اللهم سلم

-
-
الهم انصر غزة على خونة اليهود وخونة قومهم يا قوي ياعزيز

اللهم اجعل الدائرة لعبادك في غزة

اللهم قوِّ عزائمهم واربط على قلوبهم وسدد رأيهم وصوِّب رميهم
وأمدهم بمدد من عندك وجند من جندك يا رحمن

اللهم ابدل خوفهم أمنا وذلهم عزا ومهانتهم كرامة
وفقرهم غنى وتفرقهم إلفة وتماسكا

اللهم واحمل حافيهم واستر عاريهم واشف مريضهم وأطعم جائعهم
واجبر كسيرهم وفكَّ أسيرهم ويسِّر عسيرهم

اللهم اجعل لهم من كل همٍّ فرجا ومن كل ضيق مخرجا ومن كل بلاء عافية
ومنَّ عليهم بفتح مبين

اللهم لاتكلهم إلى أنفسهم طرفة عين
ولا إلى أحد من الناس
وأغنهم بك عمَّن سواك

اللهم البسهم لباس الصحة واقلب محنتهم منحة وعَبْرَتهم بسمة
وترحهم فرحا

اللهم اجعلهم شاكرين لنعمك مثنين بها عليك قابليها

اللهم مكنهم من رقاب عدوهم وسلطهم عليه
فيسوموه سوء العذاب

اللهم فك كربهم
اللهم فك كربهم
اللهم فك كربهم

اميــــــــــــــــــــــــــــــــن

-

تاج العام

-

ارسلت لي اختي العزيزة مها زين .. مدونة (انها الحياة)

تاج جميل جدا وثري .. وانا اتباعا لمبدا تسديد الديون ( قريته عند الازهري ) هجاوب بعد كدة علي التيجان اول باول وواحد جديد مع واحد قديم لحد ما يخلصوا .. لان عندي شوية كدة

وبما ان ده كبير للاسف مضطرة يبقي لوحده

نبدأ ......

*************

لو كان ينفع تختار عصر تعيش فيه هيبقى انهى؟ ومين الحاكم؟
ينفع اختار عصرين ؟؟

انا هختار وخلاص

كنت احب اعيش في عصر قديم اوي ايام ماكانت الاخلاق الصالحة واضحة الصلاح والفاسدة واضحة الفساد وايام ماكانت الرجولة كاملة والانوثة كاملة .. والابيض ابيض والاسود اسود وذلك لاني اري اختلاط الصلاح بالفساد لدرجة عدم التمييز بينهم احيانا الان ..

تعبت من اللون الرمادي المنتشر في كل شئ وعدم وضوح مفاهيم الرجولة والانوثة الكاملين في نظري من رؤية الرجال والنساء عامة .. والحاكم هو شيخ القبيلة العادل

والعصر التاني اللي كنت اتمني اني اعيش فيه هو عصر عمر بن الخطاب واني اكون من المسلمين الاوائل واجاهد جهاد المسلمين الاوائل .. والحاكم طبعا العادل عمر بن الخطاب رضي الله عنه

*************

أول اولويه فى حياتى ...عيلتى ..شغلى ...أصحابى؟
عائلتي طبعا

*************

إيه اكتر حاجه بتحبها فى رمضان؟
التجمع الاسري والعائلي .. قراءة القرآن وختمه

*************

اوصف أجمل فطار ممكن تفطره؟
فطار رمضاني طبعا .. ممكن محشي ورق عنب .. صينية رقاق معاها شغال .. شوربة سخنة طبعا .. حبة خشاف صغيرين .. بس كدة كفاية

*************

لو انت حاكم هتكون عادل ؟ وهتعرف ازاى؟
اتمني اكون عادلة .. هحاول اقتدي بالنماذج العادلة واتقي الله .. بس دلوقتي مش ممكن اكون متاكدة من مدي العدل .. والحكم مسؤولية كبيرة جدا

