الأحد، يونيو 29، 2008

(2) الدرس الاول .. من مذكرات نتاوي

-
كأي وليد يبدأ خطواته الاولي في العالم حبوا ..
بدأت انا خطواتي الاولي في سبر اغوار عالم الانترنت حبوا...
التصقت بصديقة لي سبقتني اليه لاتعلم ..
حيث كنت لا اعرف اي شئ في اي شئ ..


وجدير بالذكر ان معرفتي بالانترنت هي التي عرفتني علي استخدام الكمبيوتر ..
حيث كنت فقط من مستخدمي ال "جيمز"

ولكن الانترنت بوابة سحرية الي عالم واسع جدا احب ان ادخله
وجهاز الكمبيوتر هو مفتاح هذه البوابة السحرية

المهم لزقت لصاحبتي كل ماتروح تعمل حاجة في الكمبيوتر اروح معاها ..
اقعد جمبها وهي بتفتح .. وهي بتبحث .. وهي بتقرا .....

كنت متطفلة جدا ..لكن رغبتي الاكيدة اني اتعلم واتعلم دفعتني للتطفل ده
وهي بصراحة كانت مستحملاني

لحد ما اتعلمت وحسيت اني بقيت كويسة
وعرفت يعني ايه ايميل .. مكنتش فاهمة اصلا ايميل يعني ايه ..
وعرفت الفرق بين الياهو والهوت ميل
وعرفت جوجل
وعملت الايميل اللي قلت لكم عليه في موضوع كوشيا

وقلت خلاص ممكن اروح السير لوحدي ( مكنتش لسة جبت كمبيوتر)
وخرجت في يوم مع صاحبتي واختي

وهي كمان كانت سبقتني لمعرفة الكمبيوتر والانترنت
خرجنا وروحنا السيبر بناءا علي طلبي طبعا

وقلتلهم

- انا بقي هاخد جهاز لوحدي انا بقيت بفهم كويس
- يابنتي انت لسة جديدة واسبوعين مش كفاية اقعدي مع حد فينا
- لا .. ليه يعني
- طيب لو عوزتي حاجة نادينا
- هعوز ايه يعني
- اوكي براحتك

وجلست لوحدي .. ومكنش عارفة اعمل ايه
اعمل ايه....
اعمل ايه....
اعمل ايه.....

طيب ابحث في جوجل .. هما بيعملوا كدة
وفتحت جوجل

ادور علي ايه ..
ادور علي ايه ..
ادور علي ايه ..

طيب اشوف ازياء ..؟؟؟
اشوف اختبارات نفسية .. ؟؟؟
اشوف ابراج ..؟؟؟
اشوف.............؟؟؟

قررت في الاخر وبعد تفكير عميق اني ابحث عن قضية تخص المراة
وكتبت في جوجل كلمة (lady ) ثم ضغطت

بحث
وطبعا جوجل العبقري جاب لي مواقع كتير

ونقيت انا منهم واحد عشوائيا وفتحته

واذا بصورة مش ولابد خااااااااالص تظهر علي الشاشة بالحجم العائلي

جامبوووووو

صورة واحدة من غير هدوم
طبعا اتخضيت جدا

تتقفل منين تتقفل منين ...

دورت علي علامة x مش لاقياها
هم قالولي اقفلي منها

مش عارفة راحت فين

عرفت بعد كدة ان المواقع دي بتعمل علامة x بطرق مش واضحة
عشان الموقع يفضل اطول فترة ممكن
وطبعا ساعتها مكنتش اسمع حاجة عن ( alt+ f4 ) ولا اي حاجة شبيهة

المهم اعمل ايه وانا في سيبر والناس حواليا وهس محدش بيتكلم

طبعا لما شفت الصورة شهقت شهقة قوية خلت الناس كلها تبص عليا
انقاذا مني للموقف وللمنظر

قمت من مكاني وحضنت شاشة الكمبيوتر اخفيها عن الاعين
طبعا الناس بصت عليا واكيد حد منهم لمح الصورة

ندهت علي اختي ... وصاحبتي

بسسسسسسس
بسسسسسسسسسسس
بسسسسسسسسسسسسسسسسسس
الحقوني

وطبعا الناس كلها شافتني برده وانا بنادي
والفضول كان هيقتلهم

لكن انا كنت محضنة علي الشاشة تمام وقافلة عليهم كل المنافذ
لحد ما اختي جت وقفلت الشاشة بسرعة بكل بساطة


