الاثنين، سبتمبر 07، 2009

كلام .. صيام

-

صوتي تعبان اليومين دول .. رغم اننا في الصيف ..

-

لكن مش عارفة تعب ليه ؟

-

الصوت ده شئ جميل

حتي لو تعبان

-

كفاية انك تقدر تعبر عن اللي جواك

-

تقول انا فرحان

او تقول انا زعلان

-

تضحك بصوت عالي

و تبكي كمان بصوت عالي

-

تقول الحمد لله

او تصرخ عند الالم

-

حتي الصراخ .. نعمة ...

-

-

وتقدر تغني

-

حتي بابا افتقد صوتي وانا بغني

-

والحقيقة هو من زمان بيوعدني انه يعمل ليا شريط

من يمكن 15 سنة كدة ..

-

كل ما يسمعني بغني يقولي :

"انا عاوز اعمل لك شريط علي فكرة ..."

-

ومش عارفة هينفذ وعده ده امتي

-

-

علي العموم انا عاوزة ارجع اغني تاني

-

عشان كدة سوف اهتم بصوتي الفترة الجاية

الحمد لله علي نعمة الصوت ...

-

-

هناك 49 تعليقًا:

طلاب من أجل مصر يقول...

بجد مدونة حضرتك رائعة

انا أول مره أزورها بس ان شاء الله مش الأخيرة



تحياتى

karim يقول...

كل سنة وانتى طيبة, اية راييك لما تزبطى صوتك تسجليلنا مقطوعة هنا ونسمعها ونقولك راينا ونشجعك, تحياتى

Unknown يقول...

الف سلامة على صوتك
خدى سوائل دافية
كتير بـــس بعد
الافـــــطار
طبعـــــــاً

Unknown يقول...

أما ان الصوت
فهو نعمة لاشك
فى هذا طبعاً!

الازهرى يقول...

الصوت نعمه لما يكون جميل
وأجمل لما نستخدمه صح وفى الأمور الحسنه

إنما ممكن كمان يبقى أنكر الأصوات

لكن هو الشريط هينزل إمتى كده بالتقريب ؟

تحياتى دوما

Mina يقول...

الحمد لله علي كل النعم اللي ربنا مديهالنا
ولو انه الصوت ساعات كتيرة بيتحول لنقمة
طبعا النقمة دي بتبقي للناس اللي حوالينا
لما يبقي صوت مزعج
ربنا مايكتب عليكي صوت الازعاج
والف سلامة علي صوتك

خواطر شابة يقول...

النعم اللي المفرو نحمد ربنا عليها كثيرة ومغرقانا بس المشكلة مين يحس ومين يقدر
تحياتي

kochia يقول...

طلاب من أجل مصر

اشكرك واهلا بيك

kochia يقول...

karim

ان شاء الله .. امال يعني مين هيسمع ويشجع
انتوا طبعا

تحياتي

kochia يقول...

norahaty

الله يسلمك يا قمر ومتحرمش من سؤالك ابدا
وربنا يديم نعمة الصوت يارب وكل نعمه علينا
امين

تحياتي

kochia يقول...

الازهرى

ممكن طبعا يبقي انكر الاصوات
ربنا يستر
والشريط قيد الدراسة
تحياتي

kochia يقول...

Manamino

صحيح الصوت ممكن يبقي مزعج للاخريم لكن هو متنفس لصاحبه
الا الذي لا يقدر انها نعمة لازم يحسن استغلالها
الله يسلمك

kochia يقول...

يا خوف فؤادي من غدي

صحيح مين يقدر
تحياتي

صبرني يارب يقول...

سلامة صوتك يا جميل

جايز واخده برد

خلي بالك من نفسك

انا كمان صوتي تعبان بس عشان عندي برد فعلا

نـــــور يقول...

هو ده اسمه كلام صيام ولا تهيسس صيام؟:)

مفيش حاجه مش نعمه علينا حتى لو كان الاحساس بالحزن او الشجن

واشربى نسكافيه كتير او ميرندا كركديه عشان تعرفى تغنيلنا دويتو كويس مع كاظم الساهر:)

رمضانك كريم والف سلامه عليكى

غير معرف يقول...

ان شاء الله يرجع تاني .. وتغني :))

كل سنه وانتي طيبه..
رمضان كريم

معلش جت متأخره شويتين :$

Shimaa Gamal يقول...

صباح الفل
ألف سلامة عليكى و يا ريت تحجزيلى نسخة من الشريط اللى بابا ناوى يعملهولك :)

فى تاج يا ريت تعمليه ، تاج الحمد لله
http://shimaagamal.blogspot.com/2009/09/blessings.html

مدحت محمد يقول...

انا بكلملك محسن جابر انا ينتجلك شريط
هههههههههههه

كل شىء فى دنيتنا نعمة اكيد
حتى الكتابة من غير صوت نعمة
ورمضان كريم

blue-wave يقول...

وحشتنى مدونتك والله
كل سنه وانتى طيبه
والف سلامه على صوتك
وربنا يباركلك فيه

د/ابراهيم محمود هاشم يقول...

المدونة ممتازة وثقافة صاحبتها ممتازة والاحسن من دة كلة فلسفة وخواطر وتدبر عميق فى هذة الحياة يخرج من كتاباتك احييكى جدا جدا وانا عندى مدونة لكن علمية تخدم فئة قليلة لا تتعدى 50 واحد فى مصر بس انا كدة تخصصى نادر للاسف
WWW.MICROPHARMA.BLOGSPOT.COM
يا ريت تشرفينا بالزيارة

يا مراكبي يقول...

