السبت، فبراير 07، 2009

ســــــؤال ؟؟؟

-
-
هو العيب فينا ولا في الزمان ؟
لو العيب فينا .. نصلحه ازاي ؟
ويبقي خير لو صلحناه
-
-
ولو العيب في الزمان ..
يبقي نرجع ايام زمان !!
-
-
نقف قدام العواصف
ام ننحني ؟
-
-
واذا استمرت العواصف ؟
هل نظل علي الانحناء ؟؟؟
-
-

هناك 94 تعليقًا:

مذكرات مشاغب يقول...

لا طبعا العيب فينا احنا
الزمن ملوش علاقه خالص
وحتى ايام زمان برده كانو نفسهم يرجعو زمن قبلهم


واللهي السؤال التاني ده صعب اوي
بس رايي ان من الذكاء انك تنحني خاصة اذا كانت العاصفه اكيد هتكسرك اذا منحنتش ليها
اما اذا كانت هتستمر علطول فبتهيالي يباه لازم اقف
لان اكيد الانكسار او الموت اهون من الذل والانحناء

تحياتي

الطائر الحزين يقول...

هل تريدى اجابة أم نضع مزيدا من الاسئلة وعلامات الاستفهام

مـحـمـد مـفـيـد يقول...

العيب فينا احنا
لاننا اصبحنا من مدمني الانحناء

بنوتة يقول...

السلام عليكم
لا هو طبعا العيب فينا
أما عن السؤال التانى فهو بصراحة صعب ومحير بس لو العاصفة شديدة ننحنى ولو مش قوية نقوى ونقف قدامها
أو في حل تانى نمشى بعيد عنها خالص ونتفادها
بس احنا للاسف على طول في انحناء
تحياتى ليكى

صباح الصباح يقول...

روح هذا البوست قريبة جدا مما اشعر بة وسجلتة فى بوستى الاخير اليوم

تقبلى تحياتى وحظ سعيد فى هذة الحياة العجيبة

صبرني يارب يقول...

نعيب زماننا والعيب فينا
ما لزماننا عيب سوانا

والانحناء للعاصفه لازم نعيش بين ذلك وذاك حسب الموقف والظروف

لازم يكون فى حكمه ولكن

نؤتي الحكمه من نشاء ومن اوتي الحكمه فقد اوتى خيرا كثيرا

منوره البلوج يا جميل

أنا حر يقول...

بكل تأكيد نحن فقط من نحمل العيب
ولا يمكن ان نبقى في انحناء ابدا فانا اعشق المواجهه دائما
تحياتي

~*§¦§ Appy §¦§*~ يقول...

منبقاش سلبيين العيب فينا احنا بناخد كل حاجه بالغلط حتى استخدامنا للنت علشان نتخفى بصى انا لو اتفتحت فى الموضوع ده هكتب تلت بوستات عندك
الاهم والملخص اننا منبقاش سلبين مش واحد مثلا بيضرب طفل فى الشارع اقول انا مالى وراحد بيرتشى اقول انا مالى فهمتى قصدى بقى

سمو الامير يقول...

نعيب زماننا والعيب فينا
وما لزماننا عيب سوانا
ونهجوا ذا الزمان بغير جرم
ولو نطق الزمان لنا هجانا
وليس الذئب يأكل لحم ذئب
ويأكل بعضنا بعضا عيانا

نهر الحب يقول...

والله هو العيب فينا
لاننا احنا اللى بنتحكم فى الاشياء اما على الانحناء فالظاهر اننا ثبتنا كدة ؟

egyboy يقول...

أسئلة رائعة وجميله
اعتقد أن العيب فينا احنا لأننا اصلا مش هينفع نرجع بالزمن فلنحاول أن نرتقى بأنفسنا

بالمناسبة أنا حليت التاج ممكن تشرفينى بالتعليق عليه

مصطفى

mohamed ghalia يقول...

نعيب زماننا والعيب فينا وما فى زماننا عيب سوانا
دمتى بكل الود

قلب ينبض لله يقول...

