الأحد، سبتمبر 07، 2008

ايها العالم ... رفقــــــا

قبلته علي مضض

فهي قد وصل بها السن الي مشارف الثلاثين

ونظرات الاخرين بدأت ان تتحول نحوها بتساؤل وشفقة .. وقد تكون تشفي

-----

(( هي بتتامر علي ايه ؟))

(( هي مش جميلة يعني عشان تتامر كدة ؟))

(( هي يعني بنت مين ))

(( خليها كدة ترفض العرسان لحد ما تتادب وتعنس ))

------

من علم منهم انها قد رفضت من تتحمل الحياة معه ..

لقد كانت احلامها اصغر الاحلام .. وابسط االاحلام

بيت صغير .. وزوج حنون عطوف .. كلمة طيبة .. وامان وثقة من الايام

-----

وقبلته رغم ذلك

رغم انه لم يكون يمثل عشر احلامها في فارس الاحلام

لقد انتهي زمن الفوارس .. وهي تعلم ذلك

===

فليكن رجلا والسلام .. امين عليها حتي لو اختلف الفكر

وحتي لو اختلفت الطباع

===

فلتعش وتتزوجه .. وتتخلص من تلك النظرات النارية الموجهة اليها

من الاقارب قبل الاغراب

من الخالات والعمات

من الجيران

من زملاء العمل

====

تشعر بهذه النظرات تخترق ظهرها وتكاد تسمع ما يقال عندما تقوم من المجلس

===

لم يشفع لها انها متعلمة وترجو متعلما مثلها

لم يشفع لها عندهم ان هناك ملايين في مثل سنها ولم يتزوجوا بعد

لم يشفع لها انها فتاة وانما هي تقبل او ترفض فقط ما يعرض عليها

===

لم ينظر ايا منهم الي مراته ليري نفسه قبل ان يتمعن في الاخرين ويحاسبهم

لم يشفع لها عندهم ان نصيب الله المقدر منذ الازل فوق كل ارادة

===

اذن فلتقبله والسلام

===

امها هي الاخري لا تستريح له

ولكنها كما قال المثل عينا في الجنة وعينا في النار

تريد ان تري ابنتها الوحيدة مستقة بمنزل وزوج وابناء

==

وقالت تقنع ابنتها ..

((انه علي الاقل يعمل مهنة شريفة ))

((ويملك ما يصرف به علي منزلا بشكل فوق المتوسط ..))

فهو مهندس في شركة محترمة

وظل راجل ولا ظل حيطة

===

وافقت رغم انها لم تقبل له حديثا ..

ولم تسترح لنظراته الثاقبة الجريئة عندما شاهدها اول مرة

===

وتم الاتفاق مع ابيها والذي كان هو الاخر يرجو ان يري ابنته متزوجة

فتهاون في حقها وطلباتها المشروعة دينا وعرفا ..

وعرض مساهمة في الشقة وتجهيزها

ومساهمة في الاثاث حتي ما علي العريس

ومساهمة في حفل الزفاف

ومساهمة في الشبكة !!!

---

انه يريد ان يراها سعيدة في منزل جميل

فهي ابنته الوحيدة

---

يبدو ان هذا المهندس شعر برغبة امها وابيها في الفرحة بزواج ابنتهما

لذلك تمدد داخل نفسه وتعاظم وقرر ان يتزوج هو الاخر باقل الخسائر
---

يبدو انها بالنسبة له خسائر مادية

--

كان يحرص علي الرن لها يوميا من هاتفه المحمول

( الرن فقط )

حتي يعلمها انها متذكرها

---

حدد لها ميزانية سوف يساهم بها في الشبكة الا وهي ثمن الدبلة ومحبسها فقط ..

ولا يجب ان تزيد عن 400 جنيه

---

وذهبت الفتاة وامها الي محل الصاغة صباحا

كي تتفق مع الصائغ انه لو زاد الثمن عن 400 جنيه لا يخبر العريس

وهو سوف يدفعون له الباقي لاحقا

كي لا تحرج الباشمهندس ولا تحرج نفسها

---

ولكنه عرفانا بقناعتها عند الجواهرجي اخرج من جيبه 25 جنيه قائلا لها :

"انتي بنت حلال .. انا هزود الشبكة 25 جنيه وهيبقوا 425 .. يللا"!!!!

---

كما حرص علي الركض كي يلحق بكرسي في الميكروباص

وهم متوجهون الي شقته ليروها

وهو يهتف بها وبامها (( اجــــري .. اجـــــري ..))

ولو اختار ان يركب تاكسي فسيدفع له 3 جنيه !!

----

ورغم انهم رأوا بعض عيوبة القوية كالبخل والعند

الا انهم حاولوا اكمال المسيرة

لعله خيرا

---

ولكنها كانت تزادا اسي يوما بعد يوم ..

وبعدا في الفكر عنه كل لحظة

---

حتي جاء اليوم

الذي اراد زيارة خطيبته المرجوة فيه

دخل عليها كما يدخل اي خطيب علي خطيبته بهدية او زيارة

وهي

(( 2 علبة عصير جهينة بشفاطة من ام جنيه وربع ))

وقال لها

(( واحدة ليكي .. وواحدة لبابا .. اشربوها لما اروح ))

وكان يعلم ان امها مسافرة ذلك اليوم

----

ولكنه عندما فوجي بشخص اخر في المنزل يبدو انه خجل وتضايق مما احضره

لذلك قال لها ..

((امممممممممم .. اعمل ايه دلوقتي .. مش كنتي تقولي ان اخوكي عندكوا كنت جبت له واحدة ))

وعندما نظرت له بتعجب..

ابتسم وقال :

((طيب معايا شوية لب ))

((خدي اديهمله .............))

(( سبحان الله .. ومعايا كمان واحدة مندولين .. اخوكي حظه كويس ))

---

وهكذا كانت القاضية

لن تجازف بعمرها كله في رفقة هذا الشخص

----

وقررت الفتاة وهي دامعة العينين

((مخدوش يا بابا))

----

وقد كـــــان

هناك 97 تعليقًا:

مدحت محمد يقول...

اول تعليق


كل سنة وانتى طيبة الاول

مدحت محمد يقول...

مية مية

هى كدة عملت الصح

حسن حنفى يقول...

اللي هي عملته ده الصح

بس المفرلاوض كانت تعمله من الاول

وربنا معاها في نظرات الناس بس هي مش

تهتم باي حاجه لان ده مستقبلها هي مش

مستقبل الناس

kochia يقول...

=-=-=-=-=-=-=-=-=-=-=
مدحت محمد
=======
اهلا مدحت .. كل سنة وانت طيب
اكيد عملت الصح
وكانت هتوصل للنتيجة دي لازم سواء طال الوقت ام قصر
بس ساعات المجتمع والظروف بتغط علي البعض انه يعمل حاجة مش عاوز يعملها
لكن في النهاية بما انه هيشرب لوحده يبقي لازم يقرر لوحده
ودي كانت نصيحتي ليها
نورتني
تحياتي

=-=-=-=-=-=-=-=-=-=-=

kochia يقول...

=-=-=-=-=-=-=-=-=-=-=
حسن حنفى
=======
كان مفروض من الاول ايوة
بس ساعات الواحد بيغالط نفسه
بالذات لو لقيت كل اللي حواليك بيقولك كلام غير رغبتك
في لحظة ممكن تشك في نفسك
بس في النهاية
لا يصح الا الصحيح
اهلا بيك دايما
تحياتي

=-=-=-=-=-=-=-=-=-=-=

Dina يقول...

صباح الخير اولا
و كل سنة و انتى طيبة
الموضوع مهم جدا و مشكلة بتعانى منها الكثيرات و فى الغلب بتكون مشكلة مجتمع ومحيط بيفشل انه يستوعب الاحتياجات النفسية و القناعات الخاصة بالفتاه التى قد يتعدى سنها ال 30 دون تحقيق حلمها بالارتاط بشريك حياه متفهم و مثقف و واعى و بالتالى يجبر بعضهم على اللحاق بآخر عربة قطار قبل ان يترك المحطة و تنتهى رحلة السفر فى النهاية بالفشل لتكتشف ان وحدتها اهون و اكرم من سوء الاختيار و فشل الحياه
تحياتى

أحمد فاروق الشاذلى يقول...

أحسنت

وهى كمان أحسنت

يسعدنى تبادل الروابط

جو أهيد

Lobna Ahmed Nour يقول...

حكاية بتتكرر كتير .. سيناريوهات متشابهة كإن ما حدش بيتعلم من غيره
الفارق ان بطلة قصتك كانت اوفر حظا ونجت من الكارثة

كل سنة وانتي طيبة رمضان كريم

نـــــور يقول...

ياربى
"انتي بنت حلال .. انا هزود الشبكة 25 جنيه وهيبقوا 425 .. يللا"!!!!

ايه الكرم ده
؟؟
تصدقى مشكله فعلا
بس هى كانت نظرتها بعيده
فى ناس بقى مش بتحسبها كده
بتحسبها بنظرة تحت رجليها فتخسر حارا ومستقبلها

تحياتى ياجميل

كيكى عوووووو يقول...

عوووووووووووووووووووووو انا جيت اتخديتى
............................
لييييييييييييييييييييية
وانتى بعد دة كلوا عايزها تخدوا
!
!
تصدقى بالله انك خلتنى احس احساسها وحسيت بالقهر والظلم
والكبت وانى هجوزة علشانهم مش علشانى
؟
النهااااااااااية
رائعة انا كنت فى الاخر فاكرها قصة تقلدية وهتجوزة فى الاخررررررر
!
!
بجد
بجد
ابدعتىىىىىىىىىىىىى
يا حبيتى....
المهم
هاااااااااتى عنوانة وانى اظبتهولك
!
كل سنة وانتى طيبة ياعسسسسسسسسسل
امواااااااةة
عووووووووووووووووووووووو

كيكى عوووووو يقول...

رفقا
رفقا
رفقا
بحالنا
ارجوكم
!
!
عووووووووووووووووووووو

غير معرف يقول...

كوشيا الموضوع مش مسلي ولا حكاية بنقولها

انا عايز اكتب تعليق كبير حخلص شغل وحاكتب راي

ايها العالم رفقا

تحياتي علي الواقع المر

راجع تاني

kochia يقول...

=-=-=-=-=-=-=-=-=-=-=
Daian
====
صباح النور
وانت طيبة وبكل خير
هي فعلا مشكلة مجتمع ومشكلة نفسية كمان
الرغبة في الاسرة ده شئ فطري
والبنت في النهاية عاوزة يبقي ليها بيت وليها اطفال
وقبل ما المجتمع يدفعها للحاق باخر عربة هي ساعات اللي بتدفع نفسها
لكن في النهاية
لا يصح الا الصحيح
ومينفعش حد يدفن نفسه حيا
لازم يكون هناك حد اقصي للتنازل
ودي دعوتي في الموضوع ده
حد اقصي للتنازل بعده مينفعش
نورتيني
تحياتي

=-=-=-=-=-=-=-=-=-=-=

kochia يقول...

=-=-=-=-=-=-=-=-=-=-=
المسرحجى
======
اهلا بيك
وفعلا احسنت الحمد لله
تحياتي

=-=-=-=-=-=-=-=-=-=-=

kochia يقول...

=-=-=-=-=-=-=-=-=-=-=
Unique
=====
هي كانت اوفر حظا فعلا لانها اخدت القرار في الوقت المناسب
كل سنة وانت بكل خير
تحياتي

=-=-=-=-=-=-=-=-=-=-=

kochia يقول...

=-=-=-=-=-=-=-=-=-=-=
Habiba
=====
كرم كرم كرم
والله البنت يومها جالها ذهول
بس يمكن برده الحركة دي ساعدتها انها تاخد القرار
هي مشكلة
وبنقابلها كتير
ربنا يكرم الجميع
تحياتي

=-=-=-=-=-=-=-=-=-=-=

kochia يقول...

=-=-=-=-=-=-=-=-=-=-=
كيكى
===
ازاي تاخده بعد كل ده
انا مقلتش تفاصيل
انا قلت نبذة
دي كان هيجيلها ضغط
ربنا سترها معاها الحمد لله
ومكنش ينفع تتجوزه
وعلي العموم هو اتظبط دلوقتي
اتجوز واحدة طلعت عليه القطط كلها وجاب لها النجوم
طبعا وبما انه بخيل ده شئ يؤلمه
بس جاب غصب عنه
تحياتي

=-=-=-=-=-=-=-=-=-=-=

kochia يقول...

=-=-=-=-=-=-=-=-=-=-=
afew good men
============
هو مش مسلي ولا يضحك
دي ماساة
وانا عشتها مع صاحبة القصة وحسيت بيها عايزة توافق عشان المجتمع ومكنتش فرحانة ابدا زي اي بنت بل كانت بتبكي
لكن في النهاية مقدرتش تكمل
وده لحسن حظها
انا مستنية ردك وتعليقك علي الموضوع
تحياتي

=-=-=-=-=-=-=-=-=-=-=

غير معرف يقول...

كوشيا

هي فعلا مش لازم تتامر

ولا هو كمان

هما لو فكروا انهم خلاص حيكونوا جزء واحد وفتحوا قلوبهم لبعض كان الموضوع انتهي وقدروا يكملو

وبعدين انا شايف ان البخل دلوقتي اهم من الاسراف


يعني بعتبره ادخار او حتي

استثمار

ضل راجل ولا ضل حيطه
احيانا الحيطة بضلل احسن من مية راجل

صفات فارس الاحلام في دنيا الاحلام عزيزتي

في الواقع تلك الصفات احلام لا تتحقق

لو اختلف الفكر ليست المشكلة ولو اختلفت الطباع ليست المشكلة

هناك قاعدة اتعامل بها دائما في حياتي

انني اجد سببا دائما لاتعامل مع متخلفي البشر

ومن بهم عيوب

دائما في كل انسان صفة تجعلني اتواصل معه

تصل لدرجة انه مسلم يرد السلام

واتكيف معه

احيانا تتطلب منا الحياة تلك النظرية حتي لانكون ممن ينظرون اليهم بعطف او شفقة

او حتي ينظرون الينا بشك يحوم حول سوء النية وعدم الشرف

وفي النهاية

انها اقدار سيدتي

مهما كانت اختياراتك فهي مكتوبة مقدرة لا تحتاج كل هذا العناء


التعليم ليس مقياس المعاملة احيانا تكون اجمل بكثير


وفي النهاية كلمة شافية كافيه

ايها العالم رفقا

ارفع القبعة

احساسي لاتكفيه كل المدونات لاتكلم عن ايها العالم رفقا بنا

في كل شيء

محمد عبد الغفار يقول...

اتاخرت اوى فى اتخاذ القرار

Unknown يقول...

علي فكره هي كان المفروض متستناش بس قد إيه بعد ده كله أكيد اتعلمت انها متستناش بعد كده

بجد القصه رائعه جدا

أبدعت

ياسمين

Mohamed Dawod يقول...

انا قعدت اقرا التعليقات وردودك عليها علشان اعرف القصه دى واقعيه ولا من خيالك. لو كانت القصه من خيالك كنت حقول ايه يا بنتى الخيال العلمى الغير موجود فى الحياه ده. انما صدمتى ان وضح من تعليقاتك ان القصه حقيقيه. هو فى كده؟ 400 جنيه ايه واتنين عصير ايه؟ هم جابوه من اى متحف ده؟ وجهة نظرى ان القرار اتأخر كتير. خالص تحياتى وشكرا

الفارس الملثم يقول...

يعني الراجل ايعمل ايه بعد كده , جايب علبتين عصير بالشفاطات بتاعتهم , تعرفي لو مكنش جاب الشفاطات كنت قلت عليه بخيل ههههههههه

طبعا هي تصرفت التصرف الاصح , فمحاولتها التخلص من لقب عانس التي تحسه في نظرات الاخرين قد يجعلها تحمل لقب مطلقه كتب عليها التعاسه ونظرات الاخرين ايضا ساعتها لن ترحمها

تحياتي دائما

Unknown يقول...

طبعا متخدوش ده راجل ده معلش في الكلمة ده عرة جدا ورق هو ده كلام حقيقي معقول في بني آدم كده رخيص قوي وبخيل جدا..ربنا يكفينا الشر ويعافينا ياااااه ايه الناس دي بيئة خالص
حسيت بوجع وانا بقرا الحكاية بس الحمد لله انها مأخدتوش..
كل ودي

kochia يقول...

=-=-==-=-=-=-=-=-=-=
afew good men
===========
لو فكروا انهم يكونوا جزء واحد
لكن مفكروش
لانه ساعات بيكون الشخص عنده قناعات ولازم يطبقها
وانا مش عارفة انت بتهزر ولا بتتكلم جد
البخل ذميمة كالاسراف تمام مقدرش اقول حاجة منهم احسن من حاجة
التعليم اه مش مقياس لمنه اعتبار من الاعتبارات اللي المفروض تؤخذ في الحسبان
والمشكلة في النهاية مش فيها ومش فيه
لان هم جربوا ومنفعوش وخلاص
المشكلة في العالم اللي بيحكم من غير فهم
لو نسيب كل واحد في حاله نرتاح
تحياتي

=-=-=-=-=-=-=-=-=-=-=

kochia يقول...

=-=-=-=-=-=-=-=-=-=-=
محمد عبد الغفار
===========
ان تصل متاخرا خيرا من الا تصل علي الاطلاق

تحياتي

=-=-=-=-=-=-=-=-=-=-=

kochia يقول...

=-=-=-=-=-=-=-=-=-=-=
عاقلة علي ارض الجنون
================
اكيد اتعلمت
وعلي فكرة دي حقيقة 100%
تخياتي

=-=-=-=-=-=-=-=-=-=-=

kochia يقول...

=-=-=-=-=-=-=-=-=-=-=
Mohamed Dawod
===========
اه والله حقيقية للاسف
وانسان موجود مش ممكن يكون مفيش غيره في الدنيا
اكيد فيه منه اتنين تلاتة كدة
القرار اتاخر فعلا
بس الظروف المحيطة كانت ضاغطة شوية
المهم انها وصلت
تحياتي

=-=-=-=-=-=-=-=-=-=-=

kochia يقول...

=-=-=-=-=-=-=-=-=-=-=
الفارس الملثم
=========
طبعا اهم حاجة الشفاطات
ويمكن مكنتش هتحمل لقب مطلقة لكن اكيد كانت هتبقي تعيسة طول عمرها
الحمد لله انها قدرت تاخد قرار
تحياتي

=-=-=-=-=-=-=-=-=-=-=

kochia يقول...

=-=-=-=-=-=-=-=-=-=-=
كاتب مصري
=========
الحمد لله جت سليمة
ايوة في ناس كدة
ربنا يعفينا منهم
تحياتي

=-=-=-=-=-=-=-=-=-=-=

غير معرف يقول...

باحترم البنت اللى مش بيهمها اتاخرت ولا لا
المهم انها تنتظر حتى ياتيها من يقدرها ويحترمها
مهما طال الانتظار
لان فيه نس ارتضوا بازواج مثل هذا الشخص
ويشعرون ان معتقل ابو غريب ارحم كتير
من حياتهم
احيك بشدة لعرض هذه المشكله

حـــــدوتـــــة يقول...

السلام عليكم

انتى عندك حق احنا لازم نغير نظرتنا للبنت اللى اتأخرت فى الجواز
لان ده شىء مش بأديها وده نصيب بتاع ربنا
اما موضوع الباشمهندس ده فهى اتصرفت صح

سلالالالالالالالالالالالالالالالالالالالالالالالام

blue-wave يقول...

يااااااااااااااة
ابكتنى القصه
ابكانى اضطرارها للموافقه اول الأمر
ابكانى نظرة المجتمع اللتى لا ترحم
ابكانى اصرارة على استغلالها
ابكانى موقف الأب والأم وخوفهما على ابنتهما
بالفعل ابكيتينى

مـجـنـووون يقول...

والله النساء مظلومين قوي في المجتمع بالنسبه لموضوع لما تكبر في السن ونظرة العالم ليها

الناس بتفكر أن الوحده مدام كبرة في السن ميكنش ليها الحق في الأختيار ، وأن في حاجه فيها غلط علشان كده متزوجتش لحد دلوقتي

وطبعا الأهل والجيران ينصحوها ويقولوا ( ضل راجل ولا ضل حيطه )

نصيحه لكل وحدة كبرة في السن ، أن هي تنفض للدنيا بحلها ، وتعمل بالمثل إلي بيقول ( وطن من طين وودن من عجين )

وعلي فكرة كل واحد بياخد نصيبه وأن شاء الله ربنا حيرزقها بالي يسعدها ويهون عليها السنين

تقبلي مروري
مجنووون

kochia يقول...

=-=-=-=-=-=-=-=-=-=-=
احمد
===
هي مشكلة واقعية
وناس كتير بتمر بيها
وللاسف المجتمع مش بيرحم ابدا ولا بيقدر
تحياتي

=-=-=-=-=-=-=-=-=-=-=

kochia يقول...

=-=-=-=-=-=-=-=-=-=-=
حـــــدوتـــــة
===========
فعلا لازم نغير طريقة تفكيرنا
ليه دايما نحسسها انها عملت حاجة غلط
دي حاجة من اللي لازم نغيرها
فعلا
تحياتي

=-=-=-=-=-=-=-=-=-=-=

kochia يقول...

=-=-=-=-=-=-=-=-=-=-=
blue-wave
========
يا سيدي سلامتك من البكاء
بس للاسف دي حالة واقعية
والحمد لله انها نجت في النهاية
تحياتي

=-=-=-=-=-=-=-=-=-=-=

قلب ينبض لله يقول...

جميييييييييل جدا أسلوبك في البوست

انا مش عارفة الناس مالها باللي تتجوز ولا اللي ماتتجوزش ماكل واحد يخليه في حاله هما هايصرفوا عليهم من جيبهم

كانت هاتغلط غلطة عمرها لو كانت وافقت علي المهندس دا

عاوزة أقولك حاجة اللي بيتنازل مرة بيتنازل الف مرة
والجواز بالذات مش لازم يكون فيه تنازل يا أما هاتتعب جامد أدام

سلام ياجميل

kochia يقول...

=-=-=-=-=-=-=-=-=-=-=
مـجـنـووون
=========
فعلا النساء مظلومين
لكن مجتمعنا وحش في كدة
كتير بيحمل المظلوم النتيجة والسبب
وعندك حق
كل واحد بياخد نصيبه اللي عند ربنا منذ الازل
ربنا يهدينا ويرضينا يارب
تحياتي

=-=-=-=-=-=-=-=-=-=-=

Miss. Sosa يقول...

:)
لا طبعا متاخدهوش خالص ده
بيت القصيد هو التنازل قوليلها ماتتنازلش علشان سنها بيكبر او جمالها الخارجي محدود وتثق في قدرة الله وانه قادر انه يبعت لها الزوج المناسب وتثق في ان ربنا مدخر لها الخير

وقوليلها تنضم للجروب وشعار المرحلة قعدة الخزانة ولا جوازة الندامة :))

تحيــاتى وربنا يفرجها علي بنات المسلمين جميعا يارب

kochia يقول...

=-=-=-=-=-=-=-=-=-=-=
قلب ينبض لله
===========
صح والله الناس مالها
ناس بتتحشر في كل حياتك
من الالف الي الياء
اللي اتجوزت واللي متجوزتش
اللي خلفت واللي مخلفتش
اللي جابن بنت واللي جابت ولد
ناس بجد مش كويسة
يارب منكونش منهم ابدا واحنا مش واخدين بالنا
تحياتي

=-=-=-=-=-=-=-=-=-=-=

kochia يقول...

=-=-=-=-=-=-=-=-=-=-=
Miss. Sosa
========
ايوة هو التنازل
بس فيه حاجات ممكن نتنازل عنها وحاجات لا
مينفعش خالص يتم التنازل عنها
المشكلة هي الناس وضغطها ونظرتها الثقيلة الجارحة

وتيتة الله يرحمها كانت بتقولي كدة
قعدة الخزانة ولا الجوازة الندامة
عندك حق والله
بس ياريت الناس ترحم
نورتيني
ووحشتيني
تحياتي

=-=-=-=-=-=-=-=-=-=-=

غير معرف يقول...

صح كده

ايه يعنى لما حد يعيش من غير ما يتجوز او زواجه يتاخر

ليه كل الازمه دى ؟؟!!!

لحد امتى هنفكر كده

البنت دى صح جدااا

اللى هييجى مش حاسس انه هياخد اميره يبقى مالوش لازمه احسن

بحييكى جداااا

سلامات :)

جمعاوى يقول...

البنت دى بميه راجل


جدعة

kochia يقول...

=-=-=-=-=-=-=-=-=-=-=
MaGn0liA...
========
عندك حق
العيب في نظرة المجتمع
المفروض نكبر بقي فكرا وعقلا

تحياتي

=-=-=-=-=-=-=-=-=-=-=

kochia يقول...

=-=-=-=-=-=-=-=-=-=-=
جمعاوى روش طحن
===========
انا هبلغها الاطراء

تحياتي

=-=-=-=-=-=-=-=-=-=-=

arsenalwy يقول...

كوشيا

كل سنة وانتى طيبه

انتى بتتكلمى جد؟؟؟؟؟ هو فى حد كده ماندولين وجهينة ولب بدل الجاتوهات والهدايا اللى بجد

الانسان اللى زى كده مش متتجوزوش دى تقتله علشان تريح البشريه منه

Heart Beat يقول...

احسن حاجه انها عملت كده فعلا

في غيرها ممكن تضغط على نفسها و توافق عشان الاهل و المجتمع و في النهاية هي لوحدها اللي بتعاني لا الاهل و لا المجتمع هايقف جنبها في اي حاجه

و اذا حصل زواج و تكتر المشاكل و توصل للطلاق برضه لا الاهل و المجتمع هايتدخلوا و لا يساعدوها العكس هو اللي هايحصل و هاتتوصم بلقب المطلقة كما ينظز اليها المجتمع بشكل سيء

يعني في النهاية مش هاتقدر ترضي حد و لا حتى نفسها

يبقى احسن حاجه انها اتخذت القرار ده من اول عصير جهينة و الماندولين و الجري ورا الميكروباص

تحياتي

micheal يقول...

عمري ما بقتنع فب الجواز بنظرية أهو راجل والسلام ورظل راجل ولا ظل حيطة..لأازم البنت يبقي ليها شخصيتها وتبقيةمقتنعة تماما بشريك حياتها
تحياتي

الربان يقول...

تحياتي

اري الا تقبل الفتاة او المرأة براجل و السلام....مهما كان منصبه او ثرائه.

فقط تقبل المرأة برجل يمتلك صفات الرجوله من نخوة و شهامة...و عقل يميز
به الخطأ من الصواب...و ان يكون لديه القدرة علي امتلاك نفسه حين الغضب...
ان يكون محبا ...صادقا في اقواله و افعاله...و ان يكون مدرك للمسؤليه...

لا يهم ان كان فقيرا او غنيا...المهم ان يكون له طموح مشروع في التقدم و تحسين احواله....


الاحترام المتبادل...و التفاهم و الثقة التبادلة ستؤدم بينهما و تؤجج مشاعر الحب القائم علي اسسس و جذور عملية ملموثه.


تحياتي و تقديري

صباح الصباح يقول...

ما خدوش يا بابا

عاااااااااااااا

ما شاء اللة ابداع بجد واسلوب روائى قصصى احلى من المسلسلات..

Unknown يقول...

فضيحة كبرى...الأمن يسرق قوافل الإغاثة
الأمن يتفق مع ساقين الحافلة الأولى والثانية في القافلة الإغاثية المتجة لغزة
وتسير الحافلتان بدون الركاب الذين كانوا على الأرض إلى وجهة غير معلومة
والجدير بالذكر أن هاتان الحافلتان همه المحملتان بالطعام والشراب للمسافرين الصائمين النتجين لغزة
كما أنهما يحملان البضائع الإغاثية للفلسطينيين
وبالإتصال بأصحاب الشركات التي تملك الأتوبيسات
وجد أنهم قد أغلقوا موبايلاتهم
ولا يردوا على الأرضي
أي أن الأمن سرق البضائع الإغاثية
وترك الركاب على الأرض
أمن مصر القذر
>>>>>>>>>>>>>>>>>>
تابعونا
تغطية شاملة للقافلة المتوجهة لغزة

صاحب المضيفة يقول...

حين يفوض العبد أمره لربه .... يرزقه من حيث لا يحتسب ويخلف عليه بخير ما يخلف به على عباده الصالحين


أدام الله أفراحها وبدل همها فرحا وسرورا

Unknown يقول...

لا بلاش نظرية ظل رجل و لا ظل حيطة

على الاقل الحيطة بتكون ساتر

اما اذا في خلافات من اولها بلاش من الجوازة دي

قصة و موقف يحدث كثيرا

اشكرك عليه

kochia يقول...

=-=-=-=-=-=-=-=-=-=-=
arsenalwy
========
كل سنة وانت طيب
وايوة حصل
هو فعلا محتاج يريح منه الناس
الانسان بس بيعرف انالدنيا فيها كل حاجة
حتي الاشخاص اللي بالمنظر ده

تحياتي

=-=-=-=-=-=-=-=-=-=-=

kochia يقول...

=-=-=-=-=-=-=-=-=-=-=
دار العين
=========
اهلا بيكم

تحياتي

=-=-=-=-=-=-=-=-=-=-=

kochia يقول...

=-=-=-=-=-=-=-=-=-=-=
Heart Beat
========
ساعات الواحد بيعمل حاجات كتير عن الاهل والمجتمع لكن هو لوحده اللي بيتحمل النتيجة وساعة الجد محدش بيقف معاه
لازم ناخد القرار اللي هنتحمل نتيجته بنفسنا

تحياتي

=-=-=-=-=-=-=-=-=-=-=

kochia يقول...

=-=-=-=-=-=-=-=-=-=-=
micheal
======
يمكن انت مش بتقتنع بس دي نظرية موجودة وليها مريدين
ساعات بتمشي معاهم وساعات بتبوظ
وساعات بيرجعوا في كلامهم اخر لحظة
زي صاحبتنا دي

تحياتي

=-=-=-=-=-=-=-=-=-=-=

kochia يقول...

=-=-=-=-=-=-=-=-=-=-=
الربان
=====
صحيح عندك حق
الجواز ده شئ لازم يكون باقتناع كامل
وحلوة اوي الصفات اللي قلتها
فعلا هي دي المقاييس

تحياتي

=-=-=-=-=-=-=-=-=-=-=

kochia يقول...

=-=-=-=-=-=-=-=-=-=-=
صباح الصباح
========
اشكرك علي رايك
انا حكيت جزء من اللي حصل

تحياتي

=-=-=-=-=-=-=-=-=-=-=

kochia يقول...

=-=-=-=-=-=-=-=-=-=-=
انا إنسان
========
اهلا وسهلا

=-=-=-=-=-=-=-=-=-=-=

kochia يقول...

=-=-=-=-=-=-=-=-=-=-=
صاحب المضيفة
=========
امين يارب
هي والمسلمين

تحياتي

=-=-=-=-=-=-=-=-=-=-=

kochia يقول...

=-=-=-=-=-=-=-=-=-=-=
simple
=====
فعلا موقف متكرر
بس النوع ده من الاشخاص اكيد نادر

تحياتي

=-=-=-=-=-=-=-=-=-=-=

غير معرف يقول...

انا مش عارف .. فيه كده؟

هذه ليست دعوة للحب قبل الزواج .. لكنها دعوة للانسانية قبل الارتباط .. فين دى؟

ربنا يحفظك من هؤلاء .. لو انا .. بنتى تقعد فى بيت بابا معززة مكرمة ..لحد ماربنا يأذن

يارب يكتب لك الخير

شهد الكلمات يقول...

يا ساتر يا رب

كله الا البخل

لا تقعد في البيت احسن و هو اية اللي يجبرها يا بنتي

ربنا يرزقنا و يرزق بنات المسلمين و المؤمنين بالازواج الصالحين

تسلم ايدك

تحياتي

Unknown يقول...

اية رأيك تشرفنا بالتواجد معنا يوم السبت؟ 13/9 هنتقابل فى مستشفى ابو الريش الساعه 3 عصرا للتبرع للاطفال
؟؟؟
وباقى التفاصيل عندى بالمدونة

maha zein يقول...

يا بنت الايه
يخرب بيت الجمال والله
برغم انى مش عوزة اقرا ولا اعمل حاجة اليويمن دول
الا انها وربنا قصة في الجون
قصة في الجون
في ايه بجد
ايه كمية الصدق والمشاعر والاحساس
انتي وصلتيلي الفكرة
والقصة
وحسيتني اني انا البطله
ايه التحش ده
ايه يصبرها عليه
خليها كده احسن
علي الاقل عيشة في خير تبوها
علي الاقل اسمها عانس بس مش مطلقة
ولو كانت الناس مش بترحم العانس
فالناس بتعذب المطلقة بنظراتهم الدنيئة ليها
مع اني شيفة ان الموضوع عادي
واحدة مجلهاش شخص يستاهل تضحي ليه؟
ما عادي هي حرة
ايه يعني اللى فيها
غلب ايه ده
عموما
هي زين العقل اللى عملته
لا متكملش معاه ابو شفاطةده
خلاص
تظ فيه
قصة اكثر منرائعةبجد
تسلم ايدك موت
موت
موت

Ahmed Al-Sabbagh يقول...

تسلم ايديكى
كل سنة وانتى طيبة

hussein يقول...

ماشاء الله عليكى لسة داخل المدونه و قريت كل مواضيعها من حلاوتها
مستنين باءه الكتاب الاول ليكى ان شاء الله

Sara يقول...

يانهاااااااااااااااااااااااري ايه الراجل ده ولا نافش ريشه على ايه
الحمد لله انها فاقت ورفضته قبل ماالفاس تقع في الراس
مهما كبر بالواحدة السن انا عارفة ان الظروف والمحيط اللى حواليها هما اللي بيدفعوها انها تعمل كده وتقبل بظل الحيطة بس ياريت تحاول تتمسك بموقفها دي حياة كاملة هاتقضيها مش شخص مش لازم تقبل باي حد وتقتنع ان نصيبها هايجلها ان شاء الله

موضوع جميل وكتابتك شيقة وجميلة قوي

tarek alghnam يقول...

طبعا عندها حق
الانسان ان لم يكن مقتنع بمن سيرتبط تبقى العنوسه ارحم
كثيرون يخطئون ويقبلوا بأى عريس والسلام وبعد كدة يروح كل شئ يروح العريس وييجى وجع قلب ويمكن عيال كمان
موضوعك كعادتك رائع
تقبلى تحياتى
ودمتى بود
زورينى لدى جديد

kochia يقول...

=-=-=-=-=-=-=-=-=-=-=
Sherif
=====
انا معاك طبعا
دعوة للانسانسة
اشكرك وربنا يوفق الجميع

تحياتي

=-=-=-=-=-=-=-=-=-=-=

kochia يقول...

=-=-=-=-=-=-=-=-=-=-=
شهد الكلمات
=========
صحيح فيه صفتين تلاتة كدة مينفعوش
مش ممكن حد يعيش معاهم
منهم البخل
الف لا
عندك كل الحق وربنا يكرم الجميع ان شاء الله

تحياتي

=-=-=-=-=-=-=-=-=-=-=

kochia يقول...

=-=-=-=-=-=-=-=-=-=-=
نهر الحب
====
اهلا بيكي
وان شاء الله احاول اكون موجودة
جزاكم الله خيرا

تحياتي

=-=-=-=-=-=-=-=-=-=-=

kochia يقول...

=-=-=-=-=-=-=-=-=-=-=
maha zein
=======
هو من حيث نحس فهو نحس
انا بجد بلاقي حاجات كتير زي كدة
والبنات من قلة الحيلة بترضخ وبتوافق علي حاجة بعيدة اوي عنها عشان حاجات كتير
بس مش للدرجة دي
ده انتحار
وصدقيني ساعات بحس ان الواقع فيه حاجات اقوي بكتير من القصص والروايات الخيالية
اهو ده واقع
بس اقوي من الخيال
مش كدة ؟؟
منورة دايما

تحياتي

=-=-=-=-=-=-=-=-=-=-=

kochia يقول...

=-=-=-=-=-=-=-=-=-=-=
Ahmed Al-Sabbagh
=============
كل سنة وانت طيب
وتكرم
ومنور

تحياتي

=-=-=-=-=-=-=-=-=-=-=

kochia يقول...

=-=-=-=-=-=-=-=-=-=-=
hussein
======
اشكرك جدا
واتمني انك تستمتع دايما بالوجود في مدونتي

تحياتي

=-=-=-=-=-=-=-=-=-=-=

kochia يقول...

=-=-=-=-=-=-=-=-=-=-=
Sara
===
اشكرك جدا علي رايك
وفعلا للاسف الظروف ساعات بتدفع الناس لحاجات كتير
يارب ما نضطر نعمل حاجة مش راضيين عنها

تحياتي

=-=-=-=-=-=-=-=-=-=-=

kochia يقول...

=-=-=-=-=-=-=-=-=-=-=
طارق الغنام
=========
فعلا
عندك حق طبعا
لكن في النهاية العقل المفروض يكون سيد الموقف

تحياتي

=-=-=-=-=-=-=-=-=-=-=

ابو النجوم يقول...

عزيزتى
حينما تبدأ التنازلات لاتنتهى وكونها رضخت هى واهلها لان توافق على شخص غير كامل الاهليه فهى تستحق اكثر من ذلك .
اما الشخص نفسه فهو ليس بخيل فقط بل رذل وجبله يعنى كان مفروض تعمل فرح وتكسر قله وراه لان الجواب بيبان من عنوانه . ثانيا . يعنى احسن تبقى عانس ولا ترجع بيتهم بعد يومين جواز وهى تحمل لقب مطلقه

kochia يقول...

=-=-=-=-=-=-=-=-=-=-=
ابو النجوم
========
انا مش معاك طبعا انها تستاهل اكتر من كدة
لان مفيش انسان كامل والواحد بيبحث عن شخص به صفات يتحملها وصفات يحبها
وعندما وجدت انها لن تتحمل صفاته قررت التوقف ولكنها ارادت في البداية ان تحاول
وضغط المجتمع ولسع سياطه حامية جدا علي البعض
ولا يستطيع تحملها
اللهم لا تجعلنا من هؤلاء

تحياتي

=-=-=-=-=-=-=-=-=-=-=

GiGi world يقول...

كل سنه وا نتى طيبه
تحياتي
وفعلا مفيش حد يستاهل اننا نضحى بعمرنا وسعادتنا وهو مش فاهم ومش مقدر

ragabhpl يقول...

بصراحة تبقى غلطانةلو كانت اتجوزته

الحمد لله ارتاحت من ارفه


قال ايه شويه لب ومندولين


ربنا بيحبها

دعواتك

Abd-Alrahman يقول...

يا نهااااااااااار ابيض
هوة في رجاله كدة
بيتهيالي ان خسارة يتقال عليه اي حاجة
لانه ما يستحق اي تعليق عليه
بجد ربنا رحمها منه ومن قرفة
بجد
ربنا معاها
يا جماعة البنت اكيد في يومن من الايام هتتجوز مفيش مشاكل
بس بلاش ترموا بناتكم كدة حرام

تحياتي
تدوينة بجد زعلتني بس هيا جميلة

kochia يقول...

=-=-=-=-=-=-=-=-=-=-=
GiGi
===
وانتي بكل خير
وفعلا رايك سليم
المفروض الانسان يبقي هو الاهم عند نفسه

تحياتي

=-=-=-=-=-=-=-=-=-=-=

kochia يقول...

=-=-=-=-=-=-=-=-=-=-=
عبدالتواب محمود
===========
ايوة جت سليمة الحمد لله

تحياتي

=-=-=-=-=-=-=-=-=-=-=

kochia يقول...

=-=-=-=-=-=-=-=-=-=-=
Abd-Alrahman
=========
اشكرك
وهي نقطة ضوء علي حاجة في الدنيا

تحياتي

=-=-=-=-=-=-=-=-=-=-=

حنين.. يقول...

طريقتك فى الكتابه زى الف ليله وليله كدا
والحمد لله انها قالت لالالالالالالالالالالالالالا يا بابا
ولو مكنتش قالت كدا كنت زعلت اوى
كل واحده ليها نصيب ربنا كا تبه
ولو بعد مليون سنه
دمتى سالمه
فى انتظار المزيد من ابدعاتك

(احمد سكر ) يقول...

السلام عليكم ورحمة الله وبركاته

بجد تدوينه احزنتنى بشده

رغم ان نهايتها كومديه

بس بدايتها حزينه

لحال اخوات كتير

كان حلمهم فعلا ابسط الاحلام

بس النصيب والقدر

اسلوبك جميل اوى ماشاء الله

تحياتى

احمد

kochia يقول...

=-=-=-=-=-=-=-=-=-=-=
حنين..
====
الحمد لله انها لحقت نفسها
اشكرك علي مرورك

تحياتي

=-=-=-=-=-=-=-=-=-=-=

kochia يقول...

=-=-=-=-=-=-=-=-=-=-=
(احمد سكر )
======
اهلا بيك دائما
هي فعلا شر البلية
النهاية واقعية برده قي شكل لطيف
لكن صاحبة القصة كانت بتبكي وهي بتاخد القرار
مش حزنا عليه طبعا
لكن حزنا علي الزاقع والموقف البايخ اللي كانت فيه

تحياتي

=-=-=-=-=-=-=-=-=-=-=-=

دعـاء عـلى يقول...

و الله ده صعب أوى أوى (:
الحمد لله انها لحقت نفسها قبل ما تدبس فيه لأن كده كده اختلافاتهم كانت هتظهر على السطح
و العنوسه أرحم بمراحل طبعا
قصه جميييله (:
سلاماااات

kochia يقول...

=-=-=-=-=-=-=-=-=-=-=
دعاء على
=======
اشكرك واهلا بيكي
وفعلا الحمد لله
ربنا انقذها علي الاخر

تحياتي

=-=-=-=-=-=-=-=-=-=-=

مصعب رجب يقول...

لأ غلطانة

كان المفروض تستنى كمان شوية

يمكن ربنا يصلح حاله .

طبعا الكلام اللى فوق ده بس علشان أنا مفقوع لكن فعلا المجتمع بيتسبب في مشكلات كثيرة لكثير من الناس

kochia يقول...

=-=-=-=-=-=-=-=-=-=-=
أبو أسامة - مدونة كباية شاي
==================
فعلا لازم نتحرر من ضغط المجتمع علينا في الغلط
عند حق

تحياتي

=-=-=-=-=-=-=-=-=-=-=

ojg يقول...

أول مرة أجي هنا
بس بجد مش هتكون الاخيرة
موضوعك واقعي جدااا
أنا حسيت بكل كلمة كتبتيها
المجتمع بيضغط وحتى اهلنا بيضغطوا
بس مش معنى ده ان الواحده ترضى بحاجه زي كده هتلازمها العمر كله
ويا ترى لو كان تم الاترباط وحصل طلاق
كان المجتمع هيسيبها في حالها يعني؟؟؟
أنا عن نفسي معاها قلبا وقالبا
:)
الي الأمام يا روميل

kochia يقول...

ojg
====
اهلا بيكي ويارب فعلا لا تكون الاخيرة
واشكرك وانا متفقة معكي تماما في الراي

تحياتي