- اقعدي
- اصلي كنت مخضوضة
- طيب مقفلتيش الشاشة ليه
- هو حد قاللي ابقي اقفليها
- طيب معملتيش ريستارت ليه
-
هو ايه الريستارت ده
-
الريستارت ده كدة ( وداست علي زرار في الكيسة )
- ياااااه .. طيب مش حد يقوللي


بصت لي بصة كدة ورجعت علي الجهاز بتاعها

وانا استنيت لما الكمبيوتر يفتح تاني عشان اطمن
مش عارفة ليه مكنتش مصدقة ان الصورة اياها راحت وحاسة انها هترجع تاني
لما فتح قفلته تاني زيادة توكيد

وقمت قعدت جمب اختي زي الشاطرة من غير ولا كلمة
شكلي كدة لسة محتاجة شوية تعليم !!!!!!

,,,,,,Kochia

=========================

هناك 65 تعليقًا:

المستنصر بالله يقول...

مش قولتلك كتير قبل كده بطلى العاده دى وماتلعبيش فى حاجه ماتعرفهاش
تستاهلى
ده جزاء اللى مش بيسمع كلام اللى اكبر منه
تحياتى لنتاوى ام قلب اسود

غير معرف يقول...

Thanks to the blog owner. What a blog! nice idea.

غير معرف يقول...

Yugs, daw nabasahan ko naman ni sa iban nga blog?

نعكشة يقول...

لووووووووووووووووول

انتي مسخرة ( لو متضايقة من الكلمة اسحبها) بس انا قصدي موضحكة
لأ والله سكر

ههههههههههههههههههههههههههه

مش قادرة امسك نفسي صراحة
متخيلاكي بتقومي و تحضني لشاشة


منتظرين باقي المغامامير ( فضول بقة)

دمتي سالمة

سلامون عليكي

Tamer Nabil Moussa يقول...

هههههههههههه

موقف طبعا صعب خصوصا انك بنت وفى مكان عام ولسة جديدة

الفرق بينى وبينك فى اول تعليم نت وكمبيوتر انى قعدت لوحدى فى نفس اللحظة والوقت بعد ربع ساعة جنب ابن عمتى وبعدها ادمنت الموضوع كنت قبل ما اجيب البيت جهاز ونت كنت اخرج الساعة 12 مساء مش اقوم الا الساعة 12 ظهور واللهى بجد طبعا دة فى اول القاعدة بعد كدى بقى لايقل الوقت عن 8 ساعات يوميا
الان بقى وانا فى البيت ليل نهار قاعد دة انا لما بنام بحلم بالنت هههههه

تحياتى

الفارس الملثم يقول...

هههههههههههه

بداية مفيش تعلم بالساهل , وانا عشان اتعلم وقعت الوندوز كام مره , بس اتعلمت , اللي يخاف عمره ما يتعلم ..

بس موقف محرج اوي خاصة لبنت , والناس افكارها عادة بتروح لحطط غلط

عارفه انا معظم اللي اتعلمته في الكمبيوتر والنت كنت نتيجة لاتباعي طريقة التجربه والخطأ , ودلوقتي لو في شئ عاوز اعرفه باسئل عم جوجل , هو ساعات اه بيستغبي ويجيب حاجات ملهاش دعوه باللي سالته عنه , بس حقيقي افادني كتير

تحياتي
محمد

بيتنا القديم يقول...

ذكريات..!!

أجمل حاجه انك شهقتى وحضنت الشاشة

كان ناقص تصرخي يالهوووووووووووووي

عشان مش حد ياخد بالو...!!

(:

جمعاوى يقول...

حلو موضوع حضن الشاشه ده

الحمد لله إنها جت لحد كده

tarek alghnam يقول...

الاخت الكريمة
اولا اسلوبك رائع فى السرد
ثانيا المشكلة دى منتشرة والمشكلة فى الاطفال اللى بيدمنوا الكمبيوتر والنت ولما صورة زى دى يشوفها بتبقى مشكلة
المهم انك تعلمتى من الدرس وربنا يسترها معاكى ومعانا
تقبلى تحياتى وشكرى

Unknown يقول...

بس والله بجد سرعة بديهة كويسة إنك حضنتى الشاشة أهم حاجة الموقف عدى على خير واحنا كلنا اتعرضنا للمواقف دى وربنا ستر
ملحوظة: انا ضفتك على الايميل لو مفيش مشكلة
تحياتى اول زيارة ومش الاخيرة

kochia يقول...

