----
السلام عليكم
الحمد لله وبفضله بقيت بعرف اجيب العرب والمصريين منين
وبقيت بتكلم عربي
------
ويدي اسرعت علي جهاز الكمبيوتر
وحسيت اني رضيت عن نفسي الي حد كبير
------
هذا اليوم ذهبت الي السيبر
(مكنتش لسة اشتريت كمبيوتر)
------
من اسبوع لم اذهب
وفكرت ..
يبدو انني ادمنت هذا الجهاز والعالم الذي يختفي وراءه
-----
وصلت .. تنفست الصعداء ..
جلست وفتحت الجهاز ثم الشات العمومي ثم عرب طبعا !!
------
بحثت عن اسم يبدو مصريا وعملت كليك عليه
وفتحت النافذة السحرية الصغيرة التي تتحدث من خلالها الي كل الكرة الارضية
----
وبدأ التعارف التقليدي
( ده بقي بجد اصبحت محترفة فيه )
---
- اسمك وسنك وبلدك قاللي
- محمد 17 سنة مصر !!!!!!!!!
- 17 سنة بس؟؟؟؟
( قلت في نفسي هكلمه في ايه ده ؟؟ )
(حل الواجب ولا لسة ؟؟)
-----
(انا طبعا وقتها كان عمري 29 سنة)
( المهم انا شخص يكره جرح احساس الاخرين )
------
- انا كبيرة اوي عليك يا محمد عشان نتكلم سوا انا عندي 30 سنة"
- وماله 30 / 30 هو انا صغير دانا في اولي ثانوي
- 17 سنة وفي اولي ثانوي ؟
انت سقطت لك سنيتن ولا ايه ؟"؟
-----
(كنت بهزر بس واضح انه فعلا سقط له سنيتن تلاتة )
(رغم انه ولد ذكي بس الظاهر سقط من الدلع والاهمال الاسري الشديد)
-----
(حسيت في كلامه برده بالجراة والوقاحة )
(خفت يلبخ قلت لنفسي انتي كبيرة احتوي الموقف )
------
- بص يا محمد ..
انا رايي تشوف حد في سنك تتكلم معاه لاني مش هتكلم مع حد قد ولادي .. انا مدرسة وانت قد التلاميذ اللي عندي في المدرسة ..
- انا كبير وبكلم قدك كتير
- معلش بس انا مش بكلم قدك خالص
- اوكي براحتك
(الحمد لله بضايق لما احبط حد خاصة ولد زي ده )
(فعلا محتاج حد يحتويه ويعرفه مصلحته )
-----
(اين الاباء من لطعة اولادهم علي النت بالساعات ايام المذاكرة )
-----
المهم مودي اتغير قمت روحت
------
بعد عدة ايام اشقت مرة اخري لتلك النوافذ الصغيرة الجميلة ( بحبها )
ذهبت الي السيبر
------
انفجر في وجهي عدد من الايميلات لاشخاص يريدون اضافتي
-----
من فين كل دول عرفوني ازاي بصراحة فرحت ..
---
قلت في نفسي بدل ما ادور اهم جم لوحدهم
---
قبلت الاول سنه 16
سنة الثاني 14
الثالث 17
---
والرابع والخامس والعاشر .....
الخ...................
----
ليه كدة اولاد صغيرين بيضيفوني ؟؟
وبيطلبوا مني طلبات لا تناسب سنهم ابدا ...
----
طلبات حب وغرام وخروج ومشي وخلافه
( طبعا عارفين يعني ايه خلافه)
----
وطبعا اقول يا ابني انا عندي 30 سنة
عيب كدة
----
روح شوف مذاكرتك
----
محدش صدق اني عندي 30 سنة !!!!
----
عندما اسال احدهم جبت الايميل منين
----
يقولي من صديق
----
مين هو ؟؟
----
مقدرش اقوللك ده حلفني
----
حلفك ؟؟؟؟؟؟؟؟؟؟؟؟؟؟
طيــــــــــــــب
---
استمر اسبوع فيضان الاطفال من سن 14 لحد سن 17
يضيفوني
----
قلت لازم اعرف بقي الحكاية
---
استنيت واحد جديد ضافني لقيته من نفس العينة قلت اكلمه ...
----
كلمته واخدت واديت في الكلام
وعرفت الحكاية
----
الاخ محمد اللي كلمته من كام يوم وقلتله اني اكبر منه اضايق طبعا مني جدا
راح الفصل كتب ايميلي علي السبورة !!!!!!!
---
وقال للاولاد
---
"ده ايميل واحدة صاحبتي مية مية .. كدة ..
ليها في اللون
( طبعا عارفين يعني ايه ليها في اللون ) ..
وهتتبسطوا جدا ..
