الأحد، يوليو 27، 2008

.. الانتقام .. الدافع الاول



متابعة لموضوع الخيانة والاسباب المؤدية لها
--------------


قد ناقشنا الخيانة بشكل عام ومفهومها سابقا في
الجزء الاول الخيانة
الجزء التاني مفهوم الخيانة

والان اتحدث عن اسباب خيانة المراة


من خلال الاراء والتعليقات الواردة علي الموضعين السابق ذكرهم
اجمع الغالبية علي ان سبب الخيانة الاول هو نقص الدين

وهذا السبب هو سبب حقيقي بالطبع
والبعض يعتبره السبب الوحيد لان الاسباب الاخري والتي سوف نناقشها لاحقا
اسباب قد تتوافر في حياة العديد من النساء
ولكن قلة منهم فقط هو من يخون
اذن معيار الدين هو المعيار الرئيسي

لذلك سوف نثبت هذا العامل
قلة ونقص الدين

ونبحث عن الاسباب الاجتماعية والعاطفية الاخري
التي تدفع المراة الي الخيانة

ما هي اسباب خيانة المراة للرجل

السبب الاول لخيانة المراة هو
دافع الانتقام من الرجل

الانتقام من اجل الثار لكرامتها
الانتقام منه لاجل حبها المفرط له

وذلك بمعني انها قد تكتشف انه قد تعرف علي اخري
او غازل اخري او استجاب لمغازلة اخري
او حتي اقام علاقة مع اخري

والرجل بطبعه يستطيع ان يحب او يعجب

باكثر من امراة في نفس الوقت

ربما ليس كل الرجال .. ولكن ذلك واقع

تلك هي الحالة الرئيسية التي تخون فيها المرأة

حيث تكون في حالة من الغضب الشديد منه
ومن نفسها ايضا
عند اكتشافها خيانته

ومن شدة شعورها باهانة كرامتها ومن شدة شعورها بالغيرة من النساء الاخريات
وخاصة تلك التي مال اليها رجلها
تقرر ان تقوم بالمثل .. ووقتها قد تقبل وتستجيب لمغازلة من زميل او جار او حتي عابر سبيل
لترضي غرورها وتشعر انها الانثي المرغوبة والتي مال عنها رجلها الي اخري ..

(( ها انا ذا استطيع ان اجذب انتباه الاخرين لي اذن انت المخطئ في ميلك للاخري ))

وبعدها ربما تستطيع هي ان تسامحه علي خيانته حين تشعر بالرضا عن انوثتها
وتثبت لنفسها انها جديرة بالاعجاب

فالمراة بطبعها مخلوق يحب الاهتمام والاطراء بشكل دائم ومتكرر ..
وقد تدرك انه اهتمام مبالغ فيه ولكنها تحبه ..
وقد تدرك انه اطراء كاذب ولكنها تنتظره

وعندما لا تجد هذا الاهتمام وهذا الاطراء من حبيبها
وهي التي تنظر اليه كل لحظة باسمة في انتظار سماع تلك الكلمات –
عندما لا تجد هذا الاهتمام تمشي متحفزة الاذن والعين الي كل كلمة او نظرة
تشبع لديها تلك الحاجة الملحة الي الاهتمام

ولا تلومها ايها الرجل علي هذا فهذه طبيعتها

وكما تريد انت ان تعتبرك ابنا لها احيانا تحتويك وتدللك وتستجيب لرغباتك
اعتبرها انت الاخرلا احيانا ابنتك احتويها ودللها واستجب لرغباتها

وقد سال سائل (( ليه الست تخون اللي بتحبه ))

وها هي الاجابة

تخونه من فرط حبها .. الذي يجعل خيانته لها شديدة الالم
تريد قتل هذا الالم .. الم خيانته لها بالم اشد منه وهو خيانتها له
فالمراة المحبة اذا خانت حبيبها تتالم روحا وعقلا اكثر مما تالمت لخيانة رجلها لها

وانما هي في هذه اللحظة تريد الانتقام منه لخيانته بان تبيح جسدها
والذي هو من حقه الي اخر
وكانها تاخذ وتنزع منه ما يملك
ولكنها لا تدرك وقتها ان هذا الجسد هو ملك لها ايضا
وهو امانة اعطاها الله لها لا يحق ان تفرط فيه لمن لا يستحقه بشرع الله

وهي في نفس الوقت تعاقب نفسها ان سمحت لها ان يعرف غيرها..
او يحب غيرها ..او يقيم علاقة حميمة مع غيرها .. وهي المستحقة الوحيدة لذلك حسبما تعتقد

يتنازعها نازعين ..

