السبت، سبتمبر 27، 2008

تيجان بالجملة

-

اخواني الاعزاء

كل عام وانتم بكل خير

واعاد الله تلك الايام المباركة علينا جميعا مسرورين سعداء

من فترة عاوزة اكتب موضوع جديد

بس اخيرا كنت قررت اني انتظر للعيد ان شاء الله وانزل حلقة جديدة من مذكرات نتاوي

اسمها ان شاء الله هو " محمد سيكو "

لكن ربنا بعت لي تاج من الصديق مهيج الجماهير صاحب مدونة ورقصني يا جدع ..

وتقريبا نفس التاج بعثه لي مواطن مصري نايم صاحب مدونة " قهوة نام يا مصري "

وكمان طالب ثانوي صاحب مدونة يوميات طالب ثانوي

وانا عندي تاجين مركونين من مدحت محمد صاحب مدونات البصيرة و مصري

ومدونة سحر الرومانسية اللي التاج داخلها مقفول عليه ومش عارفة اطلع منها عشان كدة هيفضل مؤجل للاسف

وتاج كمان من سوسة صاحبة مدونة البراءة ويوميات سوسة

-

وقلت اخلص الحاجات المركونة احسن

وهراعي الترتيب الزمني

الاول تاج مستخبي عند مدحت محمد مش فاكراه هيتنظر تاني

--

التاني تاج من الاخت العزيزة سارة اسمه

تاج الســعادة

س 1 / اية معنى السعادة من وجهة نظرك؟ حاسس انك سعيد ؟

معني السعادة من وجهة نظري اني اعيش مع الناس اللي بحبهم وانا عارفة انهم بيحبوني ..
وايوة الحمد لله حاسة اني سعيدة الي حد كبير جدا

س 2 / امتى حسيت انك ظلمت انسان ولية ؟ محتاج للحظة غفران منة ؟

مش ممكن اكون مظلمتش حد طول عمري , لاني انسان , اكيد ظلمت حد
بس لو ده حصل بيكون بدون ما اشعر لاني فعلا مش بتعمد ابدا اعمل كدة , عشان كدة مش قادرة احدد امتي حسيت بكدة , ودي فرصة اني اطلب من اي شخص حاسس اني ظلمته في يوم بدون قصد اطب منه الغفران

س 3 / بتعمل اية لما تكون مضايق بعد ما تصلى ؟

بقرأ قران اذا كنت مضايقة جدا جدا , لكن اذا كنت مضايقة نص نص بنام

س 4 / امتى حسيت انك اتظلمت ؟ ولية ؟

كنت وانا اصغر شوية بحس احيانا بالظلم لما حد يقارني بشخص ممكن ميكونش فيه وجه مقارنة بيني وبينه
او تكون المقارنة مش عادلة ..
لكن حاليا مش بحس اني مظلومة فعليا لاني فور شعوري بشئ مشابه باخد موقف وبوضح الامور
لهذا السبب او لاي سبب تاني بحس انه هيظلمني او هيضعني في غير موضعي ..
وبرضي بالنتيجة في النهاية مادام حاولت في الحصول عليها

س 5 / اية اكتر احساس بيراودك هذة الايام تجاة نفسك والاخرين ؟

يعني هعترف اني حاسة اني مش مبسوطة من نفسي عشان مش بتسمع كلامي الصح دايما ,
اما الاخرين فاشعر بالرضا عن علاقتي بمعظم الناس حاليا

س 6 / امتى ممكن تتنازل عن حق من حقوقك ؟ والسبب ؟

اتنازل عن حقي لما اكون متاكدة 100% اني قادرة اخده ..
و بتنازل عن حقي لما يكون اللي واخده شخص عزيز عليا جدا جدا


وسبب التنازل الاول هو العفو عند المقدرة , وسبب التنازل الثاني هو رغبتي في رؤية ابتسامة الرضا والسعادة في عيون احبائي

