الثلاثاء، سبتمبر 16، 2008

كلنا امريكا

--

نعم امريكا

اقصد تلك الدولة العظمي

التي تسيطر اقتصاديا وسياسيا علي العالم باكمله ..

تلك الدولة التي تتحكم في مقدرات العالم بصفة عامة

والعالم الثالث بصفة خاصة

--

لــمـــــاذا ؟

--

لانه الاضعف

والاكثر احتياجا

والاكثر فقرا

--

ولانه لا يستطيع الدفاع عن نفسه

--

وهذه النقطة هي مربط الفرس

--

وصدق من سماها " ماما امريكا "

--

ولكن العالم قد اعتاد علي سيادتها

واصبحت معظم تصرفاتها مقبولة لدينا كام

ام شرعية او غير شرعية

تمنح وتمنع ....

توافق وترفض ...

--

ولانها ام شرعية للبعض وام غير شرعية للبعض الاخر

لانها كذلك تكيل بمكيالين

مكيال للابناء الشرعيين .. ومكيال للابناء الغير شرعيين

--

وهكذا اعترض العالم .. واعترضنا نحن

نحن الابناء غير الشرعيين ..

من يكال لنا بالمكيال الاخر ..

المكيال الظالم .. المكيال البغيض

وكل بغضه انه لا يساوي المكيال الاخر

--

نجد اننا ننفعل وتحتدم مشاعرنا عندما يكال لنا بهذا المكيال

ونرفض ونشجب ونعترض

--

بصفتنا انصار الحق

ونريد ان نعامل بالحق

--

كما نفعل

وكما نستحق

--

ولكن

هل نفعل ذلك حقا ؟؟؟

--

من منا لا يكيل بمكيالين

من منا الحق دائما لديه هو الاولوية الاولي

--

كلنا امريكا

كلنا نكيل بمكيالين

--

· الام مع الابنة الكبري والصغري عندما تضغط علي الكبري لتربيتها احسن التربية بكل الوسائل ثم تترك للصغري الحبل علي الغارب لانها " مش بقدر ازعلها " ، " اصلها اخر العنقود " ويستمر الزجر والنهر للكبري ان فعلت نصف ما تفعله الصغيرة

· المدير مع موظفيه .. هذا يقبل عذره لانه " لسانه حلو ومتكلم ووشه سمح " او لانه يقضي له مصلحة ما او .. او..

والاخر ان تاخر خمس دقائق عن العمل فليذهب الي منزله او ليذهب الي الجحيم "اصله جد اوي .. عشان يحرم يمسك لنا علي الواحدة "

· الرجل عندما يبخس زوجته حقها ويبخل عليها ويحارب زوج ابنته باللين والشدة وكل الطرق ليحصل لابنته علي حقها ويصف زوجها احيانا " بالبخل والنتانة "

· الزوجة التي لا تعامل زوجها بالحسني ولا بالطاعة التي امرها الله وتملا اذن وعقل ابنها بطرق للنكاية بزوجته الغير مطيعة لكسر شوكتها

· الشخص الذي يأمر الناس بالمعروف ويتهم من لا يستجيب له بالكفر والعصيان ويتجاوز عن ذنوب وسيئات ابنه الواضحه

· المراة التي تأمر الاخريات بالاحتشام وتلوم علي كل من تراها من نقص الدين وتترك ابنتها لترتدي ما تحب من زي وتتجمل بما تريد من ادوات التجميل ولا يصدر منها سوي حرام وعيب للاخريات

· الرجل الذي يسمح لاخته بالعمل والسفر وقيادة السيارة ولا يسمح لزوجته بذلك او العكس

· مديرة او مدير المدرسة الذي ينهر الطلاب لارتدائهم الزي المخالف او الغير لائق ويسمح لابنه بالذهاب الي المدرسة بهكذا زي لانه يعلم ان " محدش يقدر يعمل له حاجة "

· الام التي تنهر ابن الجيران الاصغر سنا عندما يضرب ابنها وتقوله احترم نفسك ده اكبر منك وعندما يضرب ابنها الصغير ابن الجيران الاكبر سنا تنهر ابن الجيران ايضا " ده صغير مش بيفهم حاجة ومتستفزوش "

· المحجبة التي تتهكم علي من تسير كاشفة شعرها وهي ترتدي "بنطلون ستريتش " يظهر اكثر مما يخفي

· الاخ الذي يحب زميلته في الجامعة لسنوات حتي يستعد لخطبتها وعندما يعلم ان اخته تحب او تميل الي زميل لها في الجامعة يرغي ويزبد ويتوعد لها بالاذي لانه "بيضحك عليكي "

· الاب الذي يترك ابنته تخرج مع خطيبها بحرية ويلوم ويذم ابنه اخيه او ابنه جاره التي تخرج مع خطيبها لانه " عيب "

· الاب الذي يطلب لابنته عندما يتقدم لها عريس مؤخر الصداق وقدره ... وقائمة المنقولات وقدرها ... ومهرا وقدره ... وهو نفسه الذي يرفض ذلك عندما يخطب لابنه ويعتبر اهل العروسة الاخري جشعين وطماعين

وغيرها كثير وكثير من الامثلة للكيل بمكيالين في حياتنا

وانا هنا لم اتحدث عن الكيل بمكالين الوارد الحدوث

--

مـثــــل

--

· التفرقة بين البيت والولد في الاسرة

· او تفرقة الرجل بين زوجتيه

· او التفرقة بين الجميلة والدميمة

· او التفرقة بين من انجبت صبيا ومن لم تنجب
--

كل هذه ظواهر نراها ونعترف بها وقد نتقبلها ضمنا بحكم العادة

وقد نرفضها احيانا

--

ولكن الامثلة التي تحدثت عنها هي ما لا نراه

وما لا نعترف به

وما نلوم عليه

ماما امريكا

--

لماذا نلوم امريكا اذن ان كنا نفعل ما تفعل هي تماما

ولينظر كل منا حوله ليري

ان كان فعلا يكيل بمكيالين او اكثر !!!!

