الثلاثاء، أغسطس 12، 2008

(5) اول القصيدة .... من مذكرات نتاوي

-

بدات بخطي سديدة
وبقيت بنزل كدة يوم او يومين في الاسبوع اروح السيبر
اكلم عقلاء الدنيا
مهو اكيد اللي قاعد علي النت عاقل .. زيي!!

نزلت السيبر اليوم ده .. بعد ما اصبحت بعرف افتح واختار واتكلم
عندي فضول اني اكلم الناس كلها واتعرف علي الناس كلها
اعرف كل الناس بتفكر ازاي وبتعيش ازاي
عاوزة التهم ثقافتهم ومعارفهم وطريقة تفكيرهم

وبدأت .........

شخص كلمني وقررت ارد وافتح عيني والتهم المعارف ..


- اسمك ايه
- عمرو .. وانتي ؟؟

( قلت اسمي الحقيقي .. )
(هو يعني مفيش حد في الدنيا اسمه زي اسمي )

- وسنك كام
- 35 ...وانتي ؟؟
- 28

( قلقته سني الحقيقي .. وكان وقتها سني كدة هو يعني هيعمل بسني ايه)

مش عارفة ليه مكنتش بطبق القواعد كويس اللي قالتلي عليها صاحبتي واختي ..
بس يعني هو لما يعرف سني هيعمل ايه .


- بلدك ايه ؟
- القاهرة .. وانتي ؟؟
- موزمبيق ..

(تذكرت بقي القاعدة مفيش صدق )

احتمال برده يكون لعوب يقوللي اشوفك ..
وانا ماليش في المقابلات

انا عاوزة اشوف الدنيا من الشاشة دي
لكن مش هقابل حد ولا اصاحب برة الجهاز ده

وواضح طبعا اني مش من موزمبيق ولا حاجة
لكن معرفتش اكدب برده
لكن اتضح اني مش عايزة اقول

هو احترم ده وعداها


- مؤهلك ايه ؟
- هندسة .... وبشتغل رجل اعمال ...وانتي ؟
- قلتله المؤهل الحقيقي
- متجوزة ؟
- لا وانت ؟؟
- لا مش متجوز .. بدور علي عروسة تقبل امي تعيش معاها (ست كبيرة وملهاش غيري )

كان محدث لبق جدا وبار بامه ومثقف وذكي وطيوب

مرت فترة علي التعارف بتاعنا .. وموضوعاتنا بتتسع واعجابنا باراء بعض بيزيد
بمعني اصح اعجابي انا بيه بيزيد

مع الوقت حسيت اني وجدت نصفي الاخر ..
هو ده الشخص اللي بحلم بيه ..

سنه مناسب ومؤهله
وبار بامه واخلاقه طبعا تحفة

وشكله معجب بيا
يارب يحبني .. يارب يحبني .. يارب يحبني

مسالش عن لبسي ولا شكلي ولا اي حاجة
وقعدت معجبه بيه حوالي شهرين

لما اقتنعت بيه تماما بقي حسيت بالذنب اني كدبت عليه
او بالاصح خبيت عليه بلدي

وتشجعت وقلتله اني من السويس
( يارب ميزعلش )


- والله .. معقولة .. من السويس فعلا ..مش مصدق..
انا خالي هناك في الحتة الفلانية وانا من السويس اصلا ...


- يا سلام .. مش ممكن ( الحتة الفلانية دي كانت الحي اللي انا ساكنة فيه ) ..
(يا محاسن الصدف )
مين خالك ؟

- عمك محمد ...... تعرفيه ؟؟

- اه اعرفه ده زميل بابا في الشغل وساكن في العمارة اللي جمبنا
واعرف بنته كمان

- بصي بقي يا كوشيا .. احنا طلعنا بلديات وانا عاوز اقوللك علي الحقيقة
وانت بنت بلد جدعة وهتقدري ...


- ايه الحقيقة دي ...وهقدر ايه ... (حاسة اني هسمع حاجة مش هتبسطني)
هو انت فيه حاجة مقلتليش عليها ؟؟


ــ انا الحقيقة معنديش 35 سنة .. انا عندي 45 سنة


(ذهووووووووول) (بس مش هبين الذهول )
(مش مشكلة .. الحب بيدوب الفروق .. ايه يعني 45 سنة )
بس دي كانت اول خبطة


ــ واسمي جمال .. مش عمرو

( جمااااااااااااال ؟؟؟؟ دانا حبيت اسم عمرو اوي )

ــ وايه كمان ؟؟ فيه حاجة تاني ؟؟

ــ انا سبت الكلية ومكملتش وسافرت برة اشتغلت .. معايا ثاوية عامة


(ثانوية عامة كمان ) !!!!!!!!!!!!! مقدرتش ارد عليه ..
خبطيتين في الراس توجع .. لا دول بقوا تلاتة ..
اخليه يخلص احسن بدل ما يجيني اغماء
انا عارفة السيبر ده وشه وحش عليا

ــ كمل .......................

ــ انا متجوز .. وعندي 3 اولاد .. انما لو شفتيهم هتحبيهم اوي


كماااااااااااااااااااااااااااااااااااااااان .. 3 عيال ؟؟
( تقريبا جالي اغماء فعلا وفوقوني بعد شوية )

او يمكن اللحظة اللي عدت عليا بعد ما سمعت كدة
انا حسيت فيها اني فقدت الوعي ..
بس مش ممكن ابين له طبعا

- والله .. طيب كويس اننا طبعنا بلديات عشان تقوللي المعلومات الظريفة دي

( كنت بتكلم عادي معاه ومن الداخل طبعا بغلي بغلي بغلي )
( نفسي اشوفه دلوقتي عشان اخبط راسه في الحيطة )
ليه الناس بتكدب ؟؟؟؟

حلفني بايمانات المسلمين اني لو عاوزة اي حاجة
من مصر اقوله
ولو من السويس اقوله
واعتبره زي اخويا

وتبرير كدبه انه محسش انه عاش شبابه ومراهقته
والنت بالنسبة له متنفس

بصراحة هو فيما بعد اثبت فعلا انه يعتمد عليه
في العديد والعديد من المواقف والمشاكل

لكن ده لما نسيت المقلب اللي اخدته منه
كان جامد اوي

بس ليا معاه حكايات كتير
المرة الجاية بقي


,,,,,,Kochia

=================
-------------------------------------------------------------------
الحلقات السابقة من مذكرات نتاوي

الحلقة الاولي ... كوشيا kochia
الحلقة الثانية ... الدرس الاول
الحلقة الثالثة ... shutdown
الحلقة الرابعة ... الاحتـــــــــــراف
--------------------------------------------------------------------

هناك 104 تعليقات:

Moustafa` يقول...

تملكين رشاقه الحوار
والجمل القصيره البينيه التى تعكس نفسيه البطل
--
سكريبت هايل . المشهد ليلي
في إحدى سيبرات السويس
شاشه الكومبو الماكره
---
ياخبر .. دا طلع راجل أوانطه عل الآخر
بس تعرفى انا من ساعه ما تابعت المذكرات دي وانا بحترم شجاعتك في السرد اوي
في بنات كتير هتستفاد من الخبرات دي
بحييكي بجد

خالد كامل يقول...

هههههههههههههههههههه
لا بأمانة البوست ده جميل
و المقلب بتاعه ده جامد
بس هو ده اللى بيحصل بجد
محدش بيقول بياناته الحقيقية
سلام

مدحت محمد يقول...