================

===================

التاج التاني وصلني من الصديق مهيج الجماهير وهو تاج التدوين

وهو من التاجات الجميلة اللي عجبتني جدا


س 1 / بدأت تدون امتى .. و دخلت العالم ده ازاى ؟

بدات تدوين يوم 23/5/2008 يعني تقريبا من اربع شهور ,
ودخلت التدوين عن طريق صديق قديم بدأه قبلي بفترة قليلة هو المستنصر بالله صاحب مدونة اليقين ,
وفي الاول دخلت عشان اقرا موضوعاته وبعد كدة ابتديت اشوف واقرا موضوعات تانية وتعلقت بالعالم ده ومن ثم قررت اعمل مدونة لنفسي بعد يمكن فترة شهر من التصفح وقد كان وعملت مدونتي " قصاقيص "

س 2 / ايه كان انطباعك فى البداية ؟؟

في البداية كنت حاسة اني قاعدة في صالون ثقافي ,
كل الناس اللي فيه عارفة تفكر وعارفة تكتب وعارفين بعض كويس كما يبدو ,
حسيت اني متطفلة وعاوزة ادخل بصمت وعلي استحياء اسمع الاول واتكلم بس لو انا فاهمة هتكلم في ايه

س 3 / مين أكتر واحد بتهتم بتعليقه على بوستك الجديد ؟؟

هناك عدة اشخاص بهتم بتعليقهم جدا وبحب اعرف رايهم فعلا الي جانب كل راي احس انه جديد ومختلف وناقد نقد موضوعي بس مش مفضلة اني اقول اسماء لانهم مثلا 15 اسم وعدد السطور هنا محدود

س 4 / ايه أكتر حاجة اتعلمتها من عالم التدوين ؟؟

اتعلمت من التدوين اني اقرا تاني بعد ما كنت بعدت عن القراءة فترة لما لقيت ناس اصغر مني مع احترامي للجميع فكرها راقي جدا , كمان اتعلمت اني احترم الراي والراي الاخر بشكل اكبر مما كنته , وايضا اتعلمت منه انه ليس كل ما يلمع ذهبا

س 5 / ايه أكتر حاجة كرهتها ؟؟

كرهت فيه فكر او طريقة تعبير بعض اشخاصه

بمعني
ساعات الاقي كلام – من وجهة نظري – مفهوش اي فايدة من اي نوع
وساعات الاقي كلام – من وجهة نظري – فيه فكر وراي جميل لكن مكتوب باسلوب مبتذل او لغة لا استسيغها

س 6 / حاسس ان التدوين ليه تأثير ؟؟

السؤال ده واسع اوي

لكن اعتقد ان المقصود منه تاثير في المجتمع , ورايي انه في يوم ما هيكون له تاثير لكن حتي الان انا شخصيا كشخص جديد فيه مشوفتش تاثير كبير له قبل دخولي اليه والتاثير المفروض طبعا يكون علي المجتمع الخارجي

س 7 / تهدى التاج لمين ؟؟

رغم ان التاج جالي من صديق عزيز لكن انا شايفة الموضة اليومين دول بتقول يحل التاج اللي يحب يحله
انا بقول اللي عاوز يحل التاج يلمح لي بس وانا اهديه له فورا من غير اي تردد

يعني يا جماعة اللي عاوزه يقول هعمل تحديث واكتب اسمه يعني محدش يتكسف

اخيرا

انا مبسوطة بدخولي عالم التدوين لانه عالم حقيقي رغم رمزيته .. وافراده معظمهم صادق صدق حقيقي

واعتز بالصداقات الرمزية اللي عملتها من خلاله


-------

هناك 72 تعليقًا:

كـــيــــــــارا يقول...

اووووووول تعليق :)

كـــيــــــــارا يقول...

اتنازل عن حقي لما اكون متاكدة 100% اني قادرة اخده .. ا
و بتنازل عن حقي لما يكون اللي واخده شخص عزيز عليا جدا جدا

---------

عجبني اوووووووووووي اجابتك دي حسيت فيها اننا قريبين

اجابتك فيها قرب من شخصيتك اكتر وهو تاج السعاده

اما تاج التدوين عرفت وجهه نظرك في التدوين بس مش معكي انه مش فيه تاثير خارجي

التاثير الخارجي في تجمعات المدونين في اعمال الخير وكمان ده رئيس الوزرا رد علي مدونه ...

يعني في تاثير شديد

تحياتي ليكي

فاروق عادل يقول...