او لا يكيل الا بمكيال واحد

--

واذكر قول الرسول الكريم

صلي الله عليه وسلم

"كيفما تكونوا ... يولي عليكم "

--

صدقت يا رسول الله

--------

هناك 78 تعليقًا:

Lobna Ahmed Nour يقول...

فعلا كلنا امريكا

على فكرة انا لقيت معنى اسمك على الويكيبيديا هنا
http://en.wikipedia.org/wiki/Kochia
طلعت نبتة فعلا ...

تحياتي وكل عام وانتِ بخير

يوسفيات..محمد يوسف يقول...

أنا معاكي

بس رجاء متحاوليش تربطي الحديث بالوضع الراهن

وبلاش بعد يومين نسمع إن الحديث ده دليل على إننا ظلمنا أنفسنا فظلمتنا أمريكا

أو مثلا نسمع إن ده من ضمن الإعجاز العلمي ف الحديث الشريف


تحياتي

:)

حسن حنفى يقول...

فعلا

كلنا امريكا

تحياتي تحليل متميز

غير معرف يقول...

ومن منا ليس امريكا

نحن نتعامل مع انفسنا بمكيالين

ومع قلبنا احيانا بمكيالين

لا استطيع ن اول الا انه الظلم

ولا حل سوي العدالة السماوية


ل نستجدي ولن نطلبها من احد لانها ببساطة

من حق ملك الكون

وميض ابتسامة يقول...

الكارثة انى اوفقك الرأى تماما .. والموضوع على عينك ياتاجر ..يعنى مفيش غير اننا نعذر امريكا طالما الدنيا اصبحت دنيا مصالح ..والامثلة اللى انت طرحتيها قاتلة ..ومحدش يقدر ينكرها .

ولكن الا توافقينى الرأى بعض الشئ .. ان هناك امثلة اخرى موجبة فى الحياه ..وان الله سبحانه وتعالى قد خلق الصالح والطالح .. وزى ما النماذج السالبة المطروحة موجودة .. فأنا على ثقة ان هناك نماذج اخرى موجبة موجودة ..قد تكون اقل قليلا من الاخرى ..ولكنها موجودة ..

صديقتى العزيزة .. الخير موجود ولن ينتهى ..وكذلك الشر .. وامريكا ونماذج الحياه السيئة موجودة ..ولن تنتهى ايضا ..
وهناك دائما وابدا صراع لن ينتهى بين الخير والشر ..نسأل الله ان يرحمنا وان نكون من اهل الخير دائما يارب العالمين

تحياتى وعظيم امنياتى لك بكل الخير والسعادة وكل عام وانت بخير

غير معرف يقول...

عارفه

احنا بنكيل بمكيالين عاشان بنعوز ناخد حريتنا و فى نفس الوقت بنخاف من نظره المجتمع و حكمه علينا

فبناخد بكلام المجتمع على الناس و نعمل اللى احنا عايزينه

كمحاوله لاننا بندارى اخطاءنا

ايوه كلنا امريكا

كلنا بنظلم و و عندنا ازدواجيه

تحليل حلو اوى

سلامات :)

محمد فاروق الشاذلى يقول...

تحليل رائع وتستحقين عليه الشكر
فكل منا فى حياته أمريكا ويختار من بين مكايل عدة فى الموضوع الواحد.

WhItE HeArT يقول...

موضوع جميل وفيه عمق في التفكير رائع احييكي عليه


وانتي كده بتمشي بمدأ ابدأ بنفسك والباقي هيتصلح لوحده

موضوع شيق فعلا

تحياتي

الطائر الحزين يقول...

من نواميس الكون اذا عدل الناس بينهم وبين بعضهم عاشوا فى رغد حتى ولو كانت الدولة كافرة

===============
فكرة انه كيفما تكونوا يولى عليكم

ليس شرط

والتاريخ خير شاهد على ذلك
زمن سيدنا عمر بن عبد العزيز
زمن التتار
صلاح الدين فى مصر والفاطميين

============
لكن لابد من وجود
قائد عادل
امام مخلص
شعب لدية العزيمة والنيه
=========
كل عام انت بخير

غير معرف يقول...

نصيحه .........ماتلعبيش في السياسه خليكى في حكاياتك وتجاربك علشان ماتندميش ........ نصيحه من اخ انتى عارفه مقدار اعزازه بيكى



onyx

تسنيم محمود حسين يقول...

السلام عليكم

للأسف كلنا تحت ايدى امريكا تلعب بنا وقتما تشاء ..وللأسف ايضا اننا راضون ان نكون لعبة فى ايديها....
فياأمتى لم رضيت الهوان وانت امة عزة كانت تصان
انا مبدأى ان الهوان لغيرنا..والعز لى ولأمتى وبلادى...
ونورينى بمدونتى

والسلام عليكم

الفارس الملثم يقول...

طبعا فعلا كلامك صحا جدا يا كيوتشا , فالكيل بمكيالين صار هو السائد في حياتنا وان اختلفت مسمياته واشكاله بين كوسه ومحسوبيه وعدم عداله ونفاق , واري ان هناك ايه قرانيه تصور هذا المعني " كبر مقتا عندالله ان تقولوا ما لاتفعلون " فتلك هي المشكله ان يتختلف ما تدعيه وتقوله عن افعالك وسلوكياتك في الحياه

تحياتي دوما

صاحب المضيفة يقول...

رائع أسلوب عرضك للموضوع


كلها نماذج واقعية تحتاج الى علاج جذري وفعال وسريع جدا



كان الله لك

حـــــدوتـــــة يقول...

السلام عليكم

والله عندك حق
احنا اللى نستاهل اكتر من كده
بس انشاء الله الجاى احسن

سلالالالالالالالالالالالالالالالالالالالالام

قلب ينبض لله يقول...