*************

مين أكتر اعلامى بتحبه؟
بيتغيروا مع الوقت .. بس حاليا محمود سعد .. رغم اني لم اكن احبه سابقا نهائيا

*************

لو ممكن شغلانه تانيه تختار ايه؟
مدير طبعا .. مش عشان بحب المريسة والله

لكن اعتقد ان عندي افكار ادارية لطيفة جدا ( اه لو كنت مدير)

*************

تانى بلد تحب تعيش فيه بعد مصر ؟
عربي ( الامارات العربية ) .. اجنبي (اوربا بشكل عام )

*************

اوصف ترتيبات أجمل فرح ممكن تحضره؟
العروسة والعريس يحضروا في معادهم .. والفرح يبدا في معاده .. ورد كتيييير .. ممنوع اصطحاب الاطفال ..

*************

بتراعى كلام الناس والقيل والقال؟ وليه؟
لا .. لا اراعيه غالبا .. لانني احترم عقلي واحترم المجتمع معظمه .. اما جماعة القيل والقال لا يعجبهم العجب ولا الصيام في رجب فلا اهتم لهم ..

*************

صحيت من النوم لا موبايل ولا كمبيوتر ولا كاميرا ديجيتال ورجعنا لعصر الحصنه والحمام الزاجل؟
هزعل شوية.. لاني اتعودت علي رفاهية الحضارة .. مش هعرف اركب الحصان للاسف بس ممكن اتعلم .. مش هزعل علي الموبايل ولا الدش ولا الكاميرا .. هزعل علي السيارة وعلي السخان وعلي الغسالة الاوتوماتيك والزمن ده راجع راحع .. بس ياتري هنلحقه احنا ولا لأ .. الله اعلم

*************

السعاده هى ؟
ان اعيش بين ومع من احبهم .. والاحساس برضا الله

*************

عندك أمل؟ واسبابك؟
عندي .. لان دايما ربنا بيقف جمبي في احلك الظروف رغم اني كثيرا لا اكون مستحقه لفضله سبحانه وتعالي .. وهذا يدعوني للامل دوما .. كذلك اتذكر الحديث تفاءلوا خيرا تجدوا خيرا .. وافتكر فيا طبيعة متفائلة الي حد ما ..

*************

لما بتحب تهرب من كل حاجه بتروح فين ؟
بنام غالبا .. اما لو فيه فرصة هرب حقيقي يبقي البحر

*************

امتى أول مره أخدت فيها نفس وقلت ياااااااه أنا كبرت؟
لما اشتغلت ورحت الشغل لوحدي اول يوم من غير ما بابا يوصلني زي اول يوم في كل مرحلة دراسية سابقة

*************

بتشرب سجاير ولا لا؟ وايه رأيك فى الرجاله والستات اللى بتشرب؟
لا اعتقد انني ساجربها .. واري ان تجربتها هو اهمال متعمد في الصحة وعدم احترام الاخرين ممكن لا يدخنون

*************

بتعرف ايدك الشمال ازاى؟
حفظاها من وانا صغيرة .. مش فاكرة ازاي حفظتها

*************

اكتر اله موسيقيه بتحبها؟
الكمان

*************

ليه قله الذوق والنخوه اتعدموا؟
عشان مفهوم العيب اتغير في الاسرة وفي المدرسة وفي القدوة مع الاعمام والاخوال .. واصبح العيب هو عدم الفهلوة وعدم القدرة علي الرد علي الكبير قبل الصغير والباس الحقوق ماليس لها ..