ههههههههههههههههه

صباح الاشتغالات

الشات ده معروف اصلا

بس الحمد لله اللى جت على اد كدة يابنتى

فى ناس بتخش تنفس عن نفسها فيه بانها تعيش دور غير دورها وحياة غير حياتها
فى الواقع

ياللا مستنيين الباقى بقى ههههههههه

Mahmoud البطراوى يقول...

البوست ده جميل اوى بجد
بس ده الطبيعى الى بيحصل
هههههههههههههه

بو حصل العكس كنا هنندهش

kochia يقول...

S@G!
======
اشكرك ..
والمشهد كما قلت فعلا بس هو عدة مشاعد وانا جبت منها المفيد بس

وهو يمكن انا اللي كنت مبهورة عشان كدة توقعت حاجات كتير مش منه كشخص لكن من عالم كنت فاكره انه عالم سحري ممكن يحقق لك امال واحلام

بس هو كذب برده

ارجو بجد ان الي يقرا يستفيد

تحياتي

kochia يقول...

مهيج الجماهير
==============
هو مقلب فعلا طلع من نافوخي
والظاهر ايامها كان عندي مراهقة متاخرة
نزلت حوالي 3 دمعات

دلوقتي بخلي بالي كويس
تحياتي

kochia يقول...

مدحت محمد
==========
ايوة معروف
ورغم انهم حذروني لكن انا مصدقتش

الناس فعلا بتلبس وش تاني خالص في الشات بس مش مفروض الشخص يكذب كدة لحد كبير

يللا بقي
تحياتي لك

kochia يقول...

بطوط حبوب
===========

اشكرك علي رايك
بس والله مكنتش اعرف ان ده الطبيعي
وكنت بتعامل عادي جدا

بس الظاهر الخبث والكذب جزء من طبيعة البشر

وانا مع اللي حصل ده اندهشت ولو حصل غيره مكنتش هندهش
بس لو عاوز تندهش اكيد هتوصل لحلقة هتندهش فيها جدااااااا

تحياتي

الفارس الملثم يقول...

عارفه كنت كتبلك رد مطول بتكلم فيه عن خبرتي النتيه , بس الجهاز معجبهوش كلامي راح فاصل من غير مناسبه

ما علينا ,,اقلك اخر جزء في التعليق , حقيقي اسلوبك في حكي مذكراتك النتاويه شيق وممتع جدا ,

كان ليا تحفظ علي نصيحة الكذب , فلا يوجد اي مبرر للكذب حتي علي النت , يمكني الاحتفاظ باسراري الخاصة فهذا حقي , لكن من حق الطرف الاخر الا اكذب عليه ..

تحياتي

rovy يقول...

السلام عليكم

انا قلت لك من الاول انا ما بأيدش الشات ده خالص و مش ممكن اتكلم الا مع ناس عرفاها و حساها ..
بس جميل جدا انك تعرفينا العالم المزيف ده ..
وجميل كمان اسلوبك و بيشد .. ربنا يوفقك ..
تقديرى و تحياتى

نعكشة يقول...

هههههههههههههههههههههههههه

والله هموت

انتي سكر

جمال يا سوسن

جمال و التلات عيال
طب و الله اسم رواية فوتوجينك


كويس انك كتشفتي بدري برضو
او هوه طلع اخلاق برضو

و اللي يتلسع من الشربة ينفخ في الشوربة برضو

يلا خير

دمتي سالمة

سلامٌ عليكي

Empress appy يقول...

وكتييييييييييييييير حصلت ولا اللى يقولك مثقف ومنيل وفجأه تحسيه اخره اعداديه
ولا اللى يقولى هو من القاهرة ولما اقوله منين ويقول ليه انتى منين اقوله من القاهرة يغير كلامه ويقولى انا من الزقازيق اقوله كدبت ليه يقولى علشان افتكرتك من مكان تانى فحب يتمنظر عليا وده فى اول مرة يكلمنى هههههههههههههه

جمعاوى يقول...

جزاكم الله خيرا يا أخت

كوشيا

أكيد ده بالنسبة لناس كييييييييييييير خبرة جاهزة

يعنى مش محتاجين يقعوا فى نفس الموقف تانى

أسلوب حضرتك فى السرد قوى جدا ماشاء الله

موهبة لازم تنميها

freedom يقول...

بجد ضحكتيني
بس في شي بالنت بخلي الناس يكذبوا
حتى مع الزمن حتلاقي حالك بتكذبي
و تخترعي شخصيات مش انتي و قصص بتتمني حصولها
الدرس الوحيد اللي بفيدك فيه
النت للتسلية مش لأي شي جد
و لم تعرفي انه حد بكذب عليكي اضحكي من قلبك و لا تزعلي
حتلاقيه بكذب على حاله اولا

... يقول...

مش عارفة اقوللك اية بس واضح ان دة العادي في الشات
الحمد لله اني ما جربتوش
وماليش فيه
يعني من ييجي عشر سنين وأنا باعرف البشر من خلال كتاباتهم وآرائهم سواء كان زمان في منتديات وبعدها مدونات وفيس بوك
بس عامة أحب أقوللك ان البعد عن الناس غنيمة زي ما بيقولوا

تعرفي .. بعد وقت وطول تجربة أقدر أقول من خلال رأيي الشخصي
رغم ان معظم اللي الواحد بيعرفهم علي النت ' بافتراض صدقهم وصدقك' بيشغلوا حيز من التفكير اللي مفروض يوجه للبشر الحقيقيين .. لكن مع الوقت بتصبح لهم أهمية .. لهم ركن في دماغك .. مستنية نجاح واحدة متعرفيهاش أصغر منك بكتير وبتفرحيلها بجد أو تدعي لحد قال انه صحيا مش كويس أو داخل علي شغل جديد .. أو تعزي حد ما تعرفيهوش غير من خلال تعليق .. أو تستني كتاب هينشره حد .. أو حد اتكتب عنه نقد وانت تدافعي ايمانا بأفكاره .. هي دي نوعية العلاقات الصحية والصحيحة .. بشرط إنها ماتاخدش الواحد من حياته
ودة بيحصل يا عزيزتي بعد وقت .. وبعد زوال الانبهار الأولي للتعامل مع غرباء
موضوعك جميل فعلا

kochia يقول...

الفارس الملثم
==============
اهلا يا محمد منور دايما

كان نفسي عرف مذكراتك النتية بصراحة
معلش المرة الجاية بقي
اشكرك علي رايك

وعلي فكرة انا رايي في موضوع الكذب زيك تمام
ولو تلاحظ انا محبيتش اكذب رغم التوصيات
والحاجة اللي محبيتش اقولها هزرت فيها عشان اتخلص من السؤال

بس انا اضطريت اكذب مرة وهبقي احكي الحكاية دي مرة ان شاء الله وابقي قولي ساعتها لو مكاني ككنت هتعمل ايه

تحياتي
تحياتي

kochia يقول...

rovy
======
اشكرك علي رايك
وزي ما قلت قبل كدة
ربما رايك في الشات جه بعد تجربه
ولا الراي ده وصل لحد عندك ازاي ؟؟

علي العموم التجارب حاجة اساسية للتعلم

تحياتي

kochia يقول...