الأمثلة اللي قولتيها في البوست بتوضح أد أيه أحنا عايشين في تناقض مع اللي حوالينا ومع نفسنا
علشان كدا المشاكل موجودة علي طول
وعلي رأي المثل صاحب بالين كداب

تحياتي ليكي ولماما أمريكا:)

حنين.. يقول...

, احنا بقينا عايشين فى عدة تناقضات غريبه
ربنا يسترهها
بحييكى
دمتى بخير

Unknown يقول...

أمريكا..اه منها بس ..بس تسدئي كلامك فيه شيء من الصحة شميت كده
كل ودي

مدحت محمد يقول...

الواحد لازم يحط امل


وان شاء الله الجاى احسن من كدة بكتير


رمضان عدى بسرعة اوى

بسبب ذنوبنا


ربنا يسترها يارب

micheal يقول...

تحليل منطقي جدا كنت بقوله بيني وبين نفسي كتير بس ماجاش في بالي أني ممكن الاقي حد متفق معايا واديني لقيت
:)
كلنا بحاجة لقتل أمريكا اللي بداخلنا وبعضنا يحتاج لقتل بوش الذي بداخله
:)
تحياتي

(احمد سكر ) يقول...

احسن دليل لصدق كلام

اللى حصل للبورصه اليومين اللى فاتو

انهياار تام

لما بورصة اكريكا انهارت

بقت بتتحكم ف العالم كله

كل سنه وانتى طيبه

من دلوقتى هجز كيس العيش

بس مش هجيب حلاوه دوقتى

لتسيح


احمد

فاروق عادل يقول...

كوشيا انا بلاك جوست اللى كان بيغلق عند حضرتك وانا عملت مدونة جديدة اتمنى انك تخشى وتشوفيها

بوست جميل جدا واحسن حاجة فية الحديث الاخير-طبعا كلامك كلةحلو-لكن فعلا كيفما كنتم يولى عليكم علشان كدة موانا هو الملك حسنى وولى عهدة جيمى وبصى كان الناس زمن عمربن الخطاب وعمربن عبد العزيز كانوا عاملين ازاى
علشان كدة ولاتهم كانوا الناس دى

نـــــور يقول...

ماشى ياكوشيا
متفقين
بس تقدرى تقولى با عين هنتكلم بما اننا اولاد ماما امريكا
ياحببتى
من لايملك قوت يومه لا يملك حريته
معلش
الكل تعبان
تحياتى

صباح الصباح يقول...

صح يا كوشيا

ولو ما كناش احنا نفسنا اللى اتغيرنا للاسوا ما كانش يبقى اللى بالى بالك من نصيبنا

كلام على بلاطة يقول...

;كل عام وانت بخير

هانى زينهم يقول...

وَتِلْكَ الأيَّامُ نُدَاوِلُهَا بَيْنَ النَّاسِ وَلِيَعْلَمَ اللّهُ الَّذِينَ آمَنُواْ وَيَتَّخِذَ مِنكُمْ شُهَدَاء"
الايام دول واللى انت قلتيه طبيعة بشرية عادية ما حدش بيشوف عيوب نفسه انما سهل قوى يشوف عيوب غيره زى ما ربنا خلقنا من غير ما نقدر نشوف وشنا انما سهل جدا تشوفى وش غيرك وبالتالى تطلعى عيوبه.
والازدواجية فى التفكير والتقييم من ساعة ما ربنا خلق الارض انما الربط اللى انتى عملتيه جميل قوى واوجه الشبه فى الحالتين موجودة .كلنا امريكا بشكل او باخر .
تحياتى لفكرك ومدونتك وتقبلى تحياتى

Empress appy يقول...

لا كلنا بنقلدها
كلنا مش فاهمين
بس الشاطر اللى بيعمل استوب

غير معرف يقول...

السلام عليكم كوشيا

وبوست جميل ويحملا معانى كتيييير


بس من الاخر العيب عيب مين

هو اما عيب من يصدر لنا النموذج الامريكى ويربينا على انه النموذج المثالىلا واللا العيب عيبنا اننا مش بندور على اصلنا ومش عارفين تاريخنا فبنمشى زى اى حد وخلاص.........

والمظاهر اللى انتى عرضتيها فى بعضها عامل فعلا ظواهر والبعض الاخر ليس اكثر من تاثير العوامل البيئية التى نشأ الافرد فيها

يعنى من الاخر لو فهمنا الواقع بشكل افضل اكيد الموضوع هيتغير

دمتى لنا بخير ونورتينى بالزيارة ويلا سلام

Mina يقول...

نعم ياعزيزي كلنا لصوص
اقصد كلنا هذه الامريكا
تحياتي
وياريت تشرفيني في مدونتي
http://efta72lbak.blogspot.com/

طارق يقول...

فعلا عندك حق
معظمنا يكيل بمكيالين دون ان يشعر
بس متهيألى مكيال امريكا بقى مكيال واحد فى ناحيه واحده
والمكيال التانى مش موجود اصلا.
العيب مش على امريكا انها تكيل بمكيالين او ثلاثه،العيب على من يرضى بهذا بل ويمارسه حين يستطيع.

طارق

حنين القلب يقول...

خلاص بقى الامر الطبيعى الظلم سواء من الامريكان او من المصريين ذات نفسهم
بقينا مظلومين على طول الخط
ربنا يرحمنا
بجد البوست هايل
تسلم ايدك
تقبلى مرورى

كـــيــــــــارا يقول...

صوووووووووووووح

بجد بوست في الصميم ومعاكي حق طبعا

مش عارفه اقول ايه تاني بس احنا اللي بنعمل في نفسينا كده

maha zein يقول...