ايوة ياستى فكرة لما قولتلك خشى عندى ومعبرتنيش ادى انا بقى كنت باعتلك التاج بتاع مهيج الجماهير برضة يلا بقى طالما خالد بعتهولك

Mohamed Dawod يقول...

سلام عليكم
التاج الأول ظهر فيه شخصيتك القنوعه جدا بأبسط الأشياء. حاجه كده تعلمنا قد ايه فى حاجات بسيطه فى الحياه ممكن تخللى الانسان سعيد والدنيا مش محتاجه تعقيد.
التاج التانى فى رايى ظهرت فيه دبلوماسيتك الشديده فى التعامل مع الاخرين والكلام عنهم....على فكره كان ممكن تشتغلى فى السلك الدبلوماسى....حقيقه مش هزار
خالص تحياتى وشكرا

صاحب المضيفة يقول...

ربنا يزيد سعادتك دايما بالخير والطاعة


عيد سعيد عليكي وعلى الأمة كلها يارب



تحياتي

قلب ينبض لله يقول...

علي رأيك لما قولتيلي في البلوج بتاعي التيجان لمن يستحقها
أعتقد أن المقولة دي منطبقة عليكي أكتر
بجد أجاباتك منطقية جدا وعاقله جداجدا وأحسن اجابة بتاعة أمتي تتنازلي عن حقك
روعه بجد

تحياتي ليكي ولبلوجك الجميل

حسن حنفى يقول...

:-O

كل دي تيجان

انا ان شاء الله برضه هحل التيجان اللي عندي قريب

بس مش لاقي وقت

:((

اجابات جميله

ربنا مع حضرتك يار ب ويحقق احلامك

تحياتي

بنت الاسلام يقول...

اولا بقولك نورتي عالم التدوين وعاوزة ااقولك ان تاثير التدوين في العالم الخارجي الفترة الاخيرة واضح ومميز وابتدا فعلا عمل روابط للمدونين علي حسب التوزيع الجغرافي انا مثلا اتشرف بكوني احد اعضاء رابطة مدونين الدلتا اللي نشاطها علي ارض الواقع امتد لسنة وتم من خلالها التعرف الواقعي علي عد ضخم من المدونين

اول زيارة لي لمدونتك ولن تكون الاخيرة

تحياتي لاجاباتك التي تعبر عنك

مواطن مصرى نايم يقول...

لا بقى يا كوشيا
انتى نسيتى انى التاج التانى انا كنت عامل لك اهداء له الاول
و انا اللى عامل الاهداء لمهيج الجماهير
بقى كده
ماشى
ماشى
ماشى
ههههههههههههه
لا على فكرة انا بهزر
اجاباتك جميله
بس ايد ده انتى من شهر 5 بس
طيب و الله الله ينور عليكى
طريقتك بسم الله ما شاء الله
تؤكد انك ناجحه
ربنا يوفقك

تحياتى

اسلام

blue-wave يقول...

اجابات بجد من اجمل ما قرأت
وبالذات موضوع التنازل عن الحق
سلمت يداك بجد

kochia يقول...

كيارا
&&&&&&&&

اشكرك علي مروروك وتعليقك
وبالنسبة لموضوع تاثير التدوين يمكن فيه غيري ادري مني بالموضوع ده وانا قلت علي حسب معلوماتي انا وما وصلني

اشكرك

تحياتي

&&&&&&&&&&&&&&&&&&&&&&

kochia يقول...

طالب ثانوى
&&&&&&&&&
ايوة فاكرة طبعا ودخلت والله بس مشوفتش اسمي هناك .. يمكن ماخدتش بالي
معلش بقي انت الكبير
مستنية منك التاج الجاي
تبعتهولي وتيجي عندي تقوللي يا كوشيا روحي استلمي التاج
ماشي
وليك عندي حق عرب

تحياتي

&&&&&&&&&&&&&&&&&&&&&&&&&

kochia يقول...

Mohamed Dawod
&&&&&&&&&&&&&
اشكرك جدا علي رايك الجميل
واتمني اكون فعلا زي مانت قلت

تحياتي

&&&&&&&&&&&&&&&&&&&&&&&&&&

kochia يقول...

