الاثنين، مايو 31، 2010

صباح الخير ..


صباح الخير ...


النهاردة يوم جميل ..


هو يوم عادي جدا زي اي يوم.. صحيت في معادي

فطرت ، اتحركت بشكل اعتيادي ..


بس انا قررت انه يبقي يوم جميل


ازاي ؟؟


قررت اني هبتسم طول النهار

حتي لو حد زعلني ..


وقررت اني اسامح الاخرين

علي التصرفات اللي ممكن تزعلني منهم .


وقررت اني اتصل ببعض الاصدقاء القدامي

واتذكر معهم ايام جميلة من الذاكرة ..


كمان هقرا جزء صغير من كتاب بسيط

او هلعب شوية سودوكو


قررت اني اتغدي واتعشي اكل صحي..


قررت اني انزل من البيت امشي نص ساعة

قررت كمان اني اسهر علي فيلم كوميدي دمه خفيف ..


النهاردة هيبقي يوم سعيد ...


ناس كتير بتاخد الزعل والحزن سلوك .

مش رد فعل


يعني لو نام زعلان امبارح ي

بقي يصحي زعلان النهاردة


يكشر بسرعة علي اقل حاجة ..

لكن يبتسم بصعوبة وبعد مجهود منه ومن الاخرين.


بنتصرف وبنعمل حاجات بتزعلنا

وبتزعل مننا الناس..


يعني ليه ازعل علي حاجة حصلت من سنة

ولا من شهر ولا حتي من يوم


النهاردة يوم جديد


وقررت اني النهاردة هنسي زعل ومشاكل امبارح

وهسامح اللي يزعلني النهارة


وهنام بالليل سعيدة ...


هناك 24 تعليقًا:

الازهرى يقول...

بخخخخخخخخخخخخخخخخ

الازهرى يقول...

اتخضيتى
صح ؟ قولى الحقيقة ؟
انت اتخضيتى ؟
بس طبعا هاتسمحينى
النهاردة سماح بقى طبعا الصفة مش الإسم

عين فى الجنة يقول...

ياريت الدنيا كانت بالبساطة دى
لكن القاعدة الذهبية بتقول ان امر المؤمن كله خير
ربنا يسعدك

الازهرى يقول...

اليوم اللى انتى بتقولى عليه ده بفضل الله تعالى هو يومى العادى فعلا
باصحى الصبح فرحااااااان جدا ومبتسم
ليه ؟
من غير سبب كفاية ان ده يوم جديد ان شاء الله أعيشه ويبقى سعيد وجميل فى ذكرياتى بعد كده
وابتسامتى عمرها تقريبا ما غات حتى واحد من مدرسيني كان بيقولى د ولا الموناليزا فى زمانها
وبانهى يومى برضه وانا فرحان مهما كانت منغصاته كفاية انه انتهى وامى وابوى راضيين عنى ومن غير معاصى على قد ما اقدر وباستغفر عن الزلات
اما عن الايام السنين والشهور والايام اللى فات فبارميها ورا ضهرى واعيش يومى
ويا عوازل وحقودين فلفلوا


بالذمة مش يوم مريح

الازهرى يقول...

اخخخخخخخخ
كنت هانسى
بخصوص الاكل انا ختلف معاكى كليا
اناباكل بمزاجى واعيش مع الأكل حبيبى الغالى
طبعا من غير اسراف برضه اليوم مش ناقص ينتهى فى المستشفى
ولا ايه ؟

أنا - الريس يقول...

علي فكرة دا بيكون كله راجع من التربية .. طبعا الواحد ممكن يتغير بس بصعوبة ..
تنظيم اليوم شيء جيد ..

بالنسبة بقي للإبتسامة .. انا كان عندي مدرس عربي مش بيضحك في الثانوي .. سألت حضرتك مش بتضحك ليه . . رد وقال مش عارف وضحك .. يمكن كانت أول مرة بشوفه يضحك ..