لا امريكا من الواقع العملي مش حد بيكيل بمكيالين
هي دولة ليها قدرها
وبتحافظ علي وضعها
من حقها انها تعمل اي شىء يؤمن لها ذلك
حتي وا كالت تكيل بمكيالين
وده لانها دولة وعالم السياسة مفهوش اخلاق ولا قيم
لكن
في حياتنا العادية
احنا كبشر
المفروض
اننا عندنا قيم
ومبادىء
المفروض بنعمل بالقيم دي
لان الانسان ذاته من غير دين ولا قيم ولا اخلاق ميبقاش انسان
ان كانت دولة سياسيا ليها اعذارها
فاحنا كبشر سواء واقعيا او في مكان ما ينفعش نتخلي عن قيمنا واخلاقنا
اتخلينا عنها
فقدنا ادميتنا
تحياتي للبوست الرائع
اد ايه في انتقاد لحجات كتير بنعملها ومش بنحس بيها

Beram ElMasry يقول...

سيدتي سيدى
السلام عليكم ورحمة الله وبركاته
ان شاء الله يوم الثلاثاء القادم 23 - 9 ساقدم عملا جديدا فى مدونتى ، ارجو من الله ان ينال منكم القبول ، فلا تحرموننى الزيارة والنقد والتوجيه
ولكم كل الاحترام والتقدير

فاروق عادل يقول...

كوشيا انا بلا ك جوست واسف جدا انى بقيت مبزوركيش زى الاول ودة لشان انشغالى فى الدراسة وعلشان عملت مدونة جديدة اتمنى انك تخشى وتشوفيها

kochia يقول...

&&&&&&&&&&&&&&&&&&&&
Unique
======
اشكرك علي بحثك عن معني اسمي او ربما وجدتيه بالصدفة
علي فكرة انا عرفت المعني من شهور بس

واشكرك علي مرورك

تحياتي



&&&&&&&&&&&&&&&&&&&&
محمد محمود يوسف
===========
الحديث ده علي فكرة مطبق جدا هذه الايام
واتذكر كذلك حديث " سياتي زمان علي امتي ينسون خمس ويتذكرون خمس ... " هو الاخر مطبق تمام التطبيق

تحياتي

&&&&&&&&&&&&&&&&&&&&

kochia يقول...

&&&&&&&&&&&&&&&&&&&&
حسن حنفى
=======
اشكرك .. واشكر تفهمك للموضوع

تحياتي



&&&&&&&&&&&&&&&&&&&&
afew good men
============
لا حل سوي العدالة السماوية
ولكن اين عقولنا من تقف ضد تصرفاتنا البالية ؟؟؟

تحياتي

&&&&&&&&&&&&&&&&&&&&

kochia يقول...

&&&&&&&&&&&&&&&&&&&&
وميض ابتسامة
==========
صحيح اوافقك الراي تماما ان هناك نماذج جيدة جدا بل ومثالية
لكن اشعر كثيرا انها قليلة او ضعيفة او الاثنان معا

ومادمنا في الدنيا فلابد من وجود الخير والشر معا ولكن
الا نحاول ان نصلح من انفسنا ولو قليلا
استعداد ليوم الحساب
سقط السهو والخطأ
والعمد ماذا نفعل به ؟؟؟؟

تحياتي

&&&&&&&&&&&&&&&&&&&&
MaGn0liA...
=======
تفسيرك فيه شئ من الواقعية
عاوزين نكسب من الناحيتين
نكون احرار وفي نفس الوقت نكتف غيرنا عشان المجتمع يحترمنا
هل يحترمنا حقا ؟؟؟
وهل نحترم انفسنا من الداخل حقا ؟؟؟

تحياتي

&&&&&&&&&&&&&&&&&&&&

kochia يقول...

&&&&&&&&&&&&&&&&&&&&
قلب مصرى
=====
اشكرك
واشكرك علي المرور

وتحياتي لك


&&&&&&&&&&&&&&&&&&&&
WhItE HeArT
=========
اشكرك
واتمني دوام الاستمتاع بالمدونة

تحياتي

&&&&&&&&&&&&&&&&&&&&

kochia يقول...

&&&&&&&&&&&&&&&&&&&&&&
الطائر الحزين
==========
اشكرك علي ردك ورايك
وانا معاك طبعا في كتير منه
لكن هدفي هو احنا واخلاقنا احنا
وتصرفاتنا احنا
ويمكن اذا اتقينا اكتر تقبل دعوانا اكتر ونعيش احسن
مش كدة ولا ايه

تحياتي


&&&&&&&&&&&&&&&&&&&&&&
onyx
===
اولا اتمني يكون الموضوع عجبك
ثانيا انا كدة مش بلعب في السياسة خالص انا كنت بتكلم عن اخلاق وبضربت مثل بامريكا
هو مجرد ذكر اسمها سياسة ؟؟؟
مهي فعلا عندها الكثير من المكاييل
دي حاجة معروفة
علي العموم اشكرك علي النصيحة جدا
ويارب متطلبش معايا سياسة عشان لو طلبت ...........
ربنا يستر

تحياتي
ومنورني دايما


&&&&&&&&&&&&&&&&&&&&&&

kochia يقول...

&&&&&&&&&&&&&&&&&&&&&&
تسنيم حسين
========
اشكرك علي مرورك
وفعلا عندك حق

تحياتي


&&&&&&&&&&&&&&&&&&&&&&
الفارس الملثم
============
عندك حق طبعا
للاسف ساعات بنعمل كدة واحنا مش حاسين

تحياتي


&&&&&&&&&&&&&&&&&&&&&&

kochia يقول...

&&&&&&&&&&&&&&&&&&&&&&
صاحب المضيفة
========
اشكرك جدا
وفعلا كلها واقعية بكل الاسف

تحياتي


&&&&&&&&&&&&&&&&&&&&&&
حـــــدوتـــــة
============
يارب يكون اللي جاي احسن

تحياتي


&&&&&&&&&&&&&&&&&&&&&&

Unknown يقول...

