السبت، يونيو 21، 2008

(1) " kochia" ..... من مذكرات نتاوي


الانترنت ...
عالم كبير.. كان غريبا ..الان اصبحنا نحن الغرباء فيه !!
عالم يحتوينا .. يحيط بنا.. فلا نسطيع ان نري غيره حتي يشيح بوجهه فتري نفسك قد استفقت من حلم
كان اجمل الاحلام او كان اقبح الكوابيس او ربما كان اطرف الرؤي..

وما بين الجمال والالم والطرافة تترسب الذكريات ..ذكريات جميلة او اليمة او طريفة او ذكري تجمع بينهم جميعا
منها ما يجب ان يبقي دفينا عزيزا غاليا طي الكتمان ومنها ما يكتب في دفتر المذكرات وقد اقتطعت لكم بضع قصاصات من هذا الدفتر الاثير الي نفسي وقد كنت قررت انشاء مدونة خاصة لمذكرات نتاوي .. ولكني وجدت انها جميعا .. مواقف وقصاقيص لذلك ضممتها الي
" قصـــاقيـــص"

واليكم القصاصة الاولي …
---------------------------------------------


(1)

.....kochia


هذه هي ( انا )
اسمي...

طبعا في عالم النت اذا كنت قد دخلته للمتعة والتسلية –
كمان كنت افعل انا في بداية دخولي اليه -
لا يجب ان يعلن اسمك الحقي
قي
لابد ان تبتكر اسما اخر او تنتحل اسما اخر!!
ولا ادري لماذا ولكن هكذا قيل لي :

- ( اوعي تقولي لحد اسمك الحقيقي)
- (ليه ؟)
- ( ليييييييييه !!!! انتي اتجننتي ؟ هو كدة وخلاص)
- ( طيب )....

وهكذا ظللت اياما واسابيع افكر في اسم ابتكره او ان او انتحله
حتي استطيع طرق هذا الباب وانا متسلحة بالقاعدة الاولي له :
( اسمي الحقيقي سر حربي ) !!!


وبعد ان اعياني البحث توصلت لهذا الاسم العجيب

"kochia "

الذي ليس له اي معني سوي انه بضعة حروف تشابكت وانتجته
ملحوظة :: الشبكة لها قواعد في قبول الاسماء
اولها واهمها الا يكون مكررا

وقبلته الشبكة الساحرة
التي تتيح لك الاتصال بكل كائن عاقل علي هذا الكوكب
واصبحت رسميا انتمي الي هذا العالم

وسالني الجميع

ما هذا الاسم الجميل ؟
ما معناه ؟
لابد ان له معنا عميقا ؟

وبابتسامة واثقة اكدت للجميع ...
" بالتاكيد له معني

انه يعني ( زهرة ) باللغة الصينية !!!!

لقد كذبت وقتها وقد صدقني الجميع
( لقد كففت عن الكذب الان ).

ولكني بهذه الكذبة طبقت القاعدة الثانية للتسلية عير الانترنت
وهي ...

( لا للصدق )

وبدات احبو في هذا العالم
ولكنني اشتد عودي باسرع مما كنت اتخيل …

,,,,,,Kochia

=================

هناك 32 تعليقًا:

نعكشة يقول...

سبحان الله

زمان لما كنت بدخل انترنت اشيت وبتاع
يخربيت الفشر اللي كنت بفشروا
كنت بحب أألف اي حاجة و السلامة
مرة قلت انا من مصر و ألمانيا و انجلترا إزاي متعرفش
وكانو بيصدقوني ( او بياخدوني علي قد عقلي كنت 14 سنة بقة)

ولما حد كان بيقولي وريني صورتك كنت بجيب اي صورة من جوجل و اهيه و برضو بيصدقوني ( يخربيت الغباء الاصطناعي)

كنت تقريبا في كل حتة بإسم
مرة نرمين
مرة عواطف
مرة امل و و بيصدقوني ( يخربيت الشلل)

انا مش بتفاخر باللي فات لإني عرفت انو غلط و الحمد لله تبت و انبت وعرفت انو مهما كان الكذب من الكبائر
المسلم يزني و يسرق و يعمل كل الحاجات بس ميكذبش
من حقي إني اقول ( مش عايزة اقول ) افضل من إني اقول اي حاجة بالكذب

ومن ساعتها
مبقتش اركز اللي قدمي بيقول صدق ولا كذب
لإني حاطة في مخيلتي إنو ممكن يكون كذاب ( إذا كنت انا كنت كذابة )
وممكن يكون صادق ( ومينفعش احكم عليه انه كذاب بنظرية التعميم )

فمبقتش تفرق معايا
بس للأسف
دة اعدمني الثقة في الناس كلها اللي علي النت
حتى لو حسيت انهم قريبين مني

استمري في قصاقيصك

و سوري عالإطالة


سلامون عليكي

kochia يقول...

