الثلاثاء، أكتوبر 07، 2008

هل احببتني يوما ؟؟

-
منذ الازل .. منذ ان بدأ الزمان .. عرفتك

وعندها .....

منذ الازل .. منذ ان بدأ الزمان .. منذ ان عرفتك .. احببتك

*******

لقد رأيت علي شفتيك ابتسامة واثقة .. ادركت منها انك تعلم انني احبك

اطمئن قلبي لابتسامتك .. وحفرت تضاريسها في قلبي

وطُبِعت في ذاكرتي

لاراها كلما غمضت عيناي

*******

ودارت ايامنا في صمت .. وفي بطء ..

انظر ليك بابتسامتي الصغيرة الخجولة

لاري ابتسامتك الحبيبة .. واطمئن

كل هذا عندما بدأ الزمان ..

*******

ادركت فيك طبيعة الرجال

فهمتها .. وفهمتك

تقبلتها .. واحببتها .. مثلما احببتك

*******

ثم ..

وفي لحظة ما ..

توقف الزمان ..

لتخبرني عنها ..

*******

مرت علي اللحظة كالسنوات

عندما لمحت ذلك البريق في عينيك ..

وانت تطعنني هذه الطعنة ..

لمعت عيناك الحبيبتان وانت تحدثني عنها ..

غاصت طعنتك الي احشائي فمزقتها ..

*******

تابعت بريق عينيك ..

لمحت صدرك متحركا صعودا وهبوطا ..

سمعت تنهداتك ..

رأيت شوقك اليها في نبرات صوتك

وانت تتحدث عنها ....

كم هي جميلة !!

كم هي رقيقة !!

كم هي خجولة !!

كم هي حلمك في الحياة !!

كم هي .......

كم هي .......

كم هي .......

*******

احسست بالدموع تخرج من قلبي حارة ملتهبة

صاعدة الي عيني فتملاها وتحرقها ..

ولكن كرامتي ابت الا تنزل امامه ..

فتحجرت ..

*******

وعندما نزعت نصل خنجرك من قلبي ..

وكففت عن الحديث عنها ..

نظرت اليّ وابتسمت ..

ما رأيك ؟؟

كنت اريد الصراخ ..الركض .. الانهيار ..

*******

وانا ........؟؟؟

ألم أحبك لسنوات ؟

ألم انتظرك لسنوات ؟

ألم اتمناك لسنوات ؟

ألم أستمع شكواك ؟ ألم اضمد جراحك ؟

ألم تبتسم وتفرح وتسعد وانت معي .. لسنوات ؟

*******

وانت .........؟؟؟

ألم تعدني عيناك بالحب ؟

ألم تعطني ابتسامتك الامل ؟

*******

لم اقل شيئا من هذا

تحجر الكلام داخلي .. كما مات الحب في قلبي

وربما لحظ تلك الدموع المتحجرة

*******

ربت علي كتفي .. وقال

ولكن انتِ ..افضل صديقة لي

افضل صديقة لي علي الاطلاق !!!

*******

صديقة !!

اذن انا فقط صديقة ؟؟

الم تري من انوثتي شيئا ؟

الم تري من حناني وخوفي ولهفي عليك شيئا ؟

*******

ارجوك

اذهب ولا تعد

لا تعد مهما ناديتك

اذهب الان ولا تنظر للوراء

اذهب لتلك الانشودة التي احببتها

ولتسعد

بعيدا عني

*******

هناك 147 تعليقًا:

Ahmed Shokeir يقول...

ماأقسى أن ترى الحب في عيون حبيبك .. ولكن لأخرى

Miss. Sosa يقول...

في شخصيات ماتنفعش غير انها تكون صديقة او اخت

هى ببراءة اوي كانت قريبة منه اوي بدرجة جعلته لا يراها الا اخت او صديقة

وهو مغفل اوي انه مايعرفش ان افضل زوجة وحبيبة هي الاخت والصديقة

تحياتي لبراعتك في وصف الحالة

كيارا يقول...

حبيبتي دايما منوره الدنيا
--------

مرت علي اللحظة كالسنوات

عندما لمحت ذلك البريق في عينيك ..

وانت تطعنني هذه الطعنة ..

لمعت عيناك الحبيبتان وانت تحدثني عنها ..

غاصت طعنتك الي احشائي فمزقتها ..

-------

برغم براعتك في وصف الحاله الا ان كان فيها كلام صعببببب اوووي



تحياتي

romansy يقول...

كلامك رقيقه
واحساس رائع
ما اجمل تلك الاحاسيس
والمشاعر تجاه الحبيب

صبرني يارب يقول...

جميل اوي الكلام والمعاني

رغم انى ماليش فى الشعر والادب الا انى شايفه وصف صادق لموقف ذاخر بالمشارع المتضاربه والحساسه جدا

تحياتي لكي

وميض ابتسامة يقول...

تذهلينى كعادتك .. النقاء والصفاءوالاحساس المرهف صفة من صفاتك

ارى قلمك متأرجحا فى رشاقة وانسجام مع افكارك واحاسيسك .. يكتب ويكتب ولكنه لا يعترض ابدا سهولة ويسر تسلسل كلماتك..

بارك الله فيك ياصديقتى العزيزة وادام قلمك ..

ولكن هكذا الدنيا .. تعطى لمن تحب ان تعطى .. وللحب فيها شئون .. ومتاهات
..فاليذهب لمن احب ..ولتتحصن هى بأسوار كبرياءها ..وقلاع كرامتها.

حسن حنفى يقول...

سم الله ماشاء الله

ربنا يبارك في حضرتك يارب

فعلا اسؤا شعور تحس بيه انك تلاقي نفسك مقدر انسان وبتحبه ودايما بتديه وفي الاخر تلاقي شعوره نحيتك مختلف

دمتي مبدعه

ojg يقول...

الموقف اللي عرضتيه صعب أوي
جاي يحكي لها عن واحده تانيه؟؟
وهي؟؟
صديقة؟؟؟
والمصيبة يا أختي انها لو اعترضت ولا صارحته
-وده طبعا مستحيل الا ما ندر-
هيقول ايه ده الستات مابتعرفش الصداقة ويصبح اتهام
اسلوبك وصف الحالة بمنتهى الروعة
لدرجة اني حسيت بألم وأنا بقرأ
تسلم ايديكي

بطوط حبوب يقول...