الاول انها فرطت فيه وكانت غير جديرة بالحفاظ عليه
الثاني انه كما المتني بان وهبت نفسك لغيري سوف اؤلمك بان اهب نفسي لغيرك

ولكني هنا لي وقفة

رغم ان الله سبحانه وتعالي قد وحد بين عقوبة الزنا للرجل والمراة سواء
الا انني اناي بطبيعة المراة العفيفة الخجولة الابية ان تمنح جسدها لمن لا يستحق بشرع الله
فهو جسد اغلي واثمن وارق وارقي من جسد الرجل

وهو كالحجر الكريم الذي يجب ان يبقي مصانا عفيفا لا يجب ان تمسه الايدي

وهو كالزجاج الهش الضعيف علي جماله ودقته ورقته

الا انه ينكسر وينجرح ويخدش حتي من مجرد رمال العاصفة

لذلك سيدتي احتفظي بعفتك وطهارتك ابد الدهر
وكوني شامخة الهامة راضية عن نفسك ناظرة للامام مهما خانك او غدر بك الحبيب
ودعيه لنفسه وللايام تفعل به ما تشاء
-----------------
(( وللحديث بقية ))

هناك 40 تعليقًا:

فارس بلا جواد يقول...

اول تعليق
الحقيقه من وجهة نظرى
انا شايف ان ممكن يكون يكون سبب الخيانه بين الزوجين سواء الرجل او المراه هو اضمحلال الحب بينهم او انتهائه فكل واحد فيهم بيبدا يدور على حد تانى يلاقى عنده الحب المفقود
وخاصه لو الرجل ال بدا بالخيانه
فالمراه برده بتخونه انتقاما منه
وممكن احيانا نقص الدين بين الزوجين سبب فى كده

بوست هايل ومهم
تحياتى

احمد يقول...

بتقولى الست بتخون من كتر الحب
طب اللى بتخون من غير سبب او اللى بيخون من غير سبب واضح
معنى الخيانه كبير ووفى الاخر اصحاب النفوس الضعيفه هم اللى ممكن تلاقى الصفه دى فيهم

fatma يقول...

بصى يا كوشيا
انا لو اتحطيت فى موقف مشابه مستحيل انى اخونه لانى فى يوم حبيته ولو خنته يبقى بخون نفسى قبل منه .. صحيح انا غيورة جدا لدرجة انى اقتله بس مش هخون .. هقتل باذن الله على طول لو بس شميت خبر وهو انا هايبقى فيا عقل لما اعرف انه خاننى .. انا اخليه يخرج من حياتى ومن الحياة كلها
شايفه العنف شايفه

كنت بهزر ,, بجد الحياة هتكون مستحيلة بيننا وبكامل ارادتى هتمنى له الخير مع التانية ويبقى احنا كده خلاص مفيش بيننا نصيب علشان لو كابرت وقولت لأ هيبقى فى نظرى خاين ولو بقى فى نظرى خاين هندم على اختيارى ليه من البدايه ولو ندمت هكره حياتى كلها واكرهه

ممكن ماشى فى الاول احسسه بالغيره عليا اوهمه بردو انى مابقيتش معاه بس ده بردو ما يعجبنيش لانه هيولد عنه الشك وهيقتلنى وانا ياعينى لسه صغيره

ايه الاسباب للخيانة اصلا طبعا بعد الدين .. هى الحياه والانانية ,, كل واحد بيفترض ان التانى غلطان ولازم يتعاقب باى شكل
منا مش هفضل عايش او عايشه فى الهم ده لازم الاقى بديل باى تمن وباى شكل
عارفه لو كان الاحترام والتفاهم وبلاش اقول الحب لان الحب اصلا مابيدومش فى الغالب بيتقلب لاحترام وعشره وتفاهم بيكبر .. اه الحب بيكبر ومابيبقاش حب بس

