الأربعاء، مارس 11، 2009

العصفور

-

-

ياله من طائر رقيق شديد الجمال

-

عندما انظر له دائما ابتسم

-

ابتسم وانا اراه يتقافز هنا وهناك

-

يحني رأسه الصغيرة ليلتقط الحب من الارض ثم يطير ليرتفع ..

يرتفع حتي عشه الجميل فوق الشجرة

-

يصدح بصوته مغردا .. مزيحا بصوته كل الهموم من الذاكرة

اشعر وانا اسمع صوته انه ما اجمل الدنيا مادام بها هذا الرقيق الجميل يحيا

-

من منا لا يحبه

من منا لا يتمني ان يصحو علي تغريده كل يوم

من منا لا يحب ان ان ينظر الي الوانه الرقيقة التي تدعو للتفائل والامل والسعادة

-

انه العصفور

-

ذلك الكائن الرقيق الذي يدفعك الي حمايته والزود عنه

-

يصحو من نومه مع الفجر ليطير هنا وهناك يبحث عن رزقه

ثم يعود مع غروب الشمس لينام في عشه الصغير ليصحو فجرا ويعيد الكرة

-

يالها من حياة بسيطة حالمة جميلة

يااااااه

-

ماذا لو كنت عصفورا

احيا بين العصافير ..

--

سوف احيا هذه الحياة الجميلة .. البسيطة

وماذا لو كنت عصفورا احيا بين البشر

-

عندما اراه احيانا اتمني لو كنت عصفورا يحيا بين البشر

-

ولكني لست عصفورا

-

بل انا بشر

-

ماذا لو كنت بشرا احيا بين البشر باخلاق العصافير

هذه الرقة وهذه الحياة البسيطة الحالمة التلقائية

-

هل استطيع ؟؟

-

هل استطيع ان احيا بتلك الارجل القصيرة والجناح الضعيف الرقيق

ذلك الجناح الذي لا يقوي علي حمله الا فوق الشجر

-

ان العصفور لا يستطيع ان يحيا الا بين العصافير

-

كيف اعيش بين البشر وانا عصفور

-

هل استطيع حماية نفسي وانا بينهم ؟

ماذا لو داس عليا احدا منهم ؟

ماذا لو صفعني .. او لطمني بعضهم ؟

ماذا لو حبسني او خانني او باعني احدا منهم ؟؟

-

كثيرة هي مكائد البشر

وكثيرة هي خياناتهم

-

ان العصفور جميل .. ولكن !!!

ان العصفور رقيق .. ولكن !!!

-

هل اريد ان اكون عصفورا ؟؟

-

لا

-

لا اريد ان اكون عصفورا

-

اريد ان اكون انسانا يحيا بين البشر

اري ما يرونه واتذوق ما يتذوقونه

-

ابتسم فرحا ..وابكي حزنا ..

اتحمل من الدنيا ما تلقيه علي كاهلي من عبء

لا اسقط بين الاقدام فاموت ضعفا

-

اكون بقوة الاسد احيانا وبضعف الهر احيانا اخري

استطيع ان ادافع عن نفسي وقت الخطر

-

ان اكون مرفوعة الهامة ثاقبة النظرات

ولاحيا بين اقراني

-

ولاترك للعصافير حياتها طائرة او فوق الاشجار

-

هناك 105 تعليقات:

انا حره يقول...

ازيك ياموحا

واحشاااااانى انتى مختفيه فين مش بشوفك

غير معرف يقول...

ياعزيزتى لقد ولى زمن العصافير واتمنى لكى السعاده بين البشر والبشر ليس بينهم عصفور

مـجـنـووون يقول...

بجد تسلم أيدك علي الموضوع الرئع

أول ما قريت الموضوع في البداي حسيت أنك متفائله كتير وبجد حبيت اعيش زي العصافير

وبجد استغربت لأني عرفك شريرة

بس لما قريت باقي الموضوع حسيت أنك واقعية كتير

وفعلا عندك حق الزمان ده عايز الشخص الواقعي مش الي بيحلم كتير

لأن الحياة في الواقع أصعب بكتير من إلي في الحلم

والحياة بتاعت العصافير أن شاء الله هتشفيها بس في حالتين

الأولي في المشمش
الثاني في الجنة أن شاء الله

وطبعا بيما ان المشمش مش بيطلع يبقي اكيد هتشوفيها في الجنة

تقبلي مروري سيدتي
مجنووون

مجداوية يقول...