حتي لو العيب كان في الزمن فدا بسببنا يعني أحنا اللي ألحقنا بالزمن العيب

نحن من نصنع الزمن وليس العكس

اسفة علي التقصير والتأخير

سلام ياجميل

Shimaa Gamal يقول...

فى كل زمان الناس السؤال واحد ، العيب فينا و لا الزمن . و فى كل زمان بيكون فى حنين لزمان مش موجود ناس تحن لزمن فات و ناس تحن لزمن هايجى . العيب مش فى الزمن ، الأزمة فى إننا بنلوم الزمن على كل حاجة مش بنقدر نعملها .

نقف قدام العواصف لو نقدر ، على حسب قوة العاصفة . الذكاء و التجربة يقولوا إمتى نقف و إمتى ننحنى . و لكن لو العاصفة قاتلة الأحسن نموت واقفين ، مش صح نموت هربانيين من معركة

لورنس العرب يقول...

العيب فينا

والحل اصلاح انفسنا - والحل ده ليس بالسهل، محتاج مجهود كبير جدا
بس حل ممكن
واسهل من اننا نرجع الزمان تاني لأن اللي راح ما بيرجع ابدا


واذا استمرت العواصف
لا اضمن لك دوام الثبات
لأن ساعات العواصف تجبرك على الانحناء
فلا يوجد احدا يقول يا رب اتعسني
لكن هي ظروف بتؤدي لكده

romansy يقول...

العيب مشترك
فينا والزمن
الزمن دا مبقاش فيه حد بيخاف على حد
مش فيه ايد واحده البشر
كل واحد خايف على مصلحته وبس
ودا علشان البشر نوعيتهم كده اتخلقوا طيبيبن بس الزمن وقسوه الحياه هى اللى غيرتهم

الازهرى يقول...

نعيب زماننا والعيب فينا
وما لزماننا عيب سوانا
ونهجو ذا الزمان بغير ذنب
ولو نطق الزمان لنا هجانا

تخيلى ان تلك الكلمات قالها الامام الشافعى منذ اكثر من الف عام
وهذا معناه ان الناس فى كل العصور تلعن الزمان مكتفية بالوقوف السلبى وعدم مواجهة المشاكل

نقف قدام العواصف ام ننحني ؟
اتعرفين ما هو اقوى من العواصف
انه الجبل لا تستطيع العواصف تحريكه
والجبل هو التكتل الضخم من الصخور
فكل المطلوب منا ان نقف بايجابية ونتجمع ويبنى كل منا من اجل المستقبل
وعندها من مجموعنا يكون الجبل الذى لا تقهره العواصف

شوفتى اسئلتك انت كمان صعبة ازاى

علي محـمــــــد يقول...

السلام عليكم ورحمة الله وبركاته

الاخت الكريمه kochia

سؤالك اليوم يشعرني بنظرتك الغير راضيه عن كل شيء تشاهدينه .. وهذه النظره اعتقد انها تحمل الكثير من نقيض التفائل .. رسول الله صلى الله عليه وسلم يقول
(( تفائلوا بالخير تجدوه )) وهذه حقيقه لا جدال فيها .. فالخير موجود بداخل كل انسان ولكن يجب علينا توقعه من الناس الذين نحتك بهم ونحسن الظن بالغير .. وحينها سيصل احساسنا لهم وربما يؤثر عليهم ويبادلوننا نفس المشاعر وحسن الظن وتكون الحياة ؟أجمل :) .. أعرف ان تعبيرك مجازياً حين تقولين
((هل العيب فينا ام في الزمان)) وفقط للتوضيح فالزمان هو الدهر والدهر هو الله سبحانه وتعالى .. ربما يكون ما دعاك لكتابة هذا السؤال موقف غير جيد من احد .. ولكنك حاولتي البحث عن تحليل للأسباب هذا الموقف ولم تجدي الا الزمان لتحاولي الباسه ما حدث .. ولكن احب ان اذكر لك ان هناك دائماً اناس تصرفاتهم خاطئه والزمان بريء منهم تماماً وان كان هناك عيب فهو في من يقوم به .. وان كان هناك خير فلزماننا الفضل فيه .

في امان الله

موناليزا يقول...

نعيب زماننا وما لزماننا عيب سوانا

Khaled يقول...