لو كل طرف من الطرفين قدر حتى يفترض انه الغلطان وقال معلش هيقدروا يحافظوا على الحاجات الجميلة اللى بينهم

الرسول عليه الصلاه والسلام قال حديث فيما معناه التمس لاخيك 70 عذر فان لم يكن له عذر فقل لعل له عذر
شوفى لحد ايه حتى لو معندوش عذر اصلا نقول يمكن يكون ليه عذر ونسامح بعض
بدل ما كل واحد فينا يدمر باديه وبخيانته للطرف التانى كل حاجة جميلة

جمعاوى روش طحن يقول...

متابع ...

amal يقول...

انا شايفه ان السبب الرئيسى للخيانه هو انعدام الحب

طبعا لو واحده عندها دين واخلاق حتى لو مش بتحب جوزها مش هتعمل كدا وهتفارقه احسن بالمعروف

بس برضه لو واحده بتحب هتخلص من قلبها وبالفطره

الحب هو الشئ اللى يمنع الخيانه لو الواحده معندهاش دين

مفيش واحده بتحب جوزها تخونه حتى لو كان الدافع هو الانتقام منه لشدة حبها

حكاية الحب المفرط دى مش داخله دماغى

اذاى واحده تحب بالشكل دا وتخون ؟
الا اذا اتجننت بقى

الله يكفينا شر الخيانه والخاينين

مدونتك جميله اوى على فكره

رحـــــال يقول...

اسباب غير مبررة للخبانة ..

مهما حصل من الزوج فالمرأة كما ذكرتي لها كينونتها ..فن خانت لسبب حبها لزوجة اصبحت هنا داعرة فاجرة ..

عموما نتابع معك ..

freedom يقول...

برأيي نا في سبب للخيانة غير غياب الوازع الديني اولا
و ليس الانتقام مبرر
هيك الناس رح تعمل السبعة وذمتها اذا بدها تضل تنتقم

كلام على بلاطة يقول...

الخيانة تأتى من وجهة نظرى للاسباب التالية
اعلاء قيم الذكورة فى المجتمع وطمس حق الانوثة وانها عبارة عن وسيلة مساعدة
وليست شريكة حياة
اعلاء قيم الجنس واعتبارة هدف فى حد ذاتة
عدم التركيز على الجوانب الروحية
والاجتماعية
سيادة مبدأ اللى تغلب بيه العب بيه
اللعب بالغرائز واعطائها اهمية قصوى

غير معرف يقول...

يابنتى الخيانه لها مره اولي وسببها كل اللي علي المدونه قالوه ...انتى بتسميها خيانه لكن ممكن يكون لها اسماء تانيه ممكن تجربه او انتقام او احتياج او رغبه والحقيقه الخيانه مش لازم تبقي انتقام من الطرف الاخر ممكن تبقي نزعه للتغير وللعلم بقي نسبه تجربه بديل للطرف الاخر منتشره بس مستتره وانا اعلم هذا من وجودى وسط مجتمعات عديده لا داعى للخوض فيها ........


onyx

blue-wave يقول...

حلو بجد البوست
فعلا اسلوب تحليل رائع
لكن حكاية انها تخون من فرط حبها دى فيها كلام
تحياتى

ma_3alina يقول...

أظن السائل كان قصده من سؤاله .. ليه الست ممكن تخون حد بتحبه مع إنه لم يختها يوما ولم يقصر في حقها ما استطاع

:)

متهيألي دا قصده .. هل دا ممكن يحصل ولو ممكن يبقى ايه السبب ؟

هل فيه حاجة اسمها لذة الخيانة في حد ذاتها أو مرض يصيب من يخون كهذا الذي يسرق ليس لأنه محتاج ولكن لأنه عنده مرض السرقة
???

kochia يقول...

فارس بلا جواد
================
الاسباب التي طرحتها هي اكيد من مسببات الخيانة

وبالتاكيد مع ثبات عامل نقص الدين

تحياتي

kochia يقول...