وعندها 20 سنة !!!!!!!!!!!! "
----
الامر لله من قبل ومن بعد
معرفتش اعمل ايه
----
طبعا
شكرت الولد اللي قاللي الحكاية
----
وفهمته الموضوع
وكان متعاون جدا
----
ووعدني انه هيفهم فصله في المدرسة الحكاية
عشان محدش منهم يضيفني تاني
واحترمته جدا رغم انه برده في اولي ثانوي
-----
لكن حرمت اكلم حد من اولي ثانوي تاني
--------------
----------------------------
هناك 98 تعليقًا:
أول تعليق
" و عارفين يعنى ايه أول تعليق "
غريب جدا ذلك العالم الإفتراضى المسمى الإنترنت
اللى إستوقفنى فعلا
موضوع غياب الوعى الأسرى
لنا الله
بجد بجد
ياريت مدمنى الشات يقروا الكلام دا
ويستفيدوا منه
بس اسلوبك فى الحكى لذيذ بصراحه
لا بس واد جدع
ههههههههههههههههه
عرف ينتقم
معلش و الله انا عارف انى مقصر و مش بدخل عندك كتير بس و الله مش بقعد زى الأول
سلام
أنا متابع اليوميات دي بشغف
---
بقولك انتي صريحه جدا ودي نقطه تخليني أحترمك بجد
بس الوله محمد عفريت !! في منو كتير
سلام
???????????????????
onyx
يادي أولى ثانوي
ربتلك عقدة
أنا لا أقتنع بالشات أبدا ولا لي فيه
كل ودي
كل عام وأنت بألف خير وصحة وسلامة وتكوني بطلتي شات بأه ولا ايه
كل ودي
ربنا يصبرك انا مش عارفه انتى ازاى بتستحملى الشات دا
دا كله كذب ومليان عيال صغيره وبقلو ادبهم كمان
والجمله اللى كانت ترفع ضغطى وتنرفزنى اول ماتكلمى حد يروح خابطك السؤال اياه
اسمك وسنك وعنوانك
هوا انا فالنيابه ايه الغباء دا وهوا انا لما هتسال هقول الحقيقه يعنى بحسه سؤال متخلف
كل سنه وانتى طيبه ومتبقيش تغيبى علينا كتير كدا
بتوحشينا بجد
علي فكرة التكنولوجيا الجديدة فعلا مبوظة الجيل الجديد ده
انا كنت شغالة فترة مدرسة لاعداي و 5و6ابتدائي
و كان العيال المقاريض دول معاهم موبايلات حديثة جدا و بكاميرا و تقنية رهيبة هما مش في احتياج ليها خالص
و مش عارفة لية الاهل جايبين لهم الحاجات دي
طيب عايز تطمن علي ابنك هاتله موبايل بسيط مش موبايل بالاف
العيل يتعايق بيه علي صحابهو في الاخر يتقلب منه
و التاني اللي مش عاجبه انك مش عايزة تتكلمي معاه
و هو اصلا اية اللي مدخله ع الشات !!!!!!!
و ارجع و اقول برده ده من الاهل اللي سايبين الحبل علي الغارب و مافيش رقابة
ربنا يصلح الحال
تحياتي
جديدة الحكايه دى هى تحزن اكتر من انها تتضحك لان مش معنى انك ترفضى تكلميه يتصرف التصرفات الصبيانيه دى صحيح الى ثانوى عيل يعنى
هو رغم انك ممكن تلاقي ناس صغيره في السن وعقلها فعلا ناضج وسابقه سنها , بس رغم كده وجود فجوه سنيه بيوجد صعوبه في التواصل , خاصة ان سن ثانوي ده سن مراهقه والعيال بيبقي مخهم بايظ طبيعي ..
بس انا طبعا علي رايي ان اسلوب التعارف من خلال الشات صعب يوجد صداقات حقيقيه لان الكذب والسطحيه في التفكير هما السائدين فيه
حقيقي مذكرات مفيده ولذيذه بجد وياريت تكمليها , بس هي المره دي قصيره شويه
تحياتي
ههههه .. تجربة طريفة جدا .. بس إنتي برضه كنتي جريئة جدا ساعتها
أهو زمان محمد ده بقى صايع كبير دلوقت ، و مظبط نفسه (طبعا عارفه يعني إيه مظبط نفسه)
أظن الأساليب تطورت دلوقت كتير عن أيام الشات البرئ ، أصبح الاتصال صوت و صورة ، و يوتيوب ، و فيسبوك ، و تويتر ، و ما خفي كان أعظم (طبعا عارفه يعني إيه ..الخ)
تحياتي
ههههههههههههههههههههه
انتى موالك موال
ههههههههههههههه