كونى كما أنتى حتى ولو لم يحلوا للأخرين .. دونما التجنى على حق

اقصوصه يقول...

انا اللي متاكده منه

انه اكيد في عيب

لكن فمين العين

بعدني ما عرفت :(

وردة يقول...

انا رأيي ان العيب فينا
الزمن ماله بس وازاي يتغير احنا اللي بنتغير نفوسنا اللي بتتغير
اخلاقنا اللي بتتبدل
قوبنا اللي بتغفل
يبقي العيب في مين
سلام

رابطة مدونون من أجل فلسطين يقول...

خليك ايجابي وشارك معانا

من اجل عزتنا من اجل كرامتنا

من اجل ارضنا المستباحه

من اجل الاقصي

فنحن

رابطة مدونون من اجل فلسطين

http://bloggersforpalestine.blogspot.com/

حاتم عرفه يقول...

:)
ياما في سؤالات من غير ردود ..

كيكى يقول...

أزيك اخبارك اية؟؟
**ام هند**
رغن ان الاجابة معروفة!!
شوفتى فيلم **خلى الدماغ صاحى**
بطولة مصطفى شعبان***** لو شوفتى نهاية الفيلم هتفهمى انا اقصد اية!!
***امشى انابقى**
عوووووووو

عالم حبيب يقول...

نعيب زماننا والعيب فينا .. وما لزماننا عيب سوانا

غير معرف يقول...

لا العيب فينا ولا في غيرنا لكن الظروف اللي بتحكم حياتنا وانا اعتقد من خبراتى المتواضعه في الحياه انه احيانا لازم ننحنى حتى تعدى الريح ولو الريح طولت لازم نفضل منحنيين او نتحمل مسئوليه رفع رؤسنا لما تطير مع الريح والحياه مش دايما احداثها علي هوا الانسان وكل حدث بظروفه وبتقابلنا احداث كتير في حياتنا مره نرفع راسنا ومره ننحنى بس لازم الاول نعرف عواقب او نجاحات رفع وانحناء راسنا ...... واهلا بيكى مره اخري في مدونتك


onyx

حسن حنفى يقول...

اعتقد ان العيب فينا احنا

وعلشان نصلح من نفسنا كل واحد لازم يحاسب نفسه ويشوف الغلط عنده في ايه ويصلح فيه لان اكيد عيوبنا مختلفه

فاتيما يقول...

عايزة الصراحة يا كوشكش
العيب الأول بيبقى فينا
قلة الخبرة و التهور و تغليب العاطفة و الجنان أحياناً ...
بعد كدا بنعقل و نرسى و ناخد دروس و عبر تخلينا نركز
قوم نبص نلاقى بعد ما بقينا مفيناش حاجة
العيب بقى فى الزمان نفسه
لأنه عدى و جرى و مبقاش ينفعنا و لا يمشى معانا عدل مع إننا بقنا كويسين اهو ...
بس تقولى إيه ؟؟
حكاية الإنحناء و الوقوف قدام العواصف دى أنا آخر واحدة تنصحك فيها لأنها مشيت معايا بالعكس ...
شوفتى سؤالك المحير إجابته محيرة اكتر إزى
برجلتنى يا كوشكش
لما تلاقى غجابة معقولة إبقى قوليلى
خالص حبى يا حبيبتى

وميض ابتسامة يقول...

عزيزتى

مفيش فايدةللاسف فينا .. والعيب اصله جوانا و فينا
بس احنا بنحب نرمى بلاوينا
على الزمن اللى غدر بينا

والحكيم قال زمان ..العاقل بس هو اللى ينحنى للعواصف بدل ما تطيح بيه وبينا

كيــــــــــــارا يقول...

العيب فينا مش في الزمان

Sherif يقول...

كوتشيا العزيزة
--------------
لاادرى .. دائما لدى اعتقاد اننا دائما مسئولين عما نحن فيه ..

يقول احد شعراء زمان
نعيب الزمان والعيب فينا
وماعيب فى الزمان سوانا

ما اريد ان اقول انه لابد انم علينا واجبا لم نفعله .. او نؤديه حتى تعود علينا ثمار ما .. هى التوفيق والسعادة

هونى على نفسك .. فالقيامة لم تقم بعد

راجى يقول...