طعنه؟؟!!

بس مكنش قصده وهى الى فهمت غلط

بس الالم هو الالم مهما كان مبرره

ربنا معاها

احمد يقول...

العزيزة كوشيا

هذا حال من تقبل بالصداقه فقط طالما ارتضت بها من البدايه
فلترضى بها فى النهايه احمد الصباغ كاتب موضوع عن نفس الفكره
بس من وجهه نظر ذكورييه
جميله فى ضحكاتك وجميله فى احزانك

ام المساكين يقول...

ربنا يهدى ويعف بنات المسلمين
فكرة الصديق فكر غربى كيف نقبله فى مجتمعنا دى هى الضريبه المنتظره الحسره والالم
حيث لا ينفع الندم

مهندس مصري يقول...

كلام جامد قوي
بس برضه ما فهمتش
معنى إسم kochia ايه ؟
و آسف لو ما عرفتش اعلق بس انا دايما ً مش باعرف اعلق على الشعر

حاتم عرفه يقول...

يااااااااااااااااه..

هو فى أمتع من كدة ؟
لما تتأكد أن حبك تحول لحالة ذاتية.. وأنك مش هتاخد من حبيبك أى حاجة.. ولا حتى اقتناعه بحبك.. ياااااااه.. روعة الحزن المكتوم.. والرضا الصامت.. والاستكانة.. وصفاء اللون الأسود..

دائما علينا أن نستخرج من أعماااااق البحر.. لؤلؤة.. كما هى لا تصنع إلا فى السواد الأعظم فى الأعمااااااق..

تحياتي لأحاسيسك
لمستني بجد

هانى زينهم يقول...

فى الحقيقة قليل قوى لما باقرا الحاجة اكتر من مرة عشان اكون رأى والمرة دى منهم . بغض النظر عن توصيف ده ان كان نثر و لا خواطر ولا شبه اشعار الا ان الصدق فيه عالى قوى والاحساس بالنفس والغير عالى قوى . بجد فى حاجة لمست الواحد وغالبا لو حصل كدة اكيد هاتصرق زى انتى ما ختمتى خواطرك دى بس من غير ما انادى عليه لانى غالبا هاولع فيها وفى نفسى قبليها!! .
تحياتى

الازهرى يقول...

dear kochia

عندما بأت القراءة ذهلت فقد شابهتها حتى تخيلتك هى
وبعدها اكتشفت انك مثلى فى النهاية نبحث ربما

عن سراب او حلم من زمن مضى وتاه منا وسط الزحام



تحياتى على الكلمات الجميلة والمعانى الاجمل

الفارس الملثم يقول...

بداية انا شايفها من الناحية الادبيه جميله اوي

اما من ناحية المعني اللي في الخاطره , فاد ايه صعب اوي اوي

صعب اوي ان الاخلاص يقابل بالغدر والحب يقابل بالخيانه

صديقة !! اذن انا فقط صديقة ؟؟ الم تري من انوثتي شيئا ؟ الم تري من حناني وخوفي ولهفي عليك شيئا ؟ *******

يا تري هي المخطئه في انتظاره ام هو تلاعب بمشاعره وجعل حبها له تسليته

تحياتي

Mohamed Dawod يقول...

فى احيان كثيره يكون الحب كسراب الصحراء. تراه امامك وتكاد تقسم انه امامك ولكنه ليس موجود. فى هذه الحاله المشكله ليست فى الصحراء ولكن المشكله فى العيون التى ترى السراب وتقتنع به.
بعض المتشككين وانا منهم تكاد تقسم ان اغلب حالات الحب فى مجتمعنا سراب.
تحياتى على وصف الحاله النفسيه بشكل يجعلنا نعيش مع الشخصيه فى تفاصيل انفعلاتها. حقيقى انفعلت معاها......شكرا ليكى

¨¨¨°~*§¦§ Appyplanet §¦§*~°¨¨¨ يقول...

يااااااااا على القسوة ووجع القلب
بس بجد حلوة اوى اوى اوى اوى

Manamino يقول...

يااااااااااه
جميل قوووووووي
والله وجعتي قلبي
بس صدقيني ساعات كتير قوي بنحزن قووووووي وبعدها بنحس انه ماكانش ينفع غير كدة
يعني بنعرف بعد فترة طويلة انه ماكانش ينفع الا انه يكون صديق
تحياتي

blue-wave يقول...

شعور حقا ما اقساة
ولكن

وانت .........؟؟؟

ألم تعدني عيناك بالحب ؟

ألم تعطني ابتسامتك الامل ؟

فقط عيناة وابتسامته
اى انه لم يعدك بشئ
فكلام العيون والشفاة غير معترف به فى زمننا
للأسف

حسن حنفى يقول...

مستني الاجابات علي التاج باذن الله

احمد اشرف يقول...

كلمات جميله حزينه معبره
بس اتمنى ان متكنش دى حالتك
تحيــــــــــــــــــــــــاتــــــى

الطالبة عفو الله يقول...

اااااااه ما أقساه من موقف
فعلا عجز اللسان عن العليق
ابدعتي في وصف الحالة
ما شاء الله عليكي
بارك الله فيكي

osama يقول...

الموقف شديد الصعوبه ومن واقع الحياه
لكن الاغراق فى الرومانسيه يقتل الحب الحقيقي لانك لن تري ابدا فتى او فتاه احلامك على الواقع لانه ببساطه محض خيال لذلك يجب علينا الا ننجرف فى قصه حب مجهوله المعالم والحب من طرف واحد هو محض سخافه وينتهى نهايات مؤسفه
تحياتى الى المشاعر النبيله والصياغه الجيده وارجو تقبلى صديق وادعوكى لزياره مدونتى الجديده

afew good men يقول...