المستنصر بالله
اشكرك يا صديقي علي النصيحة .. بس انا كنت عاوزة اتعلم بس
وعلي فكرة اختي دي اصغر مني ب 9 سنين بس الانترنت جه عليها وعليا في وقت واحد

وعلي فكرة انا سامحتك خلاص
تحياتي

kochia يقول...

lotto 649 winning numbers
اشكرك علي اعجابك بالمدونة
وارجو ان تكرر الزيارة

تحياتي

kochia يقول...

نعكـــــشة
انا مبسوطة طبعا ان الموضوع عجبك
وعندي كتير اوي مكواقف حصلت وهكتبها بالتتابع ان شاء الله

بس مكنش قدامي اي حل تاني الا اني اعمل عبيطة والناس تفكر اني فاتحة الصورة دي عمدا
اتكسفت جدا بصراحة
انتي لو مكاني هتعملي ايه ؟

تحياتي

kochia يقول...

Tamer Nabil
ايوة فعلا الموضوع ادمان .. حاجة جديدة وغريبة وممتعة في نفس الوقت
بس امال انت طول النهار علي النت
مفيش شغل ولا ايه ؟؟؟

تحياتي

kochia يقول...

الفارس الملثم
اولا انا مبسوطة انك ضحكت .. انا يهمني برده ان يبقي فيه ابتسامة للمارين عليا هنا
والتجربة والخطا هي من افضل طرق التعلم في رايي بس مش في الحاجات المصيرية طبعا
انا دلوقتي بقيت بستعين بصديق علي طول
هعمل ايه
علي فكرة الموثق اتكرر مرتين تلاتة بكذا سيناريو بس دي كانت اول مرة

تحياتي

غير معرف يقول...

kochia

تشرفت بزيارتك لمدونتي
موضوعك جميل
انا بقه قصتي مع الانترنت بدأت من كذا سنه و تقدري تقولي علمت نفسي بنفسي و اشتركت في جروبات كتيره و لما كان بيبقي عندي استفسار او اي حاجه عايزه اعرفها بدخل اسأل و ابحث بنفسي و لحد دلوقتي لما بتقف قدامي حاجه بخصوص الانترنت او الكومبيوتر بحاول اني اعرفها بنفسي لأنها بتفضل قلقاني لحد مااظبطها

موقفك مع الصوره كان موقف صعب ألبي معاكي بتمني ان الانترنت مايسببلكيش اي متاعب و متسنيين منك الجديد دايما و ألف مبروك دخولك عالم التدوين و لو انها متأخره حبتين

تحياتي ليكي و اسفه للاطاله

kochia يقول...

بيتنا القديم

ههههههههههه
المفاجاة وحشة
سرعة البديهة ماسعفتنيش
انت لو مكاني هتعمل ايه .. مع تثبيت الملابسات

تحياتي

kochia يقول...

جمعاوى روش طحن
ايوة الحمد لله جدا
انا قعدت فترة طويلة مروحش السيبر ده لحد ما الموقف اتنسي عندي علي الاقل

تحياتي

kochia يقول...

طارق الغنام
اشكرك علي مرورك واشكرك علي رايك في الموضوع

المشكلة في الاطفال دلوقتي مش اللي بتطلع له صورة عفوا او قدرا لكن في الاطفال اللي بيبحثوا بنفسهم عن الصور دي في مقاهي انترنت وبيدخلهم صاحب المقهي وبيفتح لهم عادي جدا وبيبقي عارف هم بيعملوا ايه وسايبهم
مش بياخد فلوس !!!!!!!

تحياتي

kochia يقول...

ayman badr
مرحبا بك في المدونة .. والمواقف اللي الواحد بيشوفها كتير
بس اللي يفتكر

تحياتي

بنوتة يقول...

كل حاجة جديدة علينا بيكون ليها طعم حلو ويشد

بوست مميز

تحياتى

kochia يقول...

اجندا حمرا
اشكرك علي مرورك ..وبارك الله فيكي
اما بالنسبة للتعليم هو من كتير المواقف اللي بيحصل له حاجة دلوقتي بيسالني
الحمد لله كنا فين وبقينا فين

تحياتي

kochia يقول...

بنوتـــــة

اشكرك علي مرورك واتمني متابعتك الدائمة
تحياتي

che_sniper يقول...