لا توجد ثوابت فى هذه الدنيا ، الجماد والحيوان والطبيعة تتغير باستمرار والانسان كذلك الا انه فطر على التواؤم والتكيف

نفرتارى يقول...

العيب فينا .. لان الزمن مش بتغير احنا بنغير كل شئ جميل الى اسوء مش بس كده وممكن نحطمه .. ونرجع نقول ليه الدنيا بقيت كده.. وعلشان نصلح هذا العيب يجب ان نصلح من انفسنا بالحب والخير والتسامح ولو تحبى تفاصيل اكثر زورينى فى المدونة واقرائى جولات كوكب تانى .. واياكى والانحناء كونى صلبة قوية مهما كانت الرياح وتمسكى بكل شئ يساعدك على القوة والمصابرة ..

تحياتى .. وتقبلى مرورى ،،

نفرتارى

صدى الصمت يقول...

نعيب زماننا والعيب فينا
وما لزماننا عيب سوانا
أصدق مقولة تنطبق على هذا الزمن
تحياتى

بنت الغربة يقول...

انا بصراحه متأكده ان العيب فينا مش فى الزمان بس
لان العواصف بتهب من زمان قوى ...
والناس وقتها كانت بتستحملها عادى
ليه دلوقتى مش قادرين نستحمل هبة ريح خفيفه...
او حتى شوية مطر...
تحياتى

صاحب المضيفة يقول...

المؤمن كالشجرة الخضراء تنحى أمام الريح لكن لا تنكسر ويكون انحنائها حتى تمر العاصفة وفقط


ربنا يسعد قلبك ويرضى عنك يارب

غير معرف يقول...

??
فينك
عوووو

كفايـة طيبـة يقول...

واذا استمرت العواصف ؟
هل نظل علي الانحناء ؟؟؟
---

طيب هو معنى الانحناء هنا ده سلبي ولا ايجابي ؟؟

على حسب

احنا مش بننحنى لما العواصف قوية
احنا بنميل معاها فقط لغاية ما تخلص
وبعدين نرجع لوقفتنا تانى

رابطة هويتي اسلامية يقول...

الحجاب حقيقة ثابتة أم مجال للتفكير

من باب تناول جميع الأراء وفتح باب النقاش كان لابد أن نتبني في رابطتنا هذا النقاش الذي سوف يجعل من النقاش مرجع للجميع للوصول إلي الحقيقة التي يعرفها البعض وتخفي علي البعض ويحاول البعض تجنبها.
ومن هنا تبنت الرابطة أن تكون هي حجة علي من يدور بينهم النقاش علي صفحاتها.
نفجر الجديد دائما حوارنا اليوم
الحجاب حقيقة ثابتة أم مجال للتفكير
وفيها ننقاش بعض المدونات التي أعلنتها صراحة رفضها للحجاب وحوارنا اليوم موجه إلي مدونة " مذكرات ثائرة ".
ندعوكم للمشاركة في هذا الحوار المفيد
تقبلوا دعوتنا ننتظركم لنستفاد منكم
رابطة هويتي إسلامية

أمير البلانكو يقول...

كوشيا

نعيب في زماننا والعيب فينا

وما لزماننا عيب سوانا


ربنا يصلح حالنا يارب

تحياتي ليكي

وعجبى.....! يقول...

السلام عليكم.
سعيد جدا أنى أول مره أعلق لان الاسئله شدتنى بس أرجع وأقول أكيد العيب فينا أحنا لان فعلا ومالزماننا عيب سوانا
تحياتى...

دعاء مواجهات يقول...

يبدو والله أعلم

انك فيكى كتير منى خاصة حتة كثرة لاتساؤلات وعمقها دى

خصوصا بقى حتة العيب فى مين دى
انا كنت كتبت عنها مقال قصير وانتشر فى الدستور من فترة

بس كان بشكل ساخر وكدة

التواصل يسعدنى
بيس

tarek alghnam يقول...