يانهارك ابيض ياكوشيا ايه فصل كى جى وان اللى وقعتى فيه ده ؟؟
بس تعرفى يمكن انا ماليش فى الشات بس عملته كام مرة لمجرد انى اجرب العالم ده فيه ايه وكنت بدخل اتفرج على اللى بيحصل ولما لقيت من امثال محمد ده لكن كلامهم مكشوف بيقولوا كل حاجه ببجاحه حسيت انه عالم مزيف نادر ملما يدخله حد صادق معظمه بقى امثال محمد وشابا اكبر واواقات رجاله كبار فى السن لكن مش محترمين داخلين لاغراض معينه اللهم احفظنا
استمرى بقى واشجينا وبصراحه بحييكى على صراحتك
كل سنه انتى طيبه
بصي يا كوشيا
هو دا الطبيعي
عارفه زمان الدش لما انتشر
كل واحد كان يتكلم عن الدش علي انه هذا العالم الميء بالفسق والفجور
وهكذا النت
لن نمل ابدا من تلك الرغبة الموحشة وخاصة الوهم فيها
اعتقد ان من يوهم
يوهم بخيال العلاقات
اين الاسرة ؟؟؟؟؟؟؟؟؟؟؟
لا تتسائلي عنها في عالم
بضغطة زر تلغي جميع النوافز وتقطعي جميع الاتصالات
التجربة هنا اساسية
لم أولادنا الفضيلة
ونجعلهم ايضا يكتشفوا الفضيلة ويلعونها
لا نجعلهم دائما
يقولون
الممنوع مرغوب
عموما بحب اقولك انا مش 17 سنة
وبطللت واجب من زمااااااااااان
وعندي مزكرات تخللي سلسة مزكرات نتاوي تتنتشر في اشهر دور العرض
كوشيا
انا زعلان منك علي فكرة
بس انتي حرة خليكي كدا
زعلي الناس منك
تحياتي
علي فكرة انتي لسه موصلتيش للاحتراف
لانك لسه مع العرب
تحياتي
ولكن اقول لابد ان نع
ههههههههههه
كللهم اولى ثانوي
هوه ده جيل المستقبل اللي حيحمل راية البلد
يعني ممكن تكوني كلمتي رئيس جمهورية
بعد 30سنه جايه هههههههههههه
الشات كلله ضحك على الذقون
أنا جربت الشات كتير
ولما كنت بقول الحقيقه كنت بكتشف دايما كذب الطرف الاخر
سواء ولاد ولا بنات
لذلك آثرت الإبتعاد
بس حكايتك ظريفه جدا ودمها خفيف
الا هو إيميلك أيه ههههههههه
تقبلي تحياتي
النت دا فعلا عالم عجيب جدااا
احييكى على مناقشته بجراءه
سومه_87
السلام عليكم انا دلوقتى داخل 3 ثانوى بس من ساعة وانا فى اولى ثانوى وبرضة لغاية دلوقت لما اخش الشات لو اللى فية عرفوا اننى ولد بيطنشونى خالص فيئست من الشت والماسينجر عموما وبطلتة خلص طب لية؟اصلى مش معقول كل لما اكلم حد فى رووم اجنبى اقول ماهو هناك سداح مداح ومش فارقة معاهم ولاد او بنات الاقيهم بعد لما نتكلم شوية وتكون امى قاعدة جنبى وفرحانة ان ابنها بيكلم ناس اجانب يجيلى اللينك المشهور ممكن تشوف صورى فى...كذا واخش الاقى الصور فعلا الصور بس من غير اى حاجة تانى وسلعات بتبقى فى قطعتين اوحاجة ملحوظة\الست الوالدةلسة قاعدة جنبى وشايفة الصور وارقام التيلفون وكمان الاماكن.سيبك من دا كلة اتحدى اى حد جالة موقع اسلامى نط فجاة فى وشة زى المواقعالتانية.فى تحامل كبير اوى على شباب الثانوى وبعدين هما يعملو اية ما المواقع هى اللى بتيجى ومش لاقيين مواقع تانية حلوة وبعدين فين التوعية طبعاتوعيات الاهل موجودة لكن حد شاف اعلان عن تضرار المواقغ البجنسية او عن اضرار العادة السرية وبعدينالمواقع هى اللى بتيجى لوحدها
كلامك جميل وكلنا مرينا بيه. حتي اللي هيقولك عكس كده وبطلي شات يا بنتي والجو ده ,مر بيه برده.
علشان كده البوست رائع علشان بيمس كل واحد ليه تجربه في النت.اسلوبك جميل وسلس وبتدخلي في الموضوع علي طول, ودا اجمل حاجة في كل مواضيعك, ورغم ان مدكراتك تجربة شخصية الا انها حالة لكل النتاويين.