لقد تم نقل هذا الموضوع من مدونتي مذكرات نتاوي وقد قررت ان اضمها الي مدونة قصاقيص
وردا علي الاخت رفقة عمر التي علقت عندي في مدونة نتاوي

رفقة عمر
تحياتي لك..
ارجو انك فعلا تستمتعي بالحكايات دي وكلها حقيقية
بس منها الكوميدي ومنها التراجيدي
بس حصلت

تحياتي

kochia يقول...

اهلا نعكشة
ايوة انا عارفة كل اللي بتقوليه
وهتلاقي حاجات كتير في مذكرات نتاوي شبه مواقف حصلت لك
وعلي فكرة لو عندك حكاية حلوة مميزة حصلت معاكي او مع حد من صحابك ياريت تبعتيهالي وانشرها عندي باسمك ونعمل ملف لمذكرات فتاة اون لاين
ايه رايك ؟؟؟

تحياتي

الفارس الملثم يقول...

دايما كل واحد بيبقي الاسم المستعار اول شئ بيفكر فيه واكيد كل واحد ليه سبب في اختياره اسمه المستعار ,طبيعي انا كمان في البدايه مفهمتش معني اسمك

,وبالنسبه للاسم الحقيقي طبعا الولاد عادة ميبقاش عندهم مشكله في الاسم , لكن بعض البنات بيعتبروه سر حربي يرتقي لاسرار انفجار مفاعل تشيرنوبل ..

الاسم الاول بتاعي محمد مثلا ,في كام واحد اسمهم محمد مممممم
ونفس الامر ينطبق علي البنات فلو واحده اسمها نورا مثلا ده ايبين شخصيتها اكيد لا , لكن كل واحد بيضع خطوط حمرا لمعرفة اسراره الشخصيه , فقد يعتبر شخص ان حتي اسمه الاول سري جدا , بينما لا يري اخر في عرض اسمه الثلاثي وكمان صورته اي غضاضه..

اخيرا: ارفض اي مبرر للكذب حتي علي النت , يمكنك ان ترفض الاجابه علي اي سؤال تعتبره خاص لكن لا تكدب

منتظرين باقي القصاصات

تحياتي
محمد

عبده الرايق يقول...

انا سعيد وندمان
سعيد انى دخلت مدونتك الجميله وندمان انا ملقتش فيها اكل ولا ساقع
هههههه
قصدى ندمان ان فى بوستات كتير فاتتنى
على فكره
انا بجد شدتنى المدونه انى اقراها كلها
من اول بوستات الخاطبه وجميله ورشيقه وبيضاء والبنات اللى عايزه رجاله مؤهل عالى دون النظر الى حالته الاجتماعيه
مرورا بسواقين الميكروباص
ولو انكى كده افصحتى عن مكان سكنك
لاننى من السويس وعارف طبعا ان معظم الخطوط اصبحت طوالى وليس لها موقف الا خطوط معينه
مش بقولك الرايق شرلوك هولمز زمانه
ما علينا
كنا بنقول ايه
اه
وصولا الى التدوينه الجديده مذكرات نتاوى
التدوينه دى هى سر قرأتى لكل مدونتك
لانكى جريئه جدا ونظيفه جدا
واول مدونه او مدون تعترف بالكذب
اختى
كوتشيا
كلنا لنا اسماء وهميه
وكلنا يتجمل ليظهر باجمل واكمل قدر بين المدونين
الا ان القليل منا من يقف وقفتك الثابته مع نفسك
الف سلام وتحيه لبنت بلدى
بنت السويس
كوتشيا
بس رجاء من اخوكى الرايق
غيرى اسمك

ادم المصرى يقول...

