(8) انتي لابسة ايه ؟؟ من مذكرات نتاوي

-

انتــــي لابســـــــة ايــــــــــه ؟

سؤال غريب ..

و سمعتيه .. او سمعته من حد بيكلمك في الشات ...
-

طيب هو ماله ..

انا لابسة ايه ولا مش لابسة ايه

-

المهم بعد فترة كدة .. فهمت ان السؤال ده مقدمة لسؤال تاني

انتي شكلك ايه ؟؟

--

ثم

سؤال اخر

انتي جسمك شكله ايه ؟؟

واول ما اسمع السؤال ده اعرف

-

مممممممم

""" هو انت منهم """"

-

عرفت نوعية الاشخاص اللي بتسال السؤال ده

ووبعرفهم اول ما بكلمم

-

المهم كنت بريحهم طبعا

واقولهم

-

" لابسة شراب اخضر وباستك من فوق "

واخلص معاهم الحوار

-

وبصراحة زهقت اوي لانهم كتتتتير

-

قلت مش نافع الموضوع -

انا هكلم بنات
-

نفسي اكلم بنت

بس

ليه الستات مش بترضي تكلمني؟؟

-

اليوم ده بحثت بنفسي عن female .. ولقيت كتير طبعا

بس المهم واحدة فيهم ترضي تكلمني

-

كلمت واحدة .. وعرفت اني بنت .. والحمد لله وافقت تتكلم معايا

كانت مصممة ازياء لبنانية .. تصمم اللانجيري

-

امها مصرية .. ابوها لبناني

وعايشة بين مصر ولبنان

-

دمها خفيف .. ولذيذة جدا

اعتقد ممكن نبقي صحاب

-

بعتت لي شوية تصميمات تحفة

وقلتلها اني تختوخة شوية ..

فبعتت ليا كمان تصميمات تناسب القوام المصري

(البط البلدي )

-

حبيتها

وحسيت اني الحمد لله هيكون ليا اصدقاء شات من الجنس اللطيف

-

وحكت لي عن حبيبها

وقصة الفراق

-

وحكت لي قصة حب ابوها اللبناني وامها المصرية

وفجاة هدأ الكلام

ولقيتها بتسالني

-

-

" انتي لابسة ايه " ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

-

-

اتصدمت

؟

؟

؟

-

بس قلت لا ..

دي بنت 100%

-

مش ممكن تكون راجل

وبتضحك عليا

اسلوبها

وكلامها

وهزارها

-

صعب يكون راجل

-

المهم اخدت الموضوع ببساطة

ورديت برده الرد المعتاد

-

"شراب اخضر وباستك من فوق"

-

ضحكت وعجبها الرد

قلت الحمد لله بتهزر

-

وبعد شوية قالت لي تاني

قوليلي

-

انتي لابسة ايه ؟؟؟؟؟؟؟؟؟؟؟؟؟؟؟؟؟؟؟

-

تاني ؟؟؟!!!!!

-

قلتلها ... عادي

هدوم بيت طبيعية

-

ليه بتسالي ؟

-

قالت لي

-

انا ليــــس ........

-

""يعني ايه ليس ""

-

قلتلها لستِ ايه ... ؟ ( مانا بقرأ الكلام مش بسمعه )

-

كملي الجملة

قالت لي

-

ليـــــــــــــــــــــــــــــــــــــــــس ......

-

ومعجبة بيكي اوي

وعاوزة اشوفك !!!!!!!!!!

--

لحد اللحظة دي مكنتش عارفة "ليس" دي يعني ايه

كنت عارفة المعني بالعربي بس مكنتش اعرف الكلمة دي تحديدا
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وليس يا جماعة دي للي ميعرفش كلمة اختصار كلمة
lesbian

-,ومعناها الحرفي ( سحاقية )
او المثليين (كما يسمون انفسهم)
وليس دي قراءة لاول ثلاث حروف منها اختصارا لها
والظاهر ان الكلمة معروفة كدة بالعربي
(لِيس)

-ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

-
المهم ..
وفهمتني !!!!!!!!!

-

فهمتني ببساطة ..

واستغربت اوي ان واحدة في سني متعرفش

واستغربت اكتر ان واحدة في سني اتصدمت

-

مش عارفة ليه ..

مع اني مثقفة .. وبقرأ ..

-

وعارفة ان الشواذ موجودين في المجتمع

وكمان درست عنهم شوية

-

لكن برده اتصدمت اوي

حسيت ان جردل مية ساقعة اتكب علي راسي

حسيت اني زي ما اكون قدامها دلوقتي وهي بتقولي كدة

-

مكسوفة ليه ..

ومصدومة ليه ..