نعكشــــــــة
==============
عزيزتي نعكوشة الجميلة
اولا سلامتك يارب من الموت ومن كل شر
ولو يا ستي الضحك بيوجعك اكتب لك نكد المرة الجاية
هاااااااا

المهم الحكاية دي كانت اول تجاربي علي الشات من 5 سنين كدة

واتصدمت والله بجد
مش عشان حبيته فعلا لاني تعافيت بسرعة يحسدني عليها المحبون
لكن حسيت اني اكلت مقلب وانا مش بحب المقالب
وخاصة مقالب الذكاء والمكائد والمكر
ورغم اني متعلمتش واكلت مقالب تاني كتير بس مختلفة يعني

بس هو فعلا راجل محترم ومؤدب ومقالش اي حاجة جارحة لفظا خالص

انا بقول كدة عشان لو الصدفة وصلته لمدونتي في يوم من الايام يعرف اني قلت كلمة حق سواء في اللي حصل او في رايي فيه

بس فيه ناس كدة بتستلز الكذب
هو منهم

تحياتي

kochia يقول...

appy
======
الشات ده فعلا بيلم
بيلم بمعني انه فيه كل الانواع
الحلو والوحش .. الاعدادية والسلك الدبلوماسي
القاهرة وكفر احمد عبده
يعني فعلا عالم

ودي حلاوته علي فكرة
المجتمع لما يلم لو انت مش منه اوي متقدريش تعيشي فيه
لكن من خلال الشاشة في لحظة ممكن تنسحبي

تحياتي ونورتي

kochia يقول...

جمعاوى روش طحن
==============
اشكرك علي رايك

والحقيقة يا اخ جمعاوي انا بكتب لسببين
وعلي فكرة انا اول موضوع كتبته بتاع كوشيا كنت قاعدة فاضية وبلعب طلع في ايدي ولما فرجت صحابي عليه عجبهم وبعد كدة قلت اجرب
ولقيت الموضوعات بتتكتب
يعني السبب االول تفريغ انفعالي
وفي الكتابة بيكون احسن ما افرغ انفعالي في شخص واندم بعد كدة اني شلفطته

السبب التاني فعلا دي تجارب حقيقة وفعلا اتمني حد يستفيد
مش الضحية بس لكن كمان اللي بيعمل كدة
حرام
الشات وسيلة تعارف وتبادل ثقافات
ولو استفدنا منه بجد هنستفيد لكن اكتر من كدة لا

تحياتي

kochia يقول...

freedom
=========
والله عندك حد
بس انا عارفة الناس بتكذب ليه
عشان الانسان وحش ولو عارف انه مش هيتقفش بيكذب
ومش بيكذب في الواقع لانه متاكد انه ممكن في يوم حد يعرف الحقيقة
لكن النت
ايه اسمك ايه سنك ايه ايه ايه
وانا هعرف الحقيقة منين

بس هو النصيب اللي بيكشف كذابين النت
وعلي فكرة الذكاء في التوقيع
وهو الشئ اللي مكنش عندي زمان خالص

ولا دلوقتي
عارفة
انا بتكلم بطبيعتي وعلي رايك اللي بيكذب بيكذب علي حالة

تحياتي

kochia يقول...

بثينــــــة
============
مجربتيهوش فعلا ؟
ابدا ؟

هو لو ابدا يبقي فاتك جزء من ثقافة العصر
وفاتك جزء من ماساتها ايضا
الشات ده عملة بوجهين
وش يفرحك ويطلعك السما
ووش يعكننك وينزلك الراض

وش جنة .. ووش نار
وانا بقي بتكلم عن تجربة

وانا شخصيا بهتم بالعلاقات الانسانية
بحب اعرف ليه ده بيكدب رغم ان الكدب مش هيفيده
وليه ده صادق رغم ان صدقه ممكن يخسره حد في اللحظة دي
الحب والكراهية
الادعاء .. التواضع .. الغرور
كتير بحب اعرف سبب وجود صفة في انسان
وكتير مش بعرف اللي بحب اعرفه لاني مش بفهم كل حاجة طبعا
لكن مازلت احاول
ويمكن لان دراستي الي حد ما بتبحث في البشر
ومن هواياتي كمان علم النفس وتطبيقه
لقيت النت حقل مناسب
مع النجاحات القليلة وكثرة الفشل
مازلت سعيدة بتلك التجارب

تحياتي الخالصة
نورتيني

Asmaa mahaba يقول...

هع هع هععععععععععععععععععع
تعيشى وتاخدى غيرها هههههههههه كلنا لها يا حبيبتى
على فكره الكتير منهم كدا
لدرجه انهم يخلوكى متثقيش فى اى حد من النت
وخدى بالك مهما كان جدع وكويس دا لا يبرر كدبه نهائيا
ولا تستطيعى الثقه فيه
انا قابلت كتير كويسين بس من بعد ما قابلت الاف من الوحشين
على النت طبعا مش براه
وفى ناس شوفتهم فى الحقيقه مكنتش اتوقعهم كدا وطلعوا احسن مما تخيلتهم وفى العكس طبعا
فى النهايه عاوزه اقول كلمه الكويس كويس فى اى مكان نت او حقيقه والوحش وحش فى كل مكان
تحياتى ليكى سومه_87

maha zein يقول...

دمك شربات في دي اوي
بس من الاول كنت مدركة ان نص الكلام كدب
حتي لو انتي كنتي صادقة
اياكي تصدقى النت
انتي اعدة ورا شاشة والي امامك ورا شاشة
متعرفيش ان كان احول ولا برجل مسلوخة ولا ايه
الحمد الله ان ربنا فوقك من الاول
بلاش نت ارجوكي
بجد
برنا يكرمك ويهنيكي ويسعدك

سمر الشافعى يقول...

فكرتينى باللذى مضى ياما اخدت مقالب من الشات لحد ماوصلت لمرحله التعود وبعدها خلاص علاقتى بيه خلصت عشان مبقاش عندى وقت وكمان زهقت من الكدب اللى فيه البنات ولاد والولاد بنات وكله بيشتغل بعضه وكله قاعد ورا الجهاز بتاعه بيضحك عاللى بيكلمه وبيشتغله

توب علينا يارب من الشات وبالاويه واللى بيجرا فيه

زى الهوا يقول...

هههههههههههههههههههههههههههه


ايـــــــه كل كمية الصدمات دىىىىىىىىىى , النت ممكن يخلى الواحد يلبس قناع اووووووى , ممكن الشيطان ياحبى يبقى ملاك

نعكشة يقول...

والله اللي تكتبيه

انا بحب اسلوبك قوي يعني ماشاء الله

........

بالنسبة لهذا الرجل ربنا يهدية و يرحمة من المقالب بقة

دلوقتي تلااقية شارف علي الخمسين

تعافيتي بسرعة لأنك محبيتيش بجد
انه التعلق سيدتي

ماهو الكلام الحلو حلو برضو :D


يا واد انت يا دبلوماسي يا كوشيا

ربنا يبعد عنك شر المقالب يا رب

دمتي سالمة

سلامٌ عليكي

Unknown يقول...

تخليتى على القاعده اللى هوا كان محافظ عليها اوى
بس يخسارة تخلى عنها فى الآخر

حكايتك جميله وأسلوبك فى شرح الحوار جميل

شكرا

مصطفى

""""" يقول...

يالهوىىىىىىىىىىىىىىىىىىىىىى

ايه دا بجد ؟
حتة مقلب جامد اوى يعنى

اوى اوى بصراحه
اسكتى ياشيخه دنا كنت متعاطفه اوى وانا بقرالك وبقول يارب تنتهى على خير

يطلع متجوز و و و و

لا كويس انك بخير دلوقتى :D

بالنسبه لقصة الكدب
انا لاحظت فعلا ان فى ناس بتكدب فى حاجات اصلا متستدعيش الكدب

وعادى جدا لو قالوا الحقيقه بس بيغيروها

معرفش السبب
الله اعلم بخبايا النفوس

بس انا فعلا اول ما دخلت نت كنت اعرف ان مفيش حد بيقول الصراحه

ورغم كدا كووووووووووول اللى كلمتهم صدقتهم !!!!!!