بكل توفيق يا كوشيا
جوكا بتسلم عليك وبتقول انك وحشتيها اوي
يا ستى ما بلاش شات خالص.. دة كلة مشاكل ونصب .. السن مزور.. حتى النوع مزور.. تقولك شقراء هيفاء دعجاء وتطلع فى الاخر بطيخة قرعاء
ههههههههههه
على فداحة المصيبة بالنسبة للشباب الا ان الموقف يستحق الرصد والكتابة
كان الله لمصر وأهلها
السلام عليكم
ماشاء الله المدونة تطورت كتير في غيابي واسلوبك بيزداد جمال ربنا يوفقك يارب
بس الحمد لله انك حريصة وكل اللي يعرفه عنك ايميل مش اكتر من كدا والا كان استغله استغلال سيء ماهي النفس الشريرة جوانا لما بتلاقي فرصة بتطلع ومابتسكتش
جميلة مذكراتك الهادفة وربنا يوفقك ويسعدك يارب
تحياتي
اولا كل سنه وانتى طيبه
وياربيعود عليكى الايام بخير
ويارب اجازة سعيدة ليكى
ومشتاق لتعليقاتك اللى بتسعدنى
تقبلى تحيتنى على اسلوبك الرائع
ودمتى بحفظ الله
انتي فين مختفيه
ادور عليكي فين
ماسبتش شات روم الا لما دورت عليكي
ههههههههههههه
وحشتيني
جمعاوي روش طحن
==========
اهلا بيك
وبمناسبة انت اول تعليق قولي بالله عليك ايه ميزة اول تعليق لاني مش عارفاها بالتحديد مع اني حساها
اما عن تعليقك ففعلا عالم النت غريب
وبتحس انه بيلخص مشاكل الدنيا
مرحبا بك دائما
تحياتي
blue-wave
=======
اشكرك
وفعلا انا اقصد اكتر من هدف من الحكايات دي
مش تسلية وخلاص
بس للي يفهم بقي
تحياتي
مهيج الجماهير
=========
هو عرف ينتقم فعلا انتقام جامد
وضايقني جدا والله
وانا مش زعلانة منك ولاحاجة
ووقت ما تيجي عندي تنور يا خالد
تحياتي لك
ساجي
====
هو الواد محمد عفريت فعلا
ربنا يكفينا شر العفاريت
بس يا تري هل الصراحة فعلا تؤدي للاحترام 100%
ولا فيه حاجات الواحد المفروض ميقولهاش ؟؟
تحياتي
غير معرف onyx
=========
؟؟؟
ايه ؟؟
كاتب مصري
========
وانت طيب
وان شاء الله يبقي شهر مبارك علي الجميع
ومش هرد علي سؤال بتاع ياريت تكوني بطلتي الشاي
ولا ايه وهسيبك تبحث عن الاجابة بنفسك
اما اولي ثانوي
فعلا عقدوني
ربنا يكفيك شرهم لو استلموك
تحياتي
سمر الشافعي
=======
والله كنت بحبه وبستحمله
وزي ما قلت قبل كدة كنت حاسة انه نافذة لعالم واسع وحبيت اطل منها علي العالم ده
وفعلا الجملة دي مملة اوي اوي
بكرهها انا كمان
وانتي طيبة ان شاء الله
وانا كنت مسافرة ورجعت الحمد لله واشكرك جدا علي سؤالك
سلام
تحياتي
:D
كل سنى\ة وانتي طيبة يا قمر
و رمضان كريم
و يعود علينا بخير و يجعلك يا رب و يجعلنا من عتقاءه
بالنسبة لغياب الوعي الاسري
هيا الفكرة مش في كدة
هيا الفكرة في غياب الرقابة
او بمعنى ادق ان الام بتشتغل في البيت و بتطبخ و ملهاش دعوة بالعيال و الاب شغال طول النهار ياعيني عشان يدفع مصاريف العيال
و الانقح بقة اللي ابهاتهم مسافريين يشتغلوا برة
بس ظبطك ماشاء الله
يخربيت التميز بتاع اولى ثانوي :D
دمتي بالف خير و صحة و سلمة
سلام
اة صحيح نسيت
كميلة قوي الشكل الجديد للمدونة
عسولة خالص
مبارك عليكي
سلام
شهد الكلمات
==========
متهيالي مش التكنولوجيا لكن طريقة التعامل معاها هي اللي ماثرة علي الجيل فعلا
وعندك حق طبعا في الكلام اللي قلتيه
الناس بتشضري دماغها من عيالها بالفلوس
تحياتي
احمد ...
