كل من حوله وخيانه حبه
تحياتى

اجندا حمرا يقول...

عزيزتي كوشيا

موضوعك مهم و بدايه كلامك عن الخيانه فيما يتعلق بالمرأه
شوفي عزيزتي اللي بيخون حيلاقي مليون سبب بيحاول يقنع نفسه بيه انه له مبرر لخيانته ديه
الشخص اللي بيخونه بقه حيتألم كتير من خيانته ممكن حد من بره مايحسش ان الموضوع مؤلم اوي لكن دايما اللي بيعيش التجربه هو اللي بيتألم اكتر واخد
المرأه ممكن تخون بدافع الانتقام و في الوقت ده بيتنتقم من اللي خانها و من نفسها في نفس الوقت

في رأيي لا مبرر للخيانه
الخيانه بتسبب ألم و اللي بيحب حد حب حقيقي عمره مايتحمل انه يألمه
تحياتي علي اثاره الموضوع الهام

ma_3alina يقول...

انتظر واترقب موضوعك .. وخصوصا الخاص بخيانة المراة .. وخصوصا خصوصا .. عندما تخون المرأة وهي لازالت تحب من تخونه .. هل هذا ممكن ؟؟

برجاي الاطلاع على الموضوع التالي

غير معرف يقول...

عزيزتى كوشيا
انا عايز اقول حاجه مهمه الخيانه مش لازم تبقي بسبب منطقي لانها بتبقي لحظه ضعف عند كلا الطرفين وبتبقي لحظه تلاقي افكار الطرفين لما يمى بالخيانه وقد تستمر وقد تكون لمره واحده وهى بسبب غالبا زهق احد الطرفين من شريك حياته زوجته او زجها وقد يكون بسبب اقتصادى وقد يكون بسبب ان الست او الراجل جت له فرصه سهله لكن الخيانه موجوده وانا لي راي في الموضوع ده قد يستغرق صفحات ......

kochia يقول...

حنــــــين
ــــــــــ
اشكرك علي مرورك
فعلا عندك حق في رايك .. ومعاكي في موضوع دور الاعلام جدا لان فعلا بيصوروا ان الانسان اللي بيخون ده مظلوم ويمكن خان عشان اتخنق من شريكه لكن طبعا لا مبرر مقبول للخيانة

تحياتي لك.. وارجو متابعة الموضوع

kochia يقول...

مدحت محمد
ــــــــــ
انتشرت فعلا يا مدحت وللاسف الناس بقت بتوجد لنفسها مبررات.. وارجو ان يعفيك الله من كل سوء

تحياتي

kochia يقول...

حمادة زيدان
ــــــــــــ
الخيانة لا تاني الا من الحبيب .. فعندما يخونني من لا يعنيني فلن اتالم وربمت لا اعدها خيانة
وهناك فرق كبير بين خيانة قبل الزواج وخيانة بعد الزواج طبعا وسوف اتعرض لها ان شاء الله
وانا معاك ان التربية من اسباب الخيانة لكن مش الظروف والا كانت كل ذات ظروف سيئة خانت وده مش بيحصل

تحياتي .. وارجو متابعة الموضوع

kochia يقول...

مس سوســـة
ـــــــــــ
عزيزيتي مس سوسة
اكيد نسبة الطلاق زمان اقل .. لكن هل نسبة الخيانة اقل ؟؟
ممكن تكون نسبة خيانة المراة اقل لكن مش متاكدة ممن نسبة خيانة الرجل
اعتقد مش كل الناس فاكرة ان الجواز حب وفسح لكن اكيد نسبة كبيرة ربما تكون فاكرة كدة

تحياتي لك

kochia يقول...

رئيسة حزب الاحلام
ــــــــــــــــــ
انا معاكي 100% ان خيانة النفس والروح ابشع من خيانة الجسد وهي مقدمة لكل انواع الخيانة فيما بعد

تحياتي

kochia يقول...

اجندة حمرا
ــــــــــــــــــــ
انا متفقة معك ان الانتقام من اسباب الخيانة .. وانه لا مبرر مقبول للخيانة
تحياتي

kochia يقول...

ما علينـــا
ــــــــــــــــ
عارف ان فعلا عندك حق وفعلا المراة ممكن تخون من تحب وهي لازالت تحب من خانته
اشكرك علي رابط الموضوع الذي ارسلته

تحياتي

kochia يقول...

غير معــــــروف
ـــــــــــــــــــــــ
الخيانة قد تكون لحظة ضعف للمرة الاولي لكن عمرها ما تكون لحظة ضعف عدة مرات
وعندما تتلاقي الافكار بين امراة ورجل اخر ويصل هذا التلاقي لحد الفراش فهذه هي الخيانة بعنيها وليس مبرر تلاقي الافكار ان تتلاقي الاجساد
ولكن هو سبب واحترم رايك
علي العموم لو رايك ياخد صفحات انا ارحب به وارجو ان احببت ان ترسله علي ايميلي وهو متاح في البرفايل
تحياتي
ودي اول مرة تعلق عندي وارجو اني اعرف رايك دايما في الموضوعات كلها

funckydoctor يقول...

ايوة الموضوع ده عايزين فيه كلام كتير
هاتبعك ان شاء الله
تحياتى

appy يقول...

عندى بوست اسمه هتقولواالحقيقه ولا هاااا
يمكن يلخص كتير قوى من اللى عاوزة اقوله وده عن الخيانه تحديدا بين الرجل والست
والله اكتشفت كوارث

kochia يقول...

*********************
funckydoctor
*********************
اشكرك .. وارجو المتابعة .. وابداء الراي

تحياتي

kochia يقول...

**********
appy
**********
انا هقرا الموضوع واتمني متابعتك

تحياتي