عزيزتي اشعر بكي تماما اعلم هذا

لاتندمي علي نظرات وابتسامات

فهو ليس من تكتبي عنه هناك من يستجدون تلك النظرات من يعرفون لغات العيون من درسوها
وتعلموها وتمنوها وتاهوا في حيات لا تعترف بالهمس

اصبح الحب باللمي بالموبايل مشعارف بايه تاني

في النهاية هو الحب

مرض العصر المزمن

من يشفي منه

يقتل الكثير من اكاذيب العالم


دائما قلب يتفجر مشاعر وأنوثة كيف لم يلحظها

عزيزتي من لا يراها قد اصابه العمي باكرا

عجبتني الكلمات

والمشاعر

تحياتي

Son of Egypt يقول...

السلام عليكم ورحمة الله

اسلوب جميل فى وصف المشاعر تجاه الأخرين

من الصعب جدا انك تكون بتحب حد وبتديله كل ما يحتاج من حب ومشاعر رومانسيه ويتم تجاهلك ومقابلة حبك له بالعكس تماما

اسلوبك جميل جدا فى الوصف رغم صعوبة كلماتك الا انك ابدعتى فيها

تحياتى ومزيد من التألق يارب ودائما للأمام

nageh

سمر الشافعى يقول...

الله ياكوشيا بجد كتبتيها حلو اوى

احساس بيوجع بجد ومش هيحسو غير اللى بيعيشه

بس اظن ان دا طبع البشر بيحب اللى اديه مش طايلاه لكن الحنينه القريبه اللى تخاف عليه بتبقى بالنسبه ليه موجوده هتروح فين ويفكر فيها ليه

منطق غريب بس اظنه هوا السائد

dr.roro يقول...

يااااااااااااه انتي قلتي كل اللي نفسي اقوله (قلبتي عليا المواجع )

موناليزا يقول...

لا لوم عليه فهو لم يصارحها بشئ ولغة العيون غير كافية
هى من نسجت هذا الوهم فى خيالها وصدقته

habiba يقول...

ماشى ياكوشيا الحاله صعبه بجد اه

اذا كان هو اداها الامل يبقى غلطان ويستاهل ضربه بميت جزمه

لكن لو مش اداها اى امل وهى اللى كانت بتوهم نفسها بالابتسامه الحنونه والعطف والحب يبقى هى اللى علقت نفسا فى حبال دايبه بجد

وساعتها بدأ الحلم وانتهى وهى خرجت منه خلاص

ولازم تفوق وبعدا تدى الحب للى يقدره
سلام

kochia يقول...

Ahmed Shokeir
#############
حقا .. ما اقساه

################

kochia يقول...

Miss. Sosa
##########
فعلا فيه شخصيات كدة .. متنفعش الا صديقة .. وبيكون عيبهم الاخلاص حتي ما بعد النهاية .. وقد يكون مغفل وخسرها فعلا
اشكرك علي رايك

#########################

kochia يقول...

كيارا
#####
تكرمي يارب
اشكرك علي رايك يخصوص الوصف .. لكن موقف زي ده الاحساس فيه فعلا مش هيكون اقل من كدة .. وقد يكون اكتر كمان ..

#########################

kochia يقول...

romansy
#######
شكرا علي مرورك

#####################

kochia يقول...

صبرني يارب
#########
هو موقف وبيحصل .. وساعات بيحصل بشكل عكسي .. وبيكون فيه برده مشاعر مشابهة

########################

kochia يقول...

وميض ابتسامة
############
اشكرك جدا جدا علي كلامك .. ويارب دايما مبسوط وانت بتقرا حاجة عندي
.واذن فليذهب لمن احب ..ولتتحصن هى بأسوار كبرياءها ..وقلاع كرامتها.
صدقت

#####################

kochia يقول...

حسن حنفى
########
فعلا شعور قاتل .. ومؤلم
شكرا لك

#####################

kochia يقول...

ojg ...
#######
هي لم تصارحه لانه كان يعلم في اعتقادها
وفعلا يقدرون الصداقة فوق ما تطيق احيانا
اشكرك .. ومرحبا بك دائما

########################

kochia يقول...

بطوط حبوب
#########
هي طعنة طبعا .. والحب واضح لا محالة في كل همسه ونظرة وضحكة .. وقد تكون فهمت غلط .. وقد تكون فهمت صح .. او قد يكون هو نفسه غلط

######################

kochia يقول...

احمد ...
######
اجل .. هذا حال من ترتضي بالصداقة .. ويلومها الكثير انها ترتضي بها في البداية
وانا قرات موضوع الصباغ
قد يكون هدفك ونيتك من اي معرفة هي الصداقة التي قد تتحول الي حب دون ان تقصد .. وافضل المحبون هم الاصدقاء .. ومن يدع انه لم ير الحب كاذب لان الحب يكون واضح جدا حتي بدون كلام..
ولكن هكذا الحياة

#######################

kochia يقول...

ام المساكين ...
############
اميين ان شاء الله
انا معاكي طبعا في كدة ..المفروض اي معرفة تكون بحدود وقواعد وضوابط .. ده الصح وده الدين

#####################

kochia يقول...

مهندس مصري
##########
كوشيا دي كلمة ركبتها كدة وانا بعمل اول ايميل ليا ومكنتش اعرف ليها اي معني مجرد شوية حروف وعجبوني وهم جم بعض
وادعوك لقراءة موضوع " كوشيا " وهو الحلقة الاولي من مذكرات نتاوي وهتلاقي الفهرس بتاعهم علي الشمال وهتعرف فيها سبب التسمية
واخيرا لقيت نبات اسمه كوشيا من حوالي شهرين مش فاكرة تفاصيله بالظبط لكن موجود علي الويكيبديا
متنساش تقرا مذكرات نتاوي

#######################

kochia يقول...

حاتم عرفه
########
صفاء اللون الاسود ؟؟؟
تعبير قوي اوي واول مرة اسمعه
بس عارف
بيعبر كويس اوي عن الحالة دي .. وحالات اخري مشابهة
اشكرك جدا

###################

kochia يقول...

هانى زينهم
#########
حضرتك برده لمست نقطة قد يكون هناك اختلاف في رد الفعل في هذا الموقف بين الرجل والمراة
يعني ان اكتفت المراة بالانسحاب .. للعديد من الاسباب .. قد يثور الرجل كالبركان ليحرق كل ما حوله بما فيهم نفسه
فقط المقياس صدق المشاعر
ارجو الا يتعرض احد لهذا الموقف المؤلم

#######################

kochia يقول...