ياااه الموضوع ده فكرني بأول مرة على جهاز كمبيوتر يجي من 6 سنيين كدة قعدت اكسر و اخبط في الكيبورد و الماوس علشان اعرف استخدمهم بس معرفتش بس بعد 6 سنيين يعني الايام عرفت اهمية اليوم اللي كسرت فيه الماوس

اه بالمناسبة شكرا على الزيارة و التعليق

صباح الخير يا مصر يقول...

kochia
************
اللى يعيش ياما يتعلم!!!
واول شئ يجب ان نتعلمه عند دخولنا لعالم النت ..ان نأخذ منه الجانب الايجابى فقط..دون الدخول فى الجانب المظلم منه
اكيد كان اموقف محرج جدا :)

تحياتى

kochia يقول...

che_sniper
كل حاجة في الاول بتبقي غريبة
بس الواحد مش مفروض يتكبر علي النصيحة

تحياتي

kochia يقول...

صباح الخير يا مصر
فعلا النت زيه زي اي حاجة في الدنيا
ذا وجهين

تحياتي

Miss. Sosa يقول...

هههههههه

اولا سامحيني عن تاخيري في المتابعه بس لحقت نفسي وقريت اللي فاتني
عجبتني اوي مذكرات نتاوي

بتفكرني بقصة كفاحي بس قصة كفاحي كانت انيل من كدا

ياريتها كانت مشاكل سوفت واير ولا فايروسات .. ديه كانت مشاكل هاردوير من العيار التقيل

اختك بلا فخر حرقت اتنين مازر بورد :S
بس الحمد لله مفيش حاجة بتيجي بالساهل وبقيت اوسطى بروفيشنال دلوقت :)

وربنا يستر

كيكى عوووووو يقول...

هههههههههههههههههه
تستهلى
ههههههههههههههه
انتى سكر خالص
تحياتى
عوووووووووووووووووو
اتخديتى

نـــــور يقول...

سبحان الله دخلت المدونه صدفه بحته لقيت اسمها قصاقيص -زيى يعنى- بس مبسوطه بمرورى هنا لان دمك خفيف قوى
بس عايزة اقولك ان الموقف ده بجد بيوجع قوى لانى جربت زيه بس عادى كنت فى البيت لكن بصراحه عمل فيا حاجات هحكى عنها فى مدونه ليا قريب باذن الله
بس انتى طبعا اصعب لانك كنتى فى مكان عام يعنى المصيبه اتنين...
اول مرور وان شاء الله مش الاخير
مزيد من التوفيق باذن الله

kochia يقول...

Miss. Sosa
اهلا بيكي عندي دائما وانا مبسوطة اوي انها عجبتك
مفيش صحيح حاجة بتيحي بالساهل
بي 2 ماذر بورد؟؟؟
كتييرررررررررر
بس الحمد لله وصلتي دلوقتي للمدونات
انا وقعت وندوز صحيح بس محرقتش حاجة الحمد لله

تحياتي

kochia يقول...

كيـــكى
اشكرك
ويارب دايما الموضوعات تعجبك وتشرفيني هنا

تحياتي

kochia يقول...

habiba
مرحبا بك اولا وان شاء الله لا تكون اخر زيارة
وانا الحقيقة لما عملت المدونة مكنتش اعرف ان فيه حد تاني اسمه قصاقيص
وعلي فكرة انتي اهو وفي حد تاني برده اسمه قصاقيص
معلش بقي اهي كلها قصاقيض

مرحبا بك دائما
تحياتي

funckydoctor يقول...

ايوة كده زى الساطرة اقعدى جنب اختك
أنا بقا كنت باستكشف بنفسى كان عندى كمبرورر من قديم الزمن فعلمت نفسى
ماكانش لسه النت انتشر بس برضه عكييييت الدنيا كتيييييييير
المهم بقيتى شطورة فى الكمبورر ولا لسه
:D
تحياتى

Ehab يقول...

يا بنتي عادي خالص هو النت كده تقريبا لازم اول مره تدخلي لازم تدبسي فيموقف زي ده بس انا بقى حظي اننا كنا في سيبر هادي مفيش حد غيرنا انواصحابي وكمان عرفنا نتصرف بسرعه
بس اقولك الواحد اتخض خضه من الموقف
بس خلاص بقى اتعودنا نتصرف بسرعه
عموما احسن حاجه انك تحاولي في كل اللي عجبك لحد ما توصلي


مدونتك جميله قوي ودمها خفيف

سلااااااااااااااااااام

شهد الكلمات يقول...