وبرضه اتصدمت فى ناس كتير منهم
وطلعت حقيقتهم حاجه تانيه

مستغربه جدا
بس كنت بصدق لانى كنت شايفه نفسى بقول الحقيقه

ومكنتش اعرف ان ممكن يكون فى سبب يستدعى الكدب

ما علينا

انتى اسلوبك فى الحكايه شدنى جامد
وبجد اتاثرت بالمقلب ده اوى

غير معرف يقول...

بجد تحفه
معحب بصراحتك جداا وقصص نتاوى المثيره

kochia يقول...

سومه...مجنونه فى بلد عاقل
=========================
هي حصلت هع هع هع
طيب ربنا يسامحك

علي العموم الحمد لله انا عشت فعلا وخدت غيرها
بس بطرق مختلفة
وفعلا كلامك صح
النت ده والشات عالم كبير فيه كل الوشوش زي ما قلت قبل كدة

المهم الواحد يستفيد من التجربة ويبقي الحمد لله انه طلع سليم

تحياتي

kochia يقول...

maha zein
===========
اهلا حبيبتي
الحاجات دي حصلت زمان
وانا فعلا كلمت بتوع الرجلين المسلوخة وامنا الغولة وكله وخلاص
انقضي الامر
ومعني اني عايشة وبحكي
اني جيت من ارض الاحلام دي للواقع الحمد لله بسلام
اشكرك علي رايك
واشكرك علي النصيحة

تحياتي

kochia يقول...

سمر الشافعى
============
توب علينا يارب من الشات وبالاويه واللى بيجرا فيه

اميــــــــــــــن
اهلا بيكي دايما

تحياتي

kochia يقول...

زى الهوا
==========
اهلا بيكي

والشات اصلا قناع في حد ذاته
وكل الناس لابسينه حتي احنا

ممكن تستطرفي واننتي مضايقة
ممكن تقولي عيانة وانتي سليمة
ممكن وممكن

بس هو مهارة برده انك تعرفي تقولي ايه امتي
مش كدة ؟؟


تحياتي

kochia يقول...

نعكشــــــة
============
ايوة طبعا الكلام الحلو حلو
وكلامك انتي من الكلام الحلو برده
متشكرة علي ذوقك يا قمر

وربنا يهديه ويهدينا

قوليلي
مين سوسن ؟

kochia يقول...

egyboy
=========
اشكرك يا مصطفي
وانا كنت بتعامل بطبيعتي
ومازلت

بس بقيت اكثر حذرا فيما بعد

تحياتي

kochia يقول...

amal
========
جامد وطلع من نافوخي
لا بس انا تمام الحمد لله
والامن مستتب متقلقيش خالص عليا
واشكرك جدا علي رايك

وانا هدفي مش انك تضايقي هدفي انك تتضحكي ولو تحبي تسجلي استفادة يبقي احسن

تحياتي

kochia يقول...

احمــــــد
==========
اهلا بيك دايما
ومبسوطة ان الحكاية عجبتك

تحياتي

Bosssssy يقول...

انا كان قلبى بيوجعنى مع كل حرف بقرأه ومن البداية كنت متوقعة ان النهاية هتبقى سوداوية بس ماتصورتش انها كحل كدة............

أنا قلت ده هيطلع مثلا كبير شويه او شغلته مش اوى لكن ماتصورتش ان هتبقى كل الحاجات دى مع بعض وبزيادة شوية.........

أتمنى ان كل البنات اللى ع النت ياخدوا بالهم ويحرصوا من شياطين الانس.........

اتمنالك التوفيق..........

Pusssssy

سارة علي يقول...

انا بحب طريقة من عرض الموضوع بجد انتى عسولة اوى يا كوشيا
ودايما بحب اقرالك يا عسل وبجد يسعدنى انك بلدياتى
تحياتى يا سكر

غير معرف يقول...

الموضوع تحفة طبعا
جوكا مش راضية تقعد الا لما تقرا معايا الموضوع..

نعكشة يقول...

انا عارفة ( وش بيبص حوالين نفسه)
مين سوسن دية؟؟؟؟؟

كاميليا بهاء الدين يقول...

ماهو بالعقل كدة

واحد عايش فى موزمبيق

ومشكلته أنه
..
- لا مش متجوز .. بدور علي عروسة تقبل امي تعيش معاها (ست كبيرة وملهاش غيري)
..

كان لازم تعرفى انها اغنية
مش فيه حموات فى موزمبيق اصلا
D:

كوشيا الحبيبة
اه لو تعرفى الحكاية دى بتتكرر أد ايه
ومن سيدات كبار فى السن والطرف الاخر شباب من العشرينات
قرأت كتير اوى عن كده
شئ محزن والله
زى ما تكون القلوب بقى سهل كسرها واصلاحها ... والاحلام .. رسمها ومحوها

بوست جميل اوى
انا مش عاوزة اخرج من هنا
عاوزة اقعد عندك شوية

تحياتى وحبى

kochia يقول...

pusssssy
==========
يا شيخة لا كحل ولا حاجة
الحمد لله جت علي قد كدة
بس هي كل الحاجات دي مع بعض كتير فعلا
وفعلا اتمني ان كل بنت تبقي عاملة حسابها علي حاجة زي كدة

اشكرك
وتحياتي

kochia يقول...

سارة علي
=========
يا حبيبتي ربنا يخليكي
وبجد انا مبسوطة انك مبسوطة هنا

وطبعا اهم حاجة حكاية بلدياتي دي

تحياتي لك

kochia يقول...

dady
=======
وجوكا معلقتش ليه
كنت عاوزة اعرف تعليقها

بس انا مبسوطة اوي انك انتي وهي قريتم
كل حبي

kochia يقول...

نعكشـــــة
=============
ماشي

هبقي اقوللك اسمي في السنوية بتاعة التدوين بتاعتي
ماشي ( وش بيضحك ضحكة شريرة )

انتي بس اسالي وانا اقول علي طول
سلام

kochia يقول...

كاميليا
========
هي كانت اغنية فعلا
بس مكنتش سمعت اغاني قبل كدة فانبهرت
دلوقتي انا سميعة كبيرررررررررة
والنس فعلا بتستهتر
فاكرة انه هزار
لكن ده جد
وفعلا كسر القلوب مش سهل
واللي يقدر عليه مش اي حد

وطبعا البيت بيتك وانا مبسوطة اوي انك استريحتي هنا
ويارب اشوفك كتيييير

تحياتي لكي

Empress appy يقول...

قولت ارد عليكى هنا اصلى مش ناويه ارد على الكومنتات هناك النهارده
يا حبيبة قلبى لما بقولك كعب كوبايه وبتريق انتى مش فاهمه اسلوبى اصلك
اقصد ان عندها قصر نظر فى الفهم يعنى ايه تودى مصريين شغالات للسعوديه يعنى واحده مش بتفهم فى قيمه المرأة ولا فاهمه يعنى ايه كرامه ست مصريه مش اقصد اتريق على شكلها
ولو انها بصراحه متنفعش وزيرة ابدا

ملحوسه انا بلبس نضارة بس مش كعب كوبايه قدام التليفزيون والكمبيوتر هههههههههههههههههههههههههههههههههه

ShimaaMahdy يقول...