السلام عليكم
لم يكن العيب يوما من الزمان
ماذنب الزمان فى عدم الوفاء والخيانه وقله الضمير
العيب فينا احنا
مواضيعك وخواطرك دائما تعجبنى
ربنا يبارك فيكى
تحياتى
ودمتى بود

kochia يقول...

_____________________________
مذكرات مشاغب
_____________________________
العيب فينا اكيد ؟؟ طيب نصلح ازاي نفسنا ونتطهر من كل تلك الذنوب ؟
----------------------------------
وربما الانحناء اما العواصف من الذكاء
اليس كذلك ؟
ومن الذكاء ان اتحايل حتي استطيع الاحتماء بشئ ما ..
بس الموضوع ده عاوز تنازل ...
الصعوبة في كدة
--------------------------------
تحياتي
_____________________________

kochia يقول...

_____________________________
الطائر الحزين
_____________________________
الحقيقة انني اعرف الاجابة المنطقية
ولا اقبلها ...
-----------------------------------
تحياتي
_____________________________

kochia يقول...

_____________________________
مـحـمـد مـفـيـد
_____________________________
يبدو فعلا انه اراح الكثير من عناء ان تكون الراس اعلي ما في الانسان
----------------------------------
تحياتي
_____________________________

kochia يقول...

_____________________________
بنوتة
_____________________________
وعليكم السلام
اكيد العيب فينا ..
تفتكري ممكن نمشي فعلا بعيد عنها خالص ؟؟
والله فكرة كويسة..
الا اذا كانت في مكان يخصنا
اشكرك علي رايك
----------------------------------
تخياتي
_____________________________

kochia يقول...

_____________________________
صباح الصباح
_____________________________
حظ سعيد للجميع
حظ مع العمل
----------------------------------
تحياتي
_____________________________

kochia يقول...

_____________________________
صبرني يارب
_____________________________
ايوة لازم يكون هناك حكمة وتفكير في الوقوف امام العواصف ..
متي ؟ هذا هو السؤال
انت اللي منوراني بجد
واشكر مرورك الجميل
----------------------------------
تحياتي
_____________________________

kochia يقول...

_____________________________
أنا حر
_____________________________
تعشق المواجهة ؟؟؟
ارجو ان تظل مرفوع الراس دائما
ولكن احترس .. المواجهة ليست قوة بقدر ما هي ذكاء
----------------------------------
تحياتي
_____________________________

kochia يقول...

_____________________________
~*§¦§ Appy §¦§*~
_____________________________
ايوة العيب فينا واحنا اللي وصمنا زماننا بعيوبنا
فهمت قصدك طبعا
وانا متفقة معاكي تماما
بس نسبة اللي بيعملوا كدة قد ايه ؟
قليلة جدااا
منورة
--------------------------------
تحياتي
_____________________________

kochia يقول...

_____________________________
سمو الامير
_____________________________
نعيب زماننا والعيب فينا
وما لزماننا عيب سوانا
ونهجوا ذا الزمان بغير جرم
ولو نطق الزمان لنا هجانا
وليس الذئب يأكل لحم ذئب
ويأكل بعضنا بعضا عيانا

صدقت
وصدق الشافعي
--------------------------------
تحياتي
_____________________________

kochia يقول...

_____________________________
نهر الحب
_____________________________
هههههه.. ايوة شكلنا اتسمرنا علي كدة خلاص
ربنا يفكها من عنده الربطة دي
منورة
----------------------------------
تحياتي
_____________________________

kochia يقول...

_____________________________
egyboy
_____________________________
الهيب فينا اكيد .. مال الزمان ببلاوينا
انا متشكرة جدا علي قبولك التاج وشوف اراه فورا
----------------------------------
تحياتي
_____________________________

kochia يقول...

_____________________________
mohamed ghalia
_____________________________
اهلا بك
وحقا ما قلت
----------------------------------
تحياتي
_____________________________

kochia يقول...

_____________________________
قلب ينبض لله
_____________________________
نعم .. لقد وصم باعمالنا
منورة دائما ..
واشكرك علي مرورك الكريم وقتما يكون
----------------------------------
تحياتي
_____________________________

kochia يقول...