صاحب المضيفة
&&&&&&&&&&
اشكرك جدا وكل عام وانت بكل خير

تحياتي

&&&&&&&&&&&&&&&&&&&&&&&&&&&&&&&

kochia يقول...

قلب ينبض لله
&&&&&&&&
اشكرك جدا علي كلامك الجميل
ويارب دايما مبسوطة عندي

تحياتي

&&&&&&&&&&&&&&&&&&&&&

kochia يقول...

حسن حنفى
&&&&&&&
اه يا عم كل دي تيجان
ايه
هو اتنين كتير ؟
ولعلمك لسة ليا واحد بدور عليه
حل اللي عندك بقي

تحياتي

&&&&&&&&&&&&&&&&&&&&&&&&&&

kochia يقول...

بنت الاسلام
&&&&&&&&
اشكرك والتدوين منور باهله
احييك علي نشاطك في روابط المدونين طبعا
ولكني اعرف ذلك الان واسمع عنه من خلال المدونات لكن قبل دخولي هذا العالم لم تكن عندي فكرة عنه
قد يكون تقصير مني لكن
هذا ما نما الي علمي سابقا

اشكرك علي التوضيح

تحياتي

&&&&&&&&&&&&&&&&&&&&&&&&&&&&&&

kochia يقول...

مواطن مصرى نايم
&&&&&&&&&&&&&
عندك حق يا اسلام
وانت كمان لك حق عرب عندي وهعمل تحديث مخصوص
انا قريته فعلا بس للاسف لاني الفترة اللي فاتت مكنتش بفتح كتير نسيته
معلش سامحني
ومستنية منك التاج الجاي
واوعدك اني مش ههمله وهحله فورا
بس ابقي تعالي قولي عندي ليكي تاج عشان بس انا ساعات بيكون عندي الزهايمر ومش بكون مركزة
ماشي ؟؟
سماح النوبة

اشكرك علي رايك في الاجابات

تحياتي

&&&&&&&&&&&&&&&&&&&&&&&&&&&

kochia يقول...

blue-wave
&&&&&&&
اشكرك جدا علي رايك
ومرحبا بك

تحياتي

&&&&&&&&&&&&&&

غير معرف يقول...

عزيزتي
التاج دايما بيكون فرصه حلوه اننا نتعرف علي بعض من خلاله
عجبتني اكتر اجابه بتاعت الظلم لأن حسيت انك بتتكلم عني برضه اني ممكن غصب عني من غير ماادري اظلم حد و لو حسيت بعد كده بحس بتأنيب ضمير و بحاول اصلح الغلط ده
تحياتي ليكي و كل سنه و انتي طيبه

RASHA يقول...

كل سنة وانتى بالف خير وعيد سعيد

الازهرى يقول...

الصديقة العزيزة

اجابات ذكية وجميلة ويبدوا انها صادرة من القلب

تحياتى

غير معرف يقول...

مش فاهم حاجه ؟؟؟؟؟؟؟؟؟؟؟


onyx

عبده الرايق يقول...

بنت بلدى العزيزه
كوشيا
اجاباتك جميله وبسيطه وفعلا فى ناس زى ماقلتى صغار فى السن فكرها راقى فى عالم التدوين
تحياتى لكى وكل سنه وانتى طيبه

عبده الرايق يقول...

اه نسيت حاجه مهمه
فى قرار طلع فى السويس ان البنات هى اللى هتدى عيديه للرجاله
انا بقى موافق على القرارده
وفى انتظار العيديه
بس تكون بالدورر

شهد الكلمات يقول...

ازيك يا قمر عاملة اية

يعني هعترف اني حاسة اني مش مبسوطة من نفسي عشان مش بتسمع كلامي الصح دايما

حاسة بيكي اوي في الحته دي لاني انا حاسة بده كمان

تاجات جميلة و رد اجمل

تحياتي

ahmed_k يقول...

عجبني فعلا مفهومك للسعاده ربنا ينولهالنا دايما
وكل إجاباتك جميله وبداية تدوينك تتشابه لحد كبير مع بداياتي في التدوين
ربنا يحققلك كل أمنياتك

وتقبلي تحياتي

وميض ابتسامة يقول...