قلت واجدت بمنتهى سلاسة
نعيب على امريكا والعيب فينا
وللاسف كل الامثلة اللى ذكرتها موجودة
ولا حد يستطيع ان يواجهها بعقلانية
وان قلتها يبقى عيب ازاى تقول الكلام دا عيب انتقاد الاخرين او الكبير او او 000 لكنك بصدق جسدت واقع مؤلم وكلنا تألمنا منه بشكل او بأخر
الكيل بمكيالين
موضوع جميل جدااا
تحياتى

Unknown يقول...

فعلا والله
بس فكرة ان واعقنا بسسب ذنوبنا
ستفتح باب للتراخي وزياده الفساد
وليس كل ما يعلم يقال
:)

Abd-Alrahman يقول...

امريكا لم تصبح المسيطرة ولا القوية
الا بضعفنا
ولو تصبح الكبري الا لصغرنا

دنحن من فعلنا ذلك بانفسنا
بعد ان تخلينا عن عزتنا ومصادر قوتنا

بوست في غاية الجمال

استمتعت بقرائته
يلمس الكثير من جوانب الجقيقة احييكي
عليه
واتمني ان تسعدينا دائما بكل ما هوة جديد
دومتي بخير

الصيدلي المطحون

kochia يقول...

&&&&&&&&&&&&&&&&&&&&&&&
قلب ينبض لله
=========
ايوة فعلا
هو التناقض
انت جبتي السبب

تحياتي



&&&&&&&&&&&&&&&&&&&&&&&
حنين..
====
اشكرك علي مرورك ومشاركتك
لك كل التحية


&&&&&&&&&&&&&&&&&&&&&&&

kochia يقول...

&&&&&&&&&&&&&&&&&&&&&
كاتب مصري
=======
ههههههههه
شميت بس
ده كله صحة

تحياتي



&&&&&&&&&&&&&&&&&&&&&
مدحت محمد
======
الامل شئ اساسي
بس لازم نعمل معاه مش نامل وبس

غفر الله لنا جميعا

تحياتي


&&&&&&&&&&&&&&&&&&&&&

kochia يقول...

&&&&&&&&&&&&&&&&&&&&&&&
micheal
======
كتير بنكون حاسين بنفس الحاجة بس مش بنتكلم
لاننا اخوات في الدم وفي الدين وفي الاخلاق وفي كل حاجة
كلنا محتاجين نقتل امريكا جوانا
كلمة جميلة وبحييك عليها

تحياتي



&&&&&&&&&&&&&&&&&&&&&&&
(احمد سكر )
======
جهزت العيش وناوي تجهز الحلاوة
والله كتر خيرك والحمد لله انا كدة مطمنة

المهم بقي انت علقت علي الحتة بتاعة امريكا ومعلقتش علي جزء اخلاقياتنا المتناقضة
اوعي تكون منهم ؟؟؟؟


&&&&&&&&&&&&&&&&&&&&&&&

kochia يقول...

&&&&&&&&&&&&&&&&&&&&
طالب ثانوى
=======
اهلا بيك اي وقت
واكيد هشوف مدونتك الجديدة
ومبروك مقدما من قبل ما اتفرج

تحياتي


&&&&&&&&&&&&&&&&&&&&
Habiba
=====
من لايملك قوت يومه لا يملك حريته
دي حاجة اكيدة
بالنسبة لامريكا
بس احنا بنعمل كدة في نفسنا ليه ؟؟
منافقين احيانا متناقضين في كثير من الاحيان ؟

تحياتي

&&&&&&&&&&&&&&&&&&&&

kochia يقول...

&&&&&&&&&&&&&&&&&&&&
صباح الصباح
=========
لازم نبدا بنفسنا وبعد كدة نشتكي
عندك حق

تحياتي


&&&&&&&&&&&&&&&&&&&&
كلام على بلاطة
=========
وانت بكل خير

تحياتي


&&&&&&&&&&&&&&&&&&&&

kochia يقول...

&&&&&&&&&&&&&&&&&&&&
هانى زينهم
=======
اشكرك علي رايك ورمروك
والازدواجية موجودة .. والنطر لنفسنا في المراة قبل النظر للاخرين مطلوب

تحياتي


&&&&&&&&&&&&&&&&&&&&
Appyplanet
========
يارب نعمل في يوم ستوب
التوقف ده قدرات

تحياتي


&&&&&&&&&&&&&&&&&&&&

kochia يقول...

&&&&&&&&&&&&&&&&&&&&&&
جمعاوي(لا للنميمة)
============
اشكرك
وانا قصدت السلوك الارادي اللي بنعمله واحنا شايفينه غلب الاحيان

تحياتي


&&&&&&&&&&&&&&&&&&&&&&
Manamino
======
تحياتي
ان شاء الله هزورك
واشكرك علي المرور

تحياتي


&&&&&&&&&&&&&&&&&&&&&&

kochia يقول...

&&&&&&&&&&&&&&&&&&&&&
طارق
===
العيب علي امريكا ممكن عشان هي كبيرة
ولما نبقي كبار برده ونعمل كدة يبقي العيب علينا
العيب علي الكبير وعلي الل فاهم وعلي اللي ذكي
الا اذا مكنش فينا اي حاجة من دول
ساعتها نبقي معذورين

تحياتي



&&&&&&&&&&&&&&&&&&&&&
حنين القلب
=======
العيب في رايي اننا نظلم بعض
بس

تحياتي



&&&&&&&&&&&&&&&&&&&&&

kochia يقول...

&&&&&&&&&&&&&&&&&&&&&
كيارا
===
ايوة احنا اللي بنعمل كدة في نفسنا

تحياتي


&&&&&&&&&&&&&&&&&&&&&
maha zein
========
عندك حق في كل اللي قولتيه
امريكا لها حق ولها عذر
لكن احنا ليه ؟؟؟

تحياتي


&&&&&&&&&&&&&&&&&&&&&

kochia يقول...