_____________________________
Shimaa Gamal
_____________________________
تقريبا عاوزين نهرب من المسؤولية
واشكرك علي راك العاقل الشجاع بخصوص العواصف
الذكاء اولا والحكمة
او
نموت فداك يا وطن
----------------------------------
تحياتي
_____________________________

kochia يقول...

_____________________________
لورنس العرب
_____________________________
اصلاح انفسنا .. والله هذا ما اريده يا اخي
فنصلح انفسنا حتي تهنأ لنا الحياة
اما العواصف فهي غالبا تجبرنا علي الانحناء اذا كانت شديدة
بشر نحن .. البقاء وحلاوة الروح غريزة فينا
----------------------------------
تحياتي
_____________________________

kochia يقول...

_____________________________
romansy
_____________________________
والزمن ماذا هو الا نحن ؟؟ الزمن ما هو الا تاريخ يجمعنا وافعالنا هي ما شوهت هذا التاريخ
وقسوة الحياة هي قسوة افرادها ومن يحيون فيها
الحياة لا تقسو الا بالطبيعة .. رياح اعاصير براكين ..
ولكن نحن من نخون نغدر ونقسو
اليس كذلك
--------------------------------
تحياتي
_____________________________

kochia يقول...

_____________________________
الازهرى
_____________________________
كلنا نلقي تبعة افعالنا علي الزمان
هروب من المسؤولية
----------------------------------
الجبل هو اقوي فعلا من العواصف
يظل ثابتا راسخا شامخ القامة لا يتزعزع
اجاباتك عملية جدا وذكية ..
ولكن الا تري معي انها تحتاج ان نتخلص من يعض العيوب التي نلقي تبعتها علي الزمان ؟؟؟
--------------------------------
فلنحاول
منورني دايما
وانا خلاص بقيت بحب الاسئلة
انت الاستاذ
--------------------------------
تحياتي
_____________________________

kochia يقول...

_____________________________
علي محـمــــــد
_____________________________
وعليكم السلام
فعلا .. اخي الكريم
انا غير راضية عن كل شئ ابتداءا بنفسي
وانتتهاءا بها ايضا
فهي دائرة ممغلقة من عدم الرضا
وهذا لا يعني التشاؤم بمعناه الدقيق ولكن يعني شعوري بصعوبة التحرك للامام.. وليس استحالة ذلك
اما مقولة الخير موجود داخل كل انسان .. فانا اشك بها
او قد يكون الخير هذا مخلوق ضعيف كسيح لا يستطيع سوي التنفس لاثبات وجوده بدون افعال

او ربما ما دعاني لكتابة هذا هو موقف مني انا تجاه انسان .. قد اظلم شخصا انا الاخري او اجور عليه بدون قصد او بقصد ؟؟
لا تعلم النفوس هذه الايام ملبدة

وللعلم انا اسخر ممن ينسبون افعالهم للزمان
وادرك تماما ان العيب فيا انا وفيمن حولي اذا كان زماننا يشوبه شئ فمن افعالنا
هي صرخة لنفسي لافيق .. لاقف اما المراة واعترف
ليس للزمان اي دخل فيما يحدث
انه انا اولا ثم من حولي
اشكرك علي مرورك ورايك
--------------------------------
تحياتي


_____________________________

kochia يقول...

_____________________________
موناليزا
_____________________________
حقا
العيب بدامن عندنا فانتهي الينا
ولا عزاء للمقهورين
----------------------------------
تحياتي
_____________________________

kochia يقول...

_____________________________
Khaled
_____________________________
((كونى كما أنتى حتى ولو لم يحلوا للأخرين ))
نصيحة غالية .. ساعمل بها
----------------------------------
تحياتي
_____________________________

kochia يقول...

_____________________________
اقصوصه
_____________________________
اكيد فيه عيب طبعا
جوانا
----------------------------------
تحياتي
_____________________________

kochia يقول...

_____________________________
وردة
_____________________________
اتفق معك تماما في رايك
احنا اللي بنتغير وبنغير معانا وقتنا وزماننا
وقلوبنا اللي بتغفل
العيب فينا عزيزتي
----------------------------------
تحياتي
_____________________________

kochia يقول...