ألف سلامة .. شفاك الله وعافاك

وفرصة سعيدة انك هتعملي البوم غنائي .. أنا بدأت خلاص في تأليف الأغاني زي ما انتي عرفتي في آخر بوست عندي .. ممكن نتعاون ونطلع شريط يكسر الدنيا

:-)

غير معرف يقول...

الف لا بأس .. سلامتك

نتمنى لو سمعنا صوتك ولو مسجلا على المدونة

فحسب كلام بابا لابد ان يكون شجيا

شهد الكلمات يقول...

الحمد لله

مانحسش بالنعمة غير لما نفقدها
ربنا يشفيكي و ترجعي تلعلعي كدة في الاغاني :)

ألف سلامة و كل سنةو انتي طيبة

تحياتي

KHALED يقول...

يانسون يا كوشيا .... يانسوووووووووون

رمضان كريم ..
على فكرة دة تقريبا خلص

-_- يقول...

الصوت نعمة

الربان يقول...

تحياتي

قال الله تعالي " و إن تعدوا نعمة الله لا تحصوها " صدق الله العظيم..

و نعمة مفرد و تحصوها جمع...هذا يعني ان النعمة الواحدة لها اوجه عدة ويصعب حصرها...

نعمة الصوت مثلا....ربنا اعطاك صوت تعبري به...
لكن هذه النعمة لها مميزات عديدة اخري.. فأنت تستطعين مثلا ان ترفعي صوتك او تخفضيه..و هذه نعمه... و تستطيعي ايضا ان تتحكمي في نبرات صوتك
و هذه نعمة أخري...و تستطعين ايضا ان تعبري عن السعادة و الالم و الصحة و المرض من صوتك...و هذه أنعم أخري..
وهكذا...

علي فكرة انا هانتظر الشريط ...نسخه مجانية هدية من حضرتك.... و ان شاء الله
الدعاية علي العبد لله...


تحياتي و تقديري و اشكرك انك فكرتينا بنعمة من نعم الله علينا فلله الحمد و الشكر ...

غير معرف يقول...

إن شاء الله تخفى و نسمعلك اول شريط ليكى يا جميل







مدونتك حلوة اوى على فكرة

كيكى عوووووو يقول...

طب الحمد الله انك قادرة تعبرى وتكتبى الحمد الله ع نعمة الكيبورد!!!!!
اكيد بابا مستنى يتنجلك شريط**صوتى رجع ياعيااااال** قريب اوى

المنسى يقول...

ألف مليون سلامة عليكى
إزيك ياكوشيا عاملة إيه
كل سنة وإنتى طيبة
ورمضان كريم عليكى يارب

kochia يقول...

صبرني يارب

الله يسلمك
وسلامتك انتي كمان

kochia يقول...

نـــــــــــــور

طبعا مفيش حاجة مش نعمة .. انا بس كنت بفكر نفسي بيها مع حاجات تانية كتير

تحياتي

kochia يقول...

hager za3bal

وانت بكل خير
ومش مشكلة انها متاخرة لكن المهم انها توصل

kochia يقول...

Shimaa Gamal

اكيد انتي هتكوني من الناس اللي هتاخد نسخة مجانية
يهمني رايك
اما هذا التاج فسوف اركض لاره

تحياتي

kochia يقول...

مدحت محمد

حتى الكتابة من غير صوت نعمة

اجمل جملة سمعتها في تعليقات الموضوع ده
اشكرك
وياريت تمشيلي في موضوع الشريط وانا هشوفك متخفش

kochia يقول...

blue-wave

كل سنة وانت طيب
وانا كمان وحشتني مدونتي ومدونات الاصدقاء
والحمد لله صوتي كويس دلوقتي

kochia يقول...

د/ابراهيم محمود هاشم

اشكرك جدا علي اطراءك الذي اسعدني جدت
وان شاء الله سوف اكون من اصدقاء مدونتك

kochia يقول...

يا مراكبي

ايوة ايوة .. عارفة ان موهبتك الشعرية تفجرت اخيرا
وان شاء الله يبقي تعاون مثمر
واكيد هنكسرها
...
الدنيا طبعا

kochia يقول...

Sherif

يا هلا يا هلا
الله يسلمك
وده حسب كلام بابا استني لما تسمع وبعدين احكم
تسمع وانا بغني طبعا

kochia يقول...

شهد الكلمات

كل سنة وانتي طيبة واشكرك جدا

kochia يقول...

Khaled

الله اكرم
ازيك يا خالد
وقافل مدوناتك ليه
انت بتعمل لهم ترميم كتير اوي

يانسون
وكل سنة وانت طيب

kochia يقول...

Sharm

اكيد

kochia يقول...

الربان

الحمد لله علي نعم الله كلها
انا ذكرت احدها فقط
وبما ان هتتولي الدعاية باذن الله يبقي اطمن خالص من حيث النسخ المجانية للشريط

kochia يقول...

انا ودماغي

اهلا بيك
وشكرا

kochia يقول...

كيكى عوووووو

اعتقد اغنية صوتي رجع يا عيال دي مش هحطها في الشريط
دي ممكن تبقي الديمو بتاع اعلانات التليفزيون

والحمد لله علي كل شئ

kochia يقول...

المنسى

اهلا يا محمد
كل سنة وانت طيب والله يسلمك
ويارب تكون بخير

ابو على يقول...

الف سلامه على ها الصوت الجميل
كل سنه وحضرتك طيبه

kochia يقول...

ابو على


تكرم
كل سنة وانت بخير

micheal يقول...

بإذن الله تخفي وتغني وساعتها حتنزليلنا هنا حاجة بصوتك عشان نشجعك
:)
تحياتي

Dr. Ibrahim يقول...

الحمد لله على كل شىء