بجد اول مرة ادخل هنا..بس بجد مدونتك رائعه

انا بقالى كام ساعه قاعدة فيها ..بس مواضعيك جميله عجبنى موضوع الخيانه جدا
وان شاء الله اكون متابعه

عجبنى مذكرات نتاوى جداااااااا

لان فعلا فى كتير هيستفاد منها و انهم مهما كانت حاجات جديده عليهم لكن مش لازم الانبهار لدرجه العمى الفكرى

بس انا مش معكى فى نقطه ان كله كدب بالعكس انا عرفت ناس من النت وبعد كدا فى الواقع ودلوقتى احنا اصدقاء جدااااا

منهم ولاد وبنات ..وعرفت كتير ارتبطه برضه من النت ..اى نعم فيه كدب لكن مش لازم نعمم لان برضه هو عالم فيه الحلو والوحش

ولا انت ايه رأيك ؟ (:

اسفه انى طولت فى التعليق

بس بجد مدونتك عجبتنى جدا وطريقه الكتابه جميله جدا

تحياتى

(:

tarek alghnam يقول...

اختى الرائعه
ماشاء الله عليكى
فعلا اسلوبك رائع
قريت البوست كذا مرة ومش لاقى التعايق الذى يناسب روعته
تقبلى تحياتى
ودمتى بحفظ الله

Shimaa Gamal يقول...

مذكرات نتاوى بتفكرنى بتاريخى مع الإنترنت و هو تاريخ من أول صفحاته إدمان :) و الإدمان لا تصلح معه القواعد :)
بس بمناسبة المذكرات الجميلة دى فكرتينى بموضوع كنت كتبت منه جزء و فقد الحماس إنى أكمله عن الonline relations
هل الصداقة فعلاً صداقة و هل الإعجاب فعلاً إعجاب و الحب حب بجد و لا إيه النظام .إيه رأيك؟

أية الشقية الشعنونة يقول...

هههههههههههههههههه
مقلب كبير اوى ده يا كوشيا
هع هع هع
هما السوايسة كده بياخدوا كل مقلب ومقلب
بس بجد انتى تنفعى فى السيناريوهات جدا
بقولك انا ودريم ومدحت بنفكر نعمل رابطة مدونى السويس
ايه رايك
يا ريت تضيفينى على ايميلك او تقوليلى طريقة اوصللك بيها عشان نتكلم فى الموضوع ده رايك يهمنا طبعا
تحياتى ايتها المبدعه

رئـــــيسـة حزب الأحلام يقول...

هههههههههههههههههههههه
ايه ياكوشيا الجمال دة حبة هنود
ووصلتى للكذابين
انا راى البتاع دة عملوة للكذب عشان اللى نفسه يكذب يقعد علية ويكذب
بجد موقف محزن فى نفس الوقت
تحياتى لكى غاليتى

غير معرف يقول...

انا مستنيه العدد اللي جاي علي نار
وجوكا كمان

kochia يقول...

appy
=====
اها
الحمد لله انك فهمتيني
واذا كان قصدك كدة يبقي هي فعلا كعب كوباية ونص
واعذريني اذا كنت فهمت غلط وكويس انك وضحتيلي النقطة دي

تحياتي

kochia يقول...

ShimaaMahdy
=============
اشكرك جدا علي رايك
وانا مبسوطة ان شاء الله انك هتابعي موضوع الخيانة انا هكمله قريب ان شاء الله

وكمان مبسوطة ان مذكرات نتاوي عجبتك
وعندك حق ان فعلا فيه انبهار لدرجة العمي بيصيب الناس
مش عارفة قلة خبرة ولا تطلع للغريب ولا تفاهة الله اعلم

ورغم كدة وزي ما قلت قبل كدة النت له وش جميل بس صدفة للي يقابله
وانا برده اعرف ناس تقابلوا منه وحبوا بعض واتجوزا وكانوا صادقين وسعداء الحمد لله
هو وسيلة زي اي وسيلة
والعيب مش فيه ابدا
العيب في الانسان اللي قاعد قدام الشاة
بيقول ايه
وبيعمل ايه

تحياتي
واتمني انك تكوني نبسوطة هنا دائما

kochia يقول...

طارق الغنام
=============
اشكرك جدا علي كلماتك الرائعةواتمني مرورك دائما واستمتاعك دائما

تحياتي

kochia يقول...

Shimaa Gamal
==============
هو ادمان فعلا من اول لحظة
مش هنكر ابدا
وده حصل مع ناس كتير منهم من ظبط نفسه ومنهم من استمر

وفعلا الادمان لا تصلح له قواعد ابدا
الادمان له قواعده الخاصة وهي لا للقواعد

بس هو ادمان حلو يعني مش قاتل
علي الاقل بالنسبة ليا

بس ليه فقدتي الحماس لموضوعك
باريت تكمليه
موضوع علي فكرة عصري جدا وحقيقي وواقعي

ورايي
صداقة الشات ممكن جدا جدا تكون صداقة حقيقة
صداقة من غير اي طلبات
محدش يقوللك هاتي ولا روحي ولا تعالي ولا اي حاجة
مجرد انك تسمعيه ويسمعك زي فضفضة
واكنك بتكلمي نفسك


والاعجاب فعلا اعجاب في الشات
انتي بتعجبي بصفات والصفات لمستيها في كلمة وفي راي وفي فكرة

لكن الحب بقي مختلف
ليه ؟؟
الحب الافلاطوني ممكن
واعني بيه صداقة مطلقة واتفاق تام وتناغم كامل

ممكن يبقي حب فظيع وشديد جدا وحقيقي
لاننا بتحب روح مهما كان شكل الجسد اللي بيحتوي الروح دي
بنحب الفكر والاخلاق مهما كانت الظروف اللي عايش فيها
ويستمر كدة بعد اللقاء الحقيقي

وممكن يبقي حب لكن بعد اللقاء يختلف
بسبب اننا بنرسم صورة في خيالنا للشخص اللي بنكلمه وبنحبه
وبنحب الصورة اللي رسمناها له اكتر ما بنحبه هو
ولما نقابله بقي
نقول لا
مش انت اللي حلمت بيك وحبيتك سنة مثلا او اكتر

وفي الحالة دي بنكون بنحب حد في خيالنا مش موجود في الواقع

وده كله بافتراض الصدق الكامل من الطرفين
لكن الكدب منهم او من حد فيهم هو اللي بيشوه الصورة الجميلة والاحساس الاجمل
وبيكون اكيد مش حب
ولو مش حب من طرف واحد المعادلة بتتهد وبتوبظ ومش بيبقي حب حتي لو الطرف التاني حاسس بالحب

يارب اكون عرفت اوصل ليكي رايي صح

اشكرك علي تفاعلك
ومرورك
واتمني وجود كائما

تحياتي

kochia يقول...

أية الشقية الشعنونة
=======================
هو مقلب كبير فعلا
بس يللا
اللي يعيش ياما يشوف

واشكرك علي رايك فيا ومبسوطة ان الموصوع عجبك

وحلوة فكرة الرابطو كفكرة طبعا
بس حاجة زي كدة لازم يكون لها اهداف وخطة عمل عشان متبقاش بلا قيمة

وطبعا انا معاكم
تحياتي ليكي وللجميع

kochia يقول...

رئـــــيسـة حزب الأحلام
======================
هو فعلا موقف وحش ويحرق الدم
لكن دلوقتي لما حكيته حسيت انه طريف

يا ستي ياما الواحد شاف
ده بسيط

لما تقري الحاجات اللي بعد كدة هتعرفي

تحياتي

روووومي يقول...