بوست جميل جدا وفعلا عالم الكمبيوتر كبير وغريب الاطوال ممكن الانسان يحقق كل حاجه عن طريقو اهنيكى على بوستك الجميل

صاحب المضيفة يقول...

أسلوب العرض جميل وجذاب

يارب يجعل أوقاتك كلها على النت في طاعة وعلم يارب


تحياتي الغاليات

جمعاوى يقول...

زهرة بالصيينى ...........!!!!!

مالقتيش الإ الصينى ؟؟؟؟؟

اسلوب أخاذ ف العرض

بوركت يمناك

kochia يقول...

الفارس الملثم
ايوة كل واحد له سبب .. والسبب بتاعي اني جربت 100 اسم تقريبا مفيش ولا اسم نافع لحد ما حطيت ده كدة ولبست في الجون
وهو علي فكرة "" كوشيا "" وليس كوتشيا
ومسالة ان الاسم سر حربي لان المشاكل اللي بتيجي من ورا التعرف علي الاخرين كتير .. والمشاكل طبعا قد تضر البنات اكتر من الرجال بكتير جدا
وعلي العموم انا معرفتش اكذب كتير
وهتعرف كدة في الموضوعات القادمة ان شاء الله

تحياتي

kochia يقول...

مستر عبده بيه الرايق
انا طبعا مبسوطة انك قريت مدونتي ومبسوطة اكتر انها عجبتك
وبالنسبة للساقع احنا هنا بنوزع الساقع بعد الزيارة التالتة لكن انت لحد دلوقتي " زهرات " يادوب لك كرسي تقعد عليه تريح من السلم
ويا سيدي بما انك من السويس يبقي اكيد عرفت مكان سكني .. قوللي جربت تروح عندنا مرة تزور حد ؟؟
اشكرك جدا علي رايك في المدونة الاخيرة وهتعرف في الحلقات الجاية اني فعلا كنت بقف مواقف ثابتة مع نفسي ومع الاخرين كمان وكنت بشرب بعدها
يللا
الحمد لله
علي فكرة
انا اسمي
كوشيا وليس كوتشيا
وبعدين انت قصدك ايه من كوتشيا دي ؟؟
اوعي تكون بتفكرك بحاجة !!!!

تحياتي

kochia يقول...

ادم المصرى
اشكرك علي مرورك وعلي رايك في البوست
وفعلا الكمبيوتر عالم مفتوح وبحر واسع بس للي يعرف يعوم

تحياتي

kochia يقول...

صاحب المضيفة
اميـــــــــــــن

تحياتي

kochia يقول...

جمعاوى روش طحن
بصراحة قلت صيني عشان محدش يدور ورايا
ولا عاوزني اطلع كداااابة ؟؟؟؟
والناس صدقت علي فكرة وكانوا عاوزين يتعلموا صيني كمان
دنيا

تحياتي

(احمد سكر ) يقول...

السلام عليكم
مع اول زياره لمدونتك

اسمحيلى ااقلك انى هبقى زبون دائم
بس مشفناش ولا ساقع ولا اى حاجه يعنى

هههههههه

الشاتنج دا مصيبه ههههه

افتكر مره انى اتعرفت على بنت كانت ف المنتدى بتاعى

المهم قعدت 6 شهور اكلمها عرفت ادق تفاصيل ممكن بنت تقولها لولد
ههههه

وكل مااقلها وريىنى صورتك تقولى حاضر المره الجااايه

وبعد ست شهور كنت انا كمان بحيلها عن همى او فرحى عن ضحكى او بكاايا

ف مره لقيتها مشغلا كاميرا

قلت ادوس افتحها

ممممممممممممممم

تخيلى لقيت ايه

طبعا انا برخامتى اللى شفتيها ف المدونه

هقلك انتظرى الجزء التانى

هههههههههههههه

بعد ماتزورينى تانى

تحياتى

احمد سكر

سوسا ومودى يقول...

هههههههههههههه
لا والناس سدقت أنه أسم ورده بالصينى
أحنا كده على نياتنا أوى
بس أنا أول زيارة ليكى ومدونتك بجد جميله
ربنا معاكى ويوفقك

وأسلوبك شيق بجد يا كوشا
هههههه

kochia يقول...