نـــــص الـــــقِـــــصـــةِ :
روى عبد الرزاق في مصنفه (20559) بسنده فقال :
‏حَدَّثَنَا ‏‏مَعْمَرٌ ،‏ ‏عَنِ ‏الزُّهْرِيِّ ،‏ ‏قَالَ أَخْبَرَنِي ‏أَنَسُ بْنُ مَالِكٍ ‏‏قَالَ ‏: ‏كُنَّا جُلُوسًا مَعَ رَسُولِ اللَّهِ ‏صَلَّى اللَّهُ عَلَيْهِ وَسَلَّمَ ‏ ‏فَقَالَ ‏: يَطْلُعُ عَلَيْكُمْ الْآنَ مِن هذا الفجّ مِنْ أَهْلِ الْجَنَّةِ ، قَالَ : فافَطَلَعَ رَجُلٌ مِنْ أهل ‏تَنْطِفُ ‏لِحْيَتُهُ مِنْ وُضُوئِهِ قَدْ عَلَّقَ نَعْلَيْهِ فِي يَدِهِ الشِّمَالِ ، فسلَّم ، فَلَمَّا كَانَ الْغَدُ قَالَ النَّبِيُّ ‏صَلَّى اللَّهُ عَلَيْهِ وَسَلَّمَ ‏مِثْلَ ذَلِكَ ، فَطَلَعَ ذَلِكَ الرَّجُلُ مِثْلَ الْمَرَّةِ الْأُولَى ، فَلَمَّا كَانَ الْيَوْمُ الثَّالِثُ قَالَ النَّبِيُّ ‏صَلَّى اللَّهُ عَلَيْهِ وَسَلَّمَ ‏مِثْلَ مَقَالَتِهِ أَيْضًا ، فَطَلَعَ ذَلِكَ الرَّجُلُ عَلَى مِثْلِ حَالِهِ الْأُولَى ، فَلَمَّا قَامَ النَّبِيُّ ‏صَلَّى اللَّهُ عَلَيْهِ وَسَلَّمَ ‏تَبِعَهُ ‏عَبْدُ اللَّهِ بْنُ عَمْرِو بْنِ الْعَاصِ ‏فَقَالَ : إِنِّي لَاحَيْتُ أَبِي فَأَقْسَمْتُ أَنْ لَا أَدْخُلَ عَلَيْهِ ثَلَاثًا فَإِنْ رَأَيْتَ أَنْ تُؤْوِيَنِي إِلَيْكَ حَتَّى تَمْضِيَ فَعَلْتَ ، قَالَ : نَعَمْ . قَالَ ‏أَنَسٌ ‏: ‏وَكَانَ ‏عَبْدُ اللَّهِ ‏يُحَدِّثُ أَنَّهُ بَاتَ مَعَهُ تِلْكَ اللَّيَالِي الثَّلَاثَ فَلَمْ يَرَهُ يَقُومُ مِنْ اللَّيْلِ شَيْئًا غَيْرَ أَنَّهُ إِذَا ‏ ‏تَعَارَّ ‏وَتَقَلَّبَ عَلَى فِرَاشِهِ ذَكَرَ اللَّهَ عَزَّ وَجَلَّ وَكَبَّرَ حَتَّى يَقُومَ لِصَلَاةِ الْفَجْرِ ، قَالَ ‏عَبْدُ اللَّهِ ‏ ‏: غَيْرَ أَنِّي لَمْ أَسْمَعْهُ يَقُولُ إِلَّا خَيْرًا ، فَلَمَّا مَضَتْ الثَّلَاثُ لَيَالٍ ، وَكِدْتُ أَنْ أَحْتَقِرَ عَمَلَهُ قُلْتُ يَا ‏عَبْدَ اللَّهِ ‏، إِنِّي لَمْ يَكُنْ بَيْنِي وَبَيْنَ أَبِي غَضَبٌ ، وَلَا هَجْرٌ ثَمَّ ، وَلَكِنْ سَمِعْتُ رَسُولَ اللَّهِ ‏صَلَّى اللَّهُ عَلَيْهِ وَسَلَّمَ ‏ ‏يَقُولُ لَكَ ثَلَاثَ مِرَارٍ ‏يَطْلُعُ عَلَيْكُمْ الْآنَ رَجُلٌ مِنْ أَهْلِ الْجَنَّةِ ، فَطَلَعْتَ أَنْتَ الثَّلَاثَ مِرَارٍ فَأَرَدْتُ أَنْ ‏ ‏آوِيَ ‏‏إِلَيْكَ لِأَنْظُرَ مَا عَمَلُكَ فَأَقْتَدِيَ بِهِ ، فَلَمْ أَرَكَ تَعْمَلُ كَثِيرَ عَمَلٍ ، فَمَا الَّذِي بَلَغَ بِكَ مَا قَالَ رَسُولُ اللَّهِ ‏صَلَّى اللَّهُ عَلَيْهِ وَسَلَّمَ ‏، فَقَالَ : مَا هُوَ إِلَّا مَا رَأَيْتَ . قَالَ : فَلَمَّا وَلَّيْتُ دَعَانِي ، فَقَالَ : مَا هُوَ إِلَّا مَا رَأَيْتَ غَيْرَ أَنِّي لَا أَجِدُ فِي نَفْسِي لِأَحَدٍ مِنْ الْمُسْلِمِينَ غِشًّا وَلَا أَحْسُدُ أَحَدًا عَلَى خَيْرٍ أَعْطَاهُ اللَّهُ إِيَّاهُ ، فَقَالَ ‏عَبْدُ اللَّهِ ‏: ‏هَذِهِ الَّتِي بَلَغَتْ بِكَ وَهِيَ الَّتِي لَا نُطِيقُ .