دائما انت مميزة ...!!

وحب الاخرين لك ليس من فراغ ..!!

اللهم وفقك فيما يحب ويرضاه ..

وكل عام وانت واسرتك بخير وسعادة

Empress appy يقول...

لا انا بقى متنازلش عن حقى ابدا علشان لو انا فكرت اتنازل ساعات اللى قدامى ممكن يفتكره ضعف وانا لن ولم اسمح بهذا ههههههههه
مبروك عليكى التددبيسات قصدى التاجات

kochia يقول...

اجندا حمرا
&&&&&&&
كل سنة وانتي بكل خير
وفعلا دي اهم ميزة للتاجات

تحياتي

&&&&&&&&&&&&&&&&&&&

kochia يقول...

shasha
&&&&&
اشكرك علي المرور وكل عام وانتم بخير

تحياتي

&&&&&&&&&&&&&&&&&&&&&&&&&

kochia يقول...

الازهرى
&&&&&
اشكرك علي المرور
واشكرك علي رايك

تحياتي

&&&&&&&&&&&&

kochia يقول...

غير معرف
&&&&
مش فاهم ايه ؟
التاج الاول ده اسمه تاج السعادة
والتاني اسمه تاج التدوين
وهم عبارة عن اسئلة وانا بجاوبها
الهدف منها زيادة التعارف
بس

صعبة ؟؟

&&&&&&&&&&&&&&&&&&&&&&&&

kochia يقول...

عبده الرايق
&&&&&&&&&&
كل سنة وانت طيب يا عبده ومنورني دايما

واشكرك علي رايك في الاجابات بتاعتي ولو عاوز التاج او اي منهما قول وانا هبعته فورا ليك
وانا عارفة انك مش بتحبهم ومدكن تاج قديم مني ومخبيه في البوفيه مع سي حسن باشا الفراش صاحبك
انا مش هسال عليه وسيباك براحتك

اما بالنسبة للعيدية
انا سمعت عن القرار بتاع ان الستات هي اللي تدي عيدية
لذلك
قررنا
نحن
كوشيا هانم
صاحبة مدونة قصاقيص

اني مش هعيد في السويس السنة دي
وعندي علم برحلات نسائية سرية منظمة للخروج من البلد في ليلة العيد لاماكن غير معلومة .. وهيرجعوا بعد العيد ان شاء الله بعد ما الفيروس يتم القضاء عليه .. فيروس عيديات للرجالة ده

هي المعزة كلت ولادها ولا ايه

تحياتي لك وللشعب الباسل

&&&&&&&&&&&&&&&&&&&&&&&&&

kochia يقول...

شهد الكلمات
&&&&&&&&&
اهلا بيكي واشكرك علي مرورك
ودي فعلا اكتر حتة مستني اوي وانا بحل التاج ده

يارب نقدر عليها

تحياتي

&&&&&&&&&&&&&&&&&&&&&&

kochia يقول...

ahmed_k
&&&&&
اشكرك جدا علي تعليقك ورايك
ويارب يحقق لنا كلنا سعادتنا ان شاء الله

تحياتي

&&&&&&&&&&&&&&&&&&&&&&&&&

kochia يقول...

وميض ابتسامة
&&&&&&&&&&
والله اخجلتم تواضعنا
ايه الكلام الكبير ده
اشكرك جدا جدا علي رايك

وكل سنة وانت طيب دايما ان شاء الله

تحياتي

&&&&&&&&&&&&&&&&&&&&&&&

kochia يقول...

¨¨¨°~*§¦§ Appy §¦§*~°¨¨¨
&&&&&&&&&&&&&&&&&&
اهلا بيكي
علي فكرة انا كنت زيك كدة زمان وانا اصغر شوية
اخاف حد يفكرني ضعيفة
لكن رايي انه طول مانا خايفة من ان حد يفكرني ضعيفة يبقي انا فيا شئ من الضعف
بصراحة .. انا دلوقتي يكفيني اني انا عارفة اني مش ضعيفة
وعلي فكرة الحكاية دي بتيجي بالسن وبالمواقف وبالتجارب

يعني اعتقد انك لازم توصلي ليها في يوم

تحياتي

&&&&&&&&&&&&&&&&&&&&&&

هانى زينهم يقول...