*************

ايه الحاجه اللى لو حصلت هبقى سعيد ؟
مش عارفة .. مش حاجة معينة .. لكن حوار طويل بيني وبين الزمن

*************

تحب أرض زراعيه ولا اجنس عربيات ولا كام عماره ولا فلوس فى البنك؟
ارض زراعية

*************

تحب؟ البحر ولا النيل؟
البحر

*************

مركب ولا طياره؟
طائرة

*************

شخص مجنون ولا عاقل؟
عاقل

*************

تقرا كتاب ولا تتفرج على فيلم؟
حاليا .. فيلم

*************

اهداء التاج

اصدقائي .. اهدي التاج لـ

· مصطفي .. مدونة صورة ساخرة

· صدي الصمت .. مدونة صدي الصمت

· فشكول .. مدونة فشكول

· منامينو .. مدونة مش اسف علي الازعاج

· رارا .. مدونة نبضات قلب

· داليا .. مدونة قوس قزح

· مدحت محمد ..مدونة البصيرة

· صبرني يا رب .. رغي امراة غير مطحونة

· نعكشة .. مدونة نعكشة

· طالب ثانوي

واي حد يجاوب يا جماعة يبلغني عشان اروح اقرا لاالجابات فورا ..

تحياتي

التدوينة البيضاء

-















-

اليوم الاول

-اللغة الانجليزية حاجة بقيت مهمة اوي في حياتنا

واللي ميعرفش يضربله عياراين "انجلش" كدة في الهوا في كل موقف
يبقي مش تمام

مش مثقف..
وكمان الناس تبص له بصة مش ولابد

عشان كدة اول ما اعلنوا عن الكورس ده
جرينا انا وصاحبتي نقدم عليه

كورس ممتاز ومنحة كمان
يعني مش هندفع فلوس

3 شهور هنبقي بعدها ايه ...
بربند

بس الحقيقة احنا الانجلش بتاعنا شغال
مش وحش

وكنا بنعرف نضرب كلمتين في الهوا في المناسبات

عشان كدة لما عرفنا انهم حطونا في "ليفل" 1
زعلنا

بس قلنا ..
المهم نستفيد

رحنا اول يوم متاخر حبتين ..
المواصلات بقي ..

ودخلنا "الكلاس" بكل الاطة طبعا
ماحنا احسن من كل دول

هي لقت كرسي هناك
وانا لقيت كرسي هنا
وقعدنا

المهم المستر كان خلص شوية الكلام العربي بتاع اول يوم دول
ومن هنا ورايح مش هيتكبم الا انجلش

وايه يعني ماحانا تماااااام

انا وهي بصينا لبعض وكلمنا بعض بالعيون

• - فاهمة
• - اه فاهمة وزهقانة اوي اوووف
• - معلش بقي يومين والمناهج هتشد
• - يابنتي كل الكلام ده عارفينه
• - بس علي فكرة معانا ناس شاطرين برده يعني مش لوحدنا
• - طيب

واحنا في نص حوار العيون هذا
سمعنا المستر بيقول بصوت عااااالي


برييييييييييييييييييييييك

• - الحمد لله "بريك" اخيرا
• - ايوة انا جعانة اوي
• - طيب مش نتعرف علي الناس
• - ياستي لما ناكل ماحنا قدامنا نص ساعة

خرجنا من الكلاس ورحنا الكانتين
نضرب كوبايتين شاي وناكل


وعدي حوالي نص ساعة الا خمس دقايق
قلنا نقوم بقي عشان منتاخرش

بصينا كدة حوالينا نمشبه علي حد نعرفه
مفيش

• - هم الناس اللي معانا في الكلاس فين
• - مش عارفة
• - طيب ندور عليهم ولا هندخل الكلاس اول ناس
• - طيب وايه يعني عشان ننقي كرسي كويس احسن من بتاع الصبح
• - اوكي
  

ودخلنا الكلاس
كل الناس قاعدين
معقولة كلهم جم

وايه الكلام اللي علي السبورة ده ايه ده ...
هم اشتغلوا ولا ايه

وفجاة المستر بص
لينا وقال بصوت جهوري مع بريق حاد في العينين



You are fifteeeeeeeeeen minutes
late



الناس كلها بصت علينا
احنا بصينا لبعض

وابتسمنا للمستر ابتسامة خجولة
لطيفة زي بتاعة الاطفال كدة
بس ظهر فيها صف السنات كله

البرييك كان ربع ساعة بس
مش نص

مش معقول نكون مفهمناش
اكيد مسمعناش

سحبنا الكرسيين
وقعدنا من سكات
-
-

تاج العيد

-

-

اصدقائي الاعزاء

كل عام وانتم بكل خير

وان شاء الله يكون الجميع باحسن حال

الحقيقة انا من فترة طويلة بالنسبة لي لم اكتب جديدا ولا ادري لماذا

ربما الطقس الشتوي هو ما يؤثر سلبا عليَ كعادته دائما ..