هو انا اللي غلطانة ؟؟؟

الظاهر ماما قرصت عليا في التربية شوية

-

رديت عليها ...-

-

فرصة سعيدة جدا يا مريام

بـــــــــاي

-

بلـــــوك

ديليـــــت

-

مزمزيل من فضلك

يا تري حصلك مرة ان حد سألك سؤال

حسيت انه سؤال سخيف اوي

ومعرفتش ترد عليه ؟؟؟

او ربما مرة سألت انت حد سؤال

وبعدين لقيت انه مش لطيف ومكنش يجب انك تسأله ابدا ؟

يمكن بتحصل احيانا...

وساعات التعليقات هي اللي بتكون سخيفة

جدااا جدااا

لكن الاكيد ان فيه ناس الفضول والتطفل علي حياة الاخرين عندها ..

هوايـــــــــــــــــــة...-

ومش بيحسوا بكدة للاسف الا اذا تعرضوا لنفس السخف من اخرين

كتير بيعمل كدة .. بيسال في ما لا يخصه .. ويتطفل علي ما لا يعنيه

لكن الاكتر

هو من يتعرضوا لهذا السخف

كنت عند احدي صديقاتي ذات مرة .. وكان عندها اربع صديقات اخرون ..

بينهم واحدة مخطوبة

وطلب منها الحاضرون ان يروا صورة خطيبها لو كانت معها

وفعلا البنت طلعت صورة خطيبها .. وهي كانت بنت متوسطة الجمال

وعندما رأو الصورة

انفجروا الثلاثة ضاحكين

وسمعت

- هي المرحومة ماتت امتي ؟؟

- يا حول الله يارب

- انتي حلوة تعملي في نفسك كدة ليه ؟

- مش خايفة علي عيالك يطلعوا شبهه؟

طبعا انا فهمت ان صورة الراجل طلعت وحشة ..

وكان عندي فضول فظيع واشوفها انا كمان ..

بس كنت قاعدة علي كرسي بعيد ..

وبعد ما قالوه مقدرتش اقولها وريني الصورة

يكفيها ما لاقت من احراج

وبعد حوالي 10 دقائق .. واحدة منهم قالت

بس المهم الاخلاق .. والحب

ونظرت اليها نظرة فضول

هو انتي بتحبيه ؟

( وكانها تستبعد ان يحب اي شخص صاحب هذه الصورة )

اشفقت كتيرا علي الرجل...

واشفقت علي خطيبته التي تحول وجهها الي عرض مستمر متتالي من الالوان

واعتقد ان تلك العشرة دقائق مرت عليها كعام

وهذا النوع من الفضول السخيف ثم التعليق السخيف ثم الاسئلة السخيفة هو شئ للاسف موجود في المجتمع

وللنظر الامثلة

فتاة في سن الزواج مثلا لم تتزوج بعد .. وايا كان سنها ..

وبالاخص طبعا ان كانت كبيرة قليلا

بتتعرض لاسئلة او تعليقات

او نصائح كمان

اقل ما يقال عنها انها سخيفة

زي مثـــــــــــلا

- هو انتي لسة .......؟

- هم الرجالة اتعموا ولا ايه .. ؟ هئ هئ هئ..( ضحكة غير مفهومة المعالم )

- ابقي غيري العتبة يا حبيبتي ؟

-اممممممم ( مع نظرة فهم عميقة ) ابقي حطي مكياج وانتي خارجة ..

-

طيب الحمد لله البنت اتخطبت

نسمع بقي الاسئلة السخيفة اللي البعض بيسالوها

للام مثـــــلا ..

- هو خطيب بنتك بيقبض كام ؟؟؟

- هي الشبكة بكام ؟ والمؤخر هتكتبوه كام ؟

- شدوا عليه عشان يعرف انها مش رخيصة

- اوعوا توافقوا لو الشقة مش تمليك

-

ولو البنت انفصلت عن خطيبها

نسمع ....

- هو مين فيكم اللي ساب التاني ؟؟؟

- انا برده كنت عاوزة انصحك بكدة بس انتي بقي استعجلتي ووافقتي عليه لانه مينفعش خالص

- انتي تستاهلي احسن من كدة

-
البنت اتجوزت بقي .. بعد اسبوعين جواز

نسمـــع

- ها .. مفيش حاجة جاية في السكة ؟

- هو بيديكي مصروف ولا لا ؟

- انت بتدفعي من مرتبك حاجة ؟

- اوعي تحطي حاجة في البيت لحسن ياخد علي كدة ..

- هو بيساعدك في البيت .. لازم تخليه يساعدك !!

-

طيب بعد سنتين جواز .. بدون انجاب

نسمـــــــــــــع

- هو العيب من مين ؟؟؟؟

- طلع عندك ايه ؟

- جوزك كشف ولا لأ ؟

-

لو واحدة اشترت حاجة دهب

نسمــــع

- هو ده كام جرام ؟ بكام ؟

- جبتي الفلوس منين ؟

- هو جوزك دفع معاكي ؟

-

كمان فيه شئ ..

