تاج رقم .. 7

-

مرة اخري تتشرف مدونتي المتواضعة بالاجابة علي تاج ..

وهو ما اشعر معه بالتقارب مع اعضاء عالم التدوين ..

وان هناك اصدقاء حقيقيون قد تعرفهم من خلال الانترنت

وهذا هو التاج رقم 7 حلا

وان كان لدي بعض التيجان الغير محلولة

-

-

ووصل لي هذا التاج من ميرام

صاحبة مدونة اسكت يابني

وهي مدونة لطيفة موهوبة من وجهة نظري ..

لديها رشاقة الكلمات واختلاف الافكار

-

-

اشكرك ميرام

-

-

-

وها هي اجابة التاج

-

-

اسمك ؟

سمـــــاح

-

-

المشهور بيه وسط صحابك ؟

سمـــــاح

-

-

سنك ؟

34 سنة

-

-

اسم مدونتك ؟

قصــــــــــــــاقيـــــــــــــــــص

-

-

مجال دراستك ؟

خدمة اجتماعية

-

-

الصورة الرمزية للمدونة بتعبر عن ايه ؟

دي بتعبر عن شئ داخلي او لحظة حرة مريت بيها من غير قيود

مش عارفة ليه .. بصيت ليها حسيت ان روحها فيها شئ مني لحظة ما

-

-

هل فكرت في اغلاق المدونة ..؟ والسبب ؟

لا ... والسبب برده اني بحس دلوقتي انها كائن مستقل مش من حقي اقتله.. كمان اصبحت شئ جميل من ذكرياتي

-

-

ايه رد فعلك لو حد قل أدبه عليك في التعليق ؟

هضايق شوية ..

لو قلة ادب مسببة .. هرد رد كافي وافي

لو غير مسببة

هعتقد ان سببها مرض نفسي وهمسحها بدون تردد

-

-

أسوأ مدونة ؟؟؟

شفت فعلا كذا مدونة وحشة ..

حسيت اصحابها عندهم كبت وعاوزين يعبروا عن كبتهم هذا ..

وطبعا نسيت اسم المدونات دي

وانا الان مش بتصفح مدونات سيئة لاني معنديش وقت اضيعه فيها

بقرأ اللي بيعجبني بس

-

-

هيحصل ايه للايميل بتاعك لما تموت ؟

هيموت طبعا

-

-

اديت الباسوورد لحد قبل كده ؟

آه ...

-

-

السفر بالنسبالك ؟؟

ممتع .. بس لو مكان بحبه

بحب السفر

-

-

المود بتاعك ؟

هو بيروح وييجي

يعني ساعات هادي جدا .. وساعات عصبي شوية

مزاجية

-

-

بتعمل ايه في وقت فراغك ؟

مابين القراءة والكمبيوتر والتصفح

وممكن مع اصحابي او زيارات عائلية

-

-

الأكلة المفضلة ؟

الاكلة الحلوة تعجبني

-

-

الصفات التي ورثتها من والدك ؟

مالصفات التي ورثتها عن والدتك ؟

انا هدمج السؤالين دول لاني مش عارفة

حاسة اني مورثتش منها صفات واضحة

انا خليط غريب من الاتنين

فعلا

لكن ممكن اقول

عزة النفس

الرضا

-

-

أكتر ست حاجات بتكرههم ..

الخيانة

الكذب

النفاق

( كفاية 3 )

-

-

أكتر ست حاجات بتحبها ؟؟

الليل

البحر

الصيف

( كفاية 3 )

-

-

شخصيتك نوعها ايه ؟

يعني ايه نوعها ايه ؟

نوعها اليف

نوعها عادي

طبيعي

متوسط

معنديش انحرافات معيارية كتير

-

-

لماذا دخلت عالم التدوين ؟

الاول دخلته بسبب الفضول .. حبيت اعرف فيه ايه بالداخل .. ومين قاعد باداخل .. وايه ميزتهم .. وبيفكروا ازاي .. وانا مكونش منهم ليه

وهكذا دخلت

-

-

أجمل كلمة قيلت في وصف مدونتك ؟

انا الحقيقة سمعت كلام كتير كويس الحمد لله

لكن يحضرني الان كلمة قالها احد الاصدقاء

ان المدونة بتاعتي هي اول حاجة بيفتحها علي النت كل يوم الصبح

-

-

أهمية التعليق بالنسبة لك ...؟
التعليق بيحسسني بالتواصل واني قلت كلام مفهوم للاخرين ..

منهم اللي ضحك ومنهم اللي قطب جبينه ومنهم اللي فكر , , , , مهم بالنسبة ليا

-

-

أحسن بوست كتبته وضع لينك ؟
عاوزة اقول كلهم ابنائي بس خليني واقعية انا حاسة اني موضوعاتي بتتنوع بين

قضايا المراة
ومذكرات نتاوي
وشوية خواطر كدة ..

وحاجات من غير تصنيف ..

حاجات اثارت جدل البعض .. رغم ان عجبت البعض الاخر
وبما ان مذكرات نتاوي مشهورة شوية وهي من افضل ما كتبت هقول ان من اكتر الحاجات اللي كتبتها وعجبتني

هي

انوثتي في الميزان

الشجار الاخير

الخلاف والاختلاف

-

-

أفضل بوست قرأته وأفضل مدونة ؟
طبعا اللي يشوف قائمة المدونات اللي عندي يعرف اني متابعة مدونات كتير وحاجات كتير بتعجبني

لكن عشان احدد مدونة واحدة مستحيل طبعا

وان كان عندي حوالي 400 مدونة لكن اللي بيعجبوني في كل موضوعاتهم 20 مدونة مثلا وصعب اكتبهم كلهم
لكن اللي بفضل فاكراه مدة طويلة حاجات قليلة ومميزة جدا بالنسبة ليا
اما البوستات .. فعندما قرات هذا السؤال قفز الي ذهني موضوع كتبته العزيزة

ام البنين

وقد اثر فيا جدا لدرجة البكاء

وهو

رسالة قصيرة

-

-

الانترنت بالنسبالك ايه ؟

بوابة سحرية لعالم واسع جدا يمتلئ بكل شئ

-

-

تمرر التاج لمين ؟

انا حاسة اني اخر واحدة جاوبت التاج ده في المدوات ..

رغم اني بحب اهديها لكن المرة دي بلاش

خليها المرة الجاية

-

-

ســــــــــــــــلام

-

-