سلام عليكي....
اولا اسلوبك في السرد عجبني جدا وشدني جدا ويخلي الواحد لازم اما يبدا الموضوع يكمله لاخره....
استمري ... ربنا يوفقك

اما بالنسبة لموضوع الشات ده انا كمان زيك مستغربة جدا لان الناس عندها ان الطبيعي ان الواحد يخش يكدب لا وايه بقي شايفين ان دي هي المتعة في الشات
بس فعلا ناس كتير بتهرب من الواقع بالشات دي

في رايي ان الواحد يخلي الماسنجر ده لاصحابه اللي يعرفهم شخصيا
ازاي يعني اقعد اتكلم مع واحد او واحدة عالنت وعمري في حياتي ماقابلتهم؟
احنا مع الاسف دايما اي تكنولوجيا بناخد منا اسوأ ما فيها

ماتزعليش من الموقف
ادينا عايشين بنتعلم

سعدت جدا بزيارة مدونتك
ربنا يوفقك

kochia يقول...

dady
======
جوكا وحشتني اوي
ويهمني انها تتبسط طبعا

هي مش هتعمل مدونة بقي ؟؟
انا رايي تبتدوا فيها انتم الاتنين

ايه رايك

kochia يقول...

روووومي
===========
اهلا بيكي
واشكرك علي رايك الجميل

اما بالنسبة للشات
فيه ناس فاكرين ان متعته في الكذب
العيب هنا برده في الناس دول

انا بقي ضد ان اخلي الماسنجر لصحابي فقط
لان صحابي صحابي بشوفهم وبكلمهم في التليفون و و و
عادي يعني

ولو الفكرة اني ازاي اكلم حد عمري ما كلمته قبل كدة .. طيب مانا لما بروح شغل جديد بكلم ناس عمري ما كلمتهم قبلل كدة
ولما بعزل بقابل جيران وبكلمهم عمري ما كلمتهم قبل كدة
ولما بغير مدرستي او بروح الجامعة او لما حد يعرفني علي حد جديد او لما حد من اهي يتجوز ونعرف عيلة جديدة

كل دي حالات بكلم فيها ناس عمري ما كلمتهم قبل كدة

العيب فينا احنا
مش في جهاز كمبيوتر ولا برنامج شات
العيب فينا احنا
وزي ما بتعلم من معاملة اي فرد في الدنيا بتعلم برده من مواقف مريت بيها هنا في النت

ده رايي

تحياتي

ahmed_k يقول...

برضوا كده
في حد يصدق كلام حد عالشات
من كتر الكدب اللي عالشات بطلت
أشتشت خااالص
التدوين أجمل وأصدق
ومفيهوش الكدب بتاع الشات خالص
وبتعرفي الشخصيات بنسبة مصداقيه أعلي

ممكن تعتبري اللي حصل تجربه مفيده أو درس مفيد عن أصول التعامل عبر الشات


تحياتي ممزوجه بأطيب أمنياتي

blue-wave يقول...

ههههههههههههههههههه
بجد والله انا بقيت بحب مدونتك جدا
يمكن علشان ماليش فى حوار الشات دا اوى
لكن سمعت عن مقالبه كتير
تقبلى تحياتى

kochia يقول...

ahmed_k
==========
اهلا بيك عندي لاول مرة
ويمكن انت قريت الموضوع ده بس لكن احب اقوللك اني دي مذكرات
والحقيقة انا مش هكتب موقف واحد لا انا عندي العديد من المواقف

واكيد اتعلمت بس بالمواجهة مش بالهروب من المواقف دي
والتدوين انا اعرفه من شهرين فقط
مكنتش اعرف عنه اي حاجة قبل كدة

ادعوك لقراء كل المذكرات
تحياتي

kochia يقول...

blue-wave
============
كويس انك مالكش في الشات كتير
انت في سن المقالب تماما

يعني خلي بالك لو قررت في يوم تشيت
واديك عرفت العينة

تحياتي

حـــــدوتـــــة يقول...

السلام عليكم

يا سيتى عادى الصداقة اللى على النت
دى صداقة وهمية فمتخديش فى بالك
ومتحوليش تخدى صحاب من على النت
انا فضلت بكلم واحد صاحبى على النت
اكتر من شهر على انى بنت وبتحبه كمان
وهو كان مصدق وفضل يقولى كلام عن نفسه
وكله مش حقيقى لانه صاحبى وانا عارفه
وبعد ما قولتله قعد اسبوع مخاصمنى
وبعدين خلاص عاااااااااااادى

سلالالالالالالالالالالالالالالالالالالالالالالام

يا مراكبي يقول...

ياه .. دي بمبه كبيرة قوي

بس ده متوقع على فكرة لأن الكل مستخبي وصعب جدا تعرفي مين اللي صادق ومين اللي بيتسلى

كويس إنه ما طلعش واحدة ست

مدحت محمد يقول...

نزلت القصيدة

أنا حر يقول...

اول مرة ازور المدونة دي بس عجبتني قوي وان شاء الله مش هتكون الاخيرة
الموقف ده حصل لناس كتير قوي على النت على فكرة وده كله بسبب سؤ التعامل وسؤ استخدام النت وكأن الانترنت المكان اللي المطلوب مننا اننا نكذب فيه
عموما انا برده من السويس يعني احنا بلديات برده بس انا مش بحب الكذب
:)
تحياتي

فارس بلا جواد يقول...

kochia
حلو قوى البوست بجد
ونصيحه بلاش الشات ده

تحياتى

بنت الاسلام يقول...

وربنا عسل وفعلا ظاهرة جامده قوي الكدب علي النت ده عشان كده ياريت الكل يتجنب غرف الشات لان حقيقي اغلبهم كدابين وداخلين تسالي وخداع للناس وبس

ربنا يحفظنا ويقينا شر الخداع والعبط كمان

تحياتي

WhItE HeArT يقول...

هكذا هو الحال


بقدر مااسعدتني التجربه بقدر مااحزنني طريقتنا في التفكير

تحياتي

kochia يقول...

حـــــدوتـــــة
================
الصداقة علي النت دي نوع من انواع المعرفة بس الكذب فيها سهل
وانا اعرف اصدقاء من علي النت وطلعوا صادقين جدا اكتر مني وبحترمهم جدا جدا
وممكن اعرف اصدقاء من برة النت ويكدبوا برده
والدليل انك كلمت صاحبك في الحقيقة وكدبت عليه
وهو كلمك وهو مبعرفكش وكدب عليك
يبقي العيب فيك وفي صاحبك مش في الشات نفسه ولا في التكنولوجيا

احنا اللي بنبوظ
زي ما بنبوظ اي حاجة
فكر تاني كدة وقوللي رايك

تحياتي

kochia يقول...

يا مراكبي
==========
فعلا صعب جدا تعرف
بل مستحيل تعرف مين بيكدب ومين مش بيكدب الا في حالات نادرة اوي

تجارب بيمر بيها الانسان
تحياتي

kochia يقول...

مدحت محمد
========

قريت وعلقت
ايه القصايد النار دي

بجد
عجبتني
كل شهر كدة هعمل لك ترتيب احلي القصائد
ايه رايك ؟؟

تحياتي

kochia يقول...

أنا حر
========
مرحب بيك
وفعلا موقف بيتكرر كتير

للاسف
مش عارفة ليه الناس بتحب الكدب اوي
بس يمكن لاسباب

انا برده كدبت مرتين تلاتة كدة وهبقي احكي عليهم ان شاء الله

شكلي هبقي اقفل التعليقات عشان محدش يقوللي شريرة !!!

تحياتي

kochia يقول...

