الأربعاء، أكتوبر 15، 2008

الحلم...

-

بينما انا في طريقي الذي اسير فيه كل يوم ..!!

لا ادري ان كنت ذاهبة

ام اني اصبحت عائدة..!!

-

ولـــكـــــــن ..

-

وسط الصقيع .. وسط الضباب الكثيف .. رأيته ..

انها ليست المرة الاولي التي اراه فيها ..

لقد رأيته قبل ذلك .. رايته قبل ذلك كثيرا ..

ولكني الان اراه بعيني رأسي المجردتين ..

لا البس نظارة خيالي ..

-

نعم

-

فكثيرا ما رأيته وانا ارتدي تلك النظارة

يخرج من بين بنات افاكاري

يجالسني ويحادثني

-

لم استطع التوقف

ولم استطع المضي في طريقي

لكني لا ادري اي نقطة تلك التي انا فيها

-

فانا مازلت اراه

لكني يبدو انني لم اتوقف

فكيف مازلت اراه وانا سائرة في طريقي

اشتد الضباب

واصبحت لا اري الا خيالا له ..

-

ظننت انني احلم ..

فتحسست عيناي ..

عسي ان انزع عنهما تلك النظارة

نظارة خيالي ..

ولكني لم اجدها

وانما وجدت شيئا اخر ..

-

لقد وجدت عيني مغمضتين

-

اجل

-

لقد كانتا مغمضتين

اسرعت افتحهما

فإذا بي في طريقي الذي اسير فيه كل يوم

-

لا ادري ان كنت ذاهبة

ام اني امسيت عائدة !!!!

---

هناك 54 تعليقًا:

عصفور المدينة يقول...

رائعة

موناليزا يقول...

حد يمشى وهو نايم برضه:)
الفقرات الاولى عجبتنى اكتر

غير معرف يقول...

هنا تكمن حكمة ليس كل ما يتمناه المرء يدركه
السرد رائع فعلا

كـــيــــــــارا يقول...

تحففففففففففففففففففففففففه


الله عليكي بجد

دمتي مبدعه دائمااااااا

انا حره يقول...

هوا الكلام جميل ياكوشيا بس انا قريتها 3 مارت عشان اقدر افهم

بس جايز العيب فيا انا

راعى الناقه يقول...

اكيد دا رغيف العيش وانت على طابور الفرن
لا
بس الازمه خلصت
يبقى دا قرار التعيين وحضرتك في شؤن العاملين
لا
يبقى دى ايه ؟
احنا فى مصر وكل شىء ممكن
لا لا
اكيد دا قطار الزواج !!!
كلام حلو ا بس الناس اللى زينا صعب تفهمه
تحياتى

نعكشة يقول...

D:

انتي سكر

يا رب المرة الجاية يبقي حقيقة بجد و يشوفك هوه كمان و يسألك نمرة باباكي كمام و عنوان بيتكوا فين :D

تحفة علي فكرة
ماشاء الله

لم اتوقع النهاية

سلام عليكي

حسن حنفى يقول...

بسم الله ماشاء الله
دمتي مبدعه

blue-wave يقول...

جميله وعميقه فعلا
فكثيرا ما نتخيل وجود اشياء غير موجودة فى الواقع
او نراها بعين الخيال فقط
تحياتى لكى

mohamed ghalia يقول...

الحمد لله انك لحقتى وفتحتى عينك
كلمات رائعة
تقبلى تحياتى وإعجابى
دمتى بود

يا مراكبي يقول...

النظارة

بيقولوا في الأمثال العامية: مراية الحب عمياء

ده نوع من أنواع النظارات اللي إتكلمتي عنهم هنا

romansy يقول...

استمرى فى طريقك
وستجدى بر الامان
وستعرفين هل انتى عائده ام ذاهبه


كلامتك حساسه بشكرك عليها

kochia يقول...

عصفور المدينة
############
اشكرك
ومرحبا بك

#####################
#####################


موناليزا
#########
اه علي فكرة ناس كتير بتمشي وهي نايمة
هو احنا جايبنا ورا الا كدة
وانا كمان الفقرات الاولي عجبتني اكتر علي فكرة بالاضافة لاخر فقرة
متفقين يعني

#####################
#####################

kochia يقول...

osama
#####
صحيح
مجرد امنيات
وصدقت فيما قلت

######################
######################


كيارا
#####
اشكرك جدا
ومنورةاني دايما


######################
######################

kochia يقول...