السلام عليكم

معك في كل كلمة كتبتيها لكن مختلفة فقط أن حياة العصفور سهلة وبسيطة


العصفور حياته مثلنا فيها عناء وشقاء وتعب وجهد ومخاطرة وشجاعة وصبر شديد أنت تتعلمين منه كل هذا في اصراره على بناء العش وعلى صبره في احضار الطعام وتعليم صغاره الطيران وشجاعته في دفاعه عن عشه
وتحمله الأجواء الحارة أو الباردة أو الممطرة ’’سبحان الله العظيم فكل المخلوقات أم مثلنا في حياتهم مثل حياتنا لكننا الوحيدون المكلفون وهنا يأت الفرق فكلهم طائعون لله مسبحين شاكرين لله ومنا الملحدين والعاصين والفاسدين ,,لكن المسلم التقي عند الله أغلى من كل المخلوقات ولهذا وجب الشكر لله أن ميزنا بطاعته مختارين

موضوع جميل وحس مرهف فجزاك الله كل خير

صبرني يارب يقول...

تصفيق حد يا عصفوره يا جميله

حلو اوي الكلام

تسلم اديكى

وما تغبيش كده علينا

Dua Masatwa يقول...

لحن جكيل عزفتيه في هذا الصباح الباكر .. :)

صباحكم عصافير

صباح الصباح يقول...

فكرتينى باغنية جميلة لاميرة اسمها زى الطيور

جربى اسمعيها كدة.

micheal يقول...

هو فيه أحلي من عيشة العصافير
:)
بلا وجع دماغ
:)
يا ريت فعلا نقدر نعييش الحياة السهلة دي
تحياتي

صاحب المضيفة يقول...

وربنا سبحانه خلق لكل كائن قوته وضعفه

ومن كمال الله تعالى أن جعل لكل كائن ضعفا يحتاج به الى قوة الاخر حتى تسير الدنيا كما أرادها هو سبحانه


كل التحية والاحترام

mohamed ghalia يقول...

عندك حق طبعا
ده مخلوق رائع كفاية صوتة ساعة الفجرية
دمتى فى سعادة

نعكشة يقول...

لازم نفكر كويس اية اللي فعلاً عايزينه

بتخيل مسرحية تخاريف
جني يا جني يابن الجني

و ليك امنية واحدة
تفتكر تبقى اية

برغم اني ساعات دماغي بتشيط من العصافير لإن صوتهم عندنا عالي
بس الصبح بحب اسمعهم قوي

كان بيبقى نفسي ابقى عصفورة لما كنت بشوف العصافير و هيا طايرة

دايماً بتمنى ابقى بطير و اروح مطرح ما ااروح

عصفورة صقر المهم اقدر ابعد وقت ماكون عايزة ابعد

عارفة

برغم انك بتقولي عنه انه ضعيف
بس ساعات بضعف الكائن بنحبة اكتر
مش شرط يعني

بس ساعات


خير خير

سلام عليكِ

kochia يقول...

_____________________________
انا حره
_____________________________
ازيك انتي يا قمر .. انا جيت اهو وعليا الامان .. هتشوفيني ان شاء الله
_____________________________
تحياتي
_____________________________

kochia يقول...

_____________________________
اسامه عبدالعال
_____________________________
نعم قد ولي
وانا اتمني السعادة كانسان بين البشر
واعتقد ان هذا الصحيح من الاحوال
_____________________________
تحياتي
_____________________________

kochia يقول...

_____________________________
مـجـنـووون
_____________________________
اشكرك جدا علي رايك في الموضوع
لكن ازاي عارف اني شريرة .. انا كنت مخبية الموضوع ده بكل حرص !!
ايوة بصراحة انا شريرة
ومقدرش اصلا كالعصافير
ممكن انسان رقيق او هرة مقلمة الاظافر .. لكن عصفور
لا
وللاسف ظروف الحياة بتخلي الواحد تدريحيا يتخلي عن احلام الرومانسية وسط هذا العالم المائج
وليحيا من يستطيع
موضوع شريرة ده بيني وبينك مش عاوزاك تنشره من فضلك
بيــــس ؟؟؟
_____________________________
تحياتي
_____________________________

kochia يقول...