_____________________________
رابطة مدونون من أجل فلسطين
_____________________________
اشكركم علي المرور وسوف امر علي مدونتكم يقينا
----------------------------------
تحياتي
_____________________________

kochia يقول...

_____________________________
حاتم عرفه
_____________________________
يمكن لو فكرنا كويس تلاقي رد ..
----------------------------------
تحياتي
_____________________________

kochia يقول...

_____________________________
كيكى
_____________________________
انا الحمد لله كويسة
ايوة شوفته
وفهمت
شكرااااااااااا
منوراني
----------------------------------
تحياتي
_____________________________

kochia يقول...

_____________________________
عالم حبيب
_____________________________
حقا اخي
مجرد اعذار
----------------------------------
تحياتي
_____________________________

kochia يقول...

_____________________________
غير معرف onyx
_____________________________
واضح ان خبراتك في الحياة كتيرة ويمكن تكون قاسية كمان حتي يكون رايك ان عدم الانحناء يطيح بالرؤوس
لا اريد ان تطيح راسي طبعا ولكن اريد ان ارفعها بدون خسائر
او خسائر مقبولة تقبل الاصلاح
الموضوع حكمة وذكاء انا عارفة
لكن لو مش عندي من الحكمة والذكاء ما يكفي اذن اظل علي االنحناء او تطيح راسي للاسف
ربنا يستر
اهلا بيك ومنورني
وفينك من زمان
مش عاجبك كل اللي بكتبه ؟؟
--------------------------------
تحياتي
_____________________________

kochia يقول...

_____________________________
حسن حنفى
_____________________________
صح
كل واحد لازم يصلح نفسه
بس لو مش متعايشين مع اخطائنا وعيوبنا
----------------------------------
تحياتي
_____________________________

kochia يقول...

_____________________________
فاتيما
_____________________________
بجد بجد بحب كوشكش دي منك جدا
المهم
العيب الاول والاساسي فينا طبعا
بس العيب التاني مش في الزمن
والزمان مش هيقف يستنانا نعيش شبابنا وتهورنا وبعدين يصبر عشان نعيش الرزانة والعقل
خلاص
نصيبنا وصل لحد كدةوالمفروض نعيشة زي ما هو وزي ما وصلنا ليه
في الاخر ساعات بنتاخر في التفكير الصحيح وبنقول لو كنا عرفنا كذا زمان كنا اتصرفنا بشكل مختلف
انا كمان متبرجلة
بس يمكن هقدر اوصل لنتيجة ان شاء الله
منوراني دايما
--------------------------------
تحياتي
_____________________________

kochia يقول...

_____________________________
وميض ابتسامة
_____________________________
ايه الكلام الجامد ده
هو كدة والله
بس يعني رايك ان الانحناء عقل ؟
سوف افكر فيها
اشكرك علي مرورك الكريم
----------------------------------
تحياتي
_____________________________

kochia يقول...

_____________________________
كيــــــــــــارا
_____________________________
اكيد هو كذلك
اشكرك علي مرورك
----------------------------------
تحياتي
_____________________________

kochia يقول...

_____________________________
Sherif
_____________________________
لابد ان يكون لنا دور كبير فيما يحدث لنا
والا اين عدل السماء
اشكرك علي رايك ومرورك
----------------------------------
تحياتي
_____________________________

kochia يقول...

_____________________________
راجى
_____________________________
فعلا فطر علي التوائم والتكيف
ولكن الا تري ان التكيف علي ومع الانحناء بلزوم او بدون شئ خاطئ ؟
-----------------------------------
تحياتي
_____________________________

kochia يقول...

_____________________________
نفرتارى
_____________________________
يجب ان نصلح من انفسنا بالحب والخير والتسامح
حقا ما قلتي
العيب فينا
ليه نحمل الزمان نتيجة افعالنا
ولكن اخشي ان انفذ نصيحتك فيما يخص الانحناء وتكون النتيجة ان .. اطيح !!!!
-----------------------------------
تحياتي
_____________________________

kochia يقول...

_____________________________
صدى الصمت
_____________________________
هي اصدق مقولة فعلا
ودائما
منورة
-----------------------------------
تحياتي
_____________________________

kochia يقول...