نا حرة
######
عزيزتي .. الموضوع انها بتتخيل فتي احلامها كل يوم .. وهي ماشية كمان بتتخيل انها بتقابله
رغبة في الوصول الي الحلم .. المجهول .. البعيد
وغالبا لا نستطيع
انه حلم من الاحلام التي لا نستطيع ان نعمل لاجلها .. وانمت هي تاتي من تلقاء نفسها

تحياتي

#########################
#########################


راعى الناقه
###########
اولا دمك خفيف
لاني ضحكت وانا بقرا تعليقك
ولاول وهلة حسيت انك علقت هنا غلط وانك تقصد حد تاني
بس اللي لفت نظري ان تعليقك كله طوابير والموضوع هنا مالوش دعوة بالطوابير
المهم انا شرحت الفكرة فوق في ردي علي " انا حرة "
وليا سؤال
هو يعني ايه الناس اللي زيكوا ؟؟ ومين هم الناس دول ؟؟
مفهمتهاش دي
ويمكن الناس اللي زينا بقي مش بتهم اللي يزكوا بسهولة برده
اهلا بيك
ومستنية توضيحك علي فكرة بجد


######################
######################

kochia يقول...

نعكشة
#######
اهلا بيكي يا قمر
واشكرك جدا علي كلامك


##########################
##########################


حسن حنفى
########
اشكرك جدا
ومنور دايما


##########################
##########################

kochia يقول...

blue-wave
#########
فعلا كثيرا ما يحدث
خاصة
ان هذه خواطر فتاة في السابعة عشرة من عمرها فقط

تحياتي


#####################
#####################

mohamed ghalia
###############
اه الحمد لله اني فتحت والا مكنتش عارفة هيحصل ايه
اشكرك


#####################
#####################

kochia يقول...

وميض ابتسامة
############
لخطأ فني انا السبب فيه الموضوع نزل مرتين
وللاسف انت علقت علي الاول وللاسف انت الوحيد اللي علقت فيه لذلك اضطريت اني امسحه لتكراره واخترت الاخر لانك الوحيد اللي هلقت فيه
اعتذر بشدة
واسمح لي اضع تغبيقك بنفسي
########################

عزيزتى

احلامنا مازالت تؤرقنا .. وتقفز بين الحين والآخر الى حيز الحقيقة والخيال..

الحياه مازالت تتلاعب بنا..ولكنها لاتتوقف فهى سائرة بنا حتى النهاية

اتمنى من الله ان تتحقق كل احلامنا وان نعى فى اى طريق نحن.. طريق الذهاب ام طريق العودة!!

########################
وردا علي التعليق
###############
اجل الحياة سائرة حتي النهاية
اشكرك علي تعليقك
واتمني معك ان نحقق الاحلام قدر ما نستطيع

اعتذر مرة اخري علي مسح تعليقك الاصلي
تحياتي

########################
########################

kochia يقول...

يا مراكبي
#########
بس دي مش مراية الحب
دي مراية الحلم
يا تري دي عامية برده ؟؟ ولا ليها قواعد اخري ؟

######################
######################


romansy
########
اشكرك
ونصيحتك غالية
فلنمض في الطريق
ليس امامنا سوي ذلك
تحياتي


#######################
#######################

الطائر الحزين يقول...

مع عظم الحلم تحول الى حقيقة

محمد فاروق الشاذلى يقول...

الاحلام حق مشروع للجميع لكن لا تجعلى أحلامك تفصلك عن واقعك حتى لا تصطدمى بأمر يعارض أحلامك ويصيبك بالحزن

Mina يقول...

حلوة قوي الخاطرة
ساعات كتيرة الخط بين الحلم والحقيقة مابيبقاش واضح
وساعات الحلم بيتحول لحقيقة
وساعات اكتر الحقيقة بتبقي كابوس
تحياتي

tarek alghnam يقول...

اختى العزيزة
ماشاء الله عليكى
احساسك رائع
وكلمات بسيطه تعبر بجمال عن حاله جميله
تقبلى تحياتى
ومتعك الله بالحب والعافيه
ودمتى بود

prince4ever يقول...

روعه بجد
كلمات رقيقه جدا و احساسك في منتهى الجمال وت عيبراتك غاية في التوازن
رائعه فعلا
تحياتي
دمتي بخير

Jana يقول...

من أجمل ما قرأت كخاطرة عن الاحلام

ولا تنسى ان معظم وقائع الحياة كانت احلاما فى السابق
تحققت عند اليقين بأن الله قادر على تحقيقها

جميلة يا كوشيا

kochia يقول...