هههههههههههههههههههه
حصلتلي مرة كنت بعمل سرش عن تفسير قران و جوجل طلعلي اختيارات كتيرة و بفتح بسلامة نيية و اذ بي الاقي مصايب سودا طلعت مش عارفة طلعت منين و دوس علي ال x مافيش الجهاز هنج و ماحطش منطق يظهر من اللي شافه و انا قاعدة في البيت يا نهار اسود لو ماما دخلت ولا بابا عمرهم ما هايصدقو اني كنت بعمل سرش عن تفسير القران ده هايبقي تفسير حاجات تانية

و اخيرا ربنا كرمني اني اعمل ريستارت

ربنا الحمد لله سترها

تحياتي

رفقة عمر يقول...

ازيك كوشيا
دمك شربات ضحكت قوى على حضنك للشاشه
شوقتينى جدا لبقيه حكايات نتاوى
ربنا يوفقك ويكرمك اللهم امين

kochia يقول...

funckydoctor
مرحبا بك .. والحمد لله انك اتعلمت في البيت احسن من الاماكن العامة طبعا

تحياتي

kochia يقول...

الشنكوتي الكبير
شكلك برده حصل لك موقف مشابه
يعني مش لوحدي
انت عارف سمعتي بقي الناس هتقول عليا ايه !!!
هههه

تحياتي

kochia يقول...

شهد الكلمات
ازاي تفسير القران تروح للحاجات دي ؟؟؟
اوعي تكوني كتبتي تفسير بس ؟
المهم انها جت سليمة

تحياتي

kochia يقول...

رفقة عمر
تحياتي لك
المذكرات فيها حاجات كتير اوي بصراحة وبالذات لما اوصل لمرحلة الشات
كانت مرحلة ثرية اوي بالمواقف

وانا مبسوطة انها عجبتك
سلام

صاحب المضيفة يقول...

بجد حتة موقف تحفة


الحمد لله انك عديتي منه على خير

ربنا يرزقك الخير دايما

غير معرف يقول...

شكلها حكايات جامدة قووووى
لسه بتظهرك الصور ولا خلاص
احييك على اسلوبك الرائع الجذاب

kochia يقول...

صاحب المضيفة
اشكرك علي مرورك الدائم وارجو انك تستمتع دائما بمدونتي
المذكرات والموضوعات

تحياتي

kochia يقول...

احمد
اشكرك علي تعليقك
واتمني دائما انك تعلق علي موضوعاتي وتقوللي رايك
والصورة بطلت تطلع .. بس بقي بيطلع حاجات تانية
تابع وانت هتعرف

تحياتي

رحـــــال يقول...

سلام عليكم ..

عديت عالبوست ومن اول كلمة اعرف اذا كنت حاكمله للاخر ولا لا ..

بس بصراحة اتخيلت المنظر وكان حالى كدة ..ههههههههههه

بس اظن دلوقتى الوضع اختلف ، انتى ممكن تكوني بتعلمى الكمبيوتر كمان ..ههه

بالتوفيق وخالى بالك ...

وجرب مرة تموت على كيفك ..

kochia يقول...

رحـــــال
اشكرك علي مرورك ومبسوطة انه عجبك
واتمني تمر مرة تانية ويكون حالك نفس الحال
مع ان مواضيعي كلها مش كدة ههههههههه
واحب اشوف تعليقك برده علي الموضوعات الجاية ان شاء الله

تحياتي

Empress appy يقول...

ههههههههههههه النت بجد اكل دماغنا انا عن نفسى حسه انى طلع ليه لاب توب فى قفايا ههههههههههه

مدحت محمد يقول...

ههههههههههههههههههههههههههههههههههههههههههههه


يالهوى حتة موقف

هههههههههههههههههههه

هلكنى من الضحك
تسالينى ازاى اتعلمت النت والكمبيوتر
اقلك بالصدفة والتجربة والتخبيط

لحد لما اخدت كورس icdl
ابتديت اعرفه كويس

ههههههههههههه
انا متخيلك وانتى حاضنة شاشة الكمبيوتر
ههههههههههههههههههههه
الحمد لله انه عدى على خير

عبده الرايق يقول...