فارس بلا جواد
=============
انا حاسة اني صعبت عليك

الحاجات دي قديمة يا فارس والله
مذكرات

اشكرك علي النصيحة

تحياتي

kochia يقول...

بنت الاسلام
============
امين
ربنا يستر

اشكرك علي رايك

kochia يقول...

WhItE HeArT
============
فعلا هكذا الحال

اشكرك علي رايك

تحياتي

funckydoctor يقول...

هههه
تعيشى وتاخدى غيلرها
تعرفى أنا عمرى ما بدخل على الشات العام
أنا أثلا بدأت استخدم الشات مت ستة بس
بعد ما بقيت نتاوى :D
بس حلوة قوى طريقة العرض
الا بالحق انتى متجوزة :D

مواطن مصرى نايم يقول...

ايه نعم مين فين و ليه و امتى يعنى ؟؟؟؟؟

لا غلطانة غلط شنيع بشيع فظيع مريع
ازاى تثقى فى حد لمجرد ان اسلوبة ريحك فى الكلام
زى ما بيقولوا
(السم فى اللسان)
ــــــــــــــــــــــ
بس اسلوبك جميل بجد بيعجبنى
بس اقولك حاجة انا عمرى ما كدبت على اى حد كلمتة عالنت
دا انا كنت بوصف لهم انا ساكن فين كمان

يعنى و الله انتى كده احسن الواحد حيكدب ليه يعنى

المهم انك عرفتى الحقيقة
مستنى الباقى اشوفك اعتمدتى علية فى ايه
بجد قفله جامده مشوقه يعنى

زى ما بقولك اسلوبك جاااااااااااااامد جدااااااااا
من الناس اللى بجد بحب اقرء بوستاتهم كاملة
تحياتى يا كوشيا

اسلام

RaRa يقول...

ههههههههههههههه
بصراحة طول البوست وانا اضحك
يابنتى مافيش حد على النت بيتكلم صح اغلبهم بيكذب
تعيشى وتاخدى غيرها

kochia يقول...

funckydoctor
==============
متشكرين
وحلوة الدعوة
علي العموم انا اخدت غيرها بس بطرق مختلفة
وتقريبا انت بتسال علي الجواز عشان المفروض لوكنت متجوزة محكيش كدة صح ؟؟؟

حتي الان عندي شجاعة الحكاية لكن ممكن شجاعتي تخونني اي وقت سواء بجواز او من غيره ..
ولا .. مش متجوزة

تحياتي

kochia يقول...

مواطن مصرى نايم
===============
معلش بقي كنت ساذجة
اوعي تقولي انتي كبيرة علي السذاجة
لا مكنتش كبيرة علي السذاجة رغم اني كنت كبيرة سنا مش صغيرة ولا مراهقة

بس ساعات كدة بتلاقي حاجة بتدق علي حتة معينة جواك
تستجيب بدون ما تشعر

هو ده اللي حصل

اشكرك جدا علي رايك

تحياتي

kochia يقول...

rara
=======
يارب علي طول بتضحكي
ايوة يللا
هعمل ايه بقي

تحياتي
ومتتاخريش علينا تاني

نـــــور يقول...

كوشيا
السلام عليكم
يمكن دى مش اول زيارة لمدونتك بس الاولانيه كانت من زمان بس كويس انى جيت هنا تانى مذكراتك حلوة
بس يظهر ان كل اللى اسمهم عمرو كده ههههههههه
بلاش الشات لان مقالبه كتييييير وعادة بتكون البنت هى الضحية
تحياتى ليكى واتمنى يدوم التواصل
واسفه جداااا لانى اتاخرت كده فى زيارتك بس ربنا يعلم بالظروف

دمت بخير

Abd-Alrahman يقول...

ههههههههههه
لا بجد ربنا معاكي
ياريت بعد كدة تاخدي بالك عشان بعد كدة الخبطة هتكون في الوش عشان الراس متجبسة
وطبعا خبطة الوش مفيهاش معلش
ههههههههههه
بجد اسلوبك جميل اوي وطريقتك كمان
بس للاسف انا هقولك ان الكدب بقي افة العصر والضهر كمان

وان كل الناس دلوقتي عايشة بتكدب علي غيرها الا ما رحم ربي
علي العموم خدي بالك المرة الي جاية واتاكدي قبل ما تعجبي بحد

ههههههههههه
يا متجوزة

مستني زيارتك لمدونتي المتواضعة
ربنا معاكي
دمتي بخير

kochia يقول...

Habiba
========
يا ستي ولا يهمك
انا سعيدة بوجودك دايما

تحياتي

kochia يقول...

Abd-Alrahman
================
اه طبعا خبطة الوش مفهوش معلش

انا مخلية بالي منه اوي اطمن
وفعلا الكدب بقي عادة مش خروج من موقف او زنقة والناس اتعودت عليه

بس قولي ؟؟
يعني ايه يا متجوزة دي ؟؟

غير معرف يقول...

السلام عليكم
أولاً اذيك يارب تكوني بخير
أنا جاية عشان أعرفك بمجلة علّي صوتك
أصدقائنا وأعزائنا المدونون



مجلة علّي صوتك
مجلة المدونين
منهم وإليهم
لينكها http://3allisotak.net/

Shimaa Gamal يقول...

مساء الفل
أنا أسفة إنى تأخرت فى الرد . و الله كلامك شجعنى ممكن أرجع أكمل الموضوع اللى كنت شلته عى الرف من قلة الحماس .
أتفق معاكى تمامًا إن الصداقة على النت مافيش فيها فرق كبير عن الصداقة فى العالم الحقيقى اللهم إلا إنها صداقة غير ملموسة بالضبط زى المكان الموجودة فيه . مشكلة عالم الإنترنت إنه موجود و لكنه غير ملموس . و علشان غير ملموس فى ناس بتستغل النقطة دى فى الخداع . ساعات من باب الهزار و ساعات من باب عقد النقص و ساعات لأغراض أخرى .
و علشان غير ملموس فالواحد بياخد وقت على ما يفهم ما بين سطور الكلام و علشان عالم غير ملموس أكثر ناس إرتبطت بيه كانت الناس اللى خيالها أوسع . فى ناس كثير بتقول إنها مش عارفة إزاى الواحد يتواصل مع الدنيا بشاشة و كيبورد و كابل و ناس شايفة إن العالم ده لعنة .
و علشان غير ملموس برضوا بتفضل صداقاته ناقصة حاجة و غالبًا فى أحيان كثير ممكن تتحول الصداقة من العالم الإفتراضى للعالم الحقيقى و لكن التحول ده مش دائمًا بيكون سلس . لإن النقل من الخيال للواقع مش سهل لازم يكون فى درجة صدق عالية . علشان الواحد مايلاقيش نفسه داخل فى الحيطة .
و علشان الإفتراضية فى عالم الإنترنت فالحب فيه ، أو نقدر نقول الهلوسة اللى البعض قد يسميها مشاعر حب فرصها أكثر . لإننا فى كل الأحوال بنقع فى حب اللى إحنا متوقعينه . أو بنحب اللى إحنا حاسينه مش بس اللى شايفينه .
و على فكرة أنا مش من الناس اللى بتخفى الإسم الحقيقى و العمر إلتزامًا بالقواعد . أنا بتعامل مع الإنترنت معاملتى مع الشارع . و الشارع زى ما فيه ناس بنت ناس ، فيه ناس ولاد ... ناس برضوا :)
شجعتينى أكمل الموضوع ، لو كملته هابقى أقولك أكيد علشان أعرف رأيك

وميض ابتسامة يقول...

