الجمعة، فبراير 20، 2009

رسالة الي .... مودم

--

عزيزي المودم

بـــعـــد الـــتـــحـــيـــة
-

من موقعي هذا .. من امام جهاز الكمبيوتر

ذلك الجهاز العتيق العجوز العزيز .. الذي لم يخذلني قط .. ومن امام شاشته العزيزة التي بهتت الوانها .. ومازلت احبها

من امامها اناشدك

اناشدك انه ترأف بحالي وتسمح لي بتصفح الانترنت

ربما تكون غاضب علي َ منذ ان اهملتك واشتركت في تلك الشركة التي توصل الانترنت بسرعة كبيرة

وعاملتك معاملة ( الكلاب ) بعد بعض الايام السوداء التي عشتها معك ..

ولكني احتاجك هذه الايام لوجود مشاكل تقنية بيني وبين الشركة .. انا وانت اصدقاء قدامي ويشهد لنا التاريخ بذلك ..

-

عزيزي المودم

لقد مللت وانا انتظر الثواني والدقائق وانت تعزم علي الدخول الي تلك الصفحات التي اري علامة النت بها تدور تدور وتدور الي صفحة..

(Address Not Found )


كم من مرة اعطيتيني الامل ونزعته مني


كم من مرة تركتك لحريتك لتنوي التصفح لاذهب واشرب كوب من الشاي فاعود واجدك مازلت تسجن نفسك في تلك الارجوحة التي تلف وتلف ولا تقف عن الدوران

لقد اصابني منك الدوار ايها المودم

-

عزيزي المودم ..

ان علاقتنا الوطيدة لسنوات وسنوات تشجعني ان اتسائل

لماذا تفتح احيانا صفحات وصفحات اخري تأبي ان تفتحها

اصدقني القول .. هل ساءك اي شئ في محتوي تلك الصفحات


يعلم الله انني قدر الامكان اغض بصرك النظيف عن كل ما يشوبه من ملوثات وقاذورات لتظل صحيحا قادرا علي التحرك بحرية هنا وهناك ..


ولكني لا اري منك سوي الدوران فالدوران فالدوران

اعلم انك تاخذ موقفا صارما من عدة مواقع


مثل الفيس بوك مثلا

لا اعلم سر الخلاف بينكما ولكن اري اصرارك الحازم علي عدم الولوج اليه بتاتا .. وتضطرني اللي اللجوء لغيرك لاتصفحه


اصبحت اعتقد انك لا تعرف من مواقع النت سوي جوجل هذا الذي ما ان تلجه – بعد عناء – حتي تتشبث به تشبث الغريق بالقشة ..


انه مجرد مدخل يا عزيزي فدعنا نصفح ونستمتع نلهو

-

اما مدونتي العزيزة ..

لقد حرمتني منها اياما وايام

تدخلني اليها مرة .. ومرات تأبي

هل ساءك منها شئ ؟؟

ولماذا تصر علي عدم الدخول الي صفحات التعليقات ..

لم تكن هكذا قبلا ..

-

انني متيقنة ان احدهم جرح مشاعرك الرقيقة ..

وانت علي رقتك وصغر حجمك وصوتك الرقيق

عندما تقرر العناد فلا يستطيع احد ان يثنيك

-

ارجوك اسمح لي ان اتصفح مدونتي يوميا ..

وان ازور قرائي في مدوناتهم

واسمح لي ان اتجول علي صفحات الانترنت هنا وهناك


اعلم ان هناك صفحات تابي ان تطرق لها بابا ..

ولكن .. تنازل من اجلي انا .. واسمح لي بالولوج

من اجل صديقتك التي ولدت علي يديها


انتظر ردك يا عزيزي .. فلا تخذلني


مستخدمتك المحبة

كوشيا

السبت، فبراير 14، 2009

(9) رجل اعمال ..( من مذكرات نتاوي )

-

هدخل بقي في الموضوع علي طول من غير مقدمات

-

كانت ليلة اخري وجهازي العزيز

-

بقيت محترفة ICQ

-

وبالذات لما قفلوا الشات العمومي بتاع ال smn


ضافني شخص يبدو لطيف

35 سنة ورجل اعمال ( علي كلامه ) وعاقل

ومقالش ليا السؤال اللطيف اللي بقت بفهمه " انتي لابسة ايه؟؟ "


مع اني كنت مجهزة الاجابة طبعا ..