احمد سكر
وعليكم السلام
ويسعدني جدا انك تبقي زائر دائم لمدونتي
وطبعا البنت اللي كنت بتكلمها طلعت رااااااااجل
علي العموم هستني الحلقة التانية

تحياتي

kochia يقول...

sosa
اشكرك .. وسعيدة بزيارتك جدا
وايوة الناس صدقت .. عشان مش عارفة
يعني الجهل بالشئ بيخلينا نصدق اي حاجة

تحياتي

المستنصر بالله يقول...

الاستاذه كوتشيا
فكرتينى بحاجات كتير بموضوعك ده يارب ست نتاوى هانم مش تكون لسه فاكرهالى
يارب استر
باعتذرلك عن التاخير على ردى عندى ظروف مش ولابد
تحياتى

kochia يقول...

المستنصر بالله
علي فكرة .. انا اسمي كوشيا مش كوتشيا
ثانيا برحب بيك دائما في قصاقيص ويارب مذكرات نتاوي تعجبك
ومن حيث فاكراهالك .. لا انا افاكرة كل حاجة !!!!
وان شاء الله يكون تاخيرك خير دايما

تحياتي

أمل فتحى عزت يقول...

اسعدنى المرور بمدونتك وأتمنى لك التقدم والمزيد من الاهداف النبيلة


كما أدعوك لزيارة مدونتى والتى محتواها


تعالوا نسافر المسافات الى زمن من المحبة لاينتهى


كما أدعوك لقرأة قصتى


(بكل لغات العالم أحبك)

المستنصر بالله يقول...

ياه ده انتى قلبك اسود اوى على العموم مليون دولار مشمشى لنتاوى ومش تجيب سيرتى ولو حصل تتكلم عنى كويس
قولتلك قبل كده كوتشيا ليه معنى عن كوشيا

kochia يقول...

عزيزي المستنصر بالله
سيرتك هتيجي هتيجي .. انا خلاص كتبت الحلقة بتاعتك
وبعدين انت خايف ليه؟
وكوشيا ده له معني بالنسبة ليا انا
بلاش كوتشيا دي بليز
وعلي العموم لو مش عاوزني احط الحلقة بتاعتك ممكن نعلي شوية بالدولات المشمشي

بس علي العموم الموضوع قابل للتفاض لاني مش هنشر قصتك دلوقتي

تحياتي

kochia يقول...

أمل فتحى عزت
اشكرك علي زيارتك وارجو انها لا تكون الالخيرة
واكيد هزور مدونتك .. انا بصيت عليها دلوقتي وحاسة انها ثرية اوي

تحياتي

نعكشة يقول...

نظرية تستحق التقدير

هوه انا مش فاكرة حاجة دلوقيت
بس منكن عقبال ما أخلص امتحانات افتكر
أو بعدها

يلا خيرون خيرون

سلامون عليكي

Tamer Nabil Moussa يقول...

انا شايف ان الانسان لو دحل باسمة عادى مش فيها حاجة ولو كان اول اسم مع اضافة السماء او ارض او انور

المهم هيا امزجة

تحياتى

kochia يقول...

نعكشة
======
مرحب بيكي دايما
ومستنياكي لما تخلصي

تحياتي

kochia يقول...

Tamer Nabil
=============

تحياتي
واحترم رايك طبعا والنت ده مذاهب

تحياتي

غير معرف يقول...

اجمل تحياتى للانسة كوشيا والى الامام دائما فكر متميز اتمنى لك التقدم ودوام الابداع

غير معرف يقول...

جميل انك صادقة تماما .. حتى فى الكذب

احيانا يهيأ لى ان التدوين هو نوع من التحرر .. التحرر كاكلا .. نفسيا وفكريا .. كانها نوبة استرخاء ممتعة لااكثر

على طريقة احسان عبد القدوس .. انا لااكذب ولكنى اتجمل

اسلوبك جميل

kochia يقول...

Sherif

اهلا بيك
وهو فعلا نوبة استرخاء جميلة
تخرج فيها من كل القيود
الي حد كبير

تحياتي

غير معرف يقول...

مدونة جميلة عجبني اوي موضوع دوي الشوارب يا ريت تكتبي كتير عنه ههههههههههههههه

kochia يقول...

غير معرف

من عيوني
واشكرك علي رايك بالمدونة