الثلاثاء، سبتمبر 18، 2012

ملك وكتابة ..

طبعا ميلادي يوم 12 فبراير سنة 2011 كان شئ جميل وسعيد بالنسبة ليا ..
 لان ميلادي في التاريخ ده خلصني من دنس كتير اوي يلوث كل من ولد قبله بسنوات او بعشرات السنين او حتي بمئاتها ..
لذلك سعادتي كبيرة جدا وانا الان ابلغ من العمر سنة و سبع شهور تقريبا ..
لا اتمني مطلقا ان يظن احد انني مولود معنوي كثورة مثلا او ما شابه ..
كلا ..
انني انسان – يدعي – انه ولد في هذا التاريخ الميمون كي يتخلص من الملاحقة .. فقد بدأت الهث وانا اركض منذ بداية هذا العام والنصف – العظيم – لاهرب من تهمة انني من النظام السابق او ادعم النظام السابق او انني وياللعجب فلولية ..
انما بشكل عام  منذ عدة سنوات كنت اقرا طالعي في احد كتب التنجيم
ليصف الكاتب برجي ( النمر ) وهو برجي الصيني – يصف برجي  ان اصحابه – اول من يفرون من المعركة لذلك لم اتضايق مطلقا ممن وصفني بالفلولية ..
فاول من يفر من المعركة هو اسوأ من فلول المعركة
فانا  وكما يري ذاك المنجم فلولية بطبعي ..  أو أسوأ
اذن فأنا فلولية فلمَ انكر ..
عندما حدث ذاك الحدث  - العظيم - ابتسمت ولكن لم تدمع عيناي ..
(لعلها كانت اشارة !! .. ولكن عيناي لا تدمعان عادة )
 وسحبت شهيقا عميقا لاملأ به صدري كأنني اتفس هواءا مختلفا – ولم انتبه وقتها لما اصابتني تلك الكريزة من السعال ..
حيث ظننت انه لمجرد انني لم اتنفس هواءا نقيا منذ فترة ..
او ربما لم اتنفس هواءا نقيا مطلقا ..
وتلاحقت الاحداث امام  عينيٌ ليبلغ عمر الطهر والنظافة  عام وسبعة اشهر – من وجهة نظر من يعتقدون انهم الافضل والانظف والاطهر طبعا  ..
وعندما فكرت لبرهة ادركت انني لما سعلت حينئذ – ومازلت اسعل حتي الان - سعلت لان الهواء كان نفس الهواء ..
والنظام الجديد هو صورة النظام القديم – باعتبار النظام القديم كان الكتابة طبعا اي وجهي العملة ذات العشرة قروش لا اكثر ..
وكلاهما لا يساوي اكثر من ذلك
وادركت انه ربما لن اشفي قريبا من تلك النوبات التي احيانا تكاد تقضي عليُ..
اللهم فك كربتي واشفيني
واشف اللهم كل المحزونين في كل مكان علي ارض بلدي
مصر المحروسة بإذن الله
-----

هناك 8 تعليقات:

فشكووول يقول...

زهقت منك يا سماح .. لانى ما بحبش الفلول مع انى بيقولوا لى فلول وبما انك انت بقيت فلول الفلول فانا زهقت منك عشان القطبين المتشابهين متنافرين
شوفى يا ستى كنت فى حديث مع دكتور فى كلية اصول الدين فى كفر الشيخ وهو اخوانى وقد قلت له تعالى نتكلم باسلوب العلمى .. وهو طبعا بتاع الاسلوب العلمى .. واتكلمنا لحد ما زنقته فى مزنق ما عرفش يرد عليه .. وبسرعه وبدون تفكير لماما لقاش رد مناسب رمانى بكلمة الفلول .. فصبرت عليه وبينت لهم من منا الفلول هو اما انا .. جماعتهم ولا جماعتنا ما هو الموضوع بقى جماعات والبلد بقى فيها نظام الطوائف .. فاكره ايام دولة الطوائف .. احنا حنبقى زى كدا بس اللى يطمن اللى حااقوله الوقت
يتبع

فشكووول يقول...

عارفه يا بنتى ان احنا يا دوب سنه ونص طالعين من اكبر نظام استبدادى حكم مصر وكان على نظام الجنرال فرانكوا فى اسبانيا (ما تاخديش فى بالك) وكان الناس بتهرب من الظلم والاستبداد والقهر والاحساس بالمهانه الى الجماعات دى سواء الاخوان او قرايبهم على اختلاف مسمياتهم
الايام القادمه حتبين ان ما فيش استبداد او استعباط (هو فيه شوية استعباط من المتأسلمين) .. بس البلد فتحت عنيها وشويه شويه الجماعات دى حتفجر نفسها من داخلها وكله حيرجع لحضن الوطن الام .. ز هقت منك يا شيخه

غير معرف يقول...

تحضرني مجموعة من الامثال الشعبية تعليقا علي الموضوع..مثل:
ما اسخم من ستي الا سيدي
او طلعنا من نقرة وقعنا في ضحضبرة
او بكرة يا ناكر خيري تشوف زمني من زمن غيري.. علي اساس انه كان في خبر زمان مثلا!

لورنس العرب يقول...

يا اهلا بعودتك هنا مرة أخرى

غير معرف يقول...


ثقافة الهزيمة .. يوميات البقرة الضاحكة‏

" الإفطار عبارة عن بيض وفول وزبادي، والغداء جمبري بالصوص، والعشاء فول مدمس، أما كلب سعادة البيه، فالغذاء شوربة خضار وفراخ والعشاء عسل نحل وزجاجة مياه معدنية " هذه هي إحدى القوائم التي اعتاد الحاج سلامة أبو لبن علي مدار 29 عاما أن يعدها، وأن يتلقي الأمر بإعدادها هاتفيا، لكن ليس في أي مطبخ عادي إنه مطبخ الرئاسة بقصر العروبة..

.باقى المقال بالرابط التالى www.ouregypt.us


قال د.عبدالله الأشعل مساعد وزير الخارجية الأسبق أنه يجب دفن الرئيس المخلوع حسني مبارك في إسرائيل بعد وفاته، مبارك كان يكره مصر ويتآمر عليها، داعيا الي دفنه بعد وفاته بجوار اليهود الذين أحبهم وأحبوه بشدة، أن تراب مصر الطاهر لا يمكن أن يدفن به شخص خائن مثل مبارك المخلوع.

يا مراكبي يقول...

السياسة هي اللعبة القذرة

وكل المشاهد التي نراها أمامنا على الساحة تختلف كثيراً في ظاهرها عن باطنها للأسف

والكل يمارس تلك السياسة من أجل مصالح خاصة

أما نحن، فمتفرجين، ولنا الله

kochia يقول...

فشكووول
----------
ليه تزهق مني يا عم فشكول مش كفاية انا زهقانة من نفسي .. علي العموم انا بفضفض بس لحسن اطق .. يرضيك اطق
علي العموم هم ناس واضحين انا صعبان عليا مصر انها وقعت في ايد الضلالية



غير معرف
----------
احنا شعب مش متربي والله وعاوز يتربي .. والجماعة دول رباهم حبيب العادلي :) لازم يربونا بقي .. ربنا يستر

kochia يقول...

لورنس العرب
-------------
شكرا يا معتز .. انا قلت اتنفس شوية لحسن قربت اتخانق مع الناس في الشارع وهروح الموروستان





يا مراكبي
----------
لعبة قذرة جدا .. المشكلة عندي اني مكنتش متخيلة مقدار القذارة .. بقول من زمان اني طيبة والله والحاجات دي اكبر من ادراكي .. ولنا الله