&&&&&&&&&&&&&&&&&&&&
Beram ElMasry
==========
مرحبا بك دائما
تحياتي


&&&&&&&&&&&&&&&&&&&&
نهر الحب
=======
اشكرك علي مرورك
وفعلا للاسف حاجات موجودة حوالينا

تحياتي

&&&&&&&&&&&&&&&&&&&&

kochia يقول...

&&&&&&&&&&&&&&&&&&&
أنا إنسان
=======
او ممكن يفتح باب اننا نقاوم نفسنا ونصلح حالنا

تحياتي


&&&&&&&&&&&&&&&&&&&
Abd-Alrahman
=========
اشكرك دائما علي رايك
وعلي مرورك

تحياتي

&&&&&&&&&&&&&&&&&&&

مـجـنـووون يقول...

بجد أنا مستغرب من التليقات علي الموضوع ده كله بيقول عندها حق ممكن اسال الناس إلي علقت عندها حق في أيه ؟
حتي التعليقات فيها مجاملات

أولا: عنوان الموضوع مش حلو خالص ال نعم أمريكا ال أنتي عرفه أمريكا بتعمل ايه فينا وفي أهلنا في العراق وافغنستان وعرفه قد أيه بيكرهوا الإسلام والمسلمين يبقي مفيش حاجه اسمها نعم أمريكا
المفروض تقولي لا للأمريكا الي بتقتل أهلنا وبتمص دمنا وبتبوظ شبابنا


ثانيا : الحاجات إلي قولتيها كلها سلبيات وممكن تتصلح ، بس أنتي ممكن ترجعي وأحد موتته أمريكا مرة تانيه ؟؟

ثاثيا: انتي بتقولي أن أحنا بنكيل بمكلين زيهم ، ايوه في ناس بتكيل بمكيلين بس مش بتموت ناس تانيه وبرده في ناس كويسه مش بتكيل بمكيلين ، أم بالنسبه للأمريكان فهم بيكيلوا بمكيلين فبيموتوا الناس علشان مصحلتهم وبس ، شوفي كام واحد مات في افغانسات وكام واحد في العراق وكام واحد في الصومال وكا م .... الخ

والحديث إلي قاله الرسول عليه الصلاة والسلام
( لزوال الدنيا أهون على الله من قتل مؤمن بغير حق ولو أن أهل سماواته وأهل أرضه اشتركوا في دم مؤمن لأدخلهم الله النار )
يعني من الأخر طظ في امريكا وطظ في العالم كله ولا واحد مسلم يموت ،
أنتي بتتكلمي علي الرفاهية والأكل والشرب والراحه النفسيه ، وسيبه أهلك وأخواتك يموتوا

رابعا : أنتي نهيتي كلامك بـ
واذكر قول الرسول الكريم صلي الله عليه وسلم "كيفما تكونوا ... يولي عليكم " -- صدقت يا رسول الله
يعني العيب مش في إلي بيحكمنا العيب فينا أحنا ، لو أحنا رفعنا صوتنا وقلنا لا للأمركة ، لو أحنا رفعنا صوتنا وقولنا لا للواسطة والكوسه ، لو أحنا رفعنا صوتنا وقولنا لا للتميز بين الرجل والمرأة ...... ألخ
الدنيا حتتغير بينا

وأمريكا دي عدوتنا مش علشان هي دولة عظمة ولكن علشان بتمص في دمنا وبتقتل أخوتنا واهلنا

والبلد دي بلدنا والناس إلي بتموت في فلسطين والعراق وأفغانستا أهلنا وإلي مش عجبه يسبنا ويبعد عنا

ملحوظة
أنا بمضي بأسم مجنون يعني لو زعلتي اأبقي التمسي لي العذر وقولي معلش أصله مجنون

تقبلي جنوووني
مجنووون

kochia يقول...

&&&&&&&&&&&&&&&&&&&&&&&&
مـجـنـووون
========

لا مزعلتش من تعليقك خالص .. بالعكس
لان رايي ان التعليقات الافضل هي التعليقات الناقدة وانا بحب النقد
وكونك مجنون او عاقل ده شئ لن يؤثر معايا اللي هيؤثر هو كلامك نفسه حتي لو عليه شعار المستشفي
" مستشفي المجانين طبعا "
اسمحلي بقي ارد عليك
• اولا الموضوع اسمه كلنا امريكا مش نعم امريكا .. انت لم تقرأ العنوان كويس

• ثانيا اعتقد ان المعلقين قالوا عندها حق لانهم شايفين اننا بنعمل سلوك اجتماعي متناقض في حياتنا وهو اننا بنكيل بمكيالين او بالعربي كدة منافقين واعتقد دي حاجة لا انا ولا انت نحبها تبقي موجودة فينا او في اهالينا او في صحابنا او في اي حد نعرفه وبالتاكيد لا نحب ان يكون موجود فينا كمسلمين

• انا شايفة كمان اني قلت سلبيات باعترافك .. اه ممكن تتصلح .. طيب مش بتتصلح ليه .. اقولك ليه ؟؟؟ لاننا مشغولين بالاخر وننتقد الاخر قبل ما ننشغل بنفسنا وبعيوبنا .. نري انفسنا ملائكة الله في الارض .. يكفي اننا مسلمون ؟؟ الحمد لله علي نعمة الاسلام وكفي بها نعمة .. ولكن لا .. لا يكفي اننا مسلمون .. اين اخلاق وتعاليم الاسلام من تصرفاتنا ؟؟ اذن فلنعالج سلبياتنا وننظر في مراتنا الداخلية ونري بشاعة ما نحن عليه من نفاق وحقد ووساطة وعدم رحمة ورياء قبل ان ننقد الاخرين .. او علي الاقل فلنحاول .. ولكن ما اره اننا لا نحاول بما يكفي