احيانا يصيب المرض اناسا يسبب لهم السمنة الشديدة او النحافة الشديدة

بشكل مفاجئ ....

وبدون مراعاة

نسمـــــــــــع

- انتي تخنتي كدة ليه .. ؟

او ..

- انتي خسيت اوي ؟؟ انا معرفتكش ؟؟

-

والامر لدي الرجال موجود اكيد..

ويمكن انا اعتقد انه اقل لان المفروض ان الفضول اصلا عند الرجال اقل

لكن رغم كدة برده بنسمع اسئلة وتعليقات سخيفة

يعني مثــــــــلا

اي حد بيشتغل في ظل الظروف دي ..

- انت بتقبض كام ؟

- انت هتدفع في البيت ؟

لو واحد خطب جديد

- ها .. خطيبتك حلوة ؟؟

-انت احلي ولا هي ؟؟

- ماخدتش ليه فلانة .. دي احلي كتير ؟

-اكيد

فيه اسالة تانية .. بس انا معرفهاش

(لو حد من الرجال يتطوع ويقولنا علي سؤال سخيف يتعرض له يبقي متشكرين)

لكن المهم ليه كل واحد ميفكرش قبل ما يسال سؤال زي كدة او يعلق التعليقات دي

انها تضايق وانها محرجة

وان الشخص اللي بيسالهاله امامه ثلاثة حلول

اما انه يحرج ولا يرد

او انه يحرج ويرد كذبا

او انه يرد رد ابوخ واسخف علي الشخص اللي ساله

-

لماذا لا يكون كل شخص فينا حساس ومراعي للاخر

او يكون محضر خير عندما يعلق او ينصح هذه النصائح الغالية للاخرين

اكيد الدنيا هتبقي احسن كتير

والمشاكل هتقل كتير-

انا علي الاقل شايفة كدة ...

ملحوظة / جدير بالذكر ان البنت اللي اتكلمت عنها فوق تركت خطيبها بعد اسبوع من هذه الحادثة .. وده كان من حوالي ثلاث سنوات ..

-

هي .. والميزان

-

وقفت علي الميزان ..

ونظرت الي المؤشر الذي يجري بجنون..

حتي استقر علي رقم ..

هو وزنها..

ــــــــــــــــــــــــــــــ

استقر .. فنظرت ..ثم عبست .. وتقلصت ملامحها

وخاطبته قائلة :

" انت يعني مش عايز تتحرك من علي الرقم ده .. ؟ "

ــــــــــــــــــــــــــــــ

ثم زفرت بحرارة .. ونزلت من فوقه ..

وانصرفت ..

بعد ان نظرت اليه نظرة عاتبة شديدة..

ــــــــــــــــــــــــــــــ

ذهبت الي الثلاجة ..

ففتحتها..

لا تعرف ماذا تريد ..

ـــــــــــــــــــــــــــــــ

تجول بأنظارها علي ما تحتويه من اطباق..

وقبل ان تغلق بابها يائسة ..

وقعت انظارها علي قطعة من الحلوي ..

ــــــــــــــــــــــــــــــــ

علمت وقتها ماذا تريد ..

اخرجت قطعة الحلوي ..

والتقمتها مرة واحدة ..

وكأنها تريد ان تحسبها عليها كلقمة واحدة ..

ــــــــــــــــــــــــــــــ

عادت فنظرت الي الميزان نظرة انتصار..

ــــــــــــــــــــــــــــــ

ثم جلست امام التلفاز وهي هادئة مستقرة ..

وقالت في نفسها ..

ــــــــــــــــــــــــــــــ

" سوف ابدأ الريجيم من بكرة "

ــــــــــــــــــــــــــــــ

جدال بين ذكر و انثى

-

قال لها

ألا تلاحظين أن الكـون ذكـر ؟

-

-

فقالت له

بلى لاحظت أن الكينونة أنثى...!

-

-

قال لها

ألم تدركي بأن النـور ذكـر ؟

-

-

فقالت له

بل أدركت أن الشمس أنثـى ..!

-

-

قـال لهـا

أوليـس الكـرم ذكــر؟

-

-

فقالت له

نعم ولكـن الكرامـة أنثـى !