ان بقيت ساعات بنتظر السؤال ده عشان اضرب فوق الاعناق بلا رحمة


لكن فلت من تحت ايدي


تعارفنا وكان كلامنا في حدود المهذب والمعقول ..


بعد اسبوع كدة من التعارف


عرف طبعا اني بشتغل في التربية والتعليم

القطاع اللي مالوش دعوة خالص بالدروس الخصوصية


الظاهر صعبت عليه

قاللي:


- مرتبك كام .


(امممممممم ) (مكنتش عاوزة اقول من الكسوف طبعا )

لكن وايه يعني


- 160 جنيه بالحوافز .. غير المكافاة طبعا


(( دلوقتي طبعا بعد الكادر مرتبي زااااااااااد والحمد لله ))

بقيت 440 غير المكافاة طبعا

المهم وقتها كنت

160


- بيكفوكي


- الحمد لله


- ايه رايك في 1000 جنيه في الشهر


(بصراحة توترت )


- ليه وازاي ؟

( يمكن يقصد شغل وانا الذكاء واللماحة بتبان عليا بسرعة )


- تقابليني مرتين في الاسبوع


اقابلك مرتين في الاسبوع يا .....

( طبعا قلت ده في نفسي وانا احضر لستة شتائم لم اشتم بها من قبل )

(الله يقرفكم مليتوا البلد)


قلتله بكل براءة وسذاجة


- اقابلك نعمل ايه ؟؟


- نتكلم


- نتكلم ؟


- اه


- ماحنا بنتكلم اهو .. هنقول ايه جديد


- الظاهر انتي فهمتيني غلط ..

احنا هنقعد في مكان عام ونتكلم كلام عام ومحترم


- وايه اللي يجبرك علي كدة ..

اكيد عندك معارف تشوفهم وتقابلهم


- انا هختصر ليكي الموضوع عشان تفهمي ..

انا كنت اعرف واحدة وسافرت من 3 شهور للخارج

وعلاقتنا كانت محترمة جدا وبنتقابل بس في اماكن عامة وسط الناس

وانا حاسس بفراغ وعاوز اتكلم مع حد مثقف وكويس


- طيب وليه تعرض عليا فلوس ..

مانا ممكن اتكلم معاك من غير فلوس من باب الصداقة


- لا .. الفلوس دي لازم ..

عشان تبقي بتشتغلي عندي ومالكيش اي حقوق عليا

اوعي في يوم تفكري انك تحبيني ولا تتجوزيني

ومش من حقك تساليني في اي حاجة

انا مش عاوز اتكلم فيها

ولا عيلتي ولا شغلي ولا اصدقائي

هم ساعتين في مكان عام انتي تختاريه

مرتين في الاسبوع وبس


( عبيط ده ولا ايه )

( اصبري يا بت يمكن مريض ومحتاج حد يرشده )

مارسي مهنتك بقي وقوليله كلمتين ينفعوه في الحياه )


- بص يا احمد ( كان اسمه احمد )


الصداقة محدش بيشتريها ولا حد بيبعها ..

اي حد من اصدقاءك ممكن يسمعك ويكلمك من غير فلوس


- لا


- طيب ايه رايك انا عندي استعداد اسمعك

لكن من غير فلوس ..

انا مش ببيع صداقتي وكلمتي بالفلوس ..

صحيح مش معايا كتير

بس عشان تعرف الصداقة معناها ايه


( الحقيقة هو مكنش صديق ولا حاجة

بس حسيت انه مسكين ووحيد وحبيت اديله ثقة في نفسه )



لكن الاخ رفض


رفض رفض قاطع وصمم علي مسالة الفلوس


وانا طبعا مش ممكن هقبل حاجة زي كدة ولا هقابله اساسا


(( اكونش صعبت عليه وحب يساعدني )) الله اعلم ..