_____________________________
مجداوية
_____________________________
وعليكم السلام والرحمة ..
طبعا حياة العصفور ليست سهلة
بالعكس انها صعبة كحياتنا تماما
ولكن .. حياته بين اقرانه
اما ان نزل وعاش بين البشر سوف يسحق
ووقتها لم تكون حياته صعبة
بل ستكون مستحيلة
اقصد اننا لابد ان نكون شجعانا زوي عزيمة ولا نتعامل برقة لا تناسب كل مواقف الحياة فنصدم حتي نياس ونكتئب وتصبح حياتنا حزينة لاننا لا نتحمل نكائبها
اشكرك جدا علي وجودك
_____________________________
تحياتي
_____________________________

kochia يقول...

_____________________________
صبرني يارب
_____________________________
اشكرك جدا
واتمني الا اغيب ثانية
لكي كل الشكر
_____________________________
تحياتي
_____________________________

kochia يقول...

_____________________________
فراشة حزيران
_____________________________
صباحك سعيد دائما عزيزتي
اشكرك
_____________________________
تحياتي
_____________________________

kochia يقول...

_____________________________
صباح الصباح
_____________________________
هحاول اسمعها لاني معرفهاش
_____________________________
تحياتي
_____________________________

kochia يقول...

_____________________________
micheal
_____________________________
ياريت ..
انت بالذات عمرك ما هتقدر تحيا حياة العصافير
عشان مخك شغال في غير لم الحبوب من علي الارض
وقف مخك تعيش كالعصافير
ولو قدرت قولي
_____________________________
تحياتي
_____________________________

kochia يقول...

_____________________________
صاحب المضيفة
_____________________________
ومن كمال الله تعالى أن جعل لكل كائن ضعفا يحتاج به الى قوة الاخر حتى تسير الدنيا كما أرادها هو سبحانه

هنيئا للعصفور ان وجد من يستند اليه
وان لم يجد ... فله الله
_____________________________
تحياتي
_____________________________

kochia يقول...

_____________________________
mohamed ghalia
_____________________________
اه كفاية نسمع صوته فعلا
_____________________________
تحياتي
_____________________________

kochia يقول...

_____________________________
نعكشة
_____________________________
صح
ساعات بنحبه اكتر عشان ضعفه
وساعات عنده ميزة انه لما بيحب يبعد بيقدر يبعد
فعلا عنده مميزات يمكن مقدرتش اشوفها بسهولة
مش شرط ابدا
اشكرك عزيزتي
_____________________________
تحياتي
_____________________________

وردة يقول...

وصفك للعصفور جميل جداااااااااا
مع اني ائما لا اقترب منهم
لكني اتمتع بمراقبتهم
كلماتك جميلة
سلام

Beram ElMasry يقول...

العزيزة الغالية ، kochia
السلام عليكم ورحمة الله وبركاته
وانت فى صحة وسرور
اسعدتنى زيارتك وسرنى تعليقك
اسف جدا على التاخيرفى الرد ، وكلى ثقة فى كرمك وقبول اعتذارى
لك تحياتى والسلام عليكم ، ولا سلام مع اليهود

وميض ابتسامة يقول...

عزيزتى

اختيار موفق .... ففى النهاية نحن بشر نعتز بكوننا من هذه الفصيلة ..

اما عن العصافير فيكفينا منها زقزقة نصحوا عليها .. ونمسى فتسعدنا المرة تلو الاخرى ..

Tamer Nabil Moussa يقول...

السلام عليكم

الحياة فيها من جميع انواع البشر والمواقف والاحداث متغيرة

وحتى لو بقيتى عصفور هيكون فى مخاطر هتشوفيها


احنا علينا تقبل الواقع ومحاولة البعد عن كل اهو متعب ومؤلم

ربنا يكرمك

تحياتى

رئـــــيسـة حزب الأحلام يقول...