هههههههههههههههه
سترتى البنت اللى فى الكمبيوتر الله يسترك
كويس انها جات على قد كده
ههههههههههههه
بس بجد متخيل منظرك والكمبيوتر مفتوح على الصوره اياها وانتى مخبيه الكمبيوتر بجد منظر يفطس من الضحك
واحده غيرك كانت فضحت الدنيا كانت خلعت بلوزتها وحاولت تلبسها للبنيه اللى فى الكمبيوتر
كانت خلت المصيبه دوبل
كوشيا
اظن انا كده كتبت الاسم صح
انا مبسوط جدا بتواجدى فى مدونتك
وخصوصا بعد معرفتى انكى من السويس
يشرفنى ان اطلب ايدك لمدونتانا فرنسا والرايق والضاحكون
انا بعت لك دعوه للمشاركه على بريدك الالكترونى
ومنتظرين بوست كوميدى او قصه كوميديه او اى عمل كوميدى نثرى بيه المدونه
ملحوظه
****
اوعى تزعلى من حكايه اطلب ايدك انتى عارفه انى بحب اهزر وكمان لسه متأثر ببوستاتك السابقه عن الخاطبه فقلت اكتب حاجه قافيه يعنى نطلبك معانا فى المدونه
على فكره المدونه بها سبعه مساهمين ضاحكين نازلين فى بعضهم قافيه ومحدش بيزعل من حد

lonely يقول...

السلام عليكم
اول زيارة ليكى

هههههههههههههههه
فكرتينى بواحده صحبتى قالت لى عيزاكى تعملى لى ايميل علشان صحابى عندهم وانا معنديش
اسمها اسماء
ماشى يا اسماء عدى عليا ونعمله سوا
والحمد لله انا عندى خبرة فى الكمبيوتر والنت مش اقل من 6 سنين اللهم لا حسد
عارفة ايه اللى بيتفتح لوحده وحاجات زى اللى بتقوليها
وعارفه الالفاظ المقرفه اللى بتتقال جوا الشات
علشان كده الحمد لله بطلت ادخل على الشات (الغرف) من 3 سنين الحمد لله
بعد ماعملنا الايميل قالت لى طيب ازاى اكلم حد
انا بقى فتحت ايميلى وايميلها وبقولها لو حد ضافك تعملى كذا ولو حبيتى تكلمى حد تدوسى على كذا
لقيتها بتقولى طب وانا اجيب ناس اكلمهم منين
اااااااااااه دا انتى نوياها بقى - كلامى فى سرى

بصى فى حاجة اسمها غرف بتدخلى وناس تكلميهم ويكلموكى
طب ادخلى

لا يا اسماء انتى جديدة وانا مش عارفه ممكن نلاقى ايه جوا وهتقولى عليا قليلة الادب ولو حلفتلك 100 يمين انه كلام ماليش دخل فيه مش هتصدقى

لا بس ادخلى ادخلى
طيب بس والله انا مش مسؤولة عن اى حاجة تشوفيها او تقريها

وهوووووووووب
ودخلنا يابنتى على غرفه اسلاميك تحسبا للظروف
ومفيش فايدة
دى اول مالقت جملة من اياهم
ووشها احمر وقالت لى يا نهار مش فايت وبصت لى انا بقى

اسمااااء انا قولت لك ماليش دعوه انا بدخلش عليه اصلا

والله اعلم افتكرت ايه عنى بقى


هييييييييييييييييه ايام

نصيحة : لو فى البيت افتحى والعبى واتعلمى براحتك
اما السيبر فخلى بالك ان ممكن يتاخد عنك فكرة مش اللى هى

ومستنيه الاجزاء الجاية يا جميل
معلش تعليق طويل شوية
سلام

kochia يقول...

appy
اهلا بيكي واتمني انها متكونش اخر زيارة

تحياتي

kochia يقول...

مدحت محمد
اهلا بيك دائما يا مدحت
كلنا جربنا وعكينا في الاول
والحمد لله بقينا بنقول لغيرنا دلوقتي

تحياتي

kochia يقول...