الطائر الحزين
#############
اي نعم
اشكرك علي المرور

#####################
#####################

قلب مصرى
##########
الاحلام حق مشروع للجميع
ولكن عندك حق
يجب ان ننتبه

#####################
#####################

kochia يقول...

Manamino
############
انت عاوز الحق
احنا اللي بندخل الحلم في الحقيقة


#######################
#######################

tarek alghnam
##############
اشكرك علي كلامك الجميل
تحياتي


#######################
#######################

kochia يقول...

prince4ever
###########
اشكرك جدا علي رايك
تحياتي

##################
##################


Jana
######
اللهم حقق لنا احلامنا
اشكرك
ومنورة دايما
تحياتي

##################
##################

غير معرف يقول...

عجبني الاحساس اللي بين السطور من اول سطر لاخر سطر

دمتي مبدعه
تحياتي ليكي

ريمان يقول...

كلمات جميله اوى

انتى فعلا كتاباتك حلوه

مع تحياتى

الازهرى يقول...

صديقتى العزيزة

كثيرا ما يتحول الخيال مع شدة التمنى الى ما يشبه الحقيقة
تسعدنا وتبهجنا حتى نكتشف فى النهاية اننا ماضون الى سراب

موضوع اكثر من رائع وبه الكثير من المعانى سواء فى الكلمات او ما بينها وهو الاكثر فى رايى

تحياتى

KHALED يقول...

أيــــــــــــــــة الكلام الجامد دة ...؟؟؟؟
مكتوب بإحساس عالى جدا ..
خالص الود

غير معرف يقول...

واضح انك واخده دور رومانسيه ولازم تروحى لدكتور الغرام علشان يديكى ادويه مقاومه للحب الرومانسيه والا حاتصابي بنكسه حب ......
onyx

زى الهوا يقول...

هههههههههههههه


طب يلا علشان بابا جاب موز

kochia يقول...

اجندا حمرا +Heart Beat
######################
اشكرك
ويارب دايما مستمتعة
تحياتي


#########################
#########################

ريمان
#####
اشكرك جدا
ومرجبا بكٍِ دائما

تحياتي


##########################
##########################

kochia يقول...

الازهرى
######
فعلا .. للاسف من شدة التمني يهيا لنا ذلك
اشكرك جدا
وزيارتك تسعدني دائما
تحياتي


#######################
#######################


Khaled
#######
تشكر يا فندم
ويارب دايما مبسوط عندنا
تحياتي


#######################
#######################

kochia يقول...

غير معرف onyx
#############
دور رومانسية كدة زي دور الانفلونزا يعني ؟؟
علي العموم لو تعرف عنوان دكتور الغرام ده متترددش .. اديني العنوان
اكيد هستفيد وهقول لغيري يستفيد برده..
بس افهم من كدة ان البوست ايه ؟؟
ده مكتوب وانا 17 سنة
يعني من نصف عمري
افتكر كدة يبقي بوست ناجح !!

##########################
##########################


زى الهوا
########
هيي هيي هيي
انا بحب الموز اوي

##########################
##########################

r يقول...

مش المهم انك تمشى وما تعرفى انتى فين بالضبط المهم انك فعلا تفتحى عنيكى وكويس اوى
فى الطريق وفى الوقت المناسب
وتعرفى انتى رايحه على فين

شهد الكلمات يقول...

يا دي النيلة لية بتفكرينا بالحاجات دي دلوقتي
مممممم

ماشي ماشي
تسلم ايدك خاطرة عميقة و جميلة
و ربنا يرزقك و يرقنا

تحياتي

كيكى عوووووو يقول...

يوما يتحول الحلم الى حقيقة
!11!!
ماشاء الله عليكى بجد جامدة اوى
وعاجبنى اوى كلمة نضارة الخيال
تصدقى ان فى ناس كتير بطلت تلبسها بستغرب على الناس دول عايشين ازاى
يلا مش مشكلة...
المهم تسلمى بجد
هووووووووووووووووووووو

غير معرف يقول...

ماهو انا ماعرفش ان البوست ده من بنت 17 ربيعا وبعدين انتى مانوهتيش عن سنك لما حبيتى في احلامك وبعدين دكتور الغرام ده مصاريفه كتير والاهم اننا عرفنا سنك دلوقتى ومكنتش متوقع ان حد حايعرفه ........

onyx

الفارس الملثم يقول...

هو انا قريت البوست اكثر من مره ,هو فيه غموض الي في المعني ...

هو اسلوب كتابتك جميله فعلا , بس مقدرتش استوعب , يعني هي كانت نايمه وهي ماشيه , ولا هي بتحلم بشئ تتمناه , ام هناك قصد اخر مختلف عن ذلك

rovy يقول...