الازهرى
#######
احمد الله انني لست هي تماما
ولكن .. ربما مثلت مني جزءا او شابهتني لحظة
ولكنني كما قلت انت
مثلك
نبحث ربما
عن سراب او حلم من زمن مضى وتاه منا وسط الزحام

#####################

kochia يقول...

الفارس الملثم
############
سؤالك وجيه وفي الصميم
هل هو خائن ؟
هل هو غدر بها ؟
لا اعلم
ولكن الاكيد انه تلاعب بمشاعرها واستمتع بها لحظة .. لان عيونها لم تكذب
والراجح من وجهة نظري انها اخطأت بكل هذا الانتظار
لان الحياة اخذ وعطاء خاصة في الحب .. والا مات
اشكرك

#######################

kochia يقول...

Mohamed Dawod
#############
المشكلة في العيون التي تري
صدقت
اكثر حالات الحب سراب ؟
اذن
ما هو الحب الحقيقي ؟؟
ما شكله ؟

سؤال يبحث لنفسه عن اجابة منذ بداية التاريخ
اشكرك

####################

kochia يقول...

¨¨¨°~*§¦§ Appyplanet §¦§*~°¨¨¨
#########################
اشكرك .. واتمني دايما تستمتعي بالمرور

#########################

kochia يقول...

Manamino
########
عندك حق
فعلا عسي ان تكرهوا شيئا وهو خير لكم
والايام بثبت ان الالم كان للصالح العام .. والخاص كمان
اهلا بيكي

########################

kochia يقول...

blue-wave
#########
العيون والابتسامة والدفء هو لغة الحب الاصلية والحقيقية
اذا وعدوا ههذا هو .. وان لم يعدوا فلا حب حتي بالمواثيق

اليس كذلك؟

########################

kochia يقول...

حسن حنفى
########
اشكرك يا حسن وهحله ان شاء الله قريبا

#######################

kochia يقول...

احمد اشرف
########
الحمد لله مش حالتي
انا تقمصت لحظة بيمر بيها البعض
واحمد الله فعلا انني لست هي
فلها الله

###################

kochia يقول...

الطالبة عفو الله
##############
اشكرك
واتمني مروركواستمتاعك دائما

#################

kochia يقول...

osama
######
انا متفقة معك طبعا ان الاغراق في الرومانسية يضلل ويخفي العيوب وحتي المميزات الحقيقة
والحب من طرف واحد .. هو سخافة .. ولكن
الا يحدث احيانا ؟؟؟
والا يشعر اصحابه بكل هذا ؟؟؟
انه ماساة قبل ان يكون سخافة
وبعد ان ينتهي ويندمل جرحه يصبح سخافة .. اما قبل ذلك فلا
مرحبا بك واشكرك

######################

kochia يقول...

afew good men
#############
اشكرك
ومن لا يري فهو اعمي
يري .. ويرفض او يقبل فهذا قراره
ولكن لا يقبل المميزات ثم .... السلام

####################

kochia يقول...

Son of Egypt
############
اشكرك واتمني متابعتك دائما

####################

kochia يقول...

سمر الشافعى
##########
صح برافو عليكي
انت كمان لمستي نقطة محيرة اوي في البشر
المتاح اركنه مهو متاح علي طول
والبعيد اجري وراه
لذة الاقتناص
منوراني

######################

kochia يقول...

dr.roro
#######
عزيزتي .. كل منا يتعرض في هذه الحياة للكثير .. وكل موقف يمر يزيدنا قوة وصلابة
ارجو ان تكوني ازددتي صلابة حتي لا تتاثري بتلك المواجع مرة اخري
تحياتي

#####################

kochia يقول...

موناليزا
########
اذن هو برئ من وجهة نظرك ؟
ولكن رايي هو ان لغة العيون هو لغة المحبين
فهو اما خدعها .. او استغلها
لا يمكن الا ان يقرا مشاعرها
ولكن ربما
يكون وهما

######################

kochia يقول...

habiba
######
هو يستاهل 100 جزمة اللي قلتي عليهم
ولكن في هذا الزمان كما اتفق المعظم .. لغة العيون لا تكفي والابتسامات لا تكفي .. والوعود الغير منطوقة لا تكفي ..
ولكن
اليس من حقها ان تحبه وتامل ؟؟
ونظرية الحب للي يقدره دي نظرية مردود عليها .. لان الحب يذهب لمن يشاء وقت يشاء بلا ارادة صاحبه .. وان كنا نختار من نحب اذن لعاش الانسان في سعادة وهو ما لم يحدث

####################

GiGi يقول...

لم تعد كلام العيون وبريقها دليل فى هذا الزمن الوغد
تحياتي وسعادتى بكي وبهذه المدونه الرائعه

prince4ever يقول...

كوشيا
انا بشكر الظروف اللي خلتك تدخلي عندي واتعرف على مدونتك الروعه دي
بالنسبه للبوست..فامانه و بكل صراحه اكتر بوست اثر فيا من يوم ما ابتديت اتعرف عالمدونات...يمكن لمروري بتجربه شخصيه مماثله من حوالي سنه كده...ما هو مش بس الرجاله هي اللي بتخون الحب النساء كمان ممكن تبقى كده...بجد بجد احساسك في منتهى الروعه والرقي و كلماتك عبرت عنه بمنتهى الابداع
تحياتي..الف تحيه

كاتب مصري يقول...

شيء صعب جدا إن الإنسان يتقتل بسهم الحب الي ف قلب حبيبه بس مش له لحد تاني عشان كده مش لازم الواحد يتسرع يمكن العلاقة تبقى صداقة وأحيانا الصداقة بتبقى أجمل من الحب ع الأقل فيها وفاء الحب لإتنين مستحيل يكون فيه وفاء ده اول طريق الخيانة
كل ودي

صاحب المضيفة يقول...

أصعب اللحظات أن يبقى الانسان حبيس ذكرى مؤلمة

والأصعب أن يحاول الفكاك منها ولا يستطيع


كان الله لك

ahmed_k يقول...