احمد ...
============
ايوة بقول الست ممكن تخون من كتر الحب
زي تمام لما تقدر تقتل لما تشوف حبيبها بيخونها تقدر تخونه لنفس السبب
وده حصل
وده حصل

وطبعا النفس الضعيفة هي اساس كل خطأ

تحياتي

kochia يقول...

fatma
=========
الخيانة عزيزتي اختيار
وموقف مش اي حد ممكن يختاره او يمشي فيه
والقتل والخيانة الاتنين حاجة فظيعة بس هم اختيارين رد فعل لنفس الموقف هو خيانة الطرف الاخر
ولو كنا واقعين هنلاقي ان بيوت كتير فيها زوج خائن والدنيا ماشية
والست سامحت او تجاوزت او تناست او عايشة والسلام
واكيد الرد علي الاسءة بالاساءة غلط
ما بالك بقي الخيانة
شئ فظيع
انا كمان عمري ما هقابل الخيانة بالخيانة .. مش عشان كنت بحبه لانه بخيانته هز كتير من حبي وثقتي فيه
لكن لان ساعتها نفسي اعز عليا من اي حاجة واي حد
والدين شئ اساسي ومش محل حوار في القضية دي

تحياتي

kochia يقول...

جمعاوى روش طحن
===================
اشكرك

تحياتي

kochia يقول...

amal
=========
تمام هو جنان
الا اذا كانت الخيانة طبع فيها
لكن لو الخيانة مش طبع فيها وخانت واحد بتحبه تبقي اتجننت
ولكن عزيزتي
اليس الجنون جزء في حياتنا نراه ونلمسه كل يوم في اشخاص عديدين ؟؟؟

تحياتي

kochia يقول...

رحـــــال
=============
لا سبب يبرر الخيانة
اطلاقا

تحياتي

kochia يقول...

freedom
=============
بتعدد البشر تتعدد الاسباب
والانتقام سبب مش انا اللي اخترعته
دي حقيقة وانا فقط رصدتها

تحياتي

kochia يقول...

كلام على بلاطة
================
اشكرك علي مرورك
ورايك ووجهة نظرك فيها الكثير من الصحة
لكن يا تري خيانة المراة لها نفس الاسباب التي يخون من اجلها الرجل ؟؟

تحياتي

kochia يقول...

غير معرف
onyx
==============
التجربة مع حد تاني خيانة للاول
اشباع الرغبة مع حد تاني خيانة للاول
اشباع نزعة التغيير مع حد تاني خيانة
الاستهتار بهذه العلاقات واعتبارها ترفيه و
وظروف وملابسات و و و
كل ده خيانة
والمجتمعات اللي موجود فيها كل ده كتير
يؤسفني ان الخيانة فيها تبقي "ظاهرة " مش مجرد عارض

احنا هنا مختلفين في التسمية

تحياتي

kochia يقول...

blue-wave
==============
لازم يكون فيها كلام
لانهم مرضي
ومحتاجين علاج


تحياتي

kochia يقول...

ma_3alina
===============
ليه الست ممكن تخون حد بتحبه مع إنه لم يختها يوما ولم يقصر في حقها ما استطاع

الست يا باشمهندس لو بتحب صعب اوي اوي تخون .. ولو خانت يبقي عشان بتدافع عن نفسها ضد خيانة
ولو هو مخنهاش وخانته تبقي ست قليلة الاصل ومريضة نفسيا
ومش هقوللك عنيها زايغة زي ما بنقول علي الراجل لان الوضع يختلف
والسبب غالبا في الحالة دي بيبقي عقدة مترسبة في عقلها الباطن
وساعتها بس ممكن تحس بلذة الحيانة
انها تكون عندها عقدة قديمة
لكن الست العادية الطبيعية ابدا ابدا لا تخون من تحبه اطلاقا

تحياتي

بثينــــــة يقول...

موضوع صعب جدا
مناقشة خيانة الرجل مباح تماما في مجتمعنا لأن الرجل .. رجل
لديه قدرة علي تسميتها نزوة
ولديه قدرة علي الازدواجية في المشاعر تجاه اثنتين
فطرة
ولدي المرأة غالبا قدرة علي الغفران له
لكن مناقشة خيانة المرأة مغلق
لأن المرأة .. مرأة
لا يحق لها غير رجلها
لا مبرر لها
ولن تتعاطف معها حتي امرأة مثلها مهما كانت دوافعها
وإن فعلت تحت أي مبرر ستكون هي أول من يحاكم نفسها
وربما تحرم جسدها علي رجلها بعد أن دنسته
وربما أنها هي نفسها من تري حمق دوافعها التي أدت بها إلي الخيانة مهما كانت قوة هذه الدوافع
إحساس المرأة بجرمها قوي جدا نتيجة للفطرة أيضا

تحياتي لك

الفارس الملثم يقول...