======
هي فعلا تحزن مش تضحك
ومش كل حكايات النت تضحك علي فكرة
دي مواقف في الحياة وكل واحد بينظر لها من وجهة نظره
تحياتي
الفارس الملثم
===========
ايوة هي المشكلة فعلا صعوبة التواصل والاهتمامات
هكملها ان شاء الله بس قصيرة ازاي
الموضوع صغير يعني ؟؟
هو حسب الموقف اللي حصل يا محمد
اهلا بيك دايما وتحياتي
يا مراكبي
=====
كنت جريئة في ايه
مش فاهمة ؟؟؟؟؟
أحمد كمال
========
ههههههه
ايوة فعلا عندك حق
وفعلا الشات دلوقتي اتغير
بحمد ربنا اني بدات ايام الهداوة
عشان لو دلوقتي مكنش حد كلمني وكنت هصطدم في رغبتي في المعرفة
وما خفي كان اعظم فعلا
وعارفة يعني ايه ما خفي كان اعظم
تحياتي
مدحت محمد
=======
اهي الدنيا بتمشي تعلم علي كل واحد
ولو دورت هتلاقي كل انسان في الدنيا
له موال
بس يمكن موالي الفن في اكثر شوية ؟
تحياتي
Habiba
=====
اه والله وقعت فيه
اصطادوني
امثال محمد دول بالكوم ومفيش عندهم ذرة من وخز الضمير
ولو محمد ده صغير وله مبرر انه مش ناضج .. الناضجين بيعملوا اكتر من كدة
تحياتي
afew good men
=========
ايوة فعلا .. ايام الدش كانت هوجة كبيرة
والناس كلها كانت بتتكلم عليه
"" اين الاسرة ؟؟؟؟؟؟؟؟؟؟؟
لا تتسائلي عنها في عالم
بضغطة زر تلغي جميع النوافز وتقطعي جميع الاتصالات ""
صدقت والله
بس قولي زعلان مني ليه ؟
انا كنت مسافرة ورجعت وهتابع زي الشاطرة من دلوقتي
انا كنت مقصرة بس ظروف السفر والنت بتعطلني شوية
تحياتي
ahmed_k
=====
والله ممكن جدا
وتعرف منين
اهو ستارة بنستخبي وراها
تحياتي
سومه...مجنونه فى بلد عاقل
====================
اشكرك علي رايك
وانتي كمان جريئة في طرح الافكار
بس ياتري الجراة حلوة ولا وحشة ؟؟؟؟
تحياتي
the ghost
======
يئست ؟؟
انت بداته امتي عشان تياس ؟
ممكن من 2 اعدادي كدة
مش عارف اقولكك ايه بس الشات ده انا بشبهة بمدينة فيها حتت بيئة اوي وقاع مجتمع .. في الاخلاق طبعا لان كل بيتوها زي بعض
ونفس المدينة فيها جزء صغير ناس محترمين وانت بتدخلها
وبتخبط علي باب
متعرفش هيطلع لك منه سيكلوب بعين واحدة ولا كيوبيد مثلا ولا مستشفي مجانين ولا ايه
انت وحظك
والشاطر اللي يهرب في الوقت المناسب لانه مغناطيس
لازم اعرف انا عايز منه ايه والا شدوني وانزلقت
اهلا بيك
وتحياتي
dady
====
فعلا فيه ناس بتقولي بطلي شات رغم اني قلت انه دي مذكرات من زمن فات
لكن ده لا يمنع اني اتعلمت اشساء منه في حياتي
واشكرك اوي علي رايك الجميل ويارب دايما تكوني مبسوطة من قراءتك عندي
وهي فعلا حالة
ومعظم النتاويين مروا بيها
ودلوقتي مين مش نتاوي؟؟؟؟
تحياتي لجوكا مخصوص
وليكي
صباح الصباح
========
مش يمكن انا كمان بقول حاجات مزورة ؟؟؟؟؟؟؟
تحياتي
صاحب المضيفة
=========
حقا نظرت للموضوع من وجهة نظر دقيقة
فعلا لحظة في الحياة لكن تستحق الرصد
تحياتي
Two in One
=======
اشكرك علي رايك الجميل
وفعلا انا بخاف جدا من الشات واللي بيجي من وراه لاني فعلا شفت حاجات مش طبيعية
اشكرك جدا
تحياتي
طارق الغنام
==========
كل سنة وانت طيب واشكرك جدا
وانا كمان مشتاقة للقراءة للمدونات التي احبها فعلا
والحمد لله كانت اجازة لطيفة
كنت عندكم في بورسعيد
وهكتب عنها ان شاء الله موضوع
تحياتي الدائمة
afew good men
========
انا بطلت الرومز من زمااااان
فكر بقي ممكن تلاقيني فين ؟؟؟؟؟؟؟؟
نعكــــــــشة
==========
اهلا بيكي يا قمر
وحشتيني
وكل سنة وانتي بكل خير
وفعلا كل كلامك صح وبعدين بيزعلوا من اللي بيوصل له ولادهم
هم فين الاول من ولادهم
تحياتي لك
واعذريني اليومين دول علي التقصير
السلام عليكم
اسماحيلى انتى اللى غلطالنة
يمكن انا مبحبش موضوع الشات ده
بس مينفعش تضيفى حد متعرفيهوش
وممكن انتى تعملى لنفسك اكتر من ايميل
وتخلى واحد للتعارف ده عشان لو حصل كدة تلغيه وتعملى واحد تانى بدون اى خساير