بصراحة أهنئك للمرة الثانية على رشاقة الاسلوب وسهولة التواصل بين اصل الموضوع .. لكن برضه انا عايز اعرف رأيك وبوضوح فى اصرار طرفى الشات فى الكذب .. ولو بنسب متفاوته.!!!!

فى انتظار رأيك وبصراحة؟؟؟؟؟؟؟؟

kochia يقول...

غير معرف
===========
اهلا بيكي
وان شاء سوف اطلع علي المجلة

تحياتي

kochia يقول...

Shimaa Gamal
===============
مسا الورد
انا مبسوطة انك قررتي ترجعني للموضوع تاني
وعلي فكرة كل يوم اهميته بيزيد بزيادة الناس اللي بتستخم الانترنت في التعارف
وهتشوفي رد الفعل عليه هيبقي ازاي ان شاء الله

هو فعلا مشكلته انه عالم كامل بس غير ملموس
عالم افتراضي كما يسميه البعض
بس هو مش افتراضي في رايي .. بل هو عالم حقيقي ولكن غير كامل

عشان كدة زي ما قلتي صداقته ناقصة وحبه ناقص .. ممكن اي حد يدخل في الحيطة
زيي كدة في البوست ده

وانا معاكي جدا جدا ان زي ما الشارع فيه ناس ولاد .... وفيه ناس محترمة بنت ناس النت كدة برده
ده رايي اللي بقوله عن تجربه
وعن وقائع لا لبس فيها ولا خلاف

وبجد اتمني اقرا موضوعك ده في اقرب وقت
ومخمخي فيه بقي
واتمني اكون او حد يقراه ان شاء الله
وانا مبسوطة اوي انك بتابعيني
بس هتكتبيه في اي مدونة من بتوعك ان شاء الله ؟؟
اظن الانجلش
وحياتك ابقي كبري الخط شوية لحسن بصدع من الخط النونو
الظاهر محتاجة نظارة ولا ايه ؟؟؟

تحياتي الخالصة

Shimaa Gamal يقول...

عينيا ليكى مع إنهم شكلهم اليومين دول عايزين نضارة برضو :) مش تقولى إن الخط النونو هو السبب :) كنا كبرناه من زمان بدل ما نظرنا ضاع هبائًا :)

الجزء الأول كنت كاتباه بالإنجليزى فعلاً و مش عارفة بعد ما شجعتينى كده هاكمل على الإنجليزى و لا أكتب واحد على مية بيضاء بالمصرى الفصيح بتاعى .
أنا اللى متشكرة جدًا على المتابعة و الصبر على الخط النونو اللى هايكبر علشان خاطرك من البوست الجى .

kochia يقول...

وميض ابتسامة
=============
"" برضه انا عايز اعرف رأيك وبوضوح فى اصرار طرفى الشات فى الكذب .. ولو بنسب متفاوته.!!!!

فى انتظار رأيك وبصراحة؟؟؟؟""

اهلا بيك وشكرا علي رايك

اما السؤال فهو سؤال قوي ومباشر
وهرد عليه

يصر بعض بل الكثير ممن يتحدث شات علي الانترنت علي الكذب فعلا لعدة اسباب

السبب الاول
-----------
" انا لا اكذب ولكني اتجمل "
عارف كدة لما الوحد يجي يخرج يلبس لبس حلو ونسرح شعرنا او نحط مكياج او اخد قميص اخويا وكرفتة اخويا التاني
وموبايل اختي عشان رايح مقابلة مهمة
لقاء النت هو لقاء شخص مش عارف عني حاجة يبقي لازم اتجمل والتجمل في الحوار هوالكذب طبعا
يبقي اول سبب انا لا اكذب ولكني اتجمل

السبب التاني
--------------
"احلام اليقظة "
الكمبيوتر جهاز صغير قابع في حجرة مظلمة ممكن تكون مساحتها لا تزيد عن 6 متر وهذا الذي يجلس اما الجهاز يريد تحقيق ذاته في عالم اخر غير الذي لا يستطيع تحقيق اي شئ فيه فيبدأ في نسج الاحلام وهو يتحدث
والحلم غير الحقيقة
اذن فهو يكذب
وزمان ايام ثانوي وفيما بعد درسنا احلام اليقظة مثل احلام البطولة .. واحلام الشهادة وغيرها كثير التي يحلمها المراهق مثلا وجد لها في هذا الجهاز منفذا
ولا يقول له احد انت كذاب او حتي يراه ليوبخه

السبب الثالث
-------------
"الطموح "
كثيرا من معتادي الشات يطمحون الي تغيير حالهم عن طريقه وبالتالي يجملون انفسهم ايضا مثل السبب الاول ولكن ليس لمجرد الكلام
ولكن مثلا بنت عاوزة تتجوز حد بعيد خالص عن عالمها ومستواها وظروفها و و و
لازم هتقول حتتين كدة كذب
او واحد تاريخه اسود بس عاوز يشتغل او يعمل حاجة مختلفة هيكذب عشان يحلي بضاعتها زي ما بيقولوا بما ان محدش شايف الحقيقة

السبب الرابع
-------------
"حب اللهو والاستغلال "
فيه ناس بقي بتكدب لمجرد انها مش هتتقفش
هو حد هيشوفني يعني ؟؟
دي كلمة مالوفة

او مثلا وهو هيعرف الحقيقة ازاي

او ادينا بنتسلي

الاستخفاف بمشاعر الاخرين
من يصدقون ولا يتوقعون ان يكون الكذب لهذا الحد
زي ما حد يسرق ويقول محدش شايفني
وزي ما حد يتريق علي حد وهو مش سامعه

سوء سلوك عنيف ينم عن عيب في الشخصية اعنف
او حد يضحك علي بنت بدعوي انه حيها لمجرد انه يستغلها ماديا او حتي جسديا

دي الاسباب اللي فكرت فيها وجت في دماغي دلوقتي
بس يمكن فيه اسباب تانية
ومستنية رايك وردك عليا

لك كل التحية

kochia يقول...

Shimaa Gamal
===============
ويا سلام بقي لو عربي
عشان التفاعل

بصي انا بحب اقرا انجليزي عشان اللغة
بس مش مكدب عليكي لو الموضوع طويل ساعات بتوه وبقسمه عشان اركز فيه والمه علي بعضه

وانتي اللغة ما شاء الله انجليزي من بتاع انجلترا
وانا ثقافتي امريكاني

انا طمعت بقي بعد ما هتكبري الخط
يعني متخليهوش الهرم الاكبر
خليه هرم خفرع بس
كفاية

تحياتي

غير معرف يقول...

والله يا كوشيا يا اختي جوكا بدات في المدونة بتاعتها بس المشكلة دلوقتي في الترجمة..
اولا ما اخلصها هانزلهالها علي طول!!
وهيكون اسمها ((( انشودة الاصابع)))

صباح الصباح يقول...

هههههة طلع بمبة , اصل انا كمان خدت نفس البمبة بس اكتشفت بعد حوالى سنة
اسلوبك حلو كملى.. حصل اية تانى؟

kochia يقول...

dady
=======
انا ممكن اساعد في الترجمة
والاسم حلو اوي وموسيقي
انشودة الاصابع

ممتاز
انا هستني
تحياتي

kochia يقول...

صباح الصباح
============
اه طلع بمبة
كويس انك منصحتنيش
لحسن الدنيا كلها هنا نصحتني

المهم هكمل ان شاء الله
بس انت قريت الحلقات اللي فاتت؟؟