قاسيه جدا تلك اللحظه
فكم هو صعب أن ترى وتسمع الحب من
الذي تعشقه لمن يحبها غيرك
ولكنها لعنة التجربه التي
تجعل الشخص يمر بتلك التجارب
وحتى وإن كانت من قبيل الإستفاده منها
ولكنها تظل لحظات مؤلمه

جميل تصويرك للموقف يا كوشيا
فقد أبدعتي في توصيله


دمتي متألقه

مواطن مصرى نايم يقول...

يااااه بجد صعب اوى
و عجبنى البوست جدا
جمع احاسيس مختلفه بجد رائع
ما ابشع تلك المواقف
بجد حاجة صعبة اوى
و على فكره اعرف ناس حصلت المواقف دى معاها كتير
بس بسرعة بيكتشفوا انهم اكبر بكتير من تفيكرهم فى مثل هؤلاء الاشخاص

تحياتى

اسلام

شفقة هانم واحسان بك يقول...

ايه الخاطرة التحفة دى
انا سعيدة جدا جدا انى قراتها
بس فعلا تعرفى فى ناس ما تنفعش الا اصدقاء مهما حبناهم

محمود حسن العدل يقول...

السلام عليكم
اختى الغالية
اقسم بالله العظيم اننى لما اقرى بوست بهذا الاحساس لدرجت اننى تمنيتة
انتى وصفتى حاجة واحساس داخلى صعب اوى يتوصف .
بجد برافو عليكى

فيك طبيعة الرجال فهمتها .. وفهمتك تقبلتها .. واحببتها .. مثلما احببتك ******* ثم .. وفي لحظة ما .. توقف الزمان .. لتخبرني عنها .. ******* مرت علي اللحظة كالسنوات عندما لمحت ذلك البريق في عينيك .. وانت تطعنني هذه الطعنة .. لمعت عيناك الحبيبتان وانت تحدثني عنها .. غاصت طعنتك الي احشائي فمزقتها .. ******* تابعت بريق عينيك .. لمحت صدرك متحركا صعودا وهبوطا .. سمعت تنهداتك .. رأيت شوقك اليها في نبرات صوتك وانت تتحدث عنها .... كم هي جميلة !! كم هي رقيقة !! كم هي خجولة !! كم هي حلمك في الحياة !! كم هي .......


بالله لا اقرى كلمات بهذا الجمال من قبل
وصفك باهر جدا
بجد انتى تستحقى التقدير ويكتب عنكى الف بوست شكر اليكى ..
تحياااااااااااااااااااااااااااااتى

صباح الصباح يقول...

احببتك لسنوات

انتظرتك لسنوات


اذهب ولا تعد

احساس بالحب العميق الممتزج بالكرامة الحية

رائع

micheal يقول...

كلام رقيق وعذب
رغم قسوة ما يعبر عنه
تحياتي

غير معرف يقول...

خساره............


onyx

kochia يقول...

GiGi
####

اشكرك
وفعلا عندك حق
لم تعد عهدا ولا ميثاقا

################

غير معرف يقول...

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - الطاقة المتجددة كبديل للطاقة النووية. فالطاقة النووية لها محاذيرها وهذا ماسوف نشرحه بالتفصيل.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

kochia يقول...

prince4ever
############
كلامك انت كمان اثر فيا جدا اشكرك جدا
انه اكتر بوست عجبك
واتمني انك تستمع دايما بالمدونة وتزورها دايما
وفعلا الموقف ده ممكن يبقي من رجل لامراة او العكس
كلهم بشر

########################

kochia يقول...

كاتب مصري
#########
ساعات الصداقة افضل من الحب بس مين يقدر يحكم علي نفسه بكدة
الحب لا يستاذن
والحب فيه وفاء طبعا والا ميكونش حب
والحالة دي حب ناقص

##################

kochia يقول...

صاحب المضيفة
###########
فعلا لحظات صعبة
ولكن من الغباء ان نظل اسري لهذه اللحظات

####################

kochia يقول...

ahmed_k
#######
لعنة التجربة
فعلا للتجربة لعنات ان تمر بموقف قد تتحمله ونقد لا تتحمله
اشكرك علي رايك

################

kochia يقول...

مواطن مصرى نايم
###############
اشكرك علي رايك
والحياة تجارب والاكثر الما هو لحظة التجربة
لكن كله بيعدي بعد كدة

###################

kochia يقول...

شفقة هانم واحسان بك
####################
اشكرك علي رايك
ويمكن كلامك صح

####################

kochia يقول...

محمود حسن العدل
##############
اشكرك جدا علي رايك
واتمني استمتاعك بالمدونة دائما

#######################

kochia يقول...

صباح الصباح
###########
اشكرك
واتمني الاستمتاع دائما بالمدونة

################

kochia يقول...

micheal
#######
اه للاسف
واشكرك جدا علي المرور

##############

kochia يقول...

غير معرف
onyx
##########

هو ايه اللي خسارة ؟؟؟
حبها ؟؟ ولا الموقف اللي اتعمل فيها ؟؟
ولا هو اللي خسارة خسرها ؟؟؟

كلهم خسارة علي العموم

########################

لماضة يقول...

حلو قوي
تفتكري فيه حب ممكن يوصل للدرجه دي
ولو موجود طبعا بتكلم عن الحب بين الازواج
لو موجود لسه مش بنشوفه الايام دي الا نادر

ناعومى يقول...

الله الله الله
الاحساس والوصف الرهيب اللى يوجع من كتر ماالكلمات بتخلينى اتعايش الحاله
بجد بوست رهيب
ماشاء الله
احترامى لقلم راقى زى قلمك

kochia يقول...

لماضة
#########
اهلا بيكي يا عزيزتي
اشكرك اولا
ايوة افتكر انه فيه حب يوصل للدرجة دي واكتر كمان
ولو موجود .. لا .. مش بنتكلم بس علي الحب بين الازواج .. وان كنت اتمني هذا ..لان الحب حاجة والزواج حاجة واذا اجتمعا فهذا خير ولكنهما قد لا يجتمعان والواقع خير دليل
واصبتِ في انه نادر
هو نادر جدا

تحياتي

####################

kochia يقول...

ناعومى
######
اشكرك جدا
واتمني استمتاعك دائما بوجودك في المدونة

تحياتي

##############

اجندا حمرا +Heart Beat يقول...