-

-

قال لها

ألا يعجبـك أن الشِعـر ذكـر؟

-

-

فقالت له

وأعجبني أكثر أن المشاعر أنثى

-

-

قال لها

هل تعلميـن أن العلـم ذكـر؟

-

-

فقالت له

إنني أعرف أن المعرفة أنثـى

-

-

-

فأخذ نفسـا ًعميقـاً وهو مغمض عينيه

ثم عاد ونظر إليها بصمت لـلـحــظـات

وبـعـد ذلك

-

-

قال لها

سمعت أحدهم يقول أن الخيانة أنثى

-

-

فقالت له

ورأيت أحدهم يكتب أن الغدر ذكر

-

-

قال لها

ولكنهم يقولون أن الخديعـة أنثـى

-

-

فقالت له

بل هن يقلـن أن الكـذب ذكـر

-

-

قال لها

هناك من أكّد لـي أن الحماقـة أنثـى

-

-

فقالت له

وهنا من أثبت لي أن الغباء ذكـر

-

-

قـال لهـا

أنـا أظـن أن الجريمـة أنـثـى

-

-

فقالـت لـه

وأنـا أجـزم أن الإثـم ذكـر

-

-

قـال لهـا

أنـا تعلمـت أن البشاعـة أنثـى

-

-

فقالـت لـه

وأنـا أدركـت أن القبـح ذكر

-

-

تنحنح

ثم أخذ كأس الماء فشربه كله دفعة واحـدة

أما هـي فخافـت عنـد إمساكه بالكأس

مما جعلها ابتسمت ما أن رأته يشرب

وعندما رآها تبتسم له .....

-

-

قال لها

يبدو أنك محقة فالطبيعة أنثـى

-

-

فقالت له

وأنت قد أصبت فالجمال ذكـر

-

-

قـال لهـا

لا بـل السـعـادة أنـثـى

-

-

فقالت له

ربمـا .. ولـكن الحـب ذكـر

-

-

قال لها

وأنا أعترف بأن التضحية أنثـى

-

-

فقالت له

وأنا أقر بأن الصفـح ذكـر

-

-

قال لها

ولكنني على ثقة بأن الدنيا أنثى

-

-

فقالت له

وأنا على يقين بأن القلب ذكر

-

-

-

ولا زال الجـدل قائمـا

ًولا زالت الفتنة نائمـة

وسيبقى الحوار مستمرا ًطــالــمــا أن . . .

-

-

الـسـؤال ذكـــر و الإجـابـة أنـثــى

-

-

ذوي الشوارب

-

ذوي الشوارب

كم احترم ذوي الشوارب

-

ومن لا يحترمهم

-

ان الشارب يعطي صاحبه عزة وكرامة وذكورة

مجرد وجود الشارب يضفي علي صاحبه الكثير

-

كم تمنيت احيانا ان اكون منهم

ان اكون من ذوي الشوارب

يتباهون بشواربهم ويرقصونها هكذا وهكذا

ثقة ربما.. او اطمئنان .. او ربما غرور

-

حقا اخاف من ذوي الشوارب

ان بهم عنفا مهما بدوا حنونين

-
افهم تلك النظرة الغاضبة السابقة علي الانقضاض

الانقضاض من ذوي الشوارب

-
ان وجود ذوي الشوارب في مكان

يعني هذا عدم وجودي فيه بالتاكيد

-
اذا دخل ذا الشارب الي الحجرة لابد ان اخرج منها

اعلم انني افرط في احترامه ولكن فرض احترامه عليّ

-
وفي ذلك اليوم ..

وانا اشاهد مسلسل السابعة الممل

اذا بي اري ذا الشارب قد دخل الي الحجرة ونظر اليّ

-
وعندما رايته انتفضت واقفة

انه الاحترام او الخوف او كلاهما

الذي يجري في دمي تجاهه وتجاههم جميعا
تجاه ذوي الشوارب

-

لا اتكلم ابدا اثناء وجودهم
فالكلمة هي لهم والامر والنهي لهم

-
تسمرت نظرته اليّ وتسمرت انا مكاني

خشيت ان تحركت اثير غضبه ويصب عليّ لعناته

-
رأيته يتحرك تجاهي خطوة

يبدو عليه الغضب لسبب او لاخر

-
خفت وتصبب مني العرق

يبدو ان المعركة اتية لا محالة

-
سمعت صوت امي يناديني

لم ارد طبعا حتي لا ازيد من غضبه المتأجج
البادي علي توتره

وعلي حركة شواربه

فانا بخبرتي استطيع قراءة حركات الشوارب جيدا

-
كوشيا .... كوشيا .....

سمعت صوت امي يناديني مرة اخري

" اهدأي يا امي .. انني هنا " قلت ذلك في نفسي

-
كوشياااااااا

ودخلت امي الحجرة

-
نظرت اليّ نظرة ونظرت الي ذي الشوارب
ثم سمعت صوت ارتطام بحركة سريعة

-
" كوشيا يا بنتي .. هو انت هتفضلي تخافي من الصراصير لحد امتي "

"عيب كدة .. انتي كبرتي "

-
وحملت جثة الصرصور ..

وسارت بها الي سلة القمامة وهي تهمهم

-

"لا حول ولا قوة الا بالله "

"ربنا يشفيكي يا بنتي "

-