_____________________________
بنت الغربة
_____________________________
صحيح ليه اتغيرنا كدة وبقينا شئ هش من جوانا
عاوزين دايما حد يمسك بايدنا والا .. نطيح
العيب فينا اكيد
----------------------------------
تحياتي
_____________________________

الرابطة وبناء الأمة يقول...

السلام عليكم ورحمة الله وبركاته
دعوة
أخي يا من رفضت سياسة مبارك عليك أن تكمل معنا الطريق حتي لا تكون دعواك دعوة إفتراء دون إثبات
دعوي مرفوعة ضد مبارك بنص ".........................."
أول جلسة
نتمني منك أخي المدون الحضور للجلسة
مع تحياتنا لك بالتوفيق
الكتيبة السياسية

أية الشقية الشعنونة يقول...

انها حيرة الجميع

نقف أم ننحنى

وكيف نثبت على الوقوف إن قررنا الوقوف !

وإذا قررنا الأنحناء متى سنقف !

أحييكى جدا يا كوشيا

بكلمات مختصرة عبرتى عن حاجات جوانا كلنا

متى وكيف وإلى أين

تحياتى
سلام عليكم

kochia يقول...

_____________________________
صاحب المضيفة
_____________________________
كلامك جميل اوي يا انس .. ومريح
ربنا يبارك فيك يارب
-----------------------------------
تحياتي
_____________________________

kochia يقول...

_____________________________
غير معرف
_____________________________
انا هنا
عووووووووو
معلش النت عندي فيه مشاكل وبفتح من التليفون
وربنا يسهل اخلص من الموضوع ده
-----------------------------------
تحياتي
_____________________________

kochia يقول...

_____________________________
كفايـة طيبـة
_____________________________
الحقيقة كنت اقصد التنازل
اشكرك علي المرور
-----------------------------------
تحياتي
_____________________________

kochia يقول...

_____________________________
رابطة هويتي اسلامية
_____________________________
مرحبا
اشكرك علي المرور
-----------------------------------
تحياتي
_____________________________

kochia يقول...

_____________________________
أمير البلانكو
_____________________________
ربنا يصلح حالنا جميعا ان شاء الله يارب
-----------------------------------
تحياتي
_____________________________

kochia يقول...

_____________________________
وعجبى.....!
_____________________________
اهلا بيك معلقا وقارئا .. وارجو الا تكون الاخيرة
وحقا نحن ما نعيب الزمان
ونعيب انفسنا
للاسف
-----------------------------------
تحياتي
_____________________________

kochia يقول...

_____________________________
دعاء مواجهات
_____________________________
اهلا بيكي دايما
واعتقد التساؤلات دي وسيلة لصراخ فيما لا تستطيعين التصريح به
منورة
بيس
-----------------------------------
تحياتي
_____________________________

kochia يقول...

_____________________________
tarek alghnam
_____________________________
ماذنب الزمان فى عدم الوفاء والخيانه وقله الضمير
اذن هل ظلمنا زماننا بوجودنا فيه ؟؟؟
العيب فينا .. ارجو ان نستطيع الاصلاح
اشكرك جدا واشكرك مرورك
-----------------------------------
تحياتي
_____________________________

kochia يقول...

_____________________________
الرابطة وبناء الأمة
_____________________________
مرحبا بك
واشكرك علي المرور
-----------------------------------
تحياتي
_____________________________

kochia يقول...

_____________________________
أية الشقية الشعنونة
_____________________________
بل انا من احييكي علي فهم كل كلمةة قلتها انا في هذا الموضوع
متى وكيف وإلى أين
سؤال فعلا يفرض نفسه
منورة
-----------------------------------
تحياتي
_____________________________

بنت الاسلام يقول...

العيب فينا

لكن عشان نهرب من المسئولية

بنعلق اخطاءنا علي شماعة الزمن

تحياتي

Tamer Nabil يقول...

العيب مش فى الزمن

العيب فى بعض الناس اللى مش حسة بحاجة وعايشة وايدها فى الحرام شاملة كل حاجة

تحياتى