طبعا نص هايل ياكوتشيا بس بخصوص البطله كان مفروض من الأول ماتعتمدش علي النظرات و الابتسامات و احساسها و بس كان لازم يكون فيه حوار بينهم و تعرف منه بظبط هي ايه بنسبه له قبل ماتبني احلام و بعد كده تنهار احلامها و تنهار معاها
تحياتي ليكي

No Fear يقول...

السلام عليكم
في جملة عرفتها قريب بردوا
بتقول
is that love i see in your eyes
or merely a reflection of mine
ممكن يكون اللي شافته هو إنعكاس لحبها هي و هو مش مسئول
و مهما كان أياها تندم أبدا علي الحب مهما حصل

كاتب مصري يقول...

لا مش كده بأه الي أقرالهم النهارده ألم ووجع وحزن هيا الناس كلها بقت زيي ولا ايه وانا الي حايب نفسي بتألم لوحدي في الكون ده كلامك ده تعب قلبي جدا ربنا يعينك بأه
بس بردو حلو تعبيرك بس الإحساس ده صعب قوي
كل ودي وأتمنالك التوفيق وكل خير

Beram ElMasry يقول...

الاخوة الاعزاء
السلام عليكم ورحمة الله
بناء على رغبة الكثير من الاصدقاء المدونين ، وفى مقدمتهم الاخ الدكتور توكل مسعود ، فى تغير اصم مدونتى من ( المدهول ) الى اسم اخر يليق بمحتوى المدونة ، وانطلاقا من طبيعتة الغيورة على اصدقائه ، ومن الاسماء المعروضة ( كرباج سودانى ) وقد وقع عليه اختياؤى ، وصار هذا اسم المدونة الجديد
لااختلاف فىالمحتوى ولا تغير فى موعد كل جديد وهو يوم الثلاثاء
لكم كل الحب والاحترام

mohamed ghalia يقول...

لقد رأيت علي شفتيك ابتسامة واثقة .. ادركت منها انك تعلم انني احبك

اطمئن قلبي لابتسامتك .. وحفرت تضاريسها في قلبي

وطُبِعت في ذاكرتي

لاراها كلما غمضت عيناي

إحساسك عالى قوى
كلمات أكثر من رائعة
تشرفت بمعرفة مدونة حضرتك
تقبلى تحياتى

ba7re يقول...

غاصت طعنتك الي احشائي فمزقتها ..

----------
احسست بالدموع تخرج من قلبي حارة ملتهبة

صاعدة الي عيني فتملاها وتحرقها ..

ولكن كرامتي ابت الا تنزل امامه ..

فتحجرت ..

------
وعندما نزعت نصل خنجرك من قلبي ..

وكففت عن الحديث عنها ..
-----
كنت اريد الصراخ ..الركض .. الانهيار ..

اقسى شئ فى الدنيا و اجمل شئ فى الدنيا الحب
بس فى كل الاحوال مؤلم
برغم قسوة الكلمات ألا انها تعمق فى صدق الاحاسيس
تحياتى و بوست مميز
و سلام :)

الشنكوتي الكبير يقول...

بصي يا بنتي
اغنية سميره سعيد وصفت البوست ده من سنين لأن الفكره دي بتتكرر كتير قوي الشخص اللي تفتكريه بيفكر فيكي وتفضلي انتي الصر الحنين والهم يتحكيلك والخوف يترمي بين ايديكي والأفكار والتساؤلات وتفضلي تسمعي منهم وتخففي عنهم وتديهم كل اللي محتاجينه من الحبيب وهوب تجيلك وعلى وشها ابتسامه من ودنها دي لحد ودنها دي وعايزه تفرحك لأنك اقرب اخ ليها وخدي بالك انتي اخ المه وتحكيلك عنه وعن اعجابها بيه وعن جماله وشياكته وطيبته وغيرته عليها منك انتي نفسك وياسلام بقى المفروض تفضلي انتي الكتف اللي تتسند عليه وتحكيله مشاكلها معاه وانتي تبقى حياديه وتحاول تحلي المشاكل مش تستغلي الفرص

اقولك سيبك وكبري صدقيني ربنا بيعوضك بحد يحبك قوي قوي قوي بعديهم
مش عارف جايز انتي بتتكلمي بصوره عامه مش موقف شخصي يعني
عموما ربنا يوفقك

ال جاني بعد يومين يشكيلي بدمع يحكي وانا ناري تذيد ....


سلااااااااااااااااااااام

أنا حر يقول...

هذه هي الدنيا تعطينا مالا ننتظره
تحياتي

د\أسماء علي يقول...

الغريب أن الحب من طرف واحد يعتمد على شواهد .. احساس ..

ثم ينهار ايماننا باحساسنا قبل انهيار ايماننا بهم ..

..

يوما أخبرني صديق أنه لا يوجد مشاعر تنبع من طرف واحد فقط تكون هناك بدايات من الطرف الآخر .. لكن ..

الأزمة في لكن دوما

لا تكتمل تلك المشاعر لدى أحدهم و تتخذ مسلكا آخر بعيدا عن الحب ..!

..

نص أوجعني جداا
لكنه رائع ..

الازهرى يقول...

العزيزة كوشيا


كانوا يقولون اذا احببت شيئا بشده فاطلقه فان عاد اليك فهو لك والا فانه لم يكن لك من البداية

وانا اقول عندما تركته من يدى لم استطع استعادته والكارثة اننى تركتنى معه فلم اسعدنى ايضا وما زلت تائها فى زحمة الايام اترنح من فقدانها

دائما ما تضعى يدك على الجرح

تحياتى

انا حره يقول...

ولكن انتِ ..افضل صديقة لي

افضل صديقة لي علي الاطلاق !!!

اسخف جمله ممكن واحده تسمعها ومبيبقاش ليها رد غير كلمه واحده بتردديها جواكى وانتى مبتسمه ابتسامه صفرا

يافرحتى

kochia يقول...

اجندا حمرا +Heart Beat
#####################
هو فعلا .. عندك حق
لازم يكون فيه حوار .. لكن عارفة .. ممكن يكون فيه حوار ويجي برده يقولها انه حب اخري
يعني بتحصل .. وساعتها كانت هتلوم نفسها برده وهتلومه برده وبمكن اكتر
مازلت مؤمنة ان للعيون لغة بين المحبين

########################

kochia يقول...