اجمل حاجة فى فكرة التاج دى انها بتخلى الناس تعرف عنك حاجات مش هتعرفها فى البوسات العادية اما اجا باتك فمنطقية قوى ومنها انك لما بتضايقى بتنامى انا معاكى فى ده بس عايز اغير العادة دى لانى كدة هاقضى نص عمرى نوم !!
كل سنة وانت طيبة

Beram ElMasry يقول...

سيدتى . kochia
تمنيت زيارتك منذ اول دعوة لك بعد ان شدنى اسم المدونة . لكنك اهملت الدعوة وقلت ربنا يسامحك ، بقى علشان ما انا غلبان وجديد فى عالم المدونات ؟ ، ودعيت كتير واستجاب ربى وشرفتى المدونة
رايت انه من الافضل ان اتحدث عن الامل !... اي امل ؟ فى حكم البراءة لصاحب العبارة ام لحريق المجلس وهو خال وضحايا الدويقة
هل رايت جمال مبارك يوزع الشقق ، هل سالت نفسك ماصفته ؟ ، هل هو ابن الملك ؟ مصر جمهورية ، هل هو نائب رئيس الجمهورية ؟ مصر بدون نائب ، هل هو وزير الاسكان ؟ برضه لا، هل بناها من مالة ؟ بالتاكيد لا ، اذن ما الامر .
الامر ياسيدتى سفاهة اعلامية ودعاية فجة ، جعلت من لايستحق يمنح مالا يملك
ارجو ان لاتحرمى مدونتى الزيارة والتعليق
عيد سعيد وكل سنة وانت والاهل بخير وسلامة
ان كنت ترين انى شاعر يستحق ان يعرفه غيرك فلا تبخلى بتقديمى للاصدقاء

فرنسا هانم يقول...

كوشيا الغاليه
كل سنه وانتى طيبه
حلوه الاجابات دى
وحلوه حكايه متضايقه نص نص بخش انام
اوعى تنامى وانتى متضايقه قوى ده مش كويس عليكى

سمر الشافعى يقول...

كل سنه وانتى طيبه ياكوشيا ويااااااارب يااااارب يجعلنا من المغفور ليهم ويعيده علينا جميعا بالخير

(احمد سكر ) يقول...

ماشاء الله

جميله اوى الجمله دى

او التعبير دا

اتنازل عن حقى لما احس

انى ااقدر اخده 100%

يااااااه لو كل الناس تعمل كدا


اجاباتك رائعه

ورسمت صوره مش بعيده

عن شخصية كوشيا اللى قدامنا

دمتى بكل الود

وكل سنه وانتى طيبه

احمد

يا مراكبي يقول...

عودة بعد 4 بوستس فاتوني

1- مبروك التيجان .. تعرفي إني من سنتين كنت نوهت عن إنشاء مدونة مخصوصة للتيجان؟

2- موضوع كلنا أمريكا كان أكثر من رائع .. مش عشان الحديث عن أمريكا تحديدا .. لكن عشان إنتي طرحتي العديد والعديد من الأمثلة اللي بتوضحي فيها إن مجتماعاتنا مصابة بإنفصام صريح وواضح في الشخصية .. فالكل يكيل بمكيالين في كل الإتجاهات

3- موضوعك بعنوان "أيها العالم رفقا" .. أنا سعدت جدا جدا إن فتاتك رفضت هذه الزيجة قبل حدوثها .. كنت فعلا هأتضايق جدا لو كانت إستمرت فيها رغم العيوب الواضحة والصارخة دي .. واللي ما يشوفش من الغربال يبقى أعمى .. حمدا لله

4- الصياد واللؤلؤة .. موضوع جميل .. والإنسان دائما سقف طموحاته ضحل حتى في تعامله نع اللع عز وجل

5- سألتيني في ردك على التعليقات في موضوع "مذكرات نتاوي" عن الجرأة .. فعلا أنا شايف إن كان عندك ساعتها روح المغامرة والإقدام على التعرف على المجهول وبالذات في التعرف على أشخاص مجهولين .. أنا مثلا لحد دلوقت بأخاف أعمل كده .. ههههه

كل عام وأنتم بخير

الفارس الملثم يقول...