سلالالالالالالالالالالالالالالالالالالالالالالالالالام
حـــــدوتـــــة
============
انا علي فكرة رديت قبل كدة علي حكاية انه ازاي اضيف حد معرفوش
ورديت وقلت ان هدف الشات الاساسي بالنسبة ليا هو اني اتعرف علي حد معرفوش واني اقابل ثقافات جديدة بالنسبة ليا
النقطة التانيةاني لما بدات الشات اول مرة كان عندي 28 سنة وافتكر ده سن مناسب اني اعرف ادافع عن نفسي ضد الحماقات وده اللي عملته رغم المواقف اللي مريت بيها
لكن البلوك والديليت كان دايما حل سحري ضد المتطفلين حتي لو ضايقوني
الحاجة التالتة والاخيرة بقي انا طبعا عندي حوالي 10 ايميلات او يمكن اكتر وعاملة ليهم اجندة عشان منساش الباس ورد بتاعهم
واكيد واحدةزيي عاملة مذكرات نتاوي لازم تكون مرت عليها الحاجات دي كلها
وعلي فكرة ايميل المدونةهنا هواول ايميل ليا والحاجات اللي بحكيها دي كلها كانت عليهوالحمد لله اهو لسة عايش
رغم انه اتسرق مني مرة ورجع الحمد لله
اشكرك علي متابعتك واشكرك علي نصيحتك جدا
بس والله دي مذكرات
يعني الحاجات دي حصلت من سنواااااات
تحياتي
من غير تفكير كوشي اكيد في البيت علي المدونة
امال يعني حدور عليها عندي في المدونة
للاسف الظاهره دي انتشرت جدااا
والاولاد بقم بتسلوا بيها
ربنا يعافينا ياااااااااارب
هههههههههههه
طلع عفريت الولد
طب كويس انه محطهوش فى شات عمومى
وقال نفس الكلام
كنت هتلاقى طوفااان من الاضافات
ومش من سن 17 بس
كل اسنون وحياتك
كل سنه وانتى طيبه
احمد
ازيك يا كوشيا
حمد اللة على السلامة يا سكر منورة بجد يا كوشيا الاهل مفروض فعلا يتابعوا ولادهم كويس عشان بعدهم فعلا شىء مش كويس
دايما مبدعة واسلوبك شيق
تحياتى
معلش سؤال انفرادي كدة علي جنب
هو كوشيا دة مش نوع زرع برضة
Kochia scoparia
ههههههههههههههههههههه
تصدقى هموت من الضحك شوفتى ادى اخرة العيال مقالب مقالب
بس والله بزعل من التفكير ده والاطفال اللى اهاليها جاهله وتقولك انا ابقى شاطر فى النت وهى مش عارفه هو بينيل ايه لازم الناس تاخد بالها شويه
afew good men
==========
شاطر
مانت عارف كل حاجة اهو
حسن حنفى
=========
امين
ربنا يهدي الجميع
تحياتي
اولا موضوع الشات ده انا جربته زمان
بس بصراحة بيضيع وقت الواحد على الفاضى
يعنى ممكن الواحد يلاقى من بين 1000 واحد ...
واحد بس كويس وممكن ميلقيش خالص
ومعظم الحجات ديه بيبقة فيها نصب كتير
يعنى الولد اللى عنده 17 سنة ده صريح
كان ممكن يقول ان عنده 25 سنة مثلا
محدش كان هيقدر يقله لا
وفيه ناس فعلا بتعمل كده
انا دلوقتى بحاول اتعرف على الناس على الطبيعة
احسن 100,000,000 مره من الشات ده
اما بالنسبة لموضع ال17 سنة
الموضوع مش موضوع سن
ممكن يبقة واحد عنده 17 سنة دماغه اكبر من حد عنده
40 سنة ملهاش علاقة
بس للاسف معظم سن ال17 سنة ده اللى بيبقو فى الشات
بتبقة دماغهم بايظة عوزين يعرفو بنات وخلاص
وديه مشكلة حقيقة
نفسى بجد الاهل يخدو بالهم اولادهم بيستخدمو النت فى ايه
مش بيدفهولهم اشتراك عشان يشيتو وخلاص
ماشى ياعم شيت مقلناش حاجة انت حر
بس برده حاول تستفيد كمان
كفاية كده
سلام
(احمد سكر )
==========
اه والله لو كان حطه في شات عمومي كنت اكيد قفلت الايميل وقتلته ودفنته
جت سليمة
وكل سنة وانت طيب ان شاء الله
تحياتي
سارة علي
=======
اهلا بيكي
واشكرك جدا
وفعلا لازم الاهل يتابعول اولادهم او ميشتكوش منهم
تحياتي لكي
كوشيه
الجراءه ليها حدود زى اى شىء فى الكون اذا زادت عن حدها تنقلب لضدها
وبين الجراءه والحياء شعره اذا تخطيتيها خسرتى حياءك كفتاه
دا اجابتى على سؤالك
تحياتى ليكى سومه_87
اسفه نسيت اقولك
ان الحياء مش للفتاه بس الحياء للفتاه والرجل
يا نهار انحدار وتدهور واي حاجة هتجبنا لورا اكتر ما احنا فين علي رأيك الاهالي يظهر ان الحالة الاقتصادية وانشغال الناس بيها خلتهم ينسوا ولادهم ومراقبتهم والنت طبعا سهل جدااا يفسد اخلاق اي حد لان المواقع اياها ممكن تظهر فجأة بدون سابق إنذار