No Fear
########
ممكن يكون انعكاس لحبها .. وممكن لا
ولو كان انعكاس لازم يكون شاف الحب ده في عنيها وسكت عليه وقبله

######################

kochia يقول...

كاتب مصري
##########
اشكرك علي رايك
واسفة علي التسبب بالالم .. لكن هكذا الحياة لحظة كدة .. ولحظة كدة

################

kochia يقول...

Beram ElMasry
#############
اهلا بيك
ومبروك عل الاسم الجديد

##################

kochia يقول...

mohamed ghalia
##############
اشكرك جدا واتمني استمتاعك الدائم بالمدونة

#######################

kochia يقول...

ba7re
######
هو مؤلم في كل الاحوال
فعلا
دايما مشتاق

###############

kochia يقول...

الشنكوتي الكبير
###############
انا بتكلم بصورة عامة الحمد لله بس ده موقف بيتكرر كتير اوي
وانا تقمصت مواقف كتير شوفتها وحطيت نفسي في المكان ده وحسيت احساس كل بنت ممكن تتعرض للموقف ده
وعلي فكرة نفس الموقف ممكن يتعرض له الرجل وبيحصل بس انا مش بعرف اتقمص احساس وشعور الرجل بشكل جيد

وربنا يعوض علي علي الجميع يارب

########################

kochia يقول...

أنا حر
######
هذه هي الدنيا
حقا ما قلت

############

kochia يقول...

د\أسماء علي
##########
انا متفقة مع هذه الصديق الي حد ما
الحب من طرف واحد ليس دائما من طرف واحد 100% .. الطرف التاني ان لم يكون له مشاعر لكن مستقبل ومتقبل وساعات سعيد ومرتاح ومسترخي ويمكن عقله بيقول استفيد

واشكرك علي رايك

######################

kochia يقول...

الازهرى
#######
يااااااه
كلامك جامد اوي

"والكارثة اننى تركتنى معه فلم اسعدنى ايضا وما زلت تائها فى زحمة الايام اترنح من فقدانها"

للاسف ساعات هو ده اللي بيحصل

######################

kochia يقول...

انا حره
#######
اسخف جمله ممكن واحده تسمعها فعلا
بس مش كل الناس تقدر تبتسم حتي الابتسامة الصفرا

#####################

dady يقول...

موضووع جميل حساس يدل مشاعرك الرقيقة

غير معرف يقول...

كوشيا انتى فين مختفيه ليه
اظهرى يابنتى مش واخدين على غيابك

رؤية يقول...

كم هى حزينة تلك القلوب التى ترى المحبوب ولا تملك منه سوى ابتسامة صديقة

تحياتى لك

احمد يقول...

يعنى ينفع كدة

تسبينا قلقنين عليكى

MaGn0liA... يقول...

بجد قلبى وجعنى

صعبه اوى

قاسيه جداااا

عبده الرايق يقول...

كلمات جميله ومعبره عن حاله من الحب الضائع
ولكن الصداقه ربما تكون نوعا من الحب الجميل
ربما

بسنت يقول...

الصداقه نوع اخر من الحب ولكنه فى نظرى الذى يبقى ويدوم
مشكلتنا ان احيانا كثيره نفسر صمت الاخرين على هوانا واجواءنا
وغالبا الاخر لا ينظر للذى امامه الا عندما يضيع منه
كلماتك شديده الرقه
عجبتنى جدا خاطرتك
الى الامام

rovy يقول...

كلماتك جميله و صادقه

حقيقى مليانه احساس و صدق

تسلم ايديك

تحياتى

المنسى يقول...

السلام عليكم
أولا إزيك إنتى وكل المدونين ياكوشيا
بجد وحشتونى كوووووووولكوا

ثانيا ممتازة ومتألقة كالعادة
بس ليه كل ده
طالما هو مبقاش عليكى
ميستهلش لحظة ندم واحدة عليه حتى ولو من غير أنوثة
البنى أدم مش شكل ومنظر البنى أدم قلب وروح وفكر وأخلاق
والجمال برضو
مش بس جمال المنظر
والمظهر
ولكن من يرى غير ذلك
من له النظرة الأبعد
من يرى مابين السطور
قليلون
جدا
كان نفسى أتكلم أكتر ولكن
دعواتك
تحياتى

kochia يقول...

dady
####
اشكرك علي رايك جدا
تحياتي

#################

kochia يقول...

غير معرف
#######
تحت النظر يا فندم

#################

kochia يقول...

رؤية
####
حقا ما قلتي
كم هي حزينة

#################

kochia يقول...

MaGn0liA...
###########
فعلا
واشكر مشاعرك الرقيقة

##################

kochia يقول...

عبده الرايق
###########
الصداقة فعلا نوع من الحب الجميل
ولكن
هل تكفي دوما ؟؟؟؟؟

#################

kochia يقول...

بسنت
####
فعلا كتير بنفسر صمت الاخرين علي هوانا
اشكرك علي رايك ومرورك

تحياتي

####################

kochia يقول...

rovy
#####
تسلمي
اشكرك

#############

kochia يقول...

المنسى
#####
اهلا اهلا
انت فين من زمان
اشكرك علي رايك جدا

ومسالة انه مبقاش عليكي الشخص يمكن احيانا مش بيندم علي الاخر لكن بيندم علي الوقت اللي ضيعه في محراب هذا الاخر

ان شاء الله متتاخرش تاني علينا ومنتظرة تدويناتك الجديدة

#####################

Sherif يقول...

كوتشيا

سواء كان الموقف حقيقى أو من بديع فكرك

هو شئ قاسى على النفس .. ذلك لان الرجال .. كل الرجال يؤمنون بالاشتراكية فى الحب

بمعنى الحب للجميع .. لايريحهم كثيرا ان تمتلكهم واحدة ..

أما النساء فهن يؤمن بالرأسمالية .. يحبون الامتلاك والاحتكار ..