كتير بنتمنى نبقى عصافير وبعد كدة نشوف انه ماينفعشى غير اننا نكون بشر عشان نقدر نعيش وسط البشر
تحياتى

حسن حنفى يقول...

اعتقد ان نعمه ان احنا اتولدنا بشر ده شئ جميل جدااا

بس ممكن نعامل اللي يستاهل زي العصفور وتكون حياتنا زي حيات العصفوه مع اللي يستاهل كده واللي مش يستاهل يبقي .... :d

soly88 يقول...

مش عارف فيه اغنيه شعبيه ىجدا اسمها
احنا فى زمن الوحوش
يعنى لامكان للعصفور الا فى الخيال او امام الكيبورد للأسف

prince4ever يقول...

موضوع جميل مفعم بالامل و التفاؤل
مع واقعيه و حلم بواقع اجمل
احييكي يا كوشيا

صدى الصمت - عاشقة الورد - يقول...

بجد بوست أكثر من رائع
كم تمنيت أن أصبح كالطائر
أطير عندما أريد
وأهبط عندما أشاء
وأهاجر عندما تضيق بى الدنيا
وأعود عندما أقرر أنا ذلك
أحييكِ بشدة على هذا البوست الرائع

غير معرف يقول...

وهل يجب ان نكون عصافير حتى نطير؟

نحن نسعد برؤية تلك البراءة والجمال وهى تلتقط الحب .. فهل سألنا عصفورا واحدا كيف يرانا بعينيه ؟

يكفينا ان نطير باحلامنا مثلهم ..فحياتهم بسيطة .. وطموحاتهم صغيرة مثلهم .. اما نحن فالسماء هى نهاية طموحنا .. ولابديل لنا اقل من ذلك

وهكذا نحن نشقى .. الا ان فى شقوتنا هذه كل المتعة .. خصوصا حين نصل ..

فهل لازلت تحبى ان تكونى عصفورا؟

موناليزا يقول...

يابنتى احنا دلؤتى فى زمن الديناصورات
عصافير ايه بس اللى تعيش فى وسطنا

يا مراكبي يقول...

أمنية أن أكون عصفور أو أي كائن آخر هي أمنية لا تتعدى أن أهرب من ضغوط حياتي إلى حياة أخرى لا توجد فيها تلك الضغوط

وما إن أتخيل نفسي في تلك الحياة الجديدة سأتفاجأ بأنني سأفتقد العديد والعديد من التفاصيل الحياتية الإنسانية التي لا أقبل الإستغناء عنها

هو شعور مؤقت لأمنية أيضا مؤقتة

مدحت محمد يقول...

لقد خلقنا الانسان فى احسن تقويم
صدق الله العظيم

وكمان الانسان خليفة الله فى الارض

بس المهم اختيار البشر اللى يتعشرو

maha zein يقول...

وبعد غياب طويل شنيع ريع
جاء الينا العصفور
مغردا

ومبلبلا (ايه بقه مبلبلا دي معرفش)

حمد الله بسلامة
ايه كنتي فين

المهم يا ستي انا عن نفسي اخاف ابقه عصفور
عشان مدبحش
بس احب ابقه عصفور عشان لو مت متحاسبش عن افعالى واخطائي
يا تري العصفور بقه فرحان انه عصفور؟

romysaa يقول...

ما هو احنا لو عملنا عصافير هنتاكل . هو الاحسن لا نبقى عصافير ولا نبقى نسور هو الاحسن نبقى زى ما احنا ونجرب الحياة بحلوها ومرها . تحياتى

Sweet Violet يقول...

وصفك للعصفور جميل قوى

بس عجبنى انك ناهيتها فعلا بالواقعيه و لازم الواحد مهما يحلم ينزل ارض الواقع

غير معرف يقول...

انا راي تكونى صقر مش عصفوره علشان تعرفي تعيشي ........ ولا مابقتيش كده مش حاتحصلي نمله ...........زمن وحش


onyx

أنا حر يقول...

مش عارف حاسس اني لو كنت اتولدت عصفور كنت هلاقي واحد غلس برده يصطادني بالنبلة ويحبسني
في عداوة بيني وبين الحرية مش عارف ليه
:)
تحياتي

عابرة السبيل يقول...