قاللي انتي حرة

ولعلمك كتير غيرك يتمنوا الفرصة دي

بس انا اختارتك عشان دماغك كويسة


( هو كان شاف دماغي فين )

(ما علينا)


المهم قفل معايا


وبصراحة قلت اكيد بيهزر

وهيتكلم تاني يعتذر او اي حاجة


فص ملح وداب


ابتلعته الشبكة العنكبوتية

اللهم ارحمنا احياءا وامواتا

-

-

ياما فيكي بلاوي يا دنيا

-

-

السبت، فبراير 07، 2009

ســــــؤال ؟؟؟

-
-
هو العيب فينا ولا في الزمان ؟
لو العيب فينا .. نصلحه ازاي ؟
ويبقي خير لو صلحناه
-
-
ولو العيب في الزمان ..
يبقي نرجع ايام زمان !!
-
-
نقف قدام العواصف
ام ننحني ؟
-
-
واذا استمرت العواصف ؟
هل نظل علي الانحناء ؟؟؟
-
-

الأحد، فبراير 01، 2009

الاخــــــــــوة

-
هل نحن اخوة ؟
سؤال طرأ علي ذهني وبشدة وكل يوم الفترة الماضية
-
تساءلت ....
-
هل نحن اخوة ؟
وان كنا .. فما الدليل ؟
-
ام هل نحن لسنا باخوة ؟
وان لم نكن فلماذا ؟
-
ما هي الاخوة ؟؟
من المؤكد ان الاخوة
هي ان نكون من اصل واحد ونشأة واحدة .. عرق او دين او كلاهما
-
والاخوة
هي ان يكون المصير واحد والهدف والامل مشترك

-
والاخوة
هي ان تكون المصالح العليا واحدة
-
الاخوة
هي ان تتمني الافضل لاخيك .. تحبه كما تحب نفسك ..

-
الاخوة
ان تحب لاخيك ما تحب لنفسك
-
الاخوة
ان نزود عن بعضنا الاذي

-
جدير بالذكر ان الاخوة
ان لا نسبب الاذي لبعضنا البعض
-
الاخوة ....
هل الاخوة حقيقة وواقع وفعل
ام هي شعور وكلام وامنيات
-
مش عارفة ليه وانا بفكر افتكرت مسرحية " عفرتو "
لقيت اننا اخوة من برة بس
لكن من جوة .. لا
-
عيوبنا الصغيرة اللي داخل كل واحد فينا
كبرت وكبرت وكبرت حتي تحكمت فينا
واصبحت عيوب شعب
فعيوب دولة
-
حبنا لنفسنا ومصلحتنا علي حساب اخونا
تعاظم وتعاظم واتعدينا كلنا وبقي طبع عادي ومش بنتعجب لما نشوفه
طبع شعب
فدولة
-
غيرتنا من الاخ الذكي
او الاخ الغني
او الاخ المقرب من بابا وماما
كبر كذلك وتضخم ليصبح سلوك شعب باكمله
فدولة
-
اكيد مش الكل .. لكن الا نتفق ان النسبة كبيرة
-
اين الاخوة في تصرفاتنا مع اخوتنا .. مع جيراننا .. مع زملاء العمل
حتي الاصدقاء
اصبحت الغيرة والمصلحة معيار للتعامل مع الاخر ..
مع الاخ
-
اين ذلك الحب النقي الذي يسمو بصاحبه
اين الضحكة التي تستمر علي الوجه وفي القلب
بعد مفارقة الصاحب .. والجار .. والصديق .. والاخ ..
-
هل نلوم دولا وشعوبا هي نحن
وننسي ان نلوم انفسنا
-
فلنبدا بانفسنا
من اليوم
من هذه اللحظة
-
لنصبح اخوة كما يجب ان تكون الاخوة
فعل وواقع وحقيقة
-
لتصبح الاخوة روح وسلوك فينا
لتصبح روح وسلوك وفعل شعوبا
فتصبح روح وسلوك دولة
-
-
هكذا ارجو
-