طبعا واضح من عنوان البوست انكي حين اشرتي للانتقام كسبب للخيانه فانكي قصدتي ان هذا سبب من اسباب عده وهو امر اتفق معكي فيه تماما ..

اما عن رايي في اسباب الخيانه بالنسبه للمرأه فتتعدد وتختلف من امرأه لاخري

اولها طبعا التربيه ومدي نمو الوازع الديني والضمير الداخلي داخل المرأه .فعندما تنشأ المرأه في اسره مفككه تختلط لديها معايير الحلال والحرام فانها تكون ذات شخصيه هشه من الناحيه النفسيه يسهل اغوائها وسقوطها في خطيئة الخيانه ..

ساكتفي بهذا السبب مؤقتا حتي استكمالك للموضوع في البوستات التاليه

تحياتي ومنتظرين التكمله

arsenalwy يقول...

كوشيا

موضوع جميل وكلامك مرتب ومنمق انا شايف ان اهم سبب للخيانة مش نقص الدين بل نقص السعادة بين الزوجين فلو السعادة موجودة حتى لو الدين مش كامل عند الزوجين فمحدش هيفكر انه يبص بره لانه لاقى كل حاجة جوة

تحياتى لموضوعك الجميل

مدحت محمد يقول...

موضوع خيانة الزوجة لزوجها شفته فى حياتى

واثر عليا نفسيا جدا

اول مرة كان عندى 9 سنين

كان ست فى عمارة جدتى وكان باين عليها الصراحة كان لبسها مش محتشم اصلا

ودى اتفضحت

فى برضه فى منطقتنا من قيمة اربع سنين
كان جوزها مسافر واللى كشفها
العيال اللى بيلعبو فى المنطقة

وفى برضه واحدة متجوزة جزار وهو راجل عجوز شوية وهى عندها بتاع حاجة وتلاتين سنة
برضه فى منطقتنا

مش عارف المهم اللى عايز اقوله هو بيبقى ممكن الى جانب عدم وجود وازع دينى اعتقد انى المرأة بيبقى عندها رغبات الى جانب اهتمام من جانب الزوج
او حالة جوزها كان شغال ليل نهار
فعلا واكتشفها لما رجع الساعه 2 بالليل من الشغل كان بدل الوردية مع زميله وراح البيت فجأة شاف المصيبة

تانى موضوع
اللى فى منطقتنا جوزها كان بيشتغل فى السعودية وهى كانت قاعدة مع عيالها
صغيرين

تالت موضوع الراجل عجوز فعلا وهى لسة صغيرة
فطبعا لازم تخونه
فاعتقد المواقف دى بتؤكد صحة كل اللى حضرتك قلتيه

وربنا يحفظنا يارب ونعدى منها على خير

rara يقول...

انا جيت اطمن عليكى
وحشتينى اوى
وليكى عندى واجب تعالى خديه

ولسه هقرا موضوعك وارجعلك تانى

زى الهوا يقول...

جميل , وفى انتظار التكملة

kochia يقول...

بثينــــــة
================
حقا ما قلتي
خيانة الرجل نزوة والمراة فد تسامح .. حتي المجتمع قد يسامح
خيانة المراة جريمة ولا يسامحها احد

بعض الاسباب ترجع الي اختلاف التكوين النفسي .. والجسدي ايضا للرجل والمراة

وبعض الاسباب فرضها المجتمع والتخلف والتمييز

تحياتي لك

kochia يقول...