جميله و عميقه .. ما شاء الله عليكى

ابدعتى حين وصفتى الخيال بالنظاره كما اعجبنى اسلوبك المبدع جدا ..

تحياتى

kochia يقول...

بسنت
#####
فعلا لازم نفتح عنينا كويس
عندك حق


#######################
#######################

شهد الكلمات
############
اشكرك جدا
وربنا يرزقك بكل الخير ان شاء الله
تحياتي

#######################
#######################

GiGi world يقول...

الحلم
الحياه كلها حلم
تحياتي ياقمر

kochia يقول...

كيكى
#####
اشكرك
والنظارة دي ساعات بتكون مطلوبة
وساعات بتكون مش وقتها
هي مسالة فهم وتقدير للموقف

تحياتي

#######################
#######################


غير معرف onyx
############
ليه محدش هيعرف سني .. مهو مكتوب في البروفايل
انت بس تلاقيك مبصتش عليه
والبوست الجاي هيبقي مود مختلف عشان تعرف اني سليمة ومش محتاجة دكتور ولا حاجة

#####################
#####################

kochia يقول...

الفارس الملثم..
###############
طبعا مكنتش نايمة وهي ماشية .. لكن ده تعبير عن حالة زي احلام اليقظة بس ربطتها بالواقع
واحلام اليقظة حاجة بيمر بيها كل المراهقين زي ما درسنا في علم النفس
المختلف اني ربطته بالواقع ويحصل اثناء الحياة وسير الانسان فيها بشكل عام

تحياتي

#########################
#########################



rovy
#####
اشكرك جدا
تحياتي

########################
########################

ahmed_k يقول...

ده إسمه أحلام اليقظه يا كوشيا
وده من كتر أنه مسيطر على تفكيرك
أصبحتي تريه في أحلامك
وتتمني بداخلك أن يطول الحلم
ليستمر حتي في اثناء الإستيقاظ

ربنا يحققلك احلامك وتسعدي دوما

خالص تحياتي

اقصوصه يقول...

طريق الذهاب والعوده

متشابهان..!

لكن الاختلاف..بنهاية كل درب

ان النهايات..

تختلف اختلافا كليا

غير معرف يقول...

أولا تحياتى
ثانيا أنا اسمى لبنى باحثة فى مجال الإعلام أقوم بعمل دراسة عن المدونات المصريات من أجل الحصول على درجة الماجستير. و يسعدنى أن تكون مدونتك من ضمن المدونات التى يشملها البحث. . لذا أرجو أن ترسلى لى بريدك الالكترونى حتى اتمكن من إرسال الاستبان و طبيعة الدراسة إليك
رجاءا حارا مدة المشاركة مفتوحة من 19 إلى 24 أكتوبر
شكرا لتعاونك

lobnabona@yahoo.com

Bosssssy يقول...

رغم ان احلام اليقظة دى مفيدة جدا لان الانسان يستطيع من خلالها التنفيس عن همومة زيها زى الحديث مع النفس لكن بتبقى مشكلة فظيعة لو حد ظبطك .. يعنى انا بيظبطونى كتير اوى اليومين دول بكلم نفسي ..

اكتشفت ان الكلام مع النفس ده لذيذ اوى بس بتبقى مشكلة لما حد بيظبطنى ..... واكتشفت انى كنت طول عمري بتكلم مع نفسي وانا مش حاسة لانى كنت بتكلم بصوت واطى او بمعنى اصح فى عقلى الباطن .

جميلة اوى الخاطرة ..

مع تمنياتى بالتوفيق ...

Pusssssy

kochia يقول...

GiGi
#######
الحياة كلها حلم
هل نستفيق ام نظل كما نحن ؟

##########################
##########################

ahmed_k
#######
ايوة احلام يقظة انا عارفة
واشكرك علي دعوتك .. ربنا يحقق امانينا جميعا

تحياتي


############################
############################

kochia يقول...

اقصوصه
#######
صح
النهايات هي اللي بتحدد صلاحية الطريق من عدمه احيانا

تحياتي

##########################
##########################

pusssssy
########
هي مفيدة طبعا نفسيا لناس كتير وخاصة المراهقين
والكلام مع النفس برده مش وحش علي فكرة .. اتكلمي .. خليكي حرة

تحياتي

kochia يقول...

غير معرف لبنى
############
انا اشكرك لاختيارك مدونتي
واحب اتعاوزن معكِ
وهبعت لك ايميلي حالا

تحياتي

##########################
##########################