كل يوم كنت بقف على رصيف المترو اتفرج على العصافير اللى بتطير هنا وهناك

شكلهم جميل ورقيق زى ما وصفتهم بالظبط بصراحة انا لو فكرت اكتب التفكير اللى بيجى فى دماغى ساعتها مش هقدر اكتبه زيك

عجبنى بجد

kochia يقول...

_____________________________
وردة
_____________________________
هم فقط لان نراهم ونستمتع
اهلا بكِ
_____________________________
تحياتي
_____________________________

kochia يقول...

_____________________________
Beram ElMasry
_____________________________
مرحبا بك دائما .. واشكر مرورك
_____________________________
تحياتي
_____________________________

kochia يقول...

_____________________________
وميض ابتسامة
_____________________________
نعم ..
نحن بشر فعلا .. ويكفينا منها الزقزقة
_____________________________
تحياتي
_____________________________

kochia يقول...

_____________________________
Tamer Nabil
_____________________________
وعليكم السلام
العصفور اكيد عنده مخاطر .. لكنها تناسبه في حياة العصافير
اشكرك
_____________________________
تحياتي
_____________________________

فارس عبدالفتاح يقول...

سلام عليكم

كلام جميل ولكم منا كل التحية والتقدير

kochia يقول...

_____________________________
رئـــــيسـة حزب الأحلام
_____________________________
فعلا مينفعش الا اننا نكون بشر
هكذا اري
_____________________________
تحياتي
_____________________________

kochia يقول...

_____________________________
حسن حنفى
_____________________________
المشكلة مكش اننا نعامل اللي يستاهل زي العصفور
المشكلة لو نكون اننا عصافير ومنلاقيش اللي يعاملنا كما نستحق
انظر للامر من الطرف الاخر
انت نظرت له من وجهة نظر البشر
وهكذا نحن
_____________________________
تحياتي
_____________________________

kochia يقول...

_____________________________
soly88
_____________________________
تمام
هذا ما قصدته
_____________________________
تحياتي
_____________________________

kochia يقول...

_____________________________
prince4ever
_____________________________
اشكرك جدا
هو فعلا واقعي
_____________________________
تحياتي
_____________________________

kochia يقول...

_____________________________
صدى الصمت
_____________________________
اشكرك
_____________________________
تحياتي
_____________________________

kochia يقول...

_____________________________
Sherif
_____________________________
اما نحن فالسماء هى نهاية طموحنا .. ولابديل لنا اقل من ذلك
...
ولا
ولم احب ان اكون عصفورا هكذا
_____________________________
تحياتي
_____________________________

kochia يقول...

_____________________________
موناليزا
_____________________________
انا عارفة
مانا بقول كدة والله
مينفعش
_____________________________
تحياتي
_____________________________

kochia يقول...

_____________________________
يا مراكبي
_____________________________
لم اتمني حقيقة ان اكون عصفورا
بل انا اقارن حالتي كعصفور - ان وجدت- فقط
_____________________________
تحياتي
_____________________________

kochia يقول...

_____________________________
مدحت محمد
_____________________________
نعم
نختار اللي يتعاشروا
_____________________________
تحياتي
_____________________________

kochia يقول...

_____________________________
maha zein
_____________________________
حلوة مبلبلا دي
منوراني
يا ستي والله مشاوير ومشاغل وسفر وظروف
معلش بقي
وانا معاكي بس مش عارفة اجابة السؤال
العصفور فرحان ؟؟
بفكر اساله ؟؟
_____________________________
تحياتي
_____________________________

kochia يقول...

_____________________________
kiki
_____________________________
مفهمتش حاجة خالص
_____________________________
تحياتي
_____________________________

kochia يقول...

_____________________________
romysaa
_____________________________
ايوة بلاش نتاكل
انا خايفة من كدة
نفضل كدة حلوين زي ماحنا
_____________________________
تحياتي
_____________________________

kochia يقول...

_____________________________
Sweet Violet
_____________________________
الواقعية هي الحقيقة اللي عايشينها
لازم نعرفها وياريت نقبلها
_____________________________
تحياتي
_____________________________

kochia يقول...

_____________________________
غير معرف onyx
_____________________________
دايما كلامك حكم
وواقعي

انا مش عاوزة اعيش نملة
_____________________________
تحياتي
_____________________________

kochia يقول...