الفارس الملثم
================
فعلا .. الانتقام هو احد الاسباب لخيانة المراة .. وهو في رايي السبب الاكثر انتشارا

وعدم وجود الدين هو عامل ثابت عن كل من يخون لان الظروف الدافعة للخيانة قد توجد عن الكثير ولكن من بقدم علي تلك الخطوة من لا يرجو من الله ثوابا علي الصبر والتحمل ولا يخاف من الله العقاب

تحياتي

kochia يقول...

arsenalwy
===============
نقص السعادة هم سبب طبعا من اسباب الخيانة .. وهو السبب العاطفي لها
وسوف واتحدث عنها في بوست قادم ان شاء الله

تحياتي

kochia يقول...

مدحت محمد
============
اشكرك يا مدحت علي مرورك
ورايك صحيح
ده شئ موجود واسبابه كتيرة
ومادام البشر علي الارض ستظل الخطيئة عليها

اللهم اعفو عنا

تحياتي

kochia يقول...

rara
=========
اهلا يا قمر
اشكرك علي سؤالك

ومتشكرة اوي علي الواجب ده .. رغم اني كسلانة في الواجبات اوي
بعملها وانا مضطرة
بس عشان خاطرك هعمله من عيوني

تحياتي

kochia يقول...

زى الهوا
============

اشكرك

مع تحياتي

Khaled Farag يقول...

أعرف واحد صاحبى بيخون مراتة كتيير جدا لانها دايما بتحسسة انها مش بتحبة وانها تقدر تستغنى عنة فى اى وقت بالرغم من انة بيحبها جدا

وعجبى

تقبلى تحياتى

kochia يقول...

Khaled Farag
================
علي رايك

عجبي !!!!!!!!!!!

تحياتي

وميض ابتسامة يقول...

حتى الحب... لازم يكون فى حالة توازن
الافراط فى أى شىء .. خطأ شائع ونهايته معروفة
ليه ميكونش بجانب الحب ..بعض من الصداقة ..والاحترام ..والهوايات المشتركة بين الزوجين
هناك عبارة قديمة قد تعنى شيئا وقد لاتعنى
"الف رجل لايغوى امرأة .. ومرأة واحدة قد تغوى الف رجل"
الخيانة رجل وامرأة معا
وضعف الرجل وضعف المرأة غير خاضع للقياس وقد يكون كل ما قيل وما سيقال من بعض الاخوة المعلقين وقد لايكون ..
والنهاية .. فالخيانة قائمة ..وبصرف النظر عن اسبابها .. فأنا اتفق معك بضرورة عدم خوض المرأة وانغماسها فى هذه التجربة لمجرد الانتقام أو لاى سبب آخر .. فسوف تخسر الكثيروالكثير حتى وان سترها الله ..فالذنب فادح .. والتجربة قذرة ومريرة وقد تنتهى بمأساء .. فاليحفظ الله نسائنا من كل شر .. وليهديهن سواء السبيل
واشكرك على هذا العرض الجميل وأجتهادك فى توضيح حقيقة الامر ..والسلام

نعكشة يقول...

دعيه للأيام
هذا ما يستحقة الرجال( مش قصدي اعلان جيليت)
اقصد اللي فرط في جوهرة معاة يستحق ان يُترك

كوني شامخة
اعتقد ان الأكتشاف نفسة( انها تكتشضف انه خانها او بيخونها) بيهدها و يهد كل صروح شموخها
بس مش لازم تضعف

عندك حق في انك بتعذبي نفسك والمفروض اللي يتعذب فعلا هوه الرجل و ليس انتِ
فيكفيكي عذابه استهتاره بحبك

منتظرة البقية

دام ابداع قلمك
أسلوبك رائع علي فكرة
كل مرة بحس كدة
وكل مرة ببقي نفسي اقولك كدة
انتي لية مش بتشتغلي صحفية في جريدة او مجلة تكتبي مقالات لكل الناس؟؟؟

دمتي سالمة

سلامٌ عليكي

kochia يقول...

وميض ابتسامة
============
حتى الحب... لازم يكون فى حالة توازن
رايك صحيح جدا

وحقا ما قلت
الاندفاع في الانتقام يخسر الانسان كل شئ

تحياتي

kochia يقول...

نعكشة
=====
ههههههههههههه
انتي مصممة اشتغل صحفية
طيب انا معنديش مانع
هاتيلي شغل وانا اروح جريا عليه

ايه رايك

وعلي كلامك
صحيح طبعا
اشكرك علي رايك
لكي كل التحية