اجابتك جميله اوي , وان شاء الله تحققي السعاده كما تتمنيها في خيالك


كل سنه وانتي طيبه وعيد اكثر سعاده عليكي ان شاء الله

Unknown يقول...

اللهم زد هـــــــذا الوجه نورا
واجعله دائـما مأجورا
وبلغه العيد مسرورا
امين يارب العالمين
عيد سعيد

Unknown يقول...

كوشيا
=======

مش عارفه

وحشتني مدونتك ولكني لم اقدر علي القراءه

جئت في زيارة لكل المدونات التي أحببتها

romansy يقول...

انتى كده هتحرينا نقرا ايه ولا ايه
كل دى تيجان
اجاباتك زى العسل
عاقله كده ومتزنه
على العموم
كل سنه وانتى طيبه
عيد سعيد عليكى وعلى المسلمين جميعا
باليمن والخير والبركات

kochia يقول...

هانى زينهم
&&&&&&&&&
فعلا دي احسن حاجة في التاج
انها بتقربك من الشخصية نفسها
اشكرك علي رايك
والنوم حيلة دفاعية معروفة .. بس الواحد لما كبر بقي بينام بقرار

كل سنة وانت طيب
تحياتي

&&&&&&&&&&&&&&&&&&&&&&&&

kochia يقول...

Beram ElMasry
&&&&&&&&&&&
اهلا بيك .. وانا طبعا لم اهمل زيارتك عن عمد .. بس يعني افرض انا نسيت مرة ومزورتكش .. تقوم انت متجيش تاني خالص عندي ؟؟
علي فكرة .. انا زرتك وعلقت عندك لاعجابي بما قلت وبما كتبت

ولقد لاحظت انك لم تحدثني عن موضوعي او اي موضوع سابق
انا الاخري سيدي اقرا النقد لاستفيد به ولكني لا اقرأه كل ثلاثاء فقط بل اتابعه يوميا

شرفتني
كل سنة وانت طيب

تحياتي

&&&&&&&&&&&&&&&&&&&&&&&

kochia يقول...

فرنسا هانم
&&&&&&&&
اهلا بيكي
وكل سنة وانتي طيبة

واشكرك علي رايك
وانا مضايقة اوي اوي مش بعرف انام اصل لكن النوم في الحاجات اللي لما تصحي تلاقيها هبطت كدة وبقت قابلة للتعامل معها

تخياتي

&&&&&&&&&&&&&&&&&&&&&&&&&&&

kochia يقول...

سمر الشافعى
&&&&&&&&
وانتي طيبة يا جميل ويارب يتقل مني ومنك ومن المسلمين ويغفر لنا

اميــــــن

تحياتي

&&&&&&&&&&&&&&&&&&&&&&&

kochia يقول...

(احمد سكر )
&&&&&&&&&
كل سنة وانت طيب
واشكرك علي رايك وتعليقك الجميل

تحياتي

&&&&&&&&&&&&&&&&&&&&&&

kochia يقول...

يا مراكبي
&&&&&&&
اهلا بيك بعد 4 بوستس
ومش هقولك ليه اتاخرت 4 بوستس رمضان كريم والمسامح كريم وكدة يعني

المهم
1 / الله يبارك فيك علي التيجان ولو تحب اي واحد منهم قولي وانا ابعتهولك لحد عندك هناك

2 / انت من الناس القلائل اتللي فهموا قصدي الحقيقي من الموضوع لان ناس كتير بتقوللي اتكلمتي ليه في السياسة وانا اصلا بتكلم في الاخلاق
اشكرك علي فهمك للموضوع لان انا شايفة فعلا ان الكل يكيل بمكيالين مهما قلنا العكس

3 / بالنسبة لصاحبتي كلن لازم تفلسع قبل ما تموت مخنوقة طبعا

4 / الصياد والؤلؤة موضوع منقول بس حسيته اوي بصراحة وحسيت انه مناسب لرمضان اكتر

5 / الان مع مذكرات نتاوي فقدت روح الاقدام والمغامرة
حسيت انها حاجة كانت لزوم العالم الجديد ولما بقي عالم قديم فقد جزء كبير من زهوته ولذته
ومش هنصحك تقدم او لا تقدم .. حسب ما تحب وحسب شخصيتك
وقد تاتيك الخبرات من اماكن اخري بعكس انا

نورتني
وكل سنة وانت طيب والاسرة بكل خير

تحياتي

&&&&&&&&&&&&&&&&&&&&&&&&&&&

kochia يقول...