_____________________________
أنا حر
_____________________________
ههههههههههه
طيب يبقي بشر احسن
الحمد لله انها جت كدة
_____________________________
تحياتي
_____________________________

kochia يقول...

_____________________________
3abratalsabeel
_____________________________
اشكرك جدا
_____________________________
تحياتي
_____________________________

kochia يقول...

_____________________________
فارس عبدالفتاح
_____________________________
اشكرك
_____________________________
تحياتي
_____________________________

غير معرف يقول...

يشرفنى ان ادعوك لحضور حفل توقيع أول كتاب لى فى عالم الادب " لست الا بعض الاوراق" والذى يقام باذن الله يوم الاحد 5 ابريل 2009

المكان : مكتبة ديوان بمصر الجديدة
العنوان : 105 شارع ابو بكر الصديق مصر الجديدة – مقابل نادى ضباط الجلاء بمصر الجديدة
التاريخ : الاحد 5 ابريل 2009
الميعاد : 7 مساءا

فى انتظار تشريفك

Asmaa mahaba يقول...

كل كائن ليه نقاط ضعفه ونقاط قوته الطير قوته فى تحليقه بعيد عن البشر والكائنات الاخرى اما الانسان قوته تكمن فى عقله اللى ربنا اداهوله
بس عارفه كوشيه الحلم دا اكتر شىء مصبرنا على حياتنا طريقه بنهرب بيها عن الواقع عشان نقدر نتكيف معاه

ريمان يقول...

بس انا نفسى ابقى عصفوره


:(

ميرام يقول...

أولا عايزة أقولك اني بعشق العصافير
وعندي عصافير بحبها جدااااا
وبصحى وبنام عليها ..
وأول ماشوفت الصورة انبسطت ..
...........
نيجي بقى للنص ..
حلو قوي الوصف فيه


ان العصفور لا يستطيع ان يحيا الا بين العصافير-
كيف اعيش بين البشر وانا عصفور



حسيت ببراءه قوي في العباره الي فاتت دي
حسيت بروح طفلة بتتساءل في خوف ..

والجواب ليها كان نظرة غضب ..
ورد عنيف
لأ طبعااااااااا


كأنك زي ماقلتي تركتي للعصافير حياتها فوق الشجر
بس مش لأنك عايزة كده
ده لأنك مجبرة ..
يمكن عاجباكي حياتها قوي .. ونفسك (تعيشيها)
بس في نفس الوقت عارفه انك لو جربتي
(هتموتي)

بانتظار جديدك
كل الحب ...
تحيـــــــــاتي

""""" يقول...

بحب اوى احساس العصفور الحر
انما ممكن الجناح يكون ملوش اى قيمه
تبقى ايه الفايده
ربنا ينعم عليكى بالحريه
سعيده بمرورى بمدونتك

ReEm يقول...

و تلاقي العصفور عايز يبقى انسان

بس حتى حياة العصفور فيها تعب و جهد و نسور عايزة تاكله و تاذيه

بس اللي احسد العصفور عليه احساس الطيران احساس رائع بجد

dr.lecter يقول...

صدقيني احنا عاوزين نبقي عصافير بس مش اقفاص عصافير حره طايره بعييد اووي

استفدنا ايه بقي من حياه البني ادمين؟.

Unknown يقول...

ان شاء الله سيتم اصدار كتاب قصة حب سرية للكاتب عمرو الجندى مع بدايات شهر ابريل ان شاء الله

مع شكر خاص لطاقم العمل

اللينك
http://www.amralgendy.blogspot.com/



http://www.facebook.com/inbox/readmessage.php?t=71789721807&mbox_pos=0#/topic.php?uid=45243591058&topic=7688

متمنين التوفيق للجميع

فشكووول يقول...

العزيزه كوشيا
تحياتى
ياريت الواحد يكون عصفور
ويا ريت كلنا نكون عصافير
بس يا خساره احنا بشر
وعايشين بين البشر
بس مش اسود ولا حاجه
لكن فيه مناالاسود
وفيه منا من يشبه العصفور
والدنيا كدا فيها الاسد وفيها العصفور
وفيها الطيب والشرس والقبيح
تحياتى

kochia يقول...