Lobna Ahmed Nour يقول...

صباح الخير :)

Kiara يقول...

حلوووووووووو

صباحك فل مليان ابتسامات :)

كفايـة طيبـة يقول...

صباح الروقان يافندم

D:
يارب كل ايامك حلوة وجميلة ومليانة تفاؤل :)

بيتنا القديم يقول...

أحسنت..!

صدى الصمت - عاشقة الورد - يقول...

ياريت كانت السعادة ليها باب ومفتاحة معانا
وياريت كان الموضوع سهل وبسيط زى ما بتقولى كدة
وياريت نقدر نقول انا النهاردة قررت اكون سعيد
فتلاقى الدنيا جميلة وكلها ورود وحب وسعادة
للاسف أوقات كتير بتكون الظروف اقوى مننا
ورغم كدة هأحاول أنفذ الوصفة بتاعتك يمكن الدنيا تتغير
تحياتى

جمعاوى يقول...

الطاقة النفسية شىء مهم جدا


الشيخ الغزالى رحمه الله فى كتابه جدد حياتك ( اللى هو أسلمة لكتاب ديل كارنيجى ..)

قايل كلام جميل جدا فى القصة دى ..


المهم المواظبة على كده

):

غير معرف يقول...

ثقافة الهزيمة .. حلوة يا بلدى

فى كتاب داخل مصر"Inside Egypt": أرض الفراعنة على شفا الثورة الذى صدر عام 2008 يقول كاتبه الصحفي الأنجليزي جون برادلي عن مستقبل مصر أنه على رغم من بعض النجاحات الاقتصادية ألا أن توزيعها تم على من أرتبطوا بالنظام فقط دون أن يصل ذلك لباقي الشعب مما أدى"زيادة الحنق" بين المصريين. ويشير الكاتب إلى رؤيته في زياراته المتكررة لمصر كيف مثلا أن عدة ملايين من الثروة المصرية تنفق لأنشاء المصارف وتقديم المياه للقرى السياحية والفنادق الفاخرة التي يستخدمها السياح الأجانب والأغنياء المصريون فقط "في حين يموت الألاف المصريين كل عام نتيجة تلوث المياه التي تصل لهم"...

باقى المقال ضمن مقالات ثقافة الهزيمة بالرابط التالى www.ouregypt.us

و لايفوتك زيارة صفحة من الشرق و الغرب فى نفس الرابط و به الكثير من المقالات الجيدة.

المنسى يقول...

السلام عليكم ورحمة الله وبركاته
انا جه
إزيك ياكوشيا عاملة إيه
يااااااارب تكونى بخيييير
عارف إنى مش بسأل ومقصر كتييييييييييير
بس حقيقى غصب عنى الدراسة واخدة كل وقتى تقريبا
دراسة عملية بقى
أحلى حاجة فى الدنيا بقى إنك تخلى فعلا السعادة والهدوء والراحة النفسية والإبتسامة مش بس فيو ولا رد فعل على حاجاة عجبتك
لالالالالا
دى بقى بجد إللى تبقى سلوووووووووك
ما أجمله من سلوك
ويارب يجعل كل أيامك سعادة مش اليوم ده بس
تحياتى

غير معرف يقول...