اول زيارة ليا عندك اتمني مكونش تقلت عليكي تحياتي :)
النت اول ما بدأ كانت الناس بتتعامل معاه على انه للتعارف والعلاقات والخروج وخلاص
ولسه فى ناس والله بتتعامل معاه على الاساس ده ... المشكلة فى محمد بقى تربيته .. لانه عارف يعنى ايه احترام خصوصيات الناس واللى زى ده مش يعرف اصلا يحترم نفسه
تحياتى
ana ga3an
=======
ايوة فعلا هو نوع زرع
وده اكتشفته من حوالي شهر بس بالصدفة لما قررت ادور علي معناه في النت
بس الحقيقة لما عملت الايميل من زمان مكنتش عارفةالمعني
علي العموم اللي سالني قلتلهان المعني وردة بالصينية
تحياتي لمرورك
appy
===
ايوة ادي اخرتها
بس اللي ينزل يلعب في الشارع ميشتكيش
مش كدة
تحياتي
seven
====
كفاية ايه ؟؟
مش فاهمة تقصد ايه بلكمة حاول تستفيد كفاية كدة ؟؟؟
علي العموم التعرف علي الناس الطبيعية او من خلال النت بيعتمد علي الانسان برده
وانت في الواقع تقدر تكذب علي حد جديد وشخص ممكن يكذب عليك
ليه بنعتبر اننا مش هنقدر نكدب في الواقع
امال الناس زمان كانوا بيكدبوا ازاي
ولا الكذب اخترعوه مع النت ؟؟؟؟؟
علي العموم دي وجهة نظر
وانا احترم وجهة نظرك طبعا
وارحب بمرورك
تحياتي
سومه...مجنونه فى بلد عاقل
==============
عندك حق
كل حاجة ليها حدود
وخير الامور الوسط
اشكرك علي تفاعلك
تحياتي
إنسانة أقرت إنها مجنونة
==============
طبعا متقلتيش عليا بالعكس
انا بحب الاراء
وبحب النقد البناء
وفعلا الاهل بتفكر ان الكمبيوتر ده حاجة كويسة وخلاص
مش عارفين ولادهم بيعملوا ايه
وبيربوا نفسهم وصحابهم ازاي
شرفتيني
واتمني انها لا تكون الزيارة الاخيرة
Desert cat
======
فعلا الاحترام ده حاجة قليلة وفيه ناس مش فاهمة النت صح
حرام يهملوا فوايده العظيمة ويحصروها في الشات
تحياتي
جيت بس عشان اقولك كل سنة وانتي طيبه ويارب دايماتممر علينا الايام بسلام وحب
ورمضان كريم
ربنامعاكي
ههههههههههههههههههههههههههههه
يا روش يا صغنن
ليك في اللون كمان
هههههههههههههههههههههههههههه
ضحكتيني
بجد
قلتلك بلاش النت
والشات
ليه تعرضي روحك لحاجة مش تمام
بجد النت كله مخاطر
بس عودا حميدا
ومبروك النت عندك
ومعلش التسيب فعلا بقه في كل بيت
بقه النت لغة العصر
عشان كده انا شيفة انه يبقه لازم الاب والام يجيبوا لابنهم نت في البيت بس يتابعوه
ويعملوا عليه مراقبة
دائمة
لانه بقه ضرورة بجد
تحياتي ليكي
Abd-Alrahman
========
كل سنة وانت طيب
واشكرك جدا
تحياتي
maha zein
======
يابنتي الكلام ده مذكرااااااااااات
مذكرات
المهم هو فعلا اشارة لدور الام والاب في التقصير في حق الابن
امال لما اكتب انا عملت ايه في الناي هتقولوا عليا ايه ؟؟؟؟؟
الساتر ربنا
تفتكرى لو عملنا استقصاء احصائى بين معتادى الشات عن اهدافهم من الشات
خاصه الشات مع الغرباء ولاوقات طويله
* ثرثرة وتضييع وقت؟
* محاوله لاكتساب معلومات بديلا عن قراءه الكتب والجرائد
* محاوله التعرف على اراء شعوب وجنسيات اخرى
* اختبار مستمر لقدرة الذات فى التأثير على الاخرين واكتساب اعجابهم وخصوصا من الجنس الاخر
* عدم القدره على التواصل الاجتماعى فى الحياة واستبدال الشات بالدنيا
* البحث عن زوج او زوجه
* محاولات اقامة علاقات غير شرعية
* اسباب اخرى
انا فى الحقيقه لا اعرف ماذا ستكون النتيجه وهل ستختلف بين الرجال والنساء وبين الاعمار المختلفه
ما رأيك؟
ازيك يا كوشيا
كل سنه وانتى طيبه
وابعدى عن الشات احسن
العالم ده نسبه كبيره منه مش كويسه
تحياتى
أول مرة أزور فيها مدونتك، وإن شاء الله موش آخر مرة... جميل أوي إسلوبك التلقائي في السرد!
دى اخرت الى ىيلعب مع العيال؟
احسسسسسسسسسسسسسسسسسسسسسسسن
تستهالى
هههههههههههههههههههههههههه
هههههههههههههههههههههههههه
ايييييييييييييييييييية يا بنتى الى جابرك على كدة
!
1
!