_____________________________
Sherif
_____________________________
وتشرفني دعوتك سيدي الفاضل
واتمني لك كل الخير
_____________________________
تحياتي
_____________________________

kochia يقول...

_____________________________
سومه...مجنونه فى بلد عاقل
_____________________________
ساعات بنحاول نهرب من الواقع بس واحنا قادرين نواجهه
المشكلة لو هربنا لاننا مش قادرين
ساعتها المواجهة اكيد تعني الخسارة
_____________________________
تحياتي
_____________________________

kochia يقول...

_____________________________
Beram ElMasry
_____________________________
اشكرك علي مرورك الكريم
_____________________________
تحياتي
_____________________________

kochia يقول...

_____________________________
ريمان
_____________________________
انا حاسة بكدة برده فيكي
بس يا عزيزتي مينفعش للاسف
_____________________________
تحياتي
_____________________________

kochia يقول...

_____________________________
ميرام
_____________________________
الحقيقة حياتها حلوة
لكن مش منسباني
لاني في النهاية انسان
اشكرك علي مرورك
_____________________________
تحياتي
_____________________________

kochia يقول...

_____________________________
Amal
_____________________________
صح
ممكن الجناح ميكونش ليه اي قيمة للاسف
تبقي ايه لزمته
_____________________________
تحياتي
_____________________________

kochia يقول...

_____________________________
ReEm
_____________________________
اكيد حياته مش سهلة
لكن الاكيد انها تناسبه
_____________________________
تحياتي
_____________________________

kochia يقول...

_____________________________
dr.lecter
_____________________________
ههههههههه
استفدنا العقل والتكليف والامانة وخلافة الله في الارض
اليس كذلك ؟؟
_____________________________
تحياتي
_____________________________

kochia يقول...

_____________________________
البحث عن أنا شىء جنونى
_____________________________
مرحبا بمرورك
_____________________________
تحياتي
_____________________________

kochia يقول...

_____________________________
fashkool
_____________________________
ايوة الدنيا فيها كله من الاسد للعصفور
ولو هي دي المعادلة يبقي الانسان هو الافضل
_____________________________
تحياتي
_____________________________

r يقول...

شوفى علشان تبقى عصفوره يبقى لازم تعيشى وسط العصافير لانهم الوحيدين اللى هيفهموكى
اما ام نحي بين البشر فلازم تكونى منهم

لا مكان للعاصفير فى غابتنا البشرى
ولن اقول لكى حديقتنا لانها خيال


دمتى طيبه

Lady E يقول...

بوست جميل جدا بجد

ممكن نتعلم حاجات كتير من العصافير لكن صعب نكون عصافير لأننا احلى من العصافير احنا بشر

Unknown يقول...

حياتهم ليست بالسلاسة
التى نتصورها
بل فيها
الكثير
من المشاكل والمتاعب.

(صندوق الدنيا) يقول...

إختيار موفق
وما أروع حياة العصافير
نستطيع أن نعيش بأرواحهم الحرة...ولكن معيشتهم ليست سهلة أبدا
بل هي صعبة

Unknown يقول...

انتى عشتى واقعيه عصفور بفلسفة عميقه وجميلة وواقعية اوى

كل اللى عليكى انك تقولى يارب بابتسامة كلها رضى وتعملى اللى عليكى وان شاء الله ان شاء الله

ربنا يوفقك وينورلك دربك قولى امين بقى :)

ربنا يوفقك ويبارك فيكى يا جميل :)

Unknown يقول...

يصحو من نومه مع الفجر ليطير هنا وهناك يبحث عن رزقه
ثم يعود مع غروب الشمس لينام في عشه الصغير ليصحو فجرا ويعيد الكرة


اطلق بحرية ، وان سيطر عليه احد ، ويضعه فى قفص قد لا يليق به
ماذا سيحدث؟


البوست جميل والمدونة جميلة
تحياتى

عمرو يقول...

للأسف ما ينفعش اليومين دول أن يحيا عصفور بين البشر
ما ينفعش
و اٍلا حيتاكل أكل أو حينداس بالأقدام الغليظه الثقيله بغير رحمه و لا شفقه

شاب كــ طخين ـــــا يقول...