• اري كذلك انك نظرت للموضوع من وجهة نظر ضيقة واستفزك فيه فقط العنوان " الذي قراته خطأ " لان امريكا ان كانت كيان كامل متكامل .. دولة عظمي من عشرات السنين تتحكم في دول العالم بحكم قوتها ونفوذها واموالها بها مئات التفاصيل بل ربما الاف التفاصيل .. وانا قد اخذت مجرد ملمح من تلك الملامح التي نرفضها وقارنته بنا كمسلمين نعترض علي شئ تفعله .. من حقنا الاعتراض علي امريكا .. والاولي ان نعترض فيما بيننا علي صفاتنا السيئة , ولنقوم انفسنا قبل ان يقيمنا ويقومنا الاخرون

• اما بالنسبة لسلوك امريكا مع العالم .. والعالم الاسلامي , اعترض عليه بالتاكيد مثلك تماما .. وارفض اي سلوك غير اخلاقي او عادل مع اي احد كان, وكلنا هذا الرجل يا صديقي

• اما الجزء الاخير .. انا اري اننا ومن يحكمنا مصريون , واذا كان العيب فيهم , ففينا نفس العيب , واذا كان العيب فينا ففيهم نفس العيب
فكر جيدا .. وادعوك لقراءة الموضوع مرة ثانية

• وانا اذا كنت بمقال مثل هذا سوف الفت نظر شخص ما لسلوك غير جيد يقوم به وغيره بعد قراءته للموضوع وتغير حاله للافضل فهذا يكفيني

مرحبا بك دائما

تحياتي
&&&&&&&&&&&&&&&&&&&&&&&

مـجـنـووون يقول...

أولا :أنا تناولت الموضوع من وجهة نظر أن أحنا مسلمين وأنهم جبرين في الأرض ، يتحكمون بأرزاق الناس وبطريقة معيشتهم ويقتلون الأطفال والشيوخ والنساء ، ودي طبعا ليسة من شيم المسلمين وعلشان كده مينفعش نقول يا رتني زيهم لو قولنا كده يبقي مفيش أنتماء للبلد دي

ثانيا : أحنا ليه نقلل من قيمتنا بين الناس ، والا انتي بتحسبي أن إلي في أمريكا هناك ملائكة مش بيغلطوا ومعندهمش ( نفاق وحقد ووساطة وعدم رحمة ورياء ) زي ما أنتي بتقولي

ثالثا : ليه تنظري للبلد من هذا المنظار الضيق المتشائم الذي لا يري أي تغير ولا أي نور في المستقبل
ليه متضربيش أمثله تحفز الشباب وتشحز الهمم . ليه بنغلط في البلد دي
ليه بنقول عليها كده ، زي ما في الحلو فيه الوحش

رابعا: هي البلد دي مفهاش ايجابيات خالص ، كلها سلبيات

خامسا : أنتي بتقولي أن أحنا مشغولين بالأخر . الناس دلوقتي مش مشغوله بامريكا الناس دلوقتي مشغوله بالبلدي دي وإلي بيحصل فيها

وبعدين أنتي أخدتي تعليقي علي محمل شخصي وقولتي كلمتين في الأخر ملهمش لازمه خالص ، وليه أسلوب التجريح والتلاعب بالألفاظ

عموما
أختلاف الرائي لا يفسد للود قضيه

سؤال: هو شعار مستشفي المجانين شكله ايه ؟؟؟ (حتي لو عليه شعار المستشفي
) بما أنك أثرتي الموضوع ده

وأسعدني حضوري إلي مدونتك الجميله

تقبلي مروري
مجنووون

kochia يقول...

&&&&&&&&&&&&&&&&&&&&&&&&&&&
مـجـنـووون
=========

يبدو انك برده فهمت غلط .. او قريت بسرعة ومقريتش اللي بين السطور
انا مقلتش ياريتنا زيهم خالص
كمان لم اتحدث عن اخلاق الامريكين انا تكلمت عن سياسة دول في تعاملها مع الاضعف
اما عن الايجابيات والسلبيات دي وجهات نظر

والاخر اللي اقصدة هو احنا مش امريكا .. لاننا بنظر لعيوب جار او اخ او اي حد قبل النظر لعيوبنا
وانت حصرت تفكيرك بامريكا مع ملاحظة ان مش هي هدفي من الموضوع خالص وعشان كدة بقوللك انك اما تسرعت في القراية او قريت ومفهمتش قصدي
اما الشئ الاخير والذي جعلني ارد عليك دلوقتي مع اني شايفة ان تعليقي السابق كاف جدا للتوضيح موضوع شعار مستشفي المجانين سببه انكي فتحت مدونتك ولقيتك كاتب للتعليق نورت مستشفي المجانين
ودي كانت دعابة

تحياتي

&&&&&&&&&&&&&&&&&&&&&&

مـجـنـووون يقول...

سؤال بسيط أيه هي فكرة المقال عايزه تقولي أيه
معلش أصل فهمي علي قدي

ملحوظة : لما يجي حد يوجه ليكي النقد لازم تردي علي استفسارته وتفندي الموضوع علشان يبقي ردك مقنع وأنتي مردتيش علي العناصر إلي أنا كتبها خالص

علي العموم حصل خير


تقبلي مروري
مجنووون

Dr. Ibrahim يقول...

الحل هو أن أمريكا ليست أمريكا إلا بنا نحن نحن من صنع أمريكا بتخاذلنا وضياع نخوتنا وعروبتنا والتخلى عن تعاليم إسلامنا

وحسبنا اله ونعم الوكيل

د/هيما

kochia يقول...