والمحاولات العاقلة حتى تسير الحياة تخفف من الموقفين .. فيحاول الرجل ان يكون لواحدة فقط

وتتقبل المرأة بعض البحبحة على حبيبها كصداقات فى محيط العمل وغيرها

الا ان المعادلة النهائية التى تريح جميع الاطراف لم يتوصل اليها احد

صدقينى .. هو أيضا غير واثق من موقفه..ولعله يتغير بعد حين .. وساعتها لن تبكى منه .. ستبكى عليه .. فلم يعرف أحد حبا حقيقيا دائما غير الصداقة .. ففيها كل صفات الحب .. الا انها ليست انانية .. وانجح الزيجات هى التى تتحول فيها العلاقة الزوجية الى نوع من الصداقة المحترمة
التى حتى وان لم يكتب لها التوفيق والاستمرار .. يظل ذلك الاحترام وتلك الصداقة قائمة

مجرد رأى شخصى

الربان يقول...

تحياتي

- - اشكرك كل الشكر علي مواساتك الكريمة ...لا اراكم الله مكروها في عزيز لديكم.

بالنسبة لتعليقي علي الموضوع...اقول ان البعض منا لايري ما حوله...لا يشعر
بالدفء الذي يحتويه و يشمله...و يتطلع
الي بعيد....و هذه الخاصية غير مستحبه..
و علي فكرة هي لدي البنات ايضا كما هي لدي الاولاد...او الرجال و النساء.

و اقترح ان يقوم كل منا من وقت لاخر بمراجعة علاقاته مع الاخرين...و تحديد
موقفه....


تحياتي و تقديري

kochia يقول...

Sherif
#######
عجبني اوي تعريفك للاشتراكية والراسمالية في الحب
انت جبت المفيد
وحقا
ربما تبكي من اجله وليس عليه بعد ذلك
ورايك هذا من افضل الاراء التي قراتها علي هذه الموضوع
وربما كان الافضل
اشكرك
تحياتي

##########################

kochia يقول...

الربان
#######
اخي الكريم
لا شكر علي واجب
وارجو من الله ان يرحم جميع اموات المسلمين ان شاء الله

وبالنسبة للموضوع فعلا يجب علي كل منا ان يراجع مواقفه مع الجميع
نصيحة بالغة الحكمة

تحياتي

####################

كباريه يقول...

كلهم أندال

وجه جديد د.أحمد عثمان يقول...

حين تفاجئك أفعاله
فأنت حقا لم تفهمي طبيعة الرجال

جميل البوست
و راقية لغته
كل التحية

شهد الكلمات يقول...

ستنتنتنضموا الاذاعة المحلية الي اذاعة البي بي سي

هنا البي بي سي ان ان اااان
هنا البي بي سي ان ان اااااااااان
هنـــــــا البي بي سي
بقي للمدونين جروب ع الفيس بوك يا رجالة

شرفونا و نورونا بالزيارة و المشاركة
جروب خمسة تدوين
http://www.facebook.com/group.php?gid=31035659947

جروب لكل المدونين و محبي التدوين
هانلعب و نناقش و نعمل نشاط اجتماعي
عايزة حماس و نشاط و الاقي ناس بالميات و الالف واقفة علي باب الجروب عايزة تدخل
يالا مش ها كتر مستنياكم هناك

تحياتي

maha zein يقول...

يا غلبي
ايه القسوة دي
صديقة
في ناس كده بجد معندهاش دم
انا مش بلومه
ولا بلومك
بس هي بتبقه اقدار
وميول
ويمكن جدعنتها معاه محسستوش بحبها
او الله اعلم
صعبة فعلا القصة دي
وتليق عليها اغنية سميرة
قال جاني بعد يويمن
ده عيل واطي والله
قال صديقة قال
ولا هو ذي الارع

تسلم كلماتتك
بجد
انتي لما بتكتبي حاجة بحسها منك اوي
ذي ما تكوني بتكتبي حقيقة
دمتي بخير

Beram ElMasry يقول...

Kochia
صاعدة الي عيني فتملاها وتحرقها ..
ولكن كرامتي ابت الا تنزل امامه ..
فتحجرت ..
هو ده الحب من طرف واحد ، ودموعك كانت اكثر اعتزازا ، قال انك صديقة يعني عايز العلاقة اطول عمرا من الحبيبة
ارادك صديقة واردته حبيبا وشتان بين التوجهين
شكرا لزيارتك ولا تحرمينى التعليق
ولك كل التقدير والسلام

ماما أمولة يقول...

اسرتيني بكلماتك الرائعة

ماشاء الله

انا حزينة لتأخري في التعرف عليك

وعلى مدونتك

تسلمي

Manamino يقول...

ليكي عندي تاج
الحقيه قبل مايحمض

kochia يقول...

كباريه
#######
ههههههههههه
ممكن اه وممكن لا ان فيهم كدة
بس اكيد انه مش كلهم

#####################

kochia يقول...

وجه جديد د.أحمد عثمان
###################
يمكن عندك حق
كيف فهمته وتفاجات بتصرفه ؟

####################

kochia يقول...

شهد الكلمات
############
ماشي الكلام
هنبص

##################3

kochia يقول...

maha zein
##########
هي فعلا اقدار وميول
واشكرك جدا علي رايك يا مها

##################3

kochia يقول...

Beram ElMasry
##############
رغم التشابه احيانا لكن شتان بينهما
تحياتي

######################3

kochia يقول...

ماما أمولة
###########
اشكرك جدا سيدتي
واهلا بك في اي وقت
وارجو استمتاعك الدائم بالمدونة

#####################

kochia يقول...

Manamino
#########
اشكرك جدا علي التاج
وهجاوبه في اقرب فرصة

#########################

Lady E يقول...

مش عارفة ليه وانا بقرأ بداية القصة الجميلة دي كنت حاسة ان الحب ده مش هيكمل لأن الجرح والالم والفراق بقو النهاية الطبيعية لأغلبية قصص الحب

بجد اسلوبك جميل جدا في الكتابة
تسلم ايدك

kochia يقول...

Lady E
########
اشكرك
بس يمكن فيه قصص نهايتها سعيدة
يمكن

###############

غير معرف يقول...

ليس بنب احد انه ذنبنا لان قلوبنا تشعر بالحب فكان حقا عليهم كسرها