الفارس الملثم
&&&&&&&&&&
كل سنة وانت طيب
واشكرك علي رايك ومرورك

تحياتي

&&&&&&&&&&&&&&&

kochia يقول...

نهر الحب
&&&&&&&
كل سنة وانتي بكل خير
اشكرك جدا

تحياتي

&&&&&&&&&&&&

kochia يقول...

عاقلة علي ارض الجنون
&&&&&&&&&&&&&&&&&
يا ستي مرحب بيكي من غير قراية

كل سنة وانتي طيبة

تحياتي

&&&&&&&&&&&&&&&&

kochia يقول...

romansy
&&&&&&
كل سنة وانت طيب وشرفتني

واشكرك علي رايك الجميل

تحياتي

&&&&&&&&&&&&&&

http://kasperb4.blogspot.com/ يقول...

اجابات راقية تدل على شخصية هادية ومتزنة :)

كل سنة وانتي طيبة وعيد سعيد عليكي وعلى كل حبايبك بإذن الله

ojg يقول...

كل سنة وانتي بألف خير
عيد فطر سعيد
:)

إبن مصر يقول...

السلام عليكم ورحمة الله وبركاته

وكل سنه وانتى بحير

والسنه الجايه برده يكون معاكى كل التيجان الحلوه دى وتكونى ملكه دائما متوجه على العرش بردودك الجميله البسيطه
تحياتى

nageh

Mohamed Dawod يقول...

كل سنه وانتى طيبه بمناسبة العيد وربنا يعود الايام عليكى وعلى اسرتك وعلى كل عزيز عليكى بخير وسحه وسلامه

محمد حمدي يقول...

كل سنه وانت طيب

علي محـمــــــد يقول...

ألســـلام عليكم ورحمة الله وبركـاتـه

كــــل عام وأنتِ ومن تحبين بمليون خير إن شاء الله

وعيد سعيد :)

في أمان الله

العيديه على الرابط

http://4.bp.blogspot.com/_lFYBysJasVA/SOIYIuk9wuI/AAAAAAAAAJE/65p_qyVL6Xg/s1600-h/29-09-1429+05-46-35+%D8%B5.png

كلام وخلاص يقول...

عيد سعيد عليكى وكل سنة وانت بصحة وبخير
اجاباتك هادية جدااا خصوصا فى موضوع التنازل عن الحق فيه قوة موجهه
سلام

kochia يقول...

آلام وآمال
&&&&&&&&
اشكرك جزيلا
وكل سنة وانت طيب

تحياتي

&&&&&&&&&&&&

kochia يقول...

ojg
&&&
اشكرك
وكل سنة وانتم بكل خير

تحياتي

kochia يقول...

Son of Egypt
&&&&&&&&&&
اشكرك علي تعليقك الجميل
وكل سنة وانت طيب

تحياتي

&&&&&&&&&&&&&&&

kochia يقول...

Mohamed Dawod
&&&&&&&&&&&&
اشكرك شكرا جزيلا

تحياتي

&&&&&&&&&&&&&&

kochia يقول...

Mohamed Hamdy
&&&&&&&&&&&&

وانت طيب ان شاء الله

تحياتي

&&&&&&&&&&&&&&&

kochia يقول...

علي محـمــــــد
&&&&&&&&&&&
اشكرك
وكل عام وانت بكل خير ان شاء الله
واكيد هروح اشوف موضوع العيدية ده

تحياتي

&&&&&&&&&&&&&&&&&&&&&&&

kochia يقول...

كلام وخلاص
&&&&&&&
اشكرك جدا
وكل عام وانت بكل خير

تحياتي

&&&&&&&&&&&&&&&