وكنت انوي الاجابة عن احد التيجان القديمة المركونة لديَ ولكن جاءني تاج العيد من اكثر من صديق

هم

اسلام صاحب مدونة مواطن مصري نايم

عاشقة الورد صاحبة مدونة صدي الصمت

موني صاحبة مدونة مذكرات زوجة شابة جدا

وحزينة صاحبة مدونة حزينة

واشكرهم كثيرا علي تذكرهم لي في اهداء التاج

وبما انه تاج العيد فلن ياخذ الترتيب الطبيعي خلف التيجان المركونة

ولكنه فرض نفسه بسبب العيد وسوف احله الان ..

اما التيجان المركونة فلي الله لاحلها قريبا ان شاء الله

وها هو ...

ماذا يمثل لك العيد؟ وما أكثر شىء يبهجك فى مظاهر العيد؟

العيد - عيد الاضحي - للاسف هو عندي اقل شانا من عيد الفطر لان رمضان مختلف عن اي شهر اخر وعيده تتويجا له .. اما عيد الاضحي فيمثل لي َ فرحة وسعادة كدة في الجو بحسها .. واكثر ما يبهجني رؤية الاهل والاصدقاء

اوصف لنا طقوسك في العيد من ليلة العيد لاخر يوم ؟

اهم ما فيها زيارة الاهل واستقبال زياراتهم

وصينية الرقاق باللحمة المفرومة طبعا

-

بتحرص على تهنئة الأهل والأقارب والأصدقاء ولا مش بتهتم؟

بهتم طبعا

-

مين أول حد تزورة أو تكلمة عشان تهنيه بالعيد ؟

خالتي الكبيرة

-

ايه الفرق بين العيد الحالى والعيد أيام الطفولة ؟

زمان كان الفرحة والسعادة والشعور بالعيد ولبس الجديد اكبر بكتير من دلوقي

-

كلمنا عن ذكرياتك فى العيد ؟

كنت زمان بقضيه في بيت جدتي وبما انه بيت عيلة فكانت الناس كلها بتيجي من بعد صلاة العيد وكنت ببقي مضايقة اني صاحية بدري عشان كنت ببقي نايمة متاخر ومش بنخرج اول يوم ومن تاني يوم خروج وفسح وخلافه ....

-
تفتكر الحياة من غير عيد هتفرق كتير

طبعا هتفرق
العيد بيجدد روح الانسان من الداخل وبينشط عزمه وبيقربه من ربنا

اية أجمل رسالة تهنئة بالعيد وصلتك ؟ ومن مين ؟

الحقيقة هم رسالتين اكتر حاجة عجبوني السنة دي

الاولي

" تيكي بيكي .. ميكي هيكي .. سيكي شيكي ..حيكي ديكي .. زيكي كيكي ..

يعني عيد سعيد بالافريقي "

التانية

" تماشيا مع سياسة الدولة تم الغاء عيد مبارك واصبحت التهنئة يا جمال العيد

وكل عام وانتم بخير "

-

لسة بتاخد عيدية ؟ من مين ؟ وبتديها لمين ؟

ايوة باخد عيدية من اخواتي

وبدي عيدية لاولاد اخواتي

-

اية رأيك فى التاج ؟

ظريف

-

تحب تمرره لمين ؟ أذكر10على الأقل

بما ان العيد خلص فنان هحتفظ باسماء العشرة سرا لحد العيد الجاي ان شاء الله

وهفتكر باذن الله

كل سنة وانتم طيبين