السلام عليكم

دة احنا لو طيور كان يحوشنا سور :d

انا عن نفسى بحب اعيش انسان لو عشت انسان بأخلاق البنى آدمين هكون أحسن من انسان بعشر عصافير حتى :D

مدونتك جميله اوى وهاديه جدا هى مش فى كايرو ولا اية :D

سلاام

حنين القلب يقول...

اسلوبك حلو اوى
بس انتى فعلا من كلامك حسيت ان قلبك زى العصفور فيه رقه وطيبه وحنيه


اتمنى اتعرف عليكى
تقبلى مرورى

راعى الناقه يقول...

بصراحه فيه بشر احلى من العصافير بس اهم شىء الانسان يتقى الله فى كل لحظه من لحظات حياته هيعيش حياة احلى من حياة العصافير بس احنا لو بقينا عصافير هناكل بعضينا انا عمرى مشفت عصفور بيخرب عش عصفور لكن ما ابشع جرائم الانسان ضد اخيه الانسان

Resala يقول...

كلمات رقيقه رقراقه
وبسيطه ومعبره
مفيهاش اى تكلف
ولا حتى منظره
جت فى وقت
الكلمات حالتها مدهوره
هههههههههه
انا شاعر قديم برضه
بجد بوست جمييييييييل جدا جدا
واتمنالك التوفيق
واتمنى تقبلينى صديق وضيف مقيم هنا
واسمحيلى اضيف مدونتك عندى
تقبلى مرورى

kochia يقول...

_____________________________
بسنت
_____________________________
لا مكان للعصافير بيننا
اتفق معك تماما
_____________________________
تحياتي
_____________________________

kochia يقول...

_____________________________
Lady E
_____________________________
احنا فعلا احلي من العصافير
هو ده اللي عايزة اقوله
_____________________________
تحياتي
_____________________________

kochia يقول...

_____________________________
norahaty
_____________________________
اكيد فيها مشاكل .. لكن مشاكلهم تناسبهم .. ولا تناسبهم مشاكلنا
_____________________________
تحياتي
_____________________________

kochia يقول...

_____________________________
(أم البنين)
_____________________________
عزيزتي .. حياتهم بالتاكيد فيها شئ من الصعبة .. واقصي ما يواجهونه غراب او فك ثعبان جائع .. وفقط
ولكن نحن حياتنا اصعب بكثير
_____________________________
تحياتي
_____________________________

kochia يقول...

_____________________________
البحث عن أنا شىء جنونى
_____________________________
اشكرك جدا .. واتمني فعلا ان يوفقني الله للاهتداء للطريق السليم
_____________________________
تحياتي
_____________________________

kochia يقول...

_____________________________
اصحى يا مصر : اسلام ديو
_____________________________
اشكرك جدا
واهلا بك دائما
_____________________________
تحياتي
_____________________________

kochia يقول...

_____________________________
عمرو
_____________________________
تمام
مينفعش .. فعلا مش عشان احنا ظالمينه لكن لا تصلح له تلك الحياة
_____________________________
تحياتي
_____________________________

kochia يقول...

_____________________________
مبارح كان عمرى عشرين!!!
_____________________________
ههههههههه
لا الحقيقة هي مش في كايرو
المهم اهلا بك دائما
كانسان لا عصفور
_____________________________
تحياتي
_____________________________

kochia يقول...

_____________________________
ابو المفاصل الواصل
_____________________________
مرحبا
_____________________________
تحياتي
_____________________________

kochia يقول...

_____________________________
حنين القلب
_____________________________
اهلا بكي
ويسعدني جدا طبعا اني اتعرف عليكي
كمان عشان تتاكدي ان قلبي مش زي العصفور اوي
ههههه
_____________________________
تحياتي
_____________________________

kochia يقول...

_____________________________
راعى الناقه
_____________________________
فعلا احنا ممكن نعيش بشئ من نقاء العصافير مع كوننا بشرا
_____________________________
تحياتي
_____________________________

kochia يقول...

_____________________________
Gemy
_____________________________
يشرفني انك تضيف مدونتي طبعا واهلا بك دائما واتمني ان تسعد دايما بوجودك
_____________________________
تحياتي
_____________________________