&&&&&&&&&&&&&&&&&&&&&&
مـجـنـووون
========
سيدي الفاضل
انت نتقدت وانا رديت .. وكون ردي لم يقنعك ده شئ ليس لي يد به .. وفكرة المقال في المقال ولو قلت هنا تاني فكرة المقال يبقي هعيد كتابة المقال
حاجة مش منطقية .. مش كدة

ومرحبا بك دائما

تحياتي



&&&&&&&&&&&&&&&&&&&&&&&&
Dr- Hema
======
مرحبا بك
امريكا هي امريكا وتعلم نفسها جيدا
ولكن نحن .. هل نفهم ونعلم انفسنا بنفس الجودة ؟؟

تحياتي

&&&&&&&&&&&&&&&&&&&&&&&&

مـجـنـووون يقول...

أختلاف الأراء لا يفسد للود قضية

أسعدني محاورتك سيدتي الفاضله

تقبلي مروري
مجنووون

غير معرف يقول...

البلوج بتاعتك مفيدة اوى

ميرسى عليها و على البوست دا كمان

وميرسى اكتر انك زوتى البلوج بتاعتى

وكل سنة وانتى طيبة

ورمضان كريم

حسن ارابيسك يقول...

الحقيقة طالعت المجموعة كلها وأعجبني كل المواضيع التي طرحت لجديتها أخص منهم الصياد واللؤلؤة وأيها العالم رفقا أضحكتني كثيراً في بعض المواقف التي تستفز أي كائن من هذا المخلوق
وتدوينتك الأخيرة بخصوص ماما أمريكا بالطبع لكي كل الحق فلا أحد يختلف معك على هذا ولكنها سيدتي دورة الحياة في رفع ممالك وخسف ممالك
تحياتي واحترامي لكل مادونتيه
تحياتي
حسن أرابيسك

اهو ده عيبه يقول...

ازيك
والله انتى عندك حق فى كل اللى قولتيه بس الفكرة اننا مش بناخد بالنا اننا بنعمل كده وبنركز على تصرفات غيرنا وبس

يارب نقدر نغير من نفسنا الاول علشان نقدر نغير النظرة لنا

كل سنة وانتى طيبة

عبده الرايق يقول...

هى بقت ماما امريكا وبس
نو
نو
نو
دى بقت ماما وبابا وانور وجدى كمااااااااااااااااااان
تحياتى ليكى يا كوشيا ولبوستك المميز
كل عيد فطر وانتى بخير

prince4ever يقول...

اول زياره ليا يا كوشيا
عجبتني مدونتك و عجبني طريقة تفكيرك
طبعا صح كلامك و لو مكناش احنا ضعاف مكنتش امريكا هتبقى قويه
عجبني طبعا الامثله اللي ضربتيها في الاخر واللي بتنم عن متابعه و فكر تمام
تحياتي
رامي...

Eman Eltaher يقول...

بجد انتى جيبتى أمثلة فعلا اى بنآدم ممكن يشوفها او يشوف بعضها ف حياته

موضوع ف غاية الأهمية

بحييكى عليه

تقبلى مرورى و زيارتى الأولى

kochia يقول...

&&&&&&&&&&&&&&&&&&
مـجـنـووون
========
مرحبا بك دائما

تحياتي


&&&&&&&&&&&&&&&&&&
StEEl BeaUtY
=========
اشكرك ومرحبا بك دائما

تحياتي

&&&&&&&&&&&&&&&&&&

kochia يقول...

&&&&&&&&&&&&&&&&&&&&&&&&&
حسن ارابيسك
========
اشكرك جدا
واتمني متابعتك دائما واتشرف بالاستماع لرايك

تحياتي



&&&&&&&&&&&&&&&&&&&&&&&&&
اهو ده عيبه
========
عندك حق
يارب نعرف نغير نفسنا قبل ما نشوف غيرنا

اهلا بيكي
تحياتي

&&&&&&&&&&&&&&&&&&&&&&&&&

kochia يقول...

&&&&&&&&&&&&&&&&&&&&&
عبده الرايق
=========
ابن بلدي العزيز عبده
والله لك وحشة
ولك حلوة كمان عشان متزعلش
منور

واشكرك علي رايك
كل سنة وانت طيب

تحياتي


&&&&&&&&&&&&&&&&&&&&&&&
prince4ever
========
اشكرك علي رايك
واتمني متابعتك الدائمة


تحياتي


&&&&&&&&&&&&&&&&&&&&&&&

kochia يقول...

&&&&&&&&&&&&&&&&&&
Eman Eltaher
=======
اهلا بيك واتمني انها لا تكون الزيارة الاخيرة
مرحبا دائما

تحياتي

&&&&&&&&&&&&&&&&&&

Dr Ahmed Said@Black Armor يقول...

والله فعلا كلنا امريكا
البوست جميل وفتح عنينا على حاجات كتير
دمتى بخير وكل سنة وانتى طيبة
وعيد سعيد
سعدت بمرورى جدا

kochia يقول...

&&&&&&&&&&&&&&&&&&&&&&&&&&
Beram ElMasry
&&&&&&&&&
وانت بكل خير ان شاء الله
واشكرك علي مرورك

تحياتي

&&&&&&&&&&&&&&&&&&&&&&&&&&&

kochia يقول...

&&&&&&&&&&&&&&&&&&&&&&&&
Dr.A.S. black armor
&&&&&&&&&&&&&&
اشكرك جدا علي رايك ومرورك
ويارب نستفيد من اي حاجة

تحياتي

&&&&&&&&&&&&&&&&&&&&&&&

ربع ضارب يقول...

معاكى فعلا حق فى مسالة الكيل بمكيالين دى انا فعلا لما الحاجة تكون لينا او احنا اللى بنعاملها تبقى حلوة ونخلق لنفسنا ميت عذر وعذر انما لو لقينا حد تانى هو اللى بيعاملها يبقى شيطان رجيم ويستحق القتل والكلام ده والله بوجه لنفسى قبل اى حد لانى بردوا ساعات بكيل بمكيالين واضح انه بقى طبع فينا بس ضرورى ويا رب نقدر نغيره

kochia يقول...

ربع ضارب

صح بقي طبع فينا للاسف
لحد ما بقينا وحشين

تحياتي