يااااه بقالي مدة كبيرة مش بادخل هنا

حلو التفاؤل اللي في البوست :)

السعادة مبنعرفش نحققها كويس لأننا بنحب النكد :D وبنستمتع بدور الضحية :)

لكن لو عرفنا ان السعادة ممكن تحصل بأن طفل صغير يبتسم في وشك مش هانضيع فرصة نسعد فيها

:)

تحياتي

قوس قزح يقول...

أقر الله عينك فى رمضان
بلذة الأسحار وصحبة الاخيار
ورحمة الغفار وجنة الأبرار


رمضان كريم

يا مراكبي يقول...

وصفة جميلة .. وبجد بأشجعك عليها

لكن أحيانا بتكون المشاكل والهموم زي الجبال ما تنفعش معاها الخطة

لكن برضه نحاول .. ليه لأ؟

الازهرى يقول...

وبعديييييييييييييين؟

غير معرف يقول...

ثقافة الهزيمة.. أسكندرية ...ليه؟

متحف الأسكندرية القومى والمتحف اليونانى الرومانى و متحف المجوهرات الملكية و متحف الفنون الجميلة و متحف الأحياء المائية و متحف محمود سعيد ، و قلعة قيتباى و قصر المنتزة و مكتبة الأسكندرية الجديدة و الميناء الشرقى و حديقة أنطونيادس و نصب الجندى المجهول.

ومن الآثار الرومانية الموجودة بالإسكندرية المسرح الرومانى و عمود السوارى و معبد الرأس السوداء وحمام كوم الدكة الرومانى والذى أقيم على طراز الحمامات الرومانية القديمة ، و مسجد سيدى بشر ومسجد سيدى جابر ومسجد القائد إبراهيم ومسجد المرسى أبو العباس، وكاتدرائية الكرازة المرقسية وكاتدرائية اليونانيين الأرثوذكس و كنيسة سان مارك.

محطة الرمل وكامب شيزار وسان ستيفانو وسيدى بشر ، و طريق الجيش الممتد بمحاذاة الكورنيش ، و سى جل للأسماك فى أبوقير و بحرى، و جيلاتى عزة و جيلاتى النظامى و قدورة للأسماك فى بحرى ، و شارع سعد زغلول و شارع صفية زغلول وفول محمد أحمد و حلوانى طلعت وهريسة الحلبي و البن البرازيلى فى محطة الرمل، و حلواني صابر بالأبراهيمية، و مشويات أبن البلد بمصطفى كامل، و سان جيوفانى فى ستانلى ، و مول سان ستيفانو ، و مشويات حسنى بالمندرة ،و مشويات بلبع فى سيدى بشر قبلى، و حلواني شهد الملكة فى ميامى و فيكتوريا، وركوب الترام من غير محطة محددة فقط كى تتفرج على الأسكندرية من شباك الترام و أهل الأسكندرية الطيبين.

هذة بعض ما تحتويه مدينة الأسكندرية من معالم سياحية و مع ذلك لا تجد مدينة الأسكندرية على خريطة المدن السياحية الجديرة بالزيارة فى مصر فى مكاتب السياحة بالخارج و التى تنظم لها رحلات سياحية..

باقى المقال ضمن مقالات ثقافة الهزيمة بالرابط التالى www.ouregypt.us

ميرام يقول...

ربنا يديم ابتسامتك وسعادتك
(:
صباحك سكر

الازهرى يقول...

كل سنة وانت وكل أحبابك فى خير وسلام

كنت اتمنى تكونى موجودة فى العيد معانا هنا

romansy يقول...

بهديكم بوكيه من الورورد على أنغام أحلى عود ودايما العيد عليكم يعود كل سنة وانتم دايما بخير

عيد سعيد على كل الناس الطيبين

Kariman Al Essawy يقول...

النهاردة إن شاء الله يكون يوم سعيد
سعيدة اني قرأت هذا الكلام الجميل المشجع على كل شيئ سعيد، فعلاً عند قراءة هذا الكلام فإنه يحدث فرق جميل، كم نتمنى أن تكون كل أيامنا سعيدة، كم نتمنى أن نبدأ كل صباح بقرار السعادة هذا، ما أروعها هذه الأيام حين نقرر وتأتي النتيجة كما قررنا وتمنينا، شكرأ عزيزتي على الكلام الرائع :)

No Fear يقول...

السلام عليكم
و ناوية ترجعي تتدوني أمتي؟؟