عبده بيه الرايق
اهلا بيك
طبعا انا مبسوطة جدا انك ضحكت دي ميزة بالنسبة ليا
بس الحقيقة انا كنت بستر نفسي مش بستر البنت اللي في الكمبيوتر .. انت عارف بقي الناس هتعرفني وتشاور وتقول دي اللي كانت بتتفرج وانا شكلي محترم وميصحش خالص

---------
طبعا مش زعلانة انك طلبت ايدي بالعكس فرحانة
للمدونة طبعا
ويسعدني ويشرفني اني اقبل
بس الحقيقة المود الكوميدي عندي بيجي مع الوحي .. يعني لو قريت عندي تلاقيني ساعات ببقي جادة ..
لكن انا يشرفني جدا ان اول موضوع كوميدي قادم هيتشرف انه هيتعرض عندكم في مدونة فرنسا والرايق

تحياتي ليك
ولكل الضاحكون

kochia يقول...

fatma
اهلا بيكي في اول زيارة واتمني انها لا تكون الاخيرة
وطبعا بما انك عندي خيرة كبيرة تقريبا اكتر مني بسنة يبقي مريتي بكل اللي انا شفته زيادة سنة
لو كنت انعطفتي في المنعطفات اللي انا مريت فيها واللي شكلت معظم مذكراتي
اما اذا كنت خديها من قصيرها يبقي هتعجبك المذكرات وتبقي جديدة بالنسبة ليكي
وطبعا اي حد بيبتدي بيحب يعمل شات وطريقه هو الغرف
وبصراحة الغرف دي من اسوأ ما يكون
ناس بتشجع بعض علي الغلط بشتي انواعه
انا كمان بطلت الغرف نهائيا بعد فترة
وعايشة علي الرصيد
ههههههههه

تحياتي ليكي واتمني متابعتك
سلام

الربان يقول...

تحياتي

طيب انا ضحكت علي الموقف اللذيذ ..حتي دمعت عيناي....

منظرك وانتي بتحاولي تخبي الشاشة حتي لا ينظر احد الي الصورة...و محاولاتك المستميتة للتخلص من الصورة....

عموما معظمنا حدث معاه نفس الامر و ان اختلفت الصور او النوايا لان البعض
بيكون قاصد فعلا...

الحمد لله جت سليمه...و ان شاء الله خيرها
في غيرها.

تحياتي و تقديري

Unknown يقول...

هل يمكنني دعوتك لمدونتي
تحيتي وأنتظر الزيارة
سأكون سعيد جدا لو لبيت الدعوة
مدونتي هنا
http://kanyatklam.blogspot.com
ولو كانت هذه هي المرة الاولى التي ازور فيها مدونتك فأعدك أن لا تكون الاخيرة أبدا
منتظرك

kochia يقول...

الربـــان
اهلا بيك ومرحبا
واتمني بك زائرا دائما لمدونتي

تحياتي

أحمد بكر يقول...

انا بدور على جوجل مش لاقى الصوره قولتيلى الموقع اسمه ايه
احم احم
بهزر و النعمه
بس بجد انتى عسل اوى

kochia يقول...

كاتب مصري
مرحبا بك
بس مش كنت تقول رايك برده علي ما قراته هنا ولا انت دخلت تعمل اعلان عن مدونتك بس

kochia يقول...

Baker
تصدق واحد قاللي انتي كدة بتعملي الناس يدوروا علي الحاجت دي وعرفتيهم سكتها
بس انا شايفة ان حد وصل للمدونات مر بالمرحلة دي من زمان وعداها

اشكرك علي مرورك ورايك
تحياتي

freedom يقول...

انا درست هندسة و مع هييك تعاملي مع الكمبيوتنر شبه امي.. اي لا يعرف القراءة او الكتابة
و السبب اني ما بحب الكمبيوتر

د. محمد رضا يقول...

ههههههههههههه

قصة تحفه

فكرتيني لما كنت جايب فيلم تايتانك

ومعرفش انه ان كت

وقاعد بقى بعيد عن الجهاز

والعيله كلها بتتفرج من الاول وكمان واحد صاحب بابا

وهوب المعلم عاوز يرسم

طبعا انا جالي شلل رباعي

وطلعت اجري على الجهاز

ونسيت كل حاجه

مفتكرتش الا اني اغمق الشاشه خالص

وشديت الفيشه


تقبلي مروري

kochia يقول...

freedom
=========
اهلا بيك
وواضح انك تعرف كمبيوتر اهو
امال رديت عليا ازاي
دي بقت حاجة طبيعية في الحياة

تحياتي

kochia يقول...

Dr.Hammood
============
اشكرك علي مرورك
وفعلا الواحد كتير بتعرض لمواقف وحشة اوي
بس اهي بتعدي الحمد لله

تحياتي