بس استمرى علشان نسمع حكاياتك الذيذة بجد
عموما
كل عام وانتى بخير وصحة وسعادة
اكييييييييييييييييييييييييييد
بقول كدة علشان رمضان
وانتى عارفة يعنى اييييييية رمضااااااااااان
ههههههههههههههههههههه
باى يا حبى
عووووووووووووووووووووووووووو
harmless
======
اهلا بيك
والاستفتاء بتاعك ده فكرته حلوة اوي
والحقيقة بما انه استفتاء انا ارجح ان اكتر النتائج اذا الناس كلها ردت بصراحة
هي
المركز الاول :
---------
- ثرثرة وتضيع وقت
- عدم القدرة علي التواصل الاجتماعي فى الحياة واستبدال الشات بالدنيا
المركز الثاتي
---------
- اختبار مستمر لقدرة الذات فى التأثير على الاخرين واكتساب اعجابهم وخصوصا من الجنس الاخر
- محاولات اقامة علاقات غير شرعية
المركز الثالت
---------
- محاوله التعرف على اراء شعوب وجنسيات اخرى
- البحث عن زوج او زوجه
المركز الرابع
---------
- محاوله لاكتساب معلومات بديلا عن قراءه الكتب والجرائد
( لان النقطة دي نادرا ما بتيجي بالشات فقط لازم الاطلاع العام علي النت
بس انت مقلتش انه ممكن بعد كدة يبقي فيه صداقات حقيقية بتتكون والانسان بيحب يحافظ عليها
وبتفتقد الاصحاب دول لو مكلمتهمش فترة طويلة زي الصاحب الحقيقي تمام
واكيد النتيجة هتختلف بين الرجال والنساء خاصة في جزئية
" البحث عن علاقات غير شرعية " الرجال اكتر
" عدم القدرة علي التواصل " النساء اكثر
والموضوع يحتمل بحث اكتر من كدة بكثير
وفكرة كويسة اننا نعملها في يوم من الايام
اشكرك علي مرورك واشتراكك
تحياتي
فارس بلا جواد
========
اهلا بيك ومرحبا ومنور
وحاضر هبعد عن الشات
بس قولي اكتب باقي مذكراتي ولا لا ؟؟؟؟
تحياتي
Hina wi Hinak
==========
اشكرك علي رايك
وارحب بك دائما
تحياتي
كيـــــــــكى
==========
اهلا كيكي
خضيتيني زي كل مرة
ههه
ايوة لعب العيال وحش
بس مش كل اللي سنة صغير وحش علي فكرة ومش كل الكبير كويس
ودي يا كيكي مذكرات
يعني الحاجات دي قديمة
تحياتيليكي
هههههههههههههههههه
لسه أطفال صغيرين ومندفعين
المراهقة بئي
مدونتك جميلة أوي
سلام
انتى عسل جدا يا كوشيا
وبيعجبنى اوى سردك للمواقف
بجد انا مبسوطة جدا ان فى مدونة سويسية بالجمال ده
اتمنى انى اتعرف عليكى انا بقا سيبك من العيال دول انا رايحة رابعة تربية يعنى هنبقا زمل
هههههههههههههههه
كمان كنا بنفكر فى اجتماع لمدونى السويس
ياريت تكونى مشرفانا
اتمنى التواصل معك
معلش اتعبى نفسك وزرينى مرة انا عاوزة اضيفك على الايميل بس معرفش ايميلك
انا ايميلى فى المدونة
منتظرة تواصلك
اوك
تحياتى وكل سنة وانتى طيوبة يارب رمضان كريم
قلب ينبض لله
========
اشكرك جدا واتمني تواصلك الدائم
تحياتي
أية الشقية الشعنونة
=============
اهلا بيكي يا ايه
وانا طبعا بزورك دايما
بس من ساعة ما عملت القالب الجديد للمدونة والناس كلها ضاعت مني ولسة بلم فيهم
كنت هوصل هوصل
المهم انا طبعا ارجب بموضوع لقاء مدوني السويس
وسوف اراسلك علي الايميل
انا كنت حاطة ايميلي لكن الاضافات كترت اوي اضطريت اسيله
ولا ايه رايك ؟؟
احطه تاني ؟؟
المهم هراسلك اكيد
وكل سنة وانتي طيبة
تحياتي
وحشتينى اوى اوى اوى
كل سنة وانتى طيبة
ورمضان كريم
كل عام وانتى بخير
رمضان كريم
ايام مباركه علينا جميعا ان شاء الرحمن اختى الفاضله ..
تقديرى و تحياتى
rara
===
كل سنة وانتي طيبة
ويارب دايما بخير
rovy
===
اهلا بيكي
وكل سنة وانتي طيبة
تحياتي
تقريبا مفيش واحدة دخلت شات ومحصلهاش كدة
Appreciating the commitment уou put into your blog аnԁ in depth information you оffer.
It's great to come across a blog every once in a while that isn't the same оld rehashed
materiаl. Wonderful reаd! I've bookmarked your site and I'm іnсluding your RSS fеedѕ to my Google account.
Feel free to vіsit my homeρage: Same Day Payday Loans
Үes! Finally someone writes about κеyword.
Alѕo visіt